رساله الى مشرفنا العام وصاحب منتدى ابن مصر /أحمد كمال
ايه ده اغيب يومين ارجع الاقى ده كله حصل؟
مشرفنا العام كمال
لو كنت قدحت زناد فكرى زى مابيقولوا وتفننت فى الرد على
الموضوع اللى ضايق سيادتك جدا مكنتش هاقدر اكتب زى
ماحضرتك تفضلت وكتبت
فعلاا ..فشكرا لك
بس عاوزه اقول كلمه لحضرتك
انت عارف اننا هنا مش فى منتدى ابن مصر ... لااء احنا
هنا فى
عالم ابن مصر
عارف طبعا سيادتك يعنى ايه عالم ابن مصر ؟
يعنى بنقابل هنا ناس مختلفه.. من جنسيات مختلفه... من
بيئات
مختلفه ...وطريقه تربيه وتفكير مختلفين... وموازين
ومعاير
للصح والغلط مختلفه لكل منهم
ووارد جدا ان يحدث ماحدث
وانت عارف ياما مر علينا اكتر من كده كمان ولاننا مشرفين
كنا بنتحمل... وساعات كتير كمان بنيجى على نفسنا وعلى
بعضنا
انت عارفنى كويس كمال.. معرفش ازعل اكتر من تلات ثوانى
فقط
ليه مش اكتر من تلات ثوانى؟؟
لانى بعد التلات ثوانى دول بأكون نسيت انا زعلت ليه
اصلا ومن ايه؟ ومين هو اللى زعلنى؟
انا بالنسبه ليا مافيش اى حاجه فى قلبى والله.. كل اهل
البيت
اخواتى من اصغرهم لاكبرهم ومن احدثهم لاقدمهم
مكنش فى اى داعى لتعب حضرتك بالتدخل فى الموضوع لانه مش
مستاهل تدخل المشرف العام و بنفسه
الموضوع بسيط جدا وعادى ان يحدث هذا بين الاخوات وبين
ابناء البيت الواحد
دى ظاهره صحيه جدا مشرفنا العام
مشرفنا العام كمال
حضرتك تعلم جيدا ان من صلاحيات منصبى (كمشرف عام) انى
استطيع الرد على كل المواضيع و التدخل فيها سواء بالحذف
او التعديل
واستطيع ايضا الرد على المواضيع حتى لو كانت مغلقه
لكن
لما يكون مشرفنا العام كمال هو اللى قام باغلاق موضوع
وبنفسه
يبقى مش من الادب او الاحترام انى اقوم بالرد على نفس
الموضوع
عاوزه اقولك انى باحترم سيادتك جدا ومعجبه جدا بطريقه
تفكيرك و حسن ادارتك لمنتدى عريق زى ابن مصر بكل تلك
الكفاءه بالرغم من صغر سنك
الذى لم يتجاوز العشرين بعد
ومراقبتك لكل صغيره وكبيره تحدث فى المنتدى حتى لو من
وراء ستار لأطمئنانك ان كل الامور تسير على خير مايرام
اتوقع لك مستقبل باهر مشرفنا العام باشمهندس احمد كمال
رساله الى بكار
==============
الله عليك.. وعلى كلماتك الرائعه لى فى يوم ميلادى
والله هوستنى كلماتك فعلا
انا مش من طبعى اهتم بالكلمات الحلوه لى ..الا لو حسيت
بصدقها
ولانها من قلب صادق دخلت قلبى على طول
من جمال كلماتك عملتلها برنتر من بعد ماكبرتها ولونتها
وورتها
لجوزى
قلتله شوف اخويا الصغير بيحبنى قد ايه ؟
ربنا يخليك لمايا يارب ياابراهيم
التهنئه مش متاخره ولا حاجه انت عارف ان ميلادى فى
الربيع .. والربيع طويييييييييييل وكله اعياد جميله
وورود
وازهار
كلك ذووق والله
ميرسى خالص على تهنئتك لاختك
عقبال ماهنيك يوم نجاحك بتفوق ان شااء الله
رساله الى ابو الدهب
===================
اهلا اهلا دهبى
ازيك انت ياابو ماياا ياغالى ؟
وانت طيب ياأحمد
ربنا يخليك لمايا ياارب
رساله الى محمد نصار
========================
كلمتنى انك عاوز تشارك على موضوع يوم ميلادى ووجدت
الموضوع مغلق
افتح موضوع جديد مايا ؟
قلتلك لااء مش مستاهله
تهنئتك وصلت خلاص
ميرسى خالص نصارى اقرب الناس لقلبى على ابن مصر واخويا
الصغير جدا
وكفايه تهنئتك اللى وصلتنى كمان عبر الميل واللى لسه
شيفاها حالا
ربنا يباركلى فيك
والف مبروك على الانتهاء من الفحص
عقبالى انا كمان دعواتك نصارى.. عندى تلات مواد التيرم
التانى مطلعين عنياا
هاتأخر عنكم حوالى تلات اسابيع بسببهم
لكن هادخل بعد مااقضى عليهم تماما
هايكون عندى بعد كده شغلى العملى فقط
وده بيكون عندى وقت فيه انى ادخل المنتدى واطمن عليكم
واشارك معاكم
ميرسى كمان مره اغلى نصارى
رساله الى احلى زهرة فيك ياابن مصر
======================
بتوحشينى دايما والله ...وهاتوحشينى اكتر لما اغيب
لامتحناتى
لما بادخل هنا بادور عليكى
قلقانه عليكى انك غايبه اهو من كام يوم حسب اخر مشاركه
لكى
بأبقى عاوزه اطمن عليكى وعلى اخبارك
انتى انسانه لطيفه جدا وروحك حلوة خالص ومرحه ولكن بأدب
ملتزمه ولكى حدود وحواجز فى التعامل مع الجنس الاخر
بالرغم انهم جميعا هنا اخواتك
يالرغم ان سلاحك هو القلم والكلمه لكن عمرك
مااستعملتيها الا فى الخير لان قلبك ناصع
وهذا مايعجبنى جدا فيكى
اخلاقك والتزامك عجبنى جدا
بلاقى فيك شبه منى كبيير وكأن دى مايا فعلا
خليكى كده احلى
حدوته... نسمعها فقط ولا نجرؤ حتى على
تخيل شكلها
خليكى كده زهره جميله لا يستطيع احد لمسها ولكن تنشر
عبقها
على الجميع
بحبك فعلا ...واتمنى لك كل التوفيق فى حياتك
رساله الى جميع اخواتى هنا
=======================
ميرسى خالص لكل اللى هنأنى بيوم ميلادى على الموضوع
وباهدى له ورده
وميرسى خالص لكل اللى ظروفه منعته انه يحتفل معايا بيوم
ميلادى وبأهدى له وردتين
كل سنه وانتم جميعا بألف خير وسعاده
دعواتكم ليا فى امتحاناتى.. جزاكم الله كل الخير
النمط الخطي
