فـوائـد أكــل الكــبدة

[محمدحسين]

فـوائـد أكــل الكــبدة

تتميز الكبدة بقيمة غذائية عالية‏,‏ فهي تحتوي علي نسبة قليلة من الدهون‏,‏ مما يعني أن تناول الكبدة لايعطي للجسم طاقة عالية‏,‏ يقول د‏.‏مصطفي نوفل أستاذ علوم التغذية بجامعة الأزهر إن الكبدة تحتوي علي كمية صغيرة من الدهون المشبعة‏,‏ وهو مايتفق صحيا مع قواعد التغذية التي تدعو الي التقليل من تناول هذه الدهون‏,‏ بالاضافة الي وجود بعض الفيتامينات والمعادن في الكبدة‏.‏ ولذلك فتناول قطعة مطبوخة متوسطة الحجم من الكبدة‏(‏ في حدود‏100‏ جرام‏)‏ يعطي الجسم حوالي‏10%‏ فقط مما يحتاج اليه في اليوم من سعرات حرارية‏.‏ وتعتبر الكبدة من أغني الأغذية بفيتامين‏(‏ ب‏12)‏ حيث إن مجرد تناول قطعة صغيرة مطبوخة منها‏(‏ في حدود أقل من‏10‏ جرامات‏)‏ يوفر للجسم جميع احتياجاته اليومية من هذا الفيتامين المهم لتكوين كرات الدم الحمراء‏,‏ واللازم لوظائف الجهاز العصبي أو لعمليات استفادة الجسم من وجباته‏.‏

وتحتوي الكبدة علي كمية كبيرة من الحديد اللازم لتكوين هيوجلوبين الدم‏,‏ وميوجلوبين العضلات والضروري للمحافظة علي حجم وعدد كرات الدم الحمراء‏,‏ ويمكن للجسم أن يحصل علي نحو‏45%‏ من احتياجاته اليومية من الحديد عند تناول قطعة متوسطة من الكبد المطبوخ وهي أيضا أغني الأغذية بفيتامين ب‏2‏ الضروري لامتصاص الحديد وكذلك بالنحاس والزنك وفيتامينأ وحمض الفوليك وفيتامين ب‏6‏ والمنجنيز‏,‏ والنصيحة التي يقدمها د‏.‏ نوفل هي عدم الإسراف في تناول الكبدة حتي نتجنب الاصابة بالنقرس والكوليسترول مع التأكد من صلاحيتها للاستهلاك الآدمي‏

[محمد خطاب]

السلام عليكم ورحمة الله وبركاته

هو سؤال بالرغم من انى بعشق الكبده وباكلها دائما
بس السؤال هو :-
الكبده هيا مخزن السموم فى الجسم ازاى احنا بناكلها ومش بيحصل لنا حاجة ؟

[بكــار]

اعتقد ان سؤالك يا محمد مش صعب بمجرد بس اعتقد انها السموم الى فيها بتتبخر بمجرد دخولها النار وبالتالى بناكلها ومش بتعمل فينا حاجه
كان فيه استاذ وانا فى الاعدادى قلى كده اتمنى تكون صح

[=BASSEM=]

كل دا في الكبده خلاص الواحد هياكل كبده علي طول

[Half-Magic]

الف شكر لك يا زعيم على هذه المعلومات الهايلة عن الكبدة ... بس أهم حاجة تكون الكبده دى صالحة للأستهلاك الأدامى علشان تكون كل هذه الفوائد موجوده فيها ...

محلات الأكل هنا للأسف مش بتفرق معاهم نوعية الكبده ... مش مهم تكون صلاحيتها منتهية أو فاسدة او .... أو ..... المهم فيه ناس بتاكل و خلاص ... عن نفسى عندى تجارب كتييير مع موضوع الكبده ده ... ههههه

يعنى مره زمان كنت جعان جدا و مكنش فيه محل للأكل قريب منى غير محل كبده ... المهم دخلت المحل و لاقيت ان الراجل بيعمل نوعين من الساندويتشات ... بس كان شكل الكبده فظيع واضح انها منتهية الصلاحية من 10 سنين يعنى تحس انها كانت متحلله ... ههههههه
المهم انا ما اكلتش طبعا من عنده و لكن سألته بفضول ايه الفرق بين النوعين قالى و لا حاجة الكمية اللى فى الساندوتش ... المهم اسعار المحل ده كانت ... 20قرش للرغيف العادى و 30 قرش للرغيف المخصوص ... هههههههه و المصيبة انه كان زحمة ....

