؟؟؟ علامات استفهام ؟؟؟ الحلقه الثانيه

[=BASSEM=]

طبعا انتوا بتسألو ايه الجزيره الجميله دي ......... و ايه علاقتها بعلامات استفهام

الجزيره دي هي المكان اللي اختارته ضيفتنا العزيزه جدا علينا و انا قاصد انزل صورة الجزيره عشان شايف انها اجابات لعلامات استفهام كتيره فالشخص اللي يختار مكان زي دا عشان يكون استضافته فيه اكيد بيكون شخص كتير رقيق و حساس

اي نعم انا اخدت طياره علي حسابي رايح جاي و هاخد فلوس الطياره دي منكم بس كله يهون علشان ضيفتنا يعني هي اختارت جزيرة ولسن يبقي لازم نروح جزيرة ولسن و انا بعت الفاتوره لأحمد كمال

ضيفتنا النهارده هي صاحبة ومضات ..... مظلمه هي التحدي بين الطفله و الزمان كلماتها هي دفوف علي خطي القدر هي التي واجهته و قالت له ........ ايها الهارب ....... هي من انذرت و قالت ويـــــــــل ...... هي من وجهت لنا دعوه للتحليق ....... هي من نتمني ان تظل طول العمر معنا بين صفحات منتدانا و الاتقول لنا ابدا انني ذاهبه ......... بلا عوده

هذه الكلمات استعرتها من اجمل كتابات و اعذب كلمات لضيفتنا في علامات استفهام

ضيفتنا هي عنيده و مليئه بالدفء و التفاؤل ......... كلماتها ليست ملكها و لكنها احاسيس لكل من يقرأها و يعجز عن التعبير ....هي كريمه و مبدعه و حساسه


بكل المعاني و بكل الكلمات ضيفتنا هي حقا اميره


اميره في قلوبنا
اميره للسعاده التي ترسمها كلماتها في قلوبنا
و لكن لها رأي اخر
فلقد اختارت
او اختير لها
ان تكون
اميره للشقاء



رحبوا معايا بأميرة الشقاء ملكة قاعة الكلمات و صاحبة اروع احاسيس في ابـــــــــن مصر
ازيك يااميره منوره برنامجنا
احنا عملنا الحوار في جزيرة ولسن رغم ان الدنيا برد و الواحد بيخاف علي نفسه بس مش مهم

اميره هنشوف حوار قصير حصل مع عضوه قريبتك
و اخدنا منها كل المعلومات ( اميره هتفجرك ياللي في بالي )

نشغل شريط الفيديو و

نشــــــــــوف الحوار و المفاجأه الاولي و نرجع تاني للاستوديو و نشوف لغز الحوار ؟؟؟؟؟؟؟

[=BASSEM=]

