فنجان قهوة على ميه بيضا!

[loli]

ايه رايكم يا جماعه اعزمكم على فنجان قهوه وكل واحد فينا يخش هنا يفضفض شويه عن نفسه بشرط انه مايكتبش حاجه يحس انه مش عايز ينشرها......... يعني مثلا يوميات عاديه من غير الدخول في الامور الشخصيه؟ حاتقولولي ازاي؟

الحقيقه انا لسه مش عارفه ازاي بشكل واضح .....بس ممكن اننا نعمل المكان ده كانه عالمنا نعيش فيه يومنا ونتواصل من غير مانعرف شخصيات بعض ........او كافيه نشرب فيه فنجان قهوه نخش نرمي همومنا ونطلع تاني واحنا مرتاحين من الهموم دي؟

انا مثلا زهقانه النهارده وصاحيه بدري.... ومليش مزاج اخرج.... والدنيا برررررررررررررررررررررررد ...

ملحوظه : المشاريب على حسابي في القهوة


الموضوع ده قديم اوي وحبيت اجدده في المنتدى... مشاركتكم حتسعدني وحتفتح قدامنا مواضيع كتير ممكن تخلي تواصلنا اكبر..

[maysam]

فكرة برضو كل واحد يدخل ويقول اللي نفسه فيه

انا صاحية ميتة من النعس
لأنه سهرت كتير مبارح وانا عادة مش بسهر اكتر من 11 بالكتيييييييييير ، طبعا الا لو كنت اجازة وفي احداث بتحصل

واضطريت اقوم بدري عشان الأولاد ، وحاولت ارجع انام بعد ما راحوا نا عرفتش
وما تقولي لي على البرد يا لولي .. عندنا البرد مش عادي

قاعدة بحاول اركز بالشغل واشتغل شوية بس مش عارفة برضو
بانتظااااااار الالهام يوصل وينزل علي

[محمدحسين]

ايه رايكم اى واحد يشوف مشهد غير مألوف فى يومه يعنى فى الطرق فى التليفزيون فى اى حاجه يحكيها ونعمل عليها حوار وكل يوم قصه مثلا تنتهى بنهايه اليوم حتى لو قصه مرت عليه من فتره

[loli]

المشاركة الأصلية بواسطة maysam

فكرة برضو كل واحد يدخل ويقول اللي نفسه فيه

انا صاحية ميتة من النعس
لأنه سهرت كتير مبارح وانا عادة مش بسهر اكتر من 11 بالكتيييييييييير ، طبعا الا لو كنت اجازة وفي احداث بتحصل

واضطريت اقوم بدري عشان الأولاد ، وحاولت ارجع انام بعد ما راحوا نا عرفتش
وما تقولي لي على البرد يا لولي .. عندنا البرد مش عادي

قاعدة بحاول اركز بالشغل واشتغل شوية بس مش عارفة برضو
بانتظااااااار الالهام يوصل وينزل علي

ده حالي كل يوم ياميسم... بنفس السيناريو... كانك بتوصفي يومياتي. .. وانا الي كنت فاكره اني لما اسيب الشغل واقعد في البيت حلاقي الف وسيله لتقضيه الوقت والتسليه

[noha]

السلام عليكم ورحمة الله وبركاته
اختى فى الله
الموضوع جميل وشكلى هاكون اكتر واحدة بتشر قهوة معاكى (اصلى بحبها جدا)
المهم الدردشة ...

[loli]

اهلا بيكي يا نهى...

منوره قهوتنا....

تعالي كل يوم وليكي عليا احلى فنجان قهوه لاحلى ضيفه

[=BASSEM=]

موضوووووووووووووووووووووووع كتييييييييييييييييير حلو يالولي


انا هابدأ كتابه ان شاء الله عن قريب

لأني الايام دي مفيهاش حاجه جديده

يعني صحيت من النوم علي تليفون

قاعد اذاكر و الكمبيوتر قدامي و نفسي اكتب بس يلا تتعوض


بس ليكي عليا هاكتبلك احلي مواقف النهارده هتحصلي في اللجنه عشان انا دايما موعود اول كل امتحان

بخناقه مع المراقبين عشان باختلف معاهم في وجهات النظر


تسلمي يالولي عالموضوع

[maysam]

المشاركة الأصلية بواسطة محمدحسين

ايه رايكم اى واحد يشوف مشهد غير مألوف فى يومه يعنى فى الطرق فى التليفزيون فى اى حاجه يحكيها ونعمل عليها حوار وكل يوم قصه مثلا تنتهى بنهايه اليوم حتى لو قصه مرت عليه من فتره

محمد

امتب اي شيء يخطر ببالك

ما فيش هنا قيوووود
خليها سبهللة

[محمدحسين]

الحكايه دى حصلت فعلا
فى شركه كنت ماسك حساباتها وصاحب الشركه نادى السائق وهو من upper of egypt
المهم قال له روح جدد لى فى البنك كرت الائتمان ولم ذهب لأستلامه سال على الشباك على الرقم السرى قاله نفس رقمك القديم
فراح السائق لصاحب الشركه وقدم له ورقه فيها رقم ائتمانه هو (رقم السائق ) فلما سأله صاحب الشركه أيه ده قاله ماهما قالوا لى فى البنك انه نفس رقمك القديم فكتبت لك رقمى ههههههههههههههههه

[SOKA]

ما بحبش القهوة

[loli]

المشاركة الأصلية بواسطة قلب جرئ

ما بحبش القهوة

متزعلش نفسك يا قلب جرىء... وارحم نفسك من السجاير... تعال نشربك حلبة حاصا وعنّاب

[SOKA]

المشاركة الأصلية بواسطة loli

وارحم نفسك من السجاير...

ليه الاحراج ده

المشاركة الأصلية بواسطة loli

تعال نشربك حلبة حاصا وعنّاب

لا كفايه حلبه ما بحبش العناب برضه

[loli]

المشاركة الأصلية بواسطة قلب جرئ

ليه الاحراج ده


لا كفايه حلبه ما بحبش العناب برضه

عشان صورتك الرمزيه بالسيجاره

خلاص بلاها عناب واشرب حلبه هو احنا عندنا كام قلب جرىء؟؟؟؟؟

[SOKA]

اوكى وانا موافق اقعد

وقرفان انهارده
عشان مزنوق فى الف ونص ومش لاقى حد يديهوملى

ولو النهار عدى من غيرهم يبقى مالهومش لازمه

[أحمدكمال]

موضوع جميل يا لولي
انا النهارده تايه....
بقالي فتره مش عارف اخد اي قرار....
قدامي مجموعه من المتناقضات ....
ولازم اختار ....
سكه مش عارف جواها جنه ولا نار