العيد جه
ولازم الكل يكون سعيد
رمضان خلص
زعلان
معلش
أدعى إن ربنا يتقبل منك وعاهد ربنا إنك تكون أحسن
لكن العيد جه
ولازم تكون سعيد
طيب سعيد إزاى يعنى يا أريج؟؟؟
أنا نازل أسهر مع صحابى
وأنا ناوية أعمل ......
وأنا ناوى....
بس أستنى
مرة واحدة كده من صيام وقيام
نقوم ننسى
أيه رأيكم نتفق سوا
إننا نصلى ولو ركعتين بس فى الثلث الأخير من الليل
يوه ه يا أريج أنتى هتعقدينا.؟؟؟؟
لأ طبعا
بس تخيل كده ربنا نزل فى الثلث الآخير
ولقى جزء مننا بيصلى
وبيدعى ربنا يتقبل منه ويسامحه
وجزء تانى خلاص منشغل
أيه رأيك أنت
طيب
كأنك بالضبط بتقول
رمضان خلص يارب
بس عبادتى زى ما هيا
رمضان خلص أنا زعلان صحيح
بس لازم أفرح
وبرضوا يارب مش هنساك وقت فرحى ولو بركعتين بالليل
مين معايا................؟؟؟؟
كل عام وأنتم بخير يا أعزة
جعل الله أيامكم أعيادا
__________________
إنى أبثــك من حديثى ** والحديث له شجــــــــون
غيرت موضع مرقــــدى ** يوماً فنافرنى السكـــــون
قل لى فأول ليـــــــــلة ** فى القبر كيف تُرى تكون؟
جزاكى الله خير الجزاء لابد ان يكون العبد عبدا ربنيا ولايكون عبدا رمضانيا يتنزل الله عز وجل فى كل ليله فى الثلث الاخير من الليل ويقول هل من مستغفر فأغفر له هل من تأب فأتوب عليه هل من سأل فأعطيه فكيف نترك هذا الخير كله أسأل ربى أن يثبتنا على طاعته وأن ييغفر لنا تقصيرنا
جزاكى الله خيرا وجعل هذه التذكره فى ميزان حسناتك
كل سنة وانتى طيبة يا اريج
ان شاء الله كلنا معاكي
ركعتين مش كتير وبرده ماننساش الشفع والوتر
وهاتقل عليكم شوية وهاقولكم حافظوا على ختم القرآن كل فترة حسب ظروفكم
فيه ناس تختمه كل اسبوعين وناس تختمه كل شهر وناس كل شهرين المهم اننا نختمه
المهم لما ييجي قضاء ربنا تقابله وانت عايش مع كتابه كل يوم
جزاك الله عنا كل خير يا اريج
ღمن شعاع الشمس ناداني وبقي في الذكري كياني مازال يحتوية حناني ومازال النيل عنواني ღ
النمط الخطي