؟؟؟ علامات استفهام ؟؟؟:
السلام عليكم
bosy cat:
وعليكم ورحمه الله وبركاهته
؟؟؟ علامات استفهام ؟؟؟:
بوسي كات طبعا غنيه عن التعريف هي عضوه من ابرز عضوات ابن مصر و بصراحه متابعه النشاط النسائي
للمنتدي كويس و هنسألها شوية اسئله عن ضيفتنا النهارده ؟
؟؟؟ علامات استفهام ؟؟؟:
س : رأيك في كتابات اميرة الشقاء ؟
bosy cat:
فوق الممتازه
؟؟؟ علامات استفهام ؟؟؟:
طيب فيه ناس بتقول ان الانسان او الكاتب لما يكتب كتابات عميقه و قويه بتكون نابعه من احساسه بالحزن او الغضب
او اي مشاعر مسيطره عليه هل انتي موافقه علي المقوله دي و لو قلنا انطباعك عن اميره من خلال كتاباتها في المنتدي
هيكون ايه رأيك او انطباعك عنها ؟
bosy cat:
طبعا موافقه على المقوله دى
انبطاعى عن اميره من خلال كتابتها فى المنتدى انها انسانه رقيقه جدا جدا جدا وحساسه قوي
و ذكيه و دمها خفيف وبحس انها انسانه شفافه وقلبها كبير وبتحب الناس
؟؟؟ علامات استفهام ؟؟؟:
طيب لو قلتلك سؤال نفسك توجهيه لاميره يكون ايه هو السؤال ؟
bosy cat:
ما هى اكبر علامه استفهام فى حياه اميره الشقاء ؟
؟؟؟ علامات استفهام ؟؟؟:
طيب شايفه ايه اكتر عيوب لاميرة الشقاء ؟
bosy cat:
اكتر عيوب اميره عصبيتها
؟؟؟ علامات استفهام ؟؟؟:
طيب بما انك اقرب حد من اميرة الشقاء تقدري تقولي ايه الفرق بين اميرة الشقاء و يارا علي الواقع يعني هل تضطر
احيانا لارتداء اقنعه ام انها علي طول صريحه ؟
bosy cat:
احيانا اى انسان بيضطر انه يلبس اى قناع فى اى وقت وفى اى مكان سواء كانت اميره الشقاء فى المنتدى او يارا فى الواقع
وفى الغالب الواقع هو الى بيضطرنا نلبس ليه اقنعه لكن الانترنت مظنش
؟؟؟ علامات استفهام ؟؟؟:
طيب تقدري تصنفيلنا ايه الطابع اللي بيغلب علي اميره يعني طيبه زياده عن اللزوم .... متفائله.....عنيده
bosy cat:
الطابع الى بيغلب على اميره العند
؟؟؟ علامات استفهام ؟؟؟:
طيب لو قلتلك الانسان زي الميزان بداخله جانبي الخير و الشر سواء تقدري تقوليلي ايه اكتر صفتين في اميره متساويين رغم اختلافهم
يعني ............... + ................ = اميرة الشقاء ؟
bosy cat:
الحنان + القلب الكبير = اميره الشقاء
؟؟؟ علامات استفهام ؟؟؟:
صفتان متناقضتان ؟
bosy cat:
الحنان + العصبيه = اميره الشقاء
؟؟؟ علامات استفهام ؟؟؟:
اميره كاتبه في توقيعها اعذب الشعر اكذبه ..........
هل معني ذلك ان كتابات اميره ........ مش هاكمل كملي انتي بقي !
bosy cat:
معنى ذلك ان كتابات اميره بتدل على انها اوقات بتدور على حجات مش بتلآيها موجوده
فبتعبر عنها فى الشعر ولما بتحب تدور عليها بتلآيها موجوده فى الشعر
؟؟؟ علامات استفهام ؟؟؟:
شكرا ياسمين علي الحوار السريع دا
؟؟؟ علامات استفهام ؟؟؟:
تحبي تضيفي كلمه اخيره
bosy cat:
احب اقول لاميره انا كنت تحت تأثير البينج وانا بجاوب هنا يعنى مفيناش من ضرب واحب اقولها كلمه كمان مهما دورت ولفيت مش هلاقى احن من قلبك ربنا يخليكى ليا
bosy cat:
وكفايا كده وبرميلك المايك يا باسم
؟؟؟ علامات استفهام ؟؟؟:طبعا زي ماحنا شايفين بوسي بتخاف من اميره و دا يدل انها بتضربها و نرجع تاني الاستوديو مع اميرة الشقاء

[=BASSEM=]

