رسالة الى....

[عتاب]

رسالة الى ..........
الف مليون مبرووووووووووك
ربنا يخليهالكم

[Honey1900]

رسالة الي

ههههههههههههههههههههههههههه

طلعت اوت المرة دي

[duha]

رساله الى عتاب
وانتي بجد واحشتيني ومبروك زواج اختك وعقبال ما نفرح بيكي
على جنب ايه هي المفاجأة مش قادرة اصبر

[رؤيه]

رساله الى ...........
كان يوم جميل اوى فعلا واسعدنى التواجد معاكم والكلام معاكم
ربنا يديم صداقتنا وتتكرر الجلسه الجميله دى ديما
ربنا يسعد ايامنا كلنا وافرح بيكو قريب بقا
رساله الى ............
بحبك فى الله جدا
وديما بفتكر كلامنا مع بعض والايام اللى قعدنا فيها نتكلم لحد الفجر والمواضيع الكتير اوى اللى اتكلمنا فيها
بحب تشابهنا جدا وبحب بنفس الدرجه اختلافنا واستقلال شخصيتك فى كل شيئ
بحترم عقليتك جدا وبعشق فيكى احساسك بالاشياء
فاكره رمضان كنا كل يوم مع بعض ونفكر حنطبخ ايه واقعد اسالك كتير منتى عارفانى مش اوى فى الحاجات دى وافكارك ديما جميله (وخصوصا البطاطس)
فاكره الاختبارات اللى كنا بنحلها سوا والالعاب اللى بنلعبها مع بعض
حاسه لما بتكونى زعلانه بخاف عليكى قد ايه نفسي تعملى بالنصيحه وتنفضى لاى شيئ بيضايقك
بحب اسلوبك فى الكلام والكلمات الغريبه اللى بتقوليها
بحب فيكى التزامك ولجوئك لربنا فى اوقات الشده
مش حنسي ابدا وقفتك معايا ايام النتيجه بجد لولا كلامك ليا يومها كان ممكن يحصل لى حاجه ودعواتك الطيبه لاى حد ربنا يستجيب منك ديما
بلاش احساس الحزن اللى بحسه منك ساعات الحياه لسه جايه والناس اللى اتخدعتى فيهم دول قله قليله جدا والناس الكويسه موجوده وكتير
بحترم فيكى احترامك للى قدامك رغم انى عارفه انه احيان كتير بتبقي مشغوله وعارفه كمان ان اصحابك كتير لكن ديما كنتى بتسمعينى وتستحملى رغيي معلش انا عارفه انى رغايه موت
ربنا يديم علينا صداقتنا ويحفظك من كل شر ويجمعك باللى بتحبيهم على خير
نصيحه اخيره اوعى رغم كل الظروف تغيرى طيبتك وصفائك ولا طريقتك فى التعامل مع الاشياء
اخيرا دعوه مش حقولك هى ايه بس يارب تتحقق وساعتها حقولك (فزوره)
ملحوظه لو دورتى عليا ومش لقيتينى اعرفى انى فى موضوع رساله الى
نسيت اقولك احتياطى انقعى الرز

[رؤيه]

رساله الى ..........
عنجد بحبك فى الله (سوريا بقا)
انتى شخصيه طيبه جدا بس بذكاء
وملتزمه فى اخلاقك كل شيئ عندك ليه حدود
صعيديه بجد واصالتك هى عنوان شخصيتك
استحملى منى رخامتى ومقالبى بس انتى عارفه انى بهرج
وانا عند كلمتى احترسي منى بقا
معلش انا عارفه اننا طلعنا عينك النهارده بس كلو تهريج وحتاخدى بتارك قريب اوى
بحب فيكى عقلك وثباتك على المبدأ الصح صح والغلط غلط
ذكيه ما شاء الله عليكى (باماره النم هههههه على فكره تخمينا طلع صح)
متزعليش من الاطفال دول احباب الله واهو تدريب ليكى عشان تعرفى تتعاملى مع ولادك فى المستقبل
عجبتنى تعليقاتك اوى النهارده مش بتعترضى الا على الكلام الوحش بس (امانه علميه)
دمك زى العسل وردودك فى المنتدى تحفه
بس بتغيبى كتير جدا حاولى تنظمى وقتك وحقولك على نصيحه حد قالهالى ومعملتش بيها
اللى عاوز يعمل حاجه ديما بيلاقيلها وقت بليز خلى المنتدى على قائمه اعمالك الثمينه
ربنا يحفظك وميحرمنيش منك ابدا ويحقق لك كل اللى بتتمنيه يارب

[رؤيه]

