كشرى وخراف ودجاج فى الانتخابات المصريه

[محمدحسين]

ثمن الصوت الانتخابي علبة كشري في امبابة ودجاجة في المنيا وخروف في منشية ناصر

الفقراء سعداء بالاعادة والاخوان خائفون:

الفقراء هم اسعد الناس حظا باعادة الانتخابات في اكثر من ثمانين دائرة من دوائر المرحلة الاولي من انتخابات مجلس الشعب المصري في ثماني محافظات اليوم.
وكان ثمن الصوت الانتخابي قد شهد تفاوتا بين العديد من الاحياء والمدن التي تشهد تنافسا حامي الوطيس بين المرشحين.
وبينما وصل ثمن الصوت الانتخابي قبل ايام من بدء الانتخابات لدجاجة في مدينة ملوي التي تبعد عن مدينة المنيا بصعيد مصر مسافة خمسة واربعين كيلومترا ارتفع سعر الصوت في منشية ناصر ليصل لسبعمئة جنيه، وقد تفتق ذهن احد رجال الاعمال في احد الاحياء الشعبية بالاسكندرية لحيلة غريبة حيث قام بتوزيع خروف لكل رب اسرة خلال الايام الماضية.
اما حي امبابة بالجيزة فقد لجأ مرشح مستقل لتوزيع علبة كشري علي كل من منحه صوته وكان يردد امام المواطنين بانه فقير ولاجل ذلك لم يتمكن من ان يقدم للناخبين اموالا او اطعمة غالية الثمن.
الطريف ان كثيرا من المواطنين تعاطفوا مع المرشح ولكنه مني بالخسارة بعد ظهور نتيجة المرحلة الاولي.
ويعد الفقراء في احياء منشية ناصر والجيزة الاسعد حظا خلال الفترة الماضية وذلك بسبب الهدايا السخية التي وزعت عليهم من رجال الاعمال المنتمين للحزب الوطني امثال وزير الاسكان محمد ابراهيم سليمان ورجل الاعمال محمد ابو العينين.
وقد حصل اكثر من خمسمئة مواطن في منشية ناصر احد احياء القاهرة الفقيرة علي شقة لكل واحد منهم وفي محافظة بور سعيد التي شهدت منافسه شرسة بين الوطني وجبهة المعارضة وصل ثمن الصوت الانتخابي خمسمئة جنيه وقد وعد احد رموز الحزب الوطني الناخبين بالمساهمة في اعداد عش الزوجية لاصدقائهم.
اما في محافظة الغربية فتراوح ثمن الصوت الانتخابي بين خمسين ومئة جنيه وقد شهد مسجد السيد البدوي توافد معظم المرشحين الذين قاموا بالصلاة في المسجد والابتهال الي الله بأن يوفقهم في الحصول علي مقعد مجلس الشعب.
علي صعيد آخر استأنفت جماعة الاخوان المسلمين علي مدار الساعة دعايتها المكثفة حيث يخوض رموزها انتخابات الاعادة في اكثر من اثنتين واربعين دائرة.
وقد شهد مكتب الارشاد التابع للجامعة اجتماعا استمر عدة ساعات خلال اليومين الماضيين حيث ثارت مخاوف من ان تتعرض الجماعة لمذبحة في انتخابات الاعادة وذلك بتكرار سيناريو ما جري في دائرة الدقي حينما اكتشفت الجماعة حدوث تزوير ضد حازم صلاح ابو اسماعيل والذي اكد القدس العربي بان ما جري ضده في الانتخابات يكشف النقاب عن غياب دولة القانون.
وعلمت القدس العربي ان الجماعة طلبت من كوادرها النزول للشارع في المدن والاحياء التي ستجري فيها انتخابات الاعادة من اجل حراسة صناديق الانتخابات ومنع اي محاولة لاستبدالها بأخري.
وقد اشار د. محــــمد السيد حبيب النــــائب الاول للمرشد العام ان الجماعة تعــرضت لظلم بيّن في عدد من الدوائر وتتوقع ان يقوم النظام باضطهادها في الفترة المقبلة وتخشي من اليد الطولي التي دأبت علي البطش بالجماعة.

[=BASSEM=]

بجد الاخبار دي بتخلي الواحد يضحك علي الحال اللي وصلتله البلد و يبكي في نفس الوقت

يعني الناس بترشح عشان الاكل دا معناه ان اكتر من 80% من الشعب خلاص

بقي تحت خط الفقر يعني مش بعيد كمان 10 سنين مصر تكون فيها مجاعه

و في نفس الوقت الواحد بيستغرب علي كمية الفلوس اللي بتطلع من الناس ساعة الانتخابات

محدش بيسمع عنها في رمضان انها اموال زكاه و لا حد بيسمع عن خدمات للفقرا

غير في الانتخابات

ربنا يهدي الجميــــــــــــــــــــع

[محمدحسين]