؟؟؟ علامات استفهام ؟؟؟ :
السلام عليكم
أميرة الشقاء:
وعليكم السلام ورحمة الله وبركاته
؟؟؟ علامات استفهام ؟؟؟:
في الاول اختاري اي مكان في العالم عشان نعمل فيه الاستضافه تختاري فين
أميرة الشقاء:
اختار جزيرة ولسن
؟؟؟ علامات استفهام ؟؟؟:
اختيار موفق
؟؟؟ علامات استفهام ؟؟؟:
س : ليه اميرة الشقاء ?
أميرة الشقاء:
اولها أسألة صعبة
أميرة الشقاء:
هقولك ليه أميرة الشقاء ...دايما الانسان بيكون أمير فى شيىء ما ممكن يجهله..انا بقى أخترت اكون أميرة للشقاء بس مش باٍرادتى...نصيب تقول ايه بقى
؟؟؟ علامات استفهام ؟؟؟:
س : بعيدا عن الجانب الفلسفي للسؤال من انتي ?
أميرة الشقاء:
على العموم انا ماليش فى الفلسفة
أميرة الشقاء:
انا ببساطة انسانة بتحب الناس وممكن تقول عايشة ليهم
؟؟؟ علامات استفهام ؟؟؟:
س : ................. + ................ + ................ = اميرة الشقاء ?
أميرة الشقاء:
حب +فراق+أمل
؟؟؟ علامات استفهام ؟؟؟:
س : من مصادر البرنامج الخاصه عرفنا ان اميره عنيده مووووت و هتشوفي الحوار المفاجأه في البرنامج بس السؤال دلوقتي
الي اي مدي ممكن ان يصل عند اميره
أميرة الشقاء:
هههههههه أسرارى بتطلع بره والله كويس
أميرة الشقاء:
ايوه انا عنيدة جدا
أميرة الشقاء:
بس مش العند بتاع العيال انا ان كنت بعاند..بعاند لكرامتى وكبريائى
؟؟؟ علامات استفهام ؟؟؟:
س : من مواصفات برج الاسد ايجابيات: كريم، دافئ القلب، مبدع، حماسي، واسع العقل، وفي محب
سلبيات : يحب المفاخرة والغطرسة، متسلط، يتدخل بشؤون الغير، متشدد وغير صبور
الي اي مدي تنطبق علي اميره ايجابيات و سلبيات برج الاسد
أميرة الشقاء:
بصراحة هو فيه حاجات كتير بتنطبق عليا وحاجات لا تنطبق
أميرة الشقاء:
انا عمرى ماكنت مغرورة ولامتسلطة..يمكن ناس كتير بتتخيل ده ..وده لانى شوية مغلقة على نفسى ومنطوية لكن لما اخد على المكان والناس الى فيه ببقى واحدة منهم
أميرة الشقاء:
حتى تدخلى بشؤن الغير غير وارد اطلاقا والدليل على كده..انى عمرى ماسألت حد على حاجة
أميرة الشقاء:
انا فعلا غير صبورة ومن عيوبى التسرع
؟؟؟ علامات استفهام ؟؟؟:
س : عالم الانترنت هو عالم الخيال و عالم تحقيق المستحيل ........ انتي متفقه مع العباره دي و لا لاء و الي اي درجه ?
أميرة الشقاء:
مش اوى
أميرة الشقاء:
انا بتفق انه عالم من الثقافة والعلم لكن الخيال درجة لاتتعدى الحد الادنى لأى شيىء
؟؟؟ علامات استفهام ؟؟؟:
س : متي تقول اميره قول للزمان ارجع يازمان
أميرة الشقاء:
ههههههه كتير
أميرة الشقاء:
لما يخدنى الحنين لأيام عشت فيها السعاده اكيد بتمنى ان الايام دى ترجع
