س: احمد كمال العصفوره قالتلي انك مرتبط هل ياتري وجدت فتاه احلامك في ارتباطك ام ان شعورك كان اقوي من تفكيرك و احلامك
و هل تري ان الحب يعترف بالعقل و الكرامه ؟
بجد يا باسم انا مكنتش حاطط تصور لفتاه احلامي...
بس الانسانه الي اتمنى ارتبط بيها ..مثال رائع لفتاه الاحلام
لا يوجد امر لا يعترف بالعقل والكرامه...ولكن كل امر فيه درجه تركيز للعقل تختلف عن الاخر..
واعتقد ان الحب لا بد ان يبدأ من القلب ثم يمر بالعقل ..ليعود مره اخرى للقلب..
اما الكرامه فهي اساس احترام للشخص الذي امامك...وتنازلك عن الكرامه تنازلك عن شخصيتك المستقله.....التي من الممكن ان تحترمها
س: ابوكمال حبيت كام مره في حياتك و هل هناك من جرح قلب احمد كمال من قبل ؟
مره واعتقد انها من الممكن اني اقدر اقول عليها صبيانيه...
وتسبب في جرح بس بصنع يدي اكيد..
بس مقدرش اقول انه جرح في القلب
على قد ما قول انها جرح في اسلوب التفكير والتعامل مع الناس..
تعلمت منها دروس كتير..
س : اصعب انواع الحب من وجهه نظرك و مااقوي انواع الحب ؟
اصعب انواع الحب هو حب الطرف الواحد
واقواها الحب الذي لا ينتظر مقابل
س : احمد كمال العاشق هل هو عاشق قوي ام ضعيف في مشاعره يعني بتعرف تعبر عن مشاعرك كويس
( اوعي تكون خيبه ) ؟
بص يا سيدي انا لم اصل لمرحله التعبير الجهري عن مشاعري امام الطرف الاخر
لسه في البدايه بنقول يا هادي دعواتك معانا
س: طيب في اعترافات عاشق اوصف لنا احساسك في اللحظات دي
* اول مره قلت فيها كلمة بحبك
لسه
* اول مره سمعت فيها كلمة بحبك
لسه
* اول مره عينك جت في عين انسانه انت معجب بيها او بتحبها
كان في كذا فرصه قبل المره دي ..بس مكنتش بكمل..في المره دي لقيت نفسي مكمل لما جت عيني في عينها
وقتها كنت بتمنى ان تكون لغه العيون حقيقه مش خيال..
* اول مره قلت كلمه وحشتيني
لسه
س: لو معجب بانسانه تقولها و لا تستني هي تقولك ؟
انا مش هستنى انها تقولي طبعا..
لكن هستنى لغايه ما اتاكد اني مش هظلمها ولا هظلم نفسي
وان اكون قادر على تحويل الاعجاب ده الي نصابه الشرعي..
س: عندك شجاعه في الحب ؟
انا مقدرش احكم على الموضوع ده دلوقتي بس انا اعتقد اني طالما احسست بالثقه ...اكيد هكون اشجع واقوى انسان في الدنيا
س: الحب حلو ؟ سؤال مش اغنيه هههههه
ميزه الحب انه فعلا بيخلي الانسان يسعى الي " الكمال" ..طبعا مش هيدركه بس بيحاول يوصل لاحسن صوره ..
بينقي النفوس...وكمان بيلملم الاهداف المبعثره في مشروع كبير وجميل ...تخيل بقى لما كمال يسعي للكمال :P
س: احمد قلبك بيأثر قلبك علي حياتك العاديه و لا انت بتفصل بين حياتك العاطفيه و حياتك العمليه ؟
الحمدلله انا قادر على الفصل نوعا ما ..رغم هناك تاثير اكيد بس بحاول ان افصل تماما
لان حياتي العمليه مش ملكي لوحدي ...لانها زي ما هي مشروعي فهي مشروع اهلي..
وفرحتهم عندي غاليه
بالاضافه الي اني زي ماقلتلك ان الحب المفروض انه بيوصل لقدام مش بيرجع ورا
س : احمد كمال و الشطحات الفكريه يعني بما انك شاب و لكل شاب شطحه فكريه ايه اكتر شطحاتك الفكريه في حياتك ؟
انا فعلا كان ليا شطحات كتير فكريه...وده راجع لاني كنت صغير وكنت بدخل النت
وكنت بقرأ صراعات وخلافات كتير في مجال الفكر ...
مش هقؤلك اعتقنت فكر معين ...بس تأثرت بكذا فكر..
واحيانا الافكار دي كانت بتبقى متعارضه..
الفتره دي اثرت بشكل ملحوظ على فكري ..
وخرجت منها بعد تأمل فظيع...
انسان هادئ الطباع غير متسرع في اتخاذ احكام فكريه...
وده ساعدني جدا لما جيت مصر ...
لاني اخدت مرحله التذبذب الفكري كانت مرت نوعا ما عليا
واصبحت اكثر هدوء واقل اندفاع...
س: مؤمن بلغة العيون ؟ و كانت بتمثلك ايه في علاقتك العاطفيه ؟
مؤمن بيها ..وهي حاليا سلاحي الوحيد الي اتمنى ميخذلنيش
والي اتمنى ان اغيره قريب جدا
س : كلمة توجهها لكل العشاق ؟
في اول رد على اعترفات عاشق قلت كلمه اخيره ...هي دي كلمتي
س: ابو كمال غيوووووووووووووووووووووووووووووووووووووووووور ؟ و لو ايوا ممكن الغيره تخليك تخسر حبك ؟
ايوه...ايوه
س: لما تكون في لهفه و شوق اكتر اغنيه بتيجي علي الجرح او المطرب المفضل ليك ؟
يعني مفيهاش حاجه لما تجاوب علي السؤال دا و كل سنه و انت طيب يعني احنا في شهر كريم ربنا بيسامح
خليني معاك..
س : هل البنات اكثر رومانسيه من الشباب ؟
العموم ظلم للجنسين ...
س: مفهومك للرومانسيه ؟
هي التصرفات والافكار الحالمه...والمشاعر الراقيه ..احيانا تسافر بك بعيدا عن ارض الواقع.
موجوده في جميع البشر ولكن بنسب متفاوته...قليل مرضها وكثيرها مرض...
....
)
...
النمط الخطي
