حكايات ذكي وذكيه

ذكــي وذكيــه · 20-10-2005, 01:55 AM

حكايات ذكي وذكيه يوميه او اسبوعيه هنتخيل مواقف من اللي هي بتحصل في حياتنا اليوميه وهناقش فيها قضيه ومشكله عصريه وحكايتنا هتكون فيها رسالتنا يارب تعجبكم حكايتنا وتفهموا قصدنا يااسرتنا

ذكيــه :

السلام عليكم ورحمة الله وبركاته

ذكــي :

بنسلم ونطمن علي صحتكم شبابي وبناتي

وجي احكي لكم انا وذكيه علي جزء من مشكلاتي

ونحكمكم بنا ويالا تعالوا نشوفوا الاتي باااتي اتي

ذكيــه :

والاتي ظلموني في وحقي ما حدا يوافي

اسمعوا وعوا وشوفوا مين فينا اللي العيب في

صمت رهيب بين ذكي وذكيه وعيون رايحة وجايا

ومن ذكي ابتسامه سخريه وذكيه دموعها قاسيه عليا

وقال ذكي :

دخلت حجرت ذكيه لقيتها بسرعه بتقفل تليفونها واشتد عليها جنونها

وصرخت وقالت لي

ذكيه :

تبقي تستأذن فزعت قلبي ((( شكله مش مرتحلي )))

ذكــي :

مالك ياذكيه

ذكيــه :

هحكي لك ما انت اخويا وكل اللي ليا

ذكــي :

احكي احكي قولي علي اللي انت في ومخبيه

ذكيه :

بصراحة يعني ((( واحمرت البنيه ))) أصلي مش عارفه (( ورعشه في صوتها قويه )) خايفة اقولك اصلي طب قولي ان انت مش هتزعل مني اصلي طب يعني (( ودمعتين نزلوا )) وبدءت تتماسك البنيه

والاستاذ ذكي عينو فيها شرار وودانه احمرار والغضب بدء يوصله للانهيار

ذكي :

قولي ياذكيه في ايه انطقي

ذكيــه :

انا اناااااااااا ب ب ب ب ب ب ب ب

ذكــي :

ب ب بتااااايه

ذكيــه :

بحب

ذكي :

ايه مين فين بتقولي ايه بتحبي انطقي مين وازاي وليه وازاي تجرئي تعملي كده عرفيني مين انا هقول لوالدك ووالدتك بتحبي يانهار ابيض انطقي ياقويه يامفتريه ازاي عملتي الحكايه ديا

وياعيني ع المسكينه ذكيه بتبكي بحرقه قويه مهو اخوها من ايام الهمجيه نسي انها انسانه ليها مشاعر وقلب يحس ويدق بحنيه محتاج توجيهه وارشاد بنصيحة مش همجيه

ذكـــيه :

خلاص ياذكي انا اسفة سامحني مش هعمل كده تاني

((( قالت بعد الشرار اللي بان في عنيه وشده ضربه ايديه والخوف انه يحكي لوالديه ))))

((( لكن ايه في نية البنيه مهي بردو بنت محتاجه حب وحنيه ومش عارفه توظفهم مهي لسه صغيره وشقيه )))

ذكــي :

ايوا كده عالم مش بيتيجي غير بالعين الحمرا

ذكيـــه :

وبصوت مش مسموع بينها وبين نفسها

ماشي ياذكي انا هعمل اللي انا عايزاه من غير ما تعرف ومش هصرحك تاني بااي حاجة

وتعلي صوتها وتقوله حاضر يااخويا من عنيا مش هقع تاني في الغلطه ديا

ودي مشكله من مشكلتنا العصريه قسوة الولد ونسيانه الانسانيه بعده عن اخته ميصدقهاش وميوجههاش ويخليها تعمل اللي هي عايزاه من وراه فيها ايه لو بقي اخ بجد صديق بحق يعينها علي نفسها ويساعدها في توجيهه قلبها

حكايتنا وكلمتنا هي رسالتنا ولا ذكي قاسي ولا ذكيه بتحب لكن تخيلوا لو بجد كان ليك اخت وليكي اخ هتقسي عليها؟؟؟؟هتحكي له؟؟؟ ولا هتبقي في خيبه وهمجيه ؟؟؟؟؟؟؟؟؟؟!!!!!!!

