رساله الى سنو وايت
الحمد لله يا بنتى
والله انا بدات اصدق انه فيه حاجه بالجو اصابتنا او على الاقل كتير من اصدقائنا بحاله من الضيق
معلشى هوه وقت وان شاء الله بيعدى على خير
وبعدين تعالى هنا .......امال احنا لازمتنا ايه لو مش وقنا جنب بعضينا ......
وحبيت اقوللك مرسيه ليكى كتير وانتى عارفه ليه
وبلاشى فضايح
الانسان بيتعرف وقت الازمات
عايزه اقولها كل سنه وانتى طيبه
واقولها كمان
وحشتينى قوى يا حبيبتى
كان نفسى تكونى معانا دلوقتى.......زى كل سنه ونعمل حفله كبييييييييييييره خالص وانا اللى اعمل التورت اللى عموا وكل الموجودين بيتريقوا عليها
بس بياكلوها فى الاخر
وحشتينى قوى يا مريم
يااااااااااااااااااه
وحشتينى قوى
يا رب ترجعوا بسرعه
انا زهقت من الغربه اللى بتفرق بينا
لما سمعت صوتك ........
يا ريت تنزلى مصر
صعب قوى نكون مش معاكى دلوقتى
وحشتينى
لما بشوف اى بنوته بشوفك فيها..مين اللى حيتصور معاناو احنا بنطفى الشمع
كان نفسى قوى تكونى معانا دلوقتى.........والله وحشتينى
يا ريت الدموع كانت بترجع كل غايب عن اهله.....عايزاكى معانا ونتفرج على سبيس تون واغلس عليكىونتخانق على التلفزيون ....ياه
بقى كل ده ذكرى؟
مريم
كل سنه وانتى طيبه وعقبال العمر كله تعيشيه بسعاده وانتى مبسوطه وبتلعبى دايما
وحشتينى جدا يا خالتو....مش عارفه اقوللك اد ايه
بس مش قدرت اكمل كلامى معاكى .....كان صعب عليا انى اقوللك اعملوا عيد ميلاد مريم ....حاولت والله انى اتماللك دموعى لكن غصب عنى
ايه اللى بعمله ده؟
الموضوع كان رساله
بس هيه دى رسالتى لاغلى الناس عندى..........ربنا يرجعكم بالسلامه
النمط الخطي