؟؟؟ علامات استفهام ؟؟؟:
س : و كانت الظروف اقوي منهما و لكن للحب رأي اخر .................. لو كانت دي جمله بينتهي بيها قصه فهل انتي شايفه ان ممكن في زمانا دا ان الحب يكون اقوي من الظروف التي تعوق هذا الشعور ?
أميرة الشقاء:
فى زماننا ده كل شيء ممكن
أميرة الشقاء:
واكيد الحب اقوى من اى عائق حتى لو فى زمن قبل ده
؟؟؟ علامات استفهام ؟؟؟:
س : اكتر زمن اتمنيتي انك تعيشي فيه
أميرة الشقاء:
زمن الثورة
أميرة الشقاء:
يعنى الخمسينات
؟؟؟ علامات استفهام ؟؟؟:
س : كلمات سأطرحها عليك و تقولي اول مايخطر لكي من الوهله الاولي ?
؟؟؟ علامات استفهام ؟؟؟:
الشروق
أميرة الشقاء:
فجر
؟؟؟ علامات استفهام ؟؟؟:
الغروب
أميرة الشقاء:
موت
؟؟؟ علامات استفهام ؟؟؟:
الامل
أميرة الشقاء:
حياه
؟؟؟ علامات استفهام ؟؟؟:
الحياه
أميرة الشقاء:
بداية ونهاية
؟؟؟ علامات استفهام ؟؟؟:
الامومه
أميرة الشقاء:
حب
؟؟؟ علامات استفهام ؟؟؟:
الشعر
أميرة الشقاء:
حياتى
؟؟؟ علامات استفهام ؟؟؟:
الرجل
أميرة الشقاء:
سر
؟؟؟ علامات استفهام ؟؟؟:
الحقيقه
أميرة الشقاء:
مرة دايما
؟؟؟ علامات استفهام ؟؟؟:
الخيال
أميرة الشقاء:
هروب
؟؟؟ علامات استفهام ؟؟؟:
الموت
أميرة الشقاء:
نهاية
؟؟؟ علامات استفهام ؟؟؟:
الخيانه
أميرة الشقاء:
قتل
؟؟؟ علامات استفهام ؟؟؟:
توقعت الرد و طب و اخيرا ....... الفراق
أميرة الشقاء:
مفيش ألم زيه
؟؟؟ علامات استفهام ؟؟؟ :
س : متي تنزل دموع اميره و متي ترتسم الابتسامه علي شفتاها ?
أميرة الشقاء :
بتنزل كتير ...لما افارق حد عزيز عليا ولما اقابله كمان ولما تظلم ...يااااه كتير
أميرة الشقاء:
ببتسم لما أسعد اى مخلوق
؟؟؟ علامات استفهام ؟؟؟ :
س : اميره تجد نفسها في كلماتها لانها تفتقدها في الواقع ...................... صح او غلط
أميرة الشقاء :
صح
؟؟؟ علامات استفهام ؟؟؟:
س : هل الكلام مهما كان قوي بيقدر يعبر عن الاحساس او المشاعر ?
أميرة الشقاء:
الكلام على اللسان بالنسبة لى لا يعبر عن شيىء...لكن لما اكتب بيخرج من جوايا اكتر من الى اعرفه عن نفسى
؟؟؟ علامات استفهام ؟؟؟:
س : كلماتك ملهمه لكثير من الناس و انا باعترف ان انا منهم و لكن ما هو مصدر الهام اميره ?
أميرة الشقاء:
مصدرى الماضى
؟؟؟ علامات استفهام ؟؟؟:
اميرة الشقاء هل لديكي اقوال اخري ?
أميرة الشقاء:
لا يافندم
أميرة الشقاء:
هل انت الى عندك أسأله اخرى ?
؟؟؟ علامات استفهام ؟؟؟:
اكيد طبعا انتي لسه اتسألتي بس هنكمل في الاستوديو .....قصدي المنتدي عشان هناك الدنيا مش برد
أميرة الشقاء:
ههههههه خلاص هناخد اليطاطين ونروح المنتدى
؟؟؟ علامات استفهام ؟؟؟ :