ويرجعوا تاني ذكي وذكيه في طبيعيه ويقولوا الكلمه اللي هيا

ذكيـــه :

أنا بنت لازم اكون صريحه مع اهلي واخويا يكون لي صديق ابقي صريحه

ذكي :

وانا ولد شاب أخ اختي نور عيني احميها اسمعها واهديها احس بيها

ذكيــه :

لو بكيت

ذكي :

امسح بايدي دموع عنيكي

ذكيــه :

وتدعي لي

ذكي :

ربنا يحفظك و يحميكي

ذكيه :

غيبتك عندي ذي حضورك معملش ابدا غير اللي يصونك

ذكي:

اتمني اللي يصونك ويكرمك ويهننك

ذكيـــه :

ودي كلمات بسيط عبرت عن ود نتمناه مع كل اخ واخت

ذكي :

ولسه معانا مفاجئتنا وحكايات جديده مش هي دي بس حكايتنا

ذكيــه:

ومليون سلام وتحيه علي اخواتنا وحبايبنا واسرتنا

=BASSEM= · 20-10-2005, 02:23 AM

ذكي و ذكيه

بجد طرح لفكره هايله و بطريقه ذكيه بتفكروني ب................. و هي بتتكلم في المنتدي بالظبط نفس طريقة كلامكم

بس بصراحه نقاش حلو

و احسن حاجه في الدنيا اني معنديش اخت بنت عشان ماوجعش دماغي

اصل البنات دول روشه ووجع نفووووووووووووووووووووووووخ

كان كل شويه الواحد يبقي خايف عليها و حامل همها و يقول

الحقونيييييييييييييييييييييي ي عل رأي حسوني

بس احسن حاجه الصراحه مهما كانت عواقبها بس احسن حاجه الصرااااااااااحه

و بث خلاث

bosy cat · 20-10-2005, 03:35 AM

ايه الروعه دى

الموضوع جميل اوى يا ذكى ويا ذكيه

وطريقتكوا فى طرحه جميله جميله جميله

انا معنديش اخ ولد اكبر منى

بس انا لو عندى كنت هكسبه كصديق

ووالدى رحمه الله عليه قبل ما يتوفى كان خير صديق لى

وحاليا ولاد خالتى الاكبر منى اخواتى واصدقائى الحمد لله

تحياتى لذكى ولذكيه

وننتظر المزيد

bosy cat · 20-10-2005, 03:36 AM

اه واخى الاصغر منى برده صديقى

maysam · 20-10-2005, 10:17 PM

فكرة روعة يا ذكي وذكية

وموضوع يستاهل النقاش
البنت ممكن توقع بالغلط لمجرد انها بتخبي وممكن بنصيحة وتوعية تقدر تتجنب كتير اخطاء في حياتها
ما فيش اجمل من علاقة الصداقة بين افراد الاسرة
وكل واحد فيهم يخاف على التاني ويحل مشاكله من غير قمع ومن غير استعراض عضلات
الخوف دايما بيخلي البنت تعمل اي شيء بالسر بدافع الخوف

امتى ممكن نوصل للمرحلة اللي نكون فيها صريحين جدا مع بعض ، ومحترمين لرغبات وافكار بعض ضمن العيلة الواحدة

اكيد شيء ممكن جدا يتحقق ، بس محتاجين الاول نغير فكر وثقافة وعقل اجيال مش جيل واحد

محمد خطاب · 21-10-2005, 02:14 AM

السلام عليكم ورحمة الله وبركاته

موضوع جميل قوى يا ازكياء

يعنى انا شايف ان الموضوع يستحق ان نتحدث به باستفاضة

اعتقد ان المثل ده دليل على تفكك الاسرة مش مجرد اسلوب غلط فى التربية ... العقلية المتفتحة اكيد مطلوبة بشدة خصوصا الايام ده ... يعنى الزواج العرفى المنتشر بشدة جدااااااا بين الشباب والفتايات بلا خوف من عواقب ستحل عليهم ولا من ذنب عظيم

دموع الندى · 21-10-2005, 02:57 AM

بصوا يا جماعه الصراع بين الاجيال سيظل قائما مدى الحياه حتى الجيل اللى بعدنا احنا هنكون مش متوافقين معاه

اما بالنسبه للاخ فدا بقى لان كل واحد فاكر ان اى حد غيروا يبقى ولد مش كويس ومش محترم وبيلعب بمشاعر اختوا ودا الى اتربى عليه ان ازاى اختوا تقولوا كده وهو يسكت هو مش راجل ولا ايه مخهم يعنى ما شاء الله كبير جدا الحمد لله مش عندى اخ كبير بس عندى اخ صغير افظع يعنى بس عندى بابا والحمد لله ناصرنا

yasmina · 22-10-2005, 12:33 AM

السلام عليكم ورحمة الله بركاتة

انا بصراحة نفسى اعرف مين هما زكى وزكية

والموضوع باين من عنوانة

ان كل عضو يدخل يقول ويخمن

مين العضو اللى

بيجسد شخصية زكى وزكية

لحد ما العضو الحقيقى

يظهر ويعترف

وانا عن نفسى بخمن انة واحد من الاتنين

يا ابراهيم .....