ياباسم الناس اللى بتسرق هتطلع فلوس الزكاه والصدقات ؟؟؟؟؟
مافيش حد يدفع كل هذه المبالغ الا اذا لم يكن تعب فيها
وطبعا خط الفقر عندنا غير الخط العالمى لان الناس عندنا عندهم نوع من القناعه وبترضى بالقليل
المشكله انهم غيروا اللعبه فبدل من استخدام الشرطه فى منع المضادين للحزب الوطنى بيقوموا يشتروا الاصوات ويجندوا البلطجيه وطبعا تحت سمع ومراى الشرطه اللى مطنشه بموافقه الدوله
الاترى ان النظام لايتعلم ويقود البلاد الى مصير مجهول

[maysam]

للاسف يا محمد ، الوسائل دي مستخدمة في كل البلاد العربية!
يمكن هم ماشيين على رأي المثل اللي بيقول : اطعم الفم بتستحي العين!!

ويمكن الخلل كمان في نفسيات الناس نفسها ، وهم عارفين كويس منبع الخلل وبيشتغلوا على نقاط الضعف دي كويس

بنقول اللهم اجرنا في مصائبنا
وخلص

[محمدحسين]

صح كلامك ياميسم
الخوف والسلبيه

[محمد خطاب]

السلام عليكم ورحمة الله وبركاته

بصراحة مش عارف يا محمد انت نقلت الخبر يمكن عن طريق الدعابة والسخرية

طيب اسمح لى احكى لك حاجة مهمة قوى بما انى شاهد عيان ومن منطقة امبابة اللى ذكرتها فى الموضوع

مرة كنت واقف قدام دايرة انتخابية للامانة مش فى امبابة المهم جه مرشح واعوانه وفرقوا لحمة وفراخ مشوية على الؤيدين او اهل البلد اللى كنا فيها .. طبعا الموضوع عادى اما الغير عادى بالمرة هو ليه الناس ديه ماكلتش الاكل اللى اخدته من سيادة المرشح ؟؟

ياترى ليه
بجد بجد
اللى حيعرف الاجابة الصحيحة حيكون عنده وعى فعلا بالاحداث فى مصر

محمد حسين
ميسم
باسم عمار

أنتم الان مطالبين انكم تجاوبوا على سؤالى من بين هذه الاختيارات

1- ان الناس ديه محتفظة بالاكل معاهم علشان يروحا بيه لعايلهم اللى بقالهم شهور كتيرة مش بتاكل لحمة وفراخ
2- ان الناس ديه محتفظة بالاكل معاهم علشان يروحا بيه لعايلهم اللى بقالهم شهور كتيرة مش بتاكل لحمة وفراخ
3- ان الناس ديه محتفظة بالاكل معاهم علشان يروحا بيه لعايلهم اللى بقالهم شهور كتيرة مش بتاكل لحمة وفراخ
10- ان الناس ديه محتفظة بالاكل معاهم علشان يروحا بيه لعايلهم اللى بقالهم شهور كتيرة مش بتاكل لحمة وفراخ
100- ان الناس ديه محتفظة بالاكل معاهم علشان يروحا بيه لعايلهم اللى بقالهم شهور كتيرة مش بتاكل لحمة وفراخ
1000- ان الناس ديه محتفظة بالاكل معاهم علشان يروحا بيه لعايلهم اللى بقالهم شهور كتيرة مش بتاكل لحمة وفراخ
1000000- ان الناس ديه محتفظة بالاكل معاهم علشان يروحا بيه لعايلهم اللى بقالهم شهور كتيرة مش بتاكل لحمة وفراخ
10000000- ان الناس ديه محتفظة بالاكل معاهم علشان يروحا بيه لعايلهم اللى بقالهم شهور كتيرة مش بتاكل لحمة وفراخ
1000000000000000000000- ان الناس ديه محتفظة بالاكل معاهم علشان يروحا بيه لعايلهم اللى بقالهم شهور كتيرة مش بتاكل لحمة وفراخ

يلا اختاروا من بين هذه الاجابات

والله عنيا دمعت من الحزن على الناس ديه بجد فيه ناس كده فى مصر

والحكومة ما زالت مصرة اننا بنعيش فى رفاهية وامان وسلم لى على التروماى

[محمدحسين]

طبعا رفاهيه
ماهو تشوف نشره الاخبار بيتكلموا على الفقر والمجاعات فى كل العالم وكان عندنا كل شئ تمام طيب ماتصوروا الناس التعبانه فى مصر
هو فى اكثر من كمال الشاذلى الذى يقول لولا بابا سايب لى قطعه ارض ابيع منها كل شويه حته علشان اقدر اعيش
كمال الشاذلى الفقير الغلبان
حقيقى احنا ناس حاقودين ايه يعنى كم مليار بيتسرقوا من البلد كل سنه على يد النظام ورجاله والشعب مش لاقى يأكل
هى دى الرفاهيه ان يجوع الشعب من أجل هذه الفئه التى لايهمها سوى ملئ جيوبها
اااااااااه