15-11-2005, 02:00 AM
|
#3 (رابط ثابت)
|
|
العقل زينة
تاريخ التسجيّل: May 2002
الإقامة: Egypt
المشاركات: 4,197
|
فيه حلول كتير طبعا
بس قبل ما اقولها
ومادام احنا فى فضفضه هنا
صاحبك ده عزيز عليك جدا زى ما بتقول
وانت عرفت تانى يوم للوفاه
ما رحتش ولا حتى عزيته بالتليفون.....ليه؟؟؟!!
على ما تفتكر السبب خد عندك الحلول دى :
الحل الصادق الواضح : انك تروح له البيت وتعزيه وتقول له انا عارف انى متاخر جدا وغلطان كمان بس غصبن عنى يا فلان انت عارف انا باعزك اد ايه ومش عارف فعلا انا ما جيتش تانى يوم ليه (لان اللى بلغك اكيد قال له انه بلغك) اهو حصل انى ما جتش ولا اتصلت فعلا ومش عايزك تزعل منى واللى جابنى هنا النهارده هو حرصى الشديد على صداقتنا انها تستمر (حل يتطلب شجاعه فعلا)
الحل الدبلوماسى : حتروح له البيت برده وتألف اى حجه حصلت لك بعد ما عرفت خبر الوفاه مباشره والحجه دى منعتك من انك تعزيه,,نقول مثلا انك وقعت على السلم ورجلك اتلوت وحصل لك تمزق فى اربطه الكاحل  طبعا الكذب ما فيهوش ابيض ولا اسود لكنى اعتقد ان الحاله دى من المباح فيها قول غير الحقيقه لان الهدف هو التقريب بين صديقين حميمين,, وحتقول انك اتلخمت فى حكايه رجلك دى ولما مر كام يوم كنت محرج انك تعزيه متاخر لكن فى الاخر ما لقتش بد من انك تروح له لانه يهمك ومش عايز تخسره
حل معقد شويه : تشوف صاحب مشترك لكم انتم الاتنين ويكون هو بيعزه فعلا وتاخده معاك وهو يقول الكملتين اللى فى الحل الاول,, ده اذا كنت فعلا لاتجرؤ على مواجهته بمفردك وانت غلطان من ساسك لراسك  زى ما بيقولوا
حل مستقبلى : تفتكر يوم الوفاه كويس وتحسبها,,كتير من المصريين بيعملوا "اربعين "لموتاهم وتحرص انك تكون عنده فى اليوم ده,,حتى لو ما كانوش عاملين حاجه حتقول له انا فاكر ان النهارده الاربعين بتاع اونكل فلان الله يرحمه وكان يهمنى اوى انى اجى لانى ما حضرتش قبل كده
حل غريب شويه : هو صاحبك وعزيز عليك اوى مش كده؟؟ تتصل بوالدته وهى عارفاك طبعا حتعزيها الاول وبعدين تقولها انا محرج اوى من فلان (صاحبك) لانى ما جتش ولا عزيته وياريت حضرتك ياتانت تبلغيه كده,,وتانى يوم تحاول تقابله باى شكل هو غالبا حيفتح معاك الموضوع
ها عايز حلول تانى؟؟؟ 
لو سالتنى رايى فى الحلول دى انا شخصيا افضل الحل الاول 
|
|
|
النمط الخطي