يا هاف ماجيك........

وانا شاكة فى واحد من الاتنين تقريبا هو ...............

ذكــي وذكيــه · 22-10-2005, 01:57 AM

باسم عمار :

بجد طرح لفكره هايله و بطريقه ذكيه بتفكروني ب................. و هيبتتكلم في المنتدي بالظبط نفس طريقة كلامكم

ذكي وذكيه :

مش مهم بتفكرك بمين ياباسم المهم ان الفكره عجبتك وطريقة الطرح كمان

باسم عمار :

احسن حاجه في الدنيا اني معنديش اخت بنت عشان ماوجعش دماغياصل البنات دولروشه ووجع نفووووووووووووووووووووووووخ

ذكيه:

ايه بس ياباسم دي البنات نعمه مهو انا بنت اهوه ومفيش أي حاجة ولا اخويا قرب يتجنن مني ولا امي وابويا شايلين همي ولا حاجة خالص المشكله كلها ان اللي معايا دايما قلقانيين متعرفش اية السبب

باسم عمار :
بس احسن حاجه الصراحه مهما كانت عواقبها بس احسن حاجه الصرااااااااااحه

ذكي وذكيه :

جبت المهم ياباسم هي فعلا احسن حاجة الصراحة

ذكي وذكيه علي جنب بيتوشوشو

ذكيه :بقولك ياذكي

ذكي :خير ياذكيه

ذكيه :تفتكر باسم عرفني ولا بيخمن

ذكي :حتي لو عرفك باسم جدع ومش هيتكلم

ذكيه :ربنا يستر ياذكي

ذكي : يالا كفايا كده لحسن حد ياخد باله وتعالي نشوف البوسي كات بتقول ايه

ذكيه :

اوكي ياذكي انا هشوفها بتقول ايه

ازيك يابسبوسه عامله ايه ؟

مبسوطين ان الموضوع عجبك بس بتقولي بس بس اسه يابوسي

بوسي كات :

بس انا لو عندى كنت هكسبه كصديق

ذكيه :

بوسي ممكن تقولي لي بالفرض كنتي هتكسبيه ازاي ؟؟

كملي يابوسي كنتي بتقولي ايه تاني

بوسي كات:

ووالدى رحمه الله عليه قبل ما يتوفى كان خير صديق لىوحاليا ولاد خالتىالاكبر منى اخواتى واصدقائى الحمد لله

ذكيه :

الله يرحمه ويكرمك يابوسي ويخلي لك ولاد خالتك واصدقائك ويكون فيهم خير وتحياتنا ليكي يابوسي

ذكي :

استني ياذكيه دي بتقول اخوها الصغير

بوسي كات :

اه واخى الاصغر منى برده صديقى

ذكيه :

ربنا يحفظه يابوسي وتكونوا دايما اصدقاء واخوات متفاهمين

يالا يابوسي تعالي معانا نشوف ميسم بتقول ايه

ذكي وذكيه :

بتقولي موضوعنا ماله ياميسم

ميسم:

موضوع يستاهل النقاش

ذكي :

بتقولي البنت ممكن يجري لها ايه

ميسم :

البنت ممكن توقع بالغلط لمجرد انها بتخبي وممكن بنصيحة وتوعية تقدر تتجنب كتيراخطاء في حياتها
ما فيش اجمل من علاقة الصداقة بين افراد الاسرة

ذكيه :

طب يعملو ايه برأيك ياميسم

ميسم :

كل واحد فيهم يخاف على التاني ويحل مشاكله من غير قمع ومن غير استعراض عضلات

ذكي :

طب والخوف ياميسم بيعمل ايه

ميسم :

الخوف دايما بيخلي البنت تعمل اي شيء بالسر بدافع الخوف

ذكيه :

قلتي اللي عايزه اقوله ياميسم

امتى ممكن نوصل للمرحلة اللي نكون فيها صريحين جدا مع بعض ، ومحترمين لرغبات وافكاربعض ضمن العيلة الواحدة

