اهلا باسم ....يعني اسألتك كتيره فعلشان كده انا عايز دره وترمس
س : احمد كمال لما تقعد علي النيل لوحدك في لحظه غروب ايه اللي بيجي علي ذهنك وقتها ؟
انا من الناس الي لما تقعد لوحدها دائما بيدورشريط ذكريات ...
وبفضل الوم نفسي على الاخطاء...وافتكر اللحظات الجميله الي الواحد مر بيها...
واحيانا بسافر لوحدي للمستقبل...
وارسم خطوطه الي بتمناها بنفسي ...
لدرجه اني ممكن اصدق ان الي تمنيته حصل
مجنون
س: و بما ان الحياه تجارب نسالك شويه علي حبه تجارب نشوف انت عملتها قبل كدا و لا لاء
1- جربت السجاير ؟
2- جربت اي نوع من انواع المكيفات قبل كدا ؟
انا بحترم فيك صراحتك قوي علي فكره يااحمد ياريت تجاوب بقي بصراحه علي التجارب دي
بصراحه عمري ما جربتها ولا عمري ما هفكر اجربها...
واعتقد انها اساسا لا تدخل تحت بند " الحياه تجارب"...
ربنا يقينا واياكم من شرورها ...
س: كل منا بيمر بتجارب في حياته احمد كمال اكبر تجربه شايف انك اتعلمت منها رغم صغر سنك بس
اكيد فيه تجربه اثرت فيك و اتعلمت منها كتير ياتري ايه هي التجربه دي؟
اكبر تجربه ممكن تقول اثرت فيا هي تجربه المنتدى...
كونك انك تكون مشرف عام من سن 14 سنه تقريبا ...
وبتشرف على كوكبه من العقول المحترمه والاعمار المختلفه..
اكيد اثر فيا وفي شخصيتي جامد جدا...
وخصوصا ان المنتدى ده تمثيل فعلي للمجتمع ومشاكله
والواحد خلال الخمس سنين الي فاتوا دول
واجه كم كبير من المشاكل والازمات..
وكان لازم يتعامل معاه كويس
علشان اي ضعف او قله حيله " وده منطقي لشخص في سني"
كانت هتبقى ترجمته الوحيده وقوع المكان ده ...
س: ما هي امنيه احمد كمال في الحياه ؟
اعتقد ان اهداف الواحد مش ثوابت بتتغير مع تغير ادراك الشخص...
انا حاليا بتمنى انهي مرحله الدراسه على خير ...
لاني شغوف لصنع مستقبلي بيدي....
س: متي يحتاج احمد كمال الي حضن امه و متي يحتاج الي دعواتها ؟
في كل الاوقات ...
امي دائما سند لي ...
وهي من اقرب الناس الي قلبي ...
س: من هو قدوتك في الحياه ؟
مفيش بردوا قدوه ثابته ..
مع تغيير الوقت والهدف بيتغير القدوه...
طبعا لا يوجد ادنى شك ان الانسان يتمنى ان يأخد من دين وخلق الرسول وصحبه...
ومن دنيا والديه ...
وعلم ونجاح علماء مصريين زي احمد زويل ...
ومن زمن صلاح الدين ...
مقدرش احددلك شخص بعينه.
س: ما رايك في الحياه و بما تشبه الحياه في مخيلتك ؟
الحياه امر واقع...
لازم نعيشه بكل متغيراته وثوابته...
وهي فيها شقين الاول السعاده والتاني الحزن
ومن غير الاتنين متقدرش تحس بالدنيا...
اما الدنيا فهي معركه لهدف اسمى ...
س:احمد كمال في موضوع ميسم ( نقطه ضعفك ) كان ردك نقطه ضعفي ( الاخرين ) ياريت توضيح بس ؟
انا قلت "ضعف الاخرين "..ليس الاخرين كده اوضح صح؟
س:بعد رجوعك لمصر خصوصا ان في استضافتي لك منذ سنتين قلت انك مش ندمان علي المعيشه بالسعوديه
حاليا احمد كمال بعد رجوعه لارض الوطن
1- نفسك ترجع السعوديه تاني ؟
لاء واه ...
اه...لان السعوديه بتمثل لي الاسره الغير المتفرقه والاستقرار الاسري
ولاء...لاني لاقي نفسي في مصر...
2- هل حلم الرجوع لمصر احلي من الرجوع اليها ؟
حلم الرجوع حاجه ....
وواقع الرجوع حاجه تانيه ..
بس الاتنين حلوين..
سواء في فرحتهم او حزنهم..
3- اكتر حاجه نفسك تغيرها في مصر ؟
العقليه الاداريه
4- اكتر حاجه انت سعيد بيها في مصر ؟
شبابها ..
5- اكتر حاجه كانت في السعوديه نفسك تجيبها مصر ؟
النظام
س: في السعوديه اكيد انت مكنتش تعرف بنات لان هناك الاختلاط محدود لما رجعت مصر و لقيت حنفيه الانفتاح و الاختلاط
هل الموضوع دا اثر عليك ؟
اكيد طبعا ...لانه اصبح امامي جزء مؤثر وحيوي في المجتمع ..
لازم اجيد التعامل معاه ..
وبالطبع التعامل معاه غير التعامل مع بني جنسي...
س: رايك ايه في خيانه الثقه و رايك ايه في مشرف يدي الباص بتاعه لحد او يطلع اسرار منتدي المشرفين ؟
بدون تعليق
س:هل توافق بعمل انتخابات لاختيار مشرف عام علي منتدي ابن مصر غيرك خصوصا ان احمد كمال مقصر في واجبه كمشرف عام
هذه الايام ؟
انا فعلا كنت عرضت ده قبل كده على المشرفين وتم رفض الامر!
انا مش ضد اي حاجه تفيد ابن مصر ...
حتى لو كانت على حسابي ..
بس تتعمل صح ..وتتنقذ صح
س: موضوع احمد كمال نفسه يعمله بس بجد مش لاقي كلام بقوه الموضوع ( لو كان فيه يبقي عنوان الموضوع ايه ) ؟
في موضوع كان نفسي اعمله ...
بس استطاع دكتور لونلي انه يكتبه بطريقه ولا اجمل
"طيور مهاجره"
.
س: كلمه تقولها الي الحياه ؟
راضيين
النمط الخطي