رساله الى .........
مش عارفه ايه سر التغيير المفاجئ ده بس سعيده بيه جدا
ربنا يستر وينور طريقنا جميعا
رساله الى..........
ديما كنت حاسه انه فيه شيئ غلط
وانك مش راضيه عن صداقتنا او بمعنى اصح مستحملانى بالعافيه
دماغك ناشفه اوى ومسببه لك مشاكل كتير
صدقينى مفيش حاجه تستدعى انك تكرهى حد او تزرعى بينكو مشاعر عداء
وخصوصا انك فى وضع ولله الحمد جميل جدا مفيش معنى للتقليب فى ملفات قديمه
نصيحه من اختك بلاش تتكلمى عن حد فى غيابه حتى لو متضايقه منه اللى فات فات وعمر الزمن ما بيرجع تانى
انتى حد ما شاء الله ملتزم جدا ما تخليش الحاجات دى تقلل من حسناتك
ربنا يكرمك ويحقق لك كل خير

[رؤيه]

رساله الى اصحابى اللى عمرهم ما حيقرو الكلام ده
هبه
حد رقيق اوى بس احيانا بتنسي الموضوع ده
كان نفسي اقولك افسخى خطوبتك بس مقدرتش قدام حبك الكبير ليه
احساسي زى ماهو مش ده الشخص اللى يستاهل هبه
استحملى بقا اسلوب الحياه اللى انتى اخترتيها
وربنا يوفقك فى حياتك ويقومك بالسلامه
ديما بفتكر قعدتنا فى سكاشن الكيميا وكلامك عنه وكانه عمر الشريف ورومنسيتك الزياده اللى للاسف متنفعش مع الشخص ده واهله بس حقولك ايه الجواز قسمه ونصيب
بلاش الحساسيه الزياده فى التعامل مع الناس لان مش كل الناس رقيقه زيك وبتحافظ على مشاعر اللى قدامها
ربنا يخلف ظنونى ويسعدك معاه وبردو حفضل خايفه عليكى كل محد يذكر اسمك واتخيل الوضع اللى انتى عايشه فيه بقلق اوى عليكى
ربنا يستر
اسماء
رغم انك اصغر منى لكن اثبتى ان الانسان مش بالسن
بحس معرفش ليه انك بنتى الصغيره
انتى جدعه اوى وممكن تعملى اى حاااااااااااااااجه عشان اصحابك
بحس انك بريئه وطفله رغم انك شقيه ولسانك طويل حبتين بس بتهريج وعمرك ما زعلتى حد بقصد
يارب تلاقى شغل بسرعه قبل ما تتجننى من قعده البيت ويوفقك فى الكورسات اللى ناويه تاخديها
خليكى كده طيبه وجدعه وبنت بلد ومتمرده ههههههههه
ان شاء الله ربنا يبعتلك اللى يستاهلك ويغير فكرتك عن الارتباط
بحبك جدا
اسلام
حبيبتى والله بجد شخص بحس براحه معاه لايمكن احسها مع حد تانى
حد عرفنى يعنى ايه الالتزام وازاى يكون الدين هدف فى الحياه
ما بتخافيش غير من ربنا والحلال حلال والحرام حرام
اسلوبك فى النصح هادى حد فعلا خايف على صحابه ونفسه ياخد بايديهم للجنه
طيبه جدا رغم عصبيتك احيانا
دمك زى العسل محدش يقدر يبطل ضحك وانتى معاه
متواضعه جدا جدا واجتماعيه
ما شاء الله ربنا انعم عليكى بحب الناس ليكى وده مش من فراغ اللى بيطلع من القلب بيوصل للقلب
اتمنى لك حياه زوجيه سعيده وذريه صالحه باذن الله
ويارب اشوفك فى الجنه زى ما ديما تقوليلنا
بافتخر انى عرفتك وعمرى ما حنساكى ابدا
انجى
الليدى انجى اجمل واشيك بنت
بموت فى عصبيتك زى الاطفال الصغيرين اللى مش عاجبهم حاجه
رومنسيه جدا ومحدش عارف كده قدى منا بفقس الحاجات دى بسرعه
رغم المسافه والحواجز اللى معرفش مين حطها بينا لكن بخاف عليكى وبتمنى لك كل خير
خدى بالك من صحتك اوى
وخلى بالك عندك كل مقومات الغرور خليكى حذره ومتتغريش بكلام اللى حواليكى لان التواضع بيضيف جمال مختلف للبنت
نفسي تغيرى اللى فى دماغك
ونفسي افرح بيكى قريب مع حد يستاهل انجى بجد بكل المميزات اللى فيها
واخيرا امانى
وااااااااااه من امانى انتيمتى العزيزه
محط كل الاسرار والخبايا
ديما تقوليلى محدش يعرف اللى انتى تعرفيه انا بقولك اللى مش بقوله لحد
وعلى قد ما الجمله دى بتفرحنى على قد ماهى مسئوليه يارب اكون قدها
احنا عدت علينا ازمات كتير واوقات كتير وديما بنبعد ونقرب فى حاجه غريبه بتجذبنا لبعض
اراده ربنا اننا نكون اصحاب
انتى حد لو قعدت اتكلم عنه مش حخلص ابدا كلام
رقيقه وعاطفيه وبتخافى على اللى بتحبيهم جدا طيبه موت وعندك حس فكاهه مشفتوش على بنت فى حيااااااااااااااااااتى
اول حد عرفنى يعنى ايه خفه دم
شخصيه اجتماعيه جدا بتموتى فى الرغى والكلام مع الناس
محترمه جدا وعندك مبادئ لايمكن تتنازلى عنها تحت اى ظروف
ارائك فى مواضيع كتير بتدهشنى قد ايه انتى عمييييييييييييييييييييييييقه اوى من جوه
بموت فى طريقه كلامك ولباقتك وحركاتك وانتى بتتكلمى
انسانه زوق اوى فى كل التفاصيل وعندك حرفيه شديده واهتمام بادق الاشياء
بحس انك تستاهلى اكتر بكتير اوى من اللى انتى فيه بس محدش عارف الخير فين
عيبك قله ثقتك بنفسك ونظرتك التشاؤميه احيانا
انا واثقه انه فى يوم باذن الله حتكونى اسعد وحده فى الدنيا بس ابقي افتكرينى ساعتها
معلش الموضوع موضوع وقت مش اكتر اصبرى فصبرا جميلا والله المستعان
انا عارفه انك مش راضيه عن حاجه معينه فيا بس ده مش زنبى وعارفه انه غصب عنك وده شيئ بيألمنى جدا
فى بينا شيئ غريب بيربطنا وديما بفتكرك باحساسي بالخيال والشاعريه
فى رايئ حتكونى زوجه رااااااااااااااااااائعه ربنا يبعت لك اللى يستاهلك ويزود ثقتك بنفسك
انتى حد انا لايمكن افكر ابدا لحظه وحده انى انساه
وبجد نفسي اعمل اى حاجه عشان مشوفش الحزن ده فى عينيكى
كلمه اخيره
انا عارفه ان محدش فيكو حيقرا الكلام ده بس مين عارف ربنا قادر على كل شيئ
حبيت اكتبه عشان اعرف كل اللى حيقراه ان اصحابى دول اللى طلعت بيهم من الدنيا
وان ذكرياتى معاهم محفوره فى كيانى
وحبيت اقول قدام كل الناس انكو اعز الاشخاص على قلبى واجمل شيئ قابلته فى حياتى
شكرا للجامعه انها عرفتنى بيكو
الحمد لله انه وضعكم فى طريقى
احبكم فى الله جميعا

