فنجان قهوة على ميه بيضا!

[=BASSEM=]

لو تفتكري يامستكه موضوع الفراغ القاتل بتاع يوسف هتعرفي ليه كان بيشتكي


الضغوط فعلا كتير بس الملل موجود

[مستكة]

علي فكره انا اكتشفت حاجه غريبه اوي
المشكله مش مشكلة فراغ بس لا
دا حتي الواحد لو مش لاقي خمس دقايق راحه في اليوم
برضه هتلاقيه بيحس بملل خنيق
فالمشكله دلوقتي يا باسم مش في الفراغ وانا فعلا عرفت ده متاخر
فمعلش لو كان ردي فيه اندفاع اوتسرع
وبعدين انت لسه فاكر
ما علينا
ليه بقه الملل ده رغم كل المشغوليات؟
بصراحه فكرت كتير في السؤال ده بس حسيت انه مالوش اجابه عندي
مش عارفه يمكن كتر الاحباطات الموجوده والظروف الغريبه اللي عايشنها ؟
يا ريت يكون موضوع للنقاش لانها بجد حاجه محيراني

[loli]

الملل بييجي من عدم انبهارنا بأي حاجه بحياتنا اليوميه... يعني مفيش حاجه بتشدنا او بتلفتنا بشكل كبير يخلينا نحس بتغيير او بمتعة الحياة...الحلو بقى زي الوحش والناس دايما متوقعه الاسوأ وكل انسان بيقول يارب افضل زي مانا ... لانه بيبقى خايف من بكره والمجهول او تحصل حاجه تلخبط حياته للاسوأ....

النهارده من كتر مللي قعدت اغير في شكل الصالون... نشيل ده ونحط ده لحد ما اتهدينا انا والبنت... وبالاخر معدتش حاسه بملل.... حاسه بس بوقع دماغي من التعب ..

[=BASSEM=]

انا لسه صاحي من النوم و عايز افوق عشان مش عارف مالي عموما انا هارجع اكتب في القهوه بس افوق شويه

[loli]

النهارده رحت مدرسه ابني عمرو... اولى ثانوي... استغربت بشخصيته الي في المدرسه... شخصيه مختلفه عن البيت تماما... هو محبوب طبعا وسط زملاؤه بس الفكره انه فعلا كان مخبي عليا حاجات كتير بتحصل معاه في المدرسه.. بفكر هل كل الاولاد المراهقين بيبقوا كده؟؟ واهاليهم بيكتشفوا الشخصيه دي بعد فتره؟

[مستكة]

ياه يا لولي بصراحه استغربت من سؤالك ده

لان كلنا كده مش المراهقين بس

دايما تلاقي الناس في تعاملاتها خارج البيت غير داخله خالص

وان كانت بتختلف نسبتها من شخص للاخر بس في النهايه فيه اختلاف

لكن عند السن ده اللي هو سن المراهقه بيكون مختلف تماما

انا مثلا واحده من الناس كنت احب يكون فيه حاجه خاصيه بيه محدش في البيت يعرفها عني

يعني يكون ليه خصوصيه مش كل حاجه يعرفوها ومش مشكله ايه هي الحاجه دي المهم ان يكون فيه سر وخلاص حتي لو كان اتفهه من انه يكون سر
لان المرحله دي هي الخط الفاصل بين الطفوله والشباب وكل واحد في السن ده عايز يثبت انه خلاص ما بقاش طفل
فيبتدي يكون لنفسه عالمه الخاص بعيد عن والدته ووالده اللي بيشكلوله كل مظاهر الرقابه والوصايا علي افعاله ما يتعارض مع شعار المرحله الجديد واللي هو انا كبرت
وعلي فكره دي ظاهره صحيه جدا وعاديه مافيها اي حاجه غلط
بس الغلط اللي الاباء بيقعو فيه هو انهم لما يحسوا بعد ولادهم عنهم بيضغطو عليهم اكتر وده اكبر غلط
المفروض يتابعو كل شيء من بعيد من غير ما الاولاد تحس باي حاجه والتدخل يكون وقت اللزوم يعني اكيد هيكون فيه تدخل بس في الوقت المناسب مش تدخل دايما او اهمال دايما
وده يجي لما نصاحب اولادنا وعلي فكره الصحوبيه دي مش هتيجي في يوم وليله لا
دا لازم نعمل حسابها قبل كده بكتير يعني لازم نصاحب اولادنا وهما لسه صغيرين عشان اليوم ده
لانك لو جيتي بعد ما اخد علي معامله معينه وغيرتيها وقلتيله نبقي اصحاب هيعرف انك بتعملي كده عشان برضه تعرفي اخباره وتكوني رقيب عليه
ما شاء الله علي شباب الايام دي اذكياء جدا ومفيش حاجه بتصعب عليهم
يااه فكرتيني بايام
دا احنا كنا غلابه وال ايه كانو بيشتكو منا
ههههه معذورين ما شافو اللي بيحصل الايام دي
معلش طولت كالعاده بس دي كانت وجهة نظري المتواضعه
يعني لا شفنا قهوه ولا ميه ياله بأه مش مشكله

ويجعله عامر

[loli]

صباح الورد على عيون مستكه ....ورد بلدي من ابو ريحه


عجبني كلامك وطريقه تفكيرك... ححاول اجربها ... وان شاءالله تنفع

وعندككككككككك احلى قهوه سكر زياده للهانم مستكه كعب الغزال

[=BASSEM=]

طب بمناسبة عمرو بقي و الكام عن المراهقين و الجو دا انا عايز اسال سؤال واحد في قهوتك دي يالولي



هل يحق للاهالي التعدي علي حياة ابنائهم الخاصه مثلا زي انهم يشوفوا الكمبيوتر و الموبايل عليهم ايه و تفتيش المكاتب و الدواليب و الكلام دا و هل دا بيعمل نوع من انواع فقدان الثقه بين الطرفين ؟

[loli]

سؤالك مهم يا باسم

المفروض ان فيه ثقه... والثقه دي تخلي الولد من نفسه يصارح اهله بالحقيقه لو عمل حاجه مش ولابد... بس لما الام او الاب يحسوا ان الولد مساره ابتدى ينحرف شويه مجرد احساس... وهو مش بيقولهم الحقيقه... ده يديهم كامل الحق انهم يتابعوه ويراقبوه ويعملوا اي وسيله تخلييهم يعرفوا سلوك ابنهم ازاي خارج المنزل...