و محل تانى موجود عند المجمع النظرى بالأسكندرية .. الراجل ده فى بداياته كان واقف على عربية ... و كان بيقدم نوعية كبده رديئة جدا جدا ... بس كان عنده طريقة سحرية انه بيعمل خلطة معينة من البوهرات بتخلى الطعم كويس ... ده كان سعر الرغيف عنده 50 قرش
و كان المجمع كله بياكل من عنده ... بعد سنه واحده الراجل ده توسع و بقى عنده شبه محل بيقدم فيه مشويات بجانب الكبده و بقى عنده عربية ملاكى تويوتا كرولا موديل حديث كمان !!! شوفتوا كل ده من الكبده ... اه على فكره اسم الرجل ده كبده هوهو ... اكيد كل طلابة المجمع فى اسكندرية يعرفوووه .... بس دلوقتى غلى الساندوتش بقى بــــ 75 قرش

و اخر واحد بقة موجود فى بحرى ... ساندوتش الكبده عنده بحوالى 5 جنيه !!! بس برده محدش يضمن نوعية الكبدة دلوقتى ابدا غير انك تشترى بقرة و تدبحها و تاخد الكبده فى ساعتها ... دى ممكن تكون طازة .. هههههههههههههه


الف شكر لك يا زعيم و اسف على الأطالة ...

[محمدحسين]

تصدق فكرتنى ياميدو
فى واحد بتاع كبده كان زمان فى شارع معروف فى وسط البلد وبعربيه كنا بنروح له مخصوص بس فعلا كبدته كانت رائعه
طبعا الكبده التى يعملها سندوتشات مش كبدته هو
ههههههههههه

[حدوتة]

انا احب الكبدة ايوة لكن الأكلة الوحيدة الى محبش اكلها غير فى البيت
وده طبعا للى سمعته عن سندويشات الكبده المتنوعة لمختلف الحيوانات

موضوعك يامحمد وموضوع خطاب بيفكرونى بعادل امام لما كان بيقول اتنين مش طايقبن بعض خلف خلاف واحد فى الشرق والتانى فى الغرب (شاهد ماشفش حاجة )
بس اكيد برضه كل شيىء الافراط فيه مضر
شكرا يامحمد على الموضوع

[محمدحسين]

المشاركة الأصلية بواسطة أميرة الشقاء

انا احب الكبدة ايوة لكن الأكلة الوحيدة الى محبش اكلها غير فى البيت
وده طبعا للى سمعته عن سندويشات الكبده المتنوعة لمختلف الحيوانات

موضوعك يامحمد وموضوع خطاب بيفكرونى بعادل امام لما كان بيقول اتنين مش طايقبن بعض خلف خلاف واحد فى الشرق والتانى فى الغرب (شاهد ماشفش حاجة )
بس اكيد برضه كل شيىء الافراط فيه مضر
شكرا يامحمد على الموضوع

خطاب ياكبدى نزل الموضوع بعدى على طول
يعنى انا الكبده بتاعتى كانت مستويه وجاهزه وهو كان بيعمل فى كبدته لسه
يبقى انا الاصل
ههههههههههههههههههههه

[Lonely Doc]

شكلك حريف اكل كبده يامحمد حسين
مع احترامى لدكتور التغذيه معروف علميا ان الكبده فيها نسبه عاليه من الكوليسترول هى والمخ
والمريض اللى عنده كوليسترول بنمنعه من اكلها
لكن ده طبعا ما يقللش من فوايدها الغذائيه الكثيره وخاصه لمرضى فقر الدم (الانيميا)
جسم الانسان ياخطاب ما فيهوش سموم بالمعنى المتعارف عليه
الجسم بيبقى فيه نواتج عمليات احتراق واكسده ونواتج ادويه اخذت مثلا
الجسم بيخرج النواتج دول عن طريقين الكبد والكلى
فهو كانه ممر او وسيله لهذه الاشياء ولا يحتفظ بها
ده طبعا حاجه تانيه غير لو جه للكبد نفسه مرض مثل تليف الكبد
طهى الكبد مهم جدا
لانه معروف ان بعض الطفيليات مثل الحلزون والفاشيولا تنتقل الى الانسان عن طريق اكل كبده نيئه او لم يتم طهوها جيدا
الكبد اصلا عضو دموى وهو مكان اتصال الدوره البابيه الكبديه بالدوره الدمويه
وفى الاخر ما احلى الكبده البتلو وهى سخنه والحيوان مدبوح حالا..طبعا انتى فاهمنى يامحمد حسين