ميسم :

اكيد شيء ممكن جدا يتحقق ، بس محتاجين الاول نغير فكر وثقافة وعقل اجيال مش جيلواحد

ذكي وذكيه :

اكيد ياميسم ممكن يتحقق بس التغيير نأمل ذلك

مشاركاتك دايما ياميسم في الصميم وتعطي الموضوع شكل ولون تاني خالص ممكن روز في ابي علشان دي الوان حلوه ومبهجه

ماتيجوا نعمل ذي باسم ونعود بعد الفاصل مع محمد ودموع وياسمينا

ذكــي وذكيــه · 22-10-2005, 02:20 AM

ذكي :

باسم ممكن يضربنا علشان بنعمل ذيه وقلنا عدنا

ذكيه :

تعالي الاول نرد السلام علي خطاب

وعليكم السلام ورحمة الله وبركاته

ذكي :

بتقول شايف ايه يامحمد

محمد خطاب :

انا شايف ان الموضوع يستحق ان نتحدث به باستفاضة

ذكيه :

اتفضل يامحمد اتحدث وقول اللي انت عايز افيض يااخي

محمد خطاب :

اعتقد ان المثل ده دليل على تفكك الاسرة مش مجرد اسلوب غلط فى التربية

ذكي :

طب والمطلوب عقليه ايه ؟؟

محمد خطاب :

العقلية المتفتحة اكيد مطلوبة بشدة خصوصا الايام ده ... يعنى

ذكيه :

يعني ايه يامحمد

محمد خطاب :

يعنى الزواج العرفى المنتشر بشدة جدااااااا بين الشباب والفتايات بلا خوف من عواقبستحل عليهم ولا من ذنب عظيم

ذكي :

جميل كلامك يامحمد

لكن عاوزين المناقشه باستفاضه

ذكيه :

الحق ياذكي دموع الندي بتقول صراع تعالي نشوف صراع ايه

دموع الندي :

بصوا يا جماعه

ذكي :

باصين يادموع الندي خير في ايه

دموع الندي :

الصراع بين الاجيال سيظل قائما مدى الحياه حتى الجيل اللى بعدنا احنا هنكون مشمتوافقين معاه

ذكيه :

اجيال ايه يادموع الندي اه تقصدي فرق السنين بين الاخوات بس المشكله هنا تحكيم رأي الولد وفرض رأيه وعدم فهمه لاخته وحياتها وطبيعتها

طب بالنسبه لاخوكي

دموع الندي :

اما بالنسبه للاخ فدا بقى لان كل واحد فاكر ان اى حد غيروا يبقى ولد مش كويس ومشمحترم وبيلعب بمشاعر اختوا ودا الى اتربى عليه ان ازاى اختوا تقولوا كده وهو يسكتهو مش راجل ولا ايه مخهم يعنى ما شاء الله كبير جدا الحمد لله مش عندى اخ كبير بسعندى اخ صغير افظع يعنى بس عندى بابا والحمد لله ناصرنا

ذكي :

طبعا أي اخ بيخاف علي اخته لازم يكون كده اضمن منين ان الشخص ده هيحافظ عليها انا كويس بحافظ علي بنات الناس لكن غيري معرفهوش

ذكيه :

سيبك منه يادموعي الندي ولو اني عاوزة اقولك ندي بس

ده ولد ذي أي ولد فاهم ان هو الملاك الوحيد ده طبع ومش الكل متفاهم

ربنا يحفظك ويحفظ باباكي وينصرك بالخير دايما

الحقي ياندي ياسمينا عماله تخمن وفهمت الموضوع غلط

ياسمينا قولي لنا ايه اخبار اخوكي معاكي بيفهمك ولا ايه ؟

سيبك مين ذكي ولا مين ذكيه علشان انتي بتخمينك بعيده خالص عن الشخصية الحقيقية

سعداء جدا بمشاركتكم وتخميناتكم

ولسه منتظرين المزيد

ولسه لحكايتنا كتير

ومفاجئتنا ملهاش مثيل

=BASSEM= · 22-10-2005, 02:52 AM

هو اهم حاجه ان انتوا كلامكم زي السكر

مش مهم ان انا عرفتكم

بس بجد ربنا يوفقكم

و سلملي علي سياسه و اقتصاد يا .............

ذكي بس هو اللي هيعرف

ذكيه مش هتعرفها

bosy cat · 22-10-2005, 08:35 AM

إقتباس: