25 قــــاعــدة ذهبية حتى تكون شخصية مغناطيسية

[محمد خطاب]

1- سلم على من تعرف ومن لا تعرف .
2- ادع الناس بأحب الاسماء اليهم .
3- تهادوا تحابوا .
4- حاول ان تنسى .
5- لاتكن كالذبابة .
6- من تتبع عورة اخية تتبع الله عورته .
7- فبما رحمة من الله لنت لهم .
8- رضا الناس غاية لا تدرك .
9- اذا اردت ان تطاع فأمر بالمستطاع .
10- من حسن اسلام المرء تركه ما لا يعنيه .
11- اذا غلا شئ علي تركته .
12- احذر من سوء الظن بالناس .
13- المناسبات الاجتماعية فرص نفيس فأغتنمها .
14- احرص على مراعاة الاذواق .
15- من يوق شح نفسه فهو من الفائزين .
16- دع الطرف الاخر يظن ان الفكرة هي فكرته .
17- اتقن فن السؤال .
18- اخلع النظارة السوداء .
19- ترفع عن ما في ايدي الناس تكن محبوبا لديهم .
20- لاتنفخ البالون فتنفجر .
21- اكـسب الجدال بأن تتجنبه .
22- لا تكن لؤاماً .
23- زر غباً تزدد حباً .
24- لاتشغل المشغول .
25- تعلم فن صناعة الالقاب .

منقول

ياجماعة رقم 23 انا مش عارف معناها ياريت لو حد يعرف يقولى

لا اله الا انت سبحانك انى كنت من الظالمين

[bosy cat]

مواضيعك جميله يا محمد


جزاك الله كل خير




بس يا محمد الطبع يغلب التطبع







مشكور على الموضوع الجميل ده

[maysam]

اهلا يا محمد

وشكرا على النصايح الحلوة والمفيدة

بس بالنسبة للنقطة (1) يمكن صعب الواحد يمشي ويسلم على كل الناس ، اللي يعرفه واللي ما يعرفه ، عشان بعض الناس ممكن تفهمه غلط وممكن يكون فيها احراج

النقطة اللي انت مش فاهمها معناها ، انه الانسان لازم يباعد بين اوقات الزيارات ، عشان يبقى محبوب

يعني مش كل يوم تروح تزور نفس الشخص لما يزهق منك
لازم تكون خفيف يعني ومش تقيل وتكون الزيارة وقتها قصير مش تسكن عنده

[bosy cat]

تسلمى يا ميسم



انا كمان الصراحه مكنتش عارفه معناها



تحياتى ليكى

[محمد خطاب]

مواضيعك جميله يا محمد

شكرا ليكى الاجمل هو مرورك عليها

جزاك الله كل خير

وجزاكى الله خيرا كثيرا مباركا فيه

بس يا محمد الطبع يغلب التطبع

مش حعترض كتير على الجملة ديه بس حقول ملحوظة يعنى ان الانسان بيتعلم اكيد ولو طبعه بيغلط كتير يبقى لازم يتعلم .. عن نفسى انا بتعامل مع الناس بالفطرة كده اهوه يعنى مش بحسب كتير فى دماغى قبل ما اتكلم بحب اقول اللى فى بالى فى حدود شرع الله وفى حدود الادب والذوق يعنى

مشكور على الموضوع الجميل ده

ربنا يحفظك يارب ويكرمك ويوفقك

[محمد خطاب]

اهلا يا محمد

اهلا ميسم بقالى كتير قوى انا وانتى لم نتقابل فى موضوع

وشكرا على النصايح الحلوة والمفيدة

ربنا يحفظك يارب ويكرمك الشكر ليكى انتى انك نورتى الموضوع

بس بالنسبة للنقطة (1) يمكن صعب الواحد يمشي ويسلم على كل الناس ، اللي يعرفه واللي ما يعرفه ، عشان بعض الناس ممكن تفهمه غلط وممكن يكون فيها احراج

هو انا معاكى شوية فى النقطة ديه انا برضه ححرج جدااااا انى اعمل كده بس فيه ناس اعرفهم معايا فى الشركة بيسلموا على اى شخص يقابلوه فى الممرات بتاعة الشركة وعادى يعنى انا بقصد ان فيه ناس بتنفذ النصائح وبتعمل بيها وعلى فكرة موضوع السلام على الناس ده اعتقد انه للرجال مع الرجال والنساء مع النساء والله اعلى واعلم ... وطبعا موضوع السلام ده بيكون نوع من انواع الكياسة وبيولد قبول لدى الاخريين

النقطة اللي انت مش فاهمها معناها ، انه الانسان لازم يباعد بين اوقات الزيارات ، عشان يبقى محبوب

شكرا على الايضاح يا ست الكل عارفة يا زهرة احيانا بقف عاجز عن تفسير بعض الكلمات العربية

يعني مش كل يوم تروح تزور نفس الشخص لما يزهق منك
لازم تكون خفيف يعني ومش تقيل وتكون الزيارة وقتها قصير مش تسكن عنده

ايه فيه ايه بقى يا ميسم
مش انا يا ستى اللى حروح ازور حد وانا مالى انا بس بسئل عن معنى الجملة وخلاص
وبعدين انا مش بزور حد غير احمد انسان هههههههه وزهق منى الراجل

شكرا ليكى يا زهرة ابن مصر على تشريفك موضوعى

[Half-Magic]

الف شكر لك يا محمد على الـــ 25 نصيحة كلهم عجبونى ... خاصة ( لاتنفخ البالون فتنفجر و اتقن فن السؤال )

الف شكر لك مره أخرى يا محمد

[SOKA]

الف شكر يا محمد

واكتر واحده عجبتنى

16- دع الطرف الاخر يظن ان الفكرة هي فكرته .

وه نوع من التواضع

بس بلاش مغناطيسيه الحديد غالى اليومين دول

[محمد خطاب]

المشاركة الأصلية بواسطة Half-Magic

الف شكر لك يا محمد على الـــ 25 نصيحة كلهم عجبونى ... خاصة ( لاتنفخ البالون فتنفجر و اتقن فن السؤال )

الف شكر لك مره أخرى يا محمد

اهلا يا محمد

الشكر ليك انت يا جميل على حضورك ومرورك

خالى بالك بقى من البلونة ياباشا احنا داخلين على العيد

[محمد خطاب]

الف شكر يا محمد

الشكر ليك يا باشا على مرورك

واكتر واحده عجبتنى
16- دع الطرف الاخر يظن ان الفكرة هي فكرته .
وه نوع من التواضع

كويس انك اختصيت واحدة عجبتك من النصائح
المهم يا ترى حتعمل بيها ولا ايه الموضوع

بس بلاش مغناطيسيه الحديد غالى اليومين دول

ياريت كان مغانطيس حديد كنت خليت احمد عز يفلس فى 3 ايام

شكرا ليك يا باشا على مرورك الجميل

[sehr_3inik]

ميدوووووووووو

تسلم يا قمر على النصائح

وبجد كلهم اجمل من بعض

19- ترفع عن ما في ايدي الناس تكن محبوبا لديهم



سؤال على قد فهمي

23- زر غباً تزدد حباً


ايه غبأ دي ؟؟؟؟؟

بجد مش وصلتلي بس حساها جميله وحقيقيه

تسلم ايدك يا ميكو بيك

من اختك في الله شوشو