[maysam]

صباح الخير يا جماعة

تصدقوا بقى لي كتير ما جيت الموضوع

ولما فتحته لقيت فيه كلام جميل
وشميت ريحة الزهق وجمعية الزهقانين ،، قلت اجي انضم وماله ، ما كلنا ساعات بنتخنق من الزهق
هي المشكلة بالروتين

الروتين بيقتل ، كل يوم بنقوم على نفس النظام وبنكون عارفين اللي حيحصل من قبل ما يحصل

بس تعرفي يا لولي انا كتير جدا بعمل متلك ، بقعد اغير وابدل بالبيت ، هوايتني ، واي تغيير بعمله بحس اني فرحانه فيه جدا ، فاللعبة دي بتعجبني

بس صراحة يعني انا لما بحس بخنقة ، بحاول اخرج وامشي ، بحب المشي كتييييييييير ، وبحس انه بيطلع الكبت والزهق بس المشكلة بعد ما الشغالة راحت ، بقيت مش عارفة امشي لوحدي ، لازم اخد معاي الستاف كله ، يعني الاولاد معي دايما وبقضي المشوار في تعال جنبي واهدى واسكت

بس كل واحد فينا اكيد عارف ايه الشيء اللي ممكن يعمله ويحس فيه انه فرحان
كل واحد فينا عارف اشيء اللي بيريحه
المهم يعمله لو الظروف كانت متاحة
انا بحب الحركة كتير وما بحب اقعد من غير ما اعمل شيء..بحس اني بمووت لو قعدت فاضية

عموما انا راجعة لكم ،، اوعوا تفتحوا مواضيع من وراي سامعاكم

[loli]

صباح الفل ميسم

النهارده صحيت شلت كل سجاجيد البيت... وبتتغسل بره في البلكونه دلوقتي... وغيرت شويه في نظام البيت حاسه براحه كده كاني اشتريت عفش جديد....

[maysam]

اهلا لولي

يا بختك عاملة حملة تنظيفات هههههههه

انا قمت من النوم على المطبخ عدل
طبخت عشان اخلص وبعدين رحت الشغل والبقية تأتي

المشكلة بقى انه ما عندي شغل اليوم ،، قاعدة بتأمل شوية وبرد على المواضيع شوية
وبسمع اغاني انا عارفة انها بتعمل لي اكتئاب ،، بس برضو بسمعها

الي محيرني ليه بنعمل شيء عارفين نتيجته وتأثيره علينا مسبقا ،، وبرضو بنصر اننا نعمله؟؟ هو داالغباء اللي بيقولوا عنه
هههههههههه معلش شكلي اليوم مش بالوضع الطبيعي

[مستكة]

صباح الفل والياسمين والورد البلدي عليكو

انا كنت معديه لقيت القعده الحلوه دي قلت لا لا منكن ابدا اسيبها واروح

اصلي احب قاعدة البنات وكلامهم اللي ما بيخلص هوايه باه

علي فكره يا ميسم انا بسال نفسي السؤال ده كتير

ليه اكون عارفه ان الحاجه دي لو عملتها هتزود مود النكد عندي ومع ذلك لو معملتهاش افضل قلقانه لحد ما اعملها ههههههههه نكديه باه تقولي ايه

لا بجد ساعات كتيره بيكون مودي مش تمام اعد اسمع اغاني بس ايه من المتنأيه اقوم اقفل ومعرفش افتح تاني
يا ريت لو عرفتي تقوليلي عشان لو ده مرض ولا حاجه الواحد يلحق يتعالج الا شكلي هيكون وحش اوي

[maysam]

المشاركة الأصلية بواسطة مستكة

صباح الفل والياسمين والورد البلدي عليكو

انا كنت معديه لقيت القعده الحلوه دي قلت لا لا منكن ابدا اسيبها واروح

اصلي احب قاعدة البنات وكلامهم اللي ما بيخلص هوايه باه

علي فكره يا ميسم انا بسال نفسي السؤال ده كتير

ليه اكون عارفه ان الحاجه دي لو عملتها هتزود مود النكد عندي ومع ذلك لو معملتهاش افضل قلقانه لحد ما اعملها ههههههههه نكديه باه تقولي ايه

لا بجد ساعات كتيره بيكون مودي مش تمام اعد اسمع اغاني بس ايه من المتنأيه اقوم اقفل ومعرفش افتح تاني
يا ريت لو عرفتي تقوليلي عشان لو ده مرض ولا حاجه الواحد يلحق يتعالج الا شكلي هيكون وحش اوي

هههههههههه يا سلام عليكي يا مستكة
بلاش تجيبي لي مرض الوهم من بدري
لا ولا تتعالجي ولا ما يحزنون ...هي الحكاية ان احيانا الواحد بيستمتع بالمود دا او تقدري تقولي بيستمتع بالحزن (احيانا ) وبس خلص ،، مش عايزة اتفزلك اكتر

[=BASSEM=]

هي القهوه دي اتقفلت و لا ايه ؟؟؟؟؟!!!!!!!!!!