[محمدحسين]

المشاركة الأصلية بواسطة Lonely Doc

شكلك حريف اكل كبده يامحمد حسين
مع احترامى لدكتور التغذيه معروف علميا ان الكبده فيها نسبه عاليه من الكوليسترول هى والمخ
والمريض اللى عنده كوليسترول بنمنعه من اكلها
لكن ده طبعا ما يقللش من فوايدها الغذائيه الكثيره وخاصه لمرضى فقر الدم (الانيميا)
جسم الانسان ياخطاب ما فيهوش سموم بالمعنى المتعارف عليه
الجسم بيبقى فيه نواتج عمليات احتراق واكسده ونواتج ادويه اخذت مثلا
الجسم بيخرج النواتج دول عن طريقين الكبد والكلى
فهو كانه ممر او وسيله لهذه الاشياء ولا يحتفظ بها
ده طبعا حاجه تانيه غير لو جه للكبد نفسه مرض مثل تليف الكبد
طهى الكبد مهم جدا
لانه معروف ان بعض الطفيليات مثل الحلزون والفاشيولا تنتقل الى الانسان عن طريق اكل كبده نيئه او لم يتم طهوها جيدا
الكبد اصلا عضو دموى وهو مكان اتصال الدوره البابيه الكبديه بالدوره الدمويه
وفى الاخر ما احلى الكبده البتلو وهى سخنه والحيوان مدبوح حالا..طبعا انتى فاهمنى يامحمد حسين

شكرا يادكتور على تعليقك العلمى وياريت فعلا يبقى لك بصمات على الموضعات التى تدخل فى اطار عملك حتى تعم الفائده
وفى الاخر ماأحلى الدكتور لولنى وتعليقاته الجميله
بس مش ملاحظ حاجه كل البنات الذين ردوا لايحبون الكبده ؟؟؟؟؟

[محمد خطاب]

محمد حسين
هيما
باسم عمار
هاف ماجيك
اميرة الشقاء
لونلى دوك

بصراحة شديدة وبمنتهى الوضوح انا كنت عايز اعرف حاجتين حقول حاجة منهم دلوقتى
هيا هل الكبدة فيها سموم وبائى درجة ومدى التأثير السلبى للسموم على الانسان ؟؟
وهل السموم اللى موجودة فى الحيوانات والطيور ايه نسبة الضرر على الانسان

كمان يا جماعة انا اصلا بحب الكبدة جدااااااااااا
على فكرة يا ماجيك فيه محل فى شارع رمسيس اسمه صلى على النبى بتاع كبده ابقى قالبنى لو عرفت تقف تاكل من عنده وبرضه رخيص جداااااااا
محمد حسين الراجل ده لسه واقف ولما بكون هناك وجعت اول شئ افكر فيه هو بس بصراحة غالى شوي
اميرة الكبدة بتاعتى وبتاعة محمد حسين هيا هيا الفكرة ان المعلومة كاملة تصل الينا جميعا
هيما كل كبده ما تقلقش وعلى فكرة الغالى والرخيص فى الاخر خاصل بيستاوى داخل المعدة المهم انك تشبع وخلاص

شكرا دكتور لونلى على تعليقك العلمى وان كنت منتظر المزيد منه ان شاء الله


حاجة حقولها وبجد يعنى

الشعب اللى بيبلع الظلط وبيشرب مية لا تصلح الاستخدام الادمى وبياكل فول مش بتأثر معاه الحاجات ديه ... ربنا بيستر وهو نعم المولى ونعم النصير