[عتاب]

المشاركة الأصلية بواسطة duha

رساله الى عتاب
وانتي بجد واحشتيني ومبروك زواج اختك وعقبال ما نفرح بيكي
على جنب ايه هي المفاجأة مش قادرة اصبر

خليها على الخاص بقى هههههههه
الحمد لله انك رجعتى بالسلامة وسعيدة جدا برسالتك على الايميل
لانك بجد وحشتيني جدااااااااا

[snow white]

رساله الى .........
بالرغم من الى عملتوه فيا امبارح ..الا انه بجد كان يوم جميل جداااا
انا عمرى مضحكت زى اليوم ده ... ربنا يديم صداقتنا يارب

رساله الى ........
مش عارفه ليه خاطر ببالى دلوقت ازاى اتعرفنا .. سبحان الله كان تعارف غريب فعلا
بس بجد سعيده جدااا بيكى
ورأيك فيا اكتر بجد من حقى
...... ورفع معنوياتى جداااااااااااا ....خلى بالك بقى بعدين مش هتعرفى تكلمينى

وان شاء الله اوعدك أحاول اتغلب على عيبى الكبير (غيابى)
دمتى فى حفظ الله

رساله الى ......
اخدت بتارى منكم النهارده
ربكم يمهل ولا يهمل

بس بكره بقى دوروا على حد تانى نضحك عليه

[Dr.Hammood]

محدش كتب ليه

[الورد الجوري]

رسالة الى *****************
بحبكم بجد

[safffffy2007]

رسالة الى :
اكتر انسانة حبيتها فى حياتى

انا كتبت الكلام ده وانا عارفة انك مش حتقريه بس بجد انا اسفة لانى بعدت عنك
انا ماكنتش اعرف ان كل ده كان ممكن يحصل لمجرد اننا افترقنا

[الورد الجوري]

رساله الى *************
ياترى ايه اخبار الامتحان

[خلود النيل]

احينن بتلاقى الصديق الى جنبك بيحبك ولكن من جوا قلبه كرة من نحيتك مع انك مش تعرف من ايه بيكرهك

[رؤيه]

رساله الى...........
سبحان الله ربنا حققلك امنيتك ولقينا الضحيه ربنا يستر عليها مننا
وكلمه ليكى انتى تستاهلى اكتر من كده بس بطلى تنامى واحنا بنكلمك
رساله الى...........
فرصه جميله اوى انى اتكلمت معاكى النهارده واتعرفت عليكى
ومتزعليش منا احنا كلامنا صعب شويه بس اللى بيتعود عليه بيدمنه
احلام سعيده ونشوفك ديما على خير يارب
ما تنسيش بقا تشوفيلى حاجه مناسبه من عندكو انا حستنى
عشان انا كمان اتنازل واوافق عليكى ههههههههه
رساله الى ..........
وانا كمان