من جزيرة ولسن للمنتدي المشوار كان طويــــــــــــــــــــــــــل و احنا جايين اخدنا باخره و كان لينا شوية اسئله صغيريت قبل لغز شلة الانس

[=BASSEM=]

بفكرك ياأميره عندك 3 وسائل مساعده

1 - ( ! ) علامه التعجب : يتم استخدامها من قبل الضيف لعدم الاجابه علي سؤال معين .
2 - ( تدبيسه ) : و هنا الضيف بيطلب ان عضو تاني هو اللي يختاره يجاوب علي سؤال معين .
3 - ( DOOR ) : و الضيف بيستخدمه لطرد عضو معين من البرنامج بحيث ميتسالش من العضو دا
و اكيد مينفعش يكون انا يعني .

و نسألك و احنا في الباخره و راجعين للمنتدي كدا شوية اسئله


1 - سؤال بوسي : ماهي أكبر علامة استفهام في حياة اميرة الشقاء ؟

2 - كيف يكون الرجل لغز لأميرة الشقاء ؟

3 - بتعرفي تطبخي و لا لاء ( و انا عارف الاجابه ) ؟

[=BASSEM=]

مستنين مشاركتك و اسئلتكم معانا


و بفكركم كل عضو 3 اسئله بس

و مستنين تشريف ضيفتنا




و بجد مش هتقدروا تغمضوا عنيكوا



استنوا كل يوم الساعه 12 اسئله جديده و علامات استفهام في الغاز جديده مع اميرة الشقاء


مش هتقدروا تغمضوا عنيكوا



Wait 4 Us

باسم عمار و اميرة الشقاء


في



علامات استفهام ؟؟؟؟؟؟؟؟؟؟؟؟؟

[النسر الذهبى]

لى عودة

طبعا اللقاء مع اميرة الشقاء له شكل اخر ومش هتقد ر تغمض عنيك فلى عودة وهسأل كام سؤال كدة

[انسان]

لقاء ممتع وشيق ومنتظرين طبعا الكثير والكثير

انا ليا سؤال واحد فقط
اميرة الشقاء انتى اختارتى لو كنتى عايشة فى زمن الثورة
يا ترى لية التوقيت دا بالتحديد بالرغم مما كان به من سلبيات عاب عليها الكثير وايجابيات ايضا ولكن اظن ان السلبيات كانت اكثر؟

وشكر يا باسم على استضافتك الجميلة

[Lonely Doc]

أميره الشقاء
اسم استرعى انتباهى للوهله الاولى
ولا اخفيكم شعرت ببعض التعجب والانقباض
ايكون حقا للشقاء اميره؟؟
اسألتى بقى :
1- كما قرأت ان " العند" من سيماتك فمتى تضحين بهذا العند وتكونى راضيه بذلك؟؟
2- أذا وضعتك الظروف فى الاختيار بين فارسك وعالمك فمن ستختارين؟؟ ولماذا؟؟
3-" ضحيت هنايا فداه" عبيط ام نبيل ولماذا ؟
هما 3 اسئله بس ؟؟؟
شكرا ياباسم لاتاحتك الفرصه لنغوص فى عالم الاميره

[حدوتة]

المشاركة الأصلية بواسطة B_AMMAR

بفكرك ياأميره عندك 3 وسائل مساعده

1 - ( ! ) علامه التعجب : يتم استخدامها من قبل الضيف لعدم الاجابه علي سؤال معين .
2 - ( تدبيسه ) : و هنا الضيف بيطلب ان عضو تاني هو اللي يختاره يجاوب علي سؤال معين .
3 - ( DOOR ) : و الضيف بيستخدمه لطرد عضو معين من البرنامج بحيث ميتسالش من العضو دا
و اكيد مينفعش يكون انا يعني .

و نسألك و احنا في الباخره و راجعين للمنتدي كدا شوية اسئله


1 - سؤال بوسي : ماهي أكبر علامة استفهام في حياة اميرة الشقاء ؟

2 - كيف يكون الرجل لغز لأميرة الشقاء ؟

3 - بتعرفي تطبخي و لا لاء ( و انا عارف الاجابه ) ؟

بسم الله الرحمن الرحيم

وبه نستعين

قبل أى حاجة بشكر باسم على المقدمة الى حقيقى اخجلتنى وفى نفس الوقت اسعدتنى
وعلى ذكائه الى فاجئنى بيه وعلى صورة جزيرة ولسن
وبشكر بوسى على رأيها الى بجد خلانى طايرة من السعاده لان من اسعد لحظاتى ان اكون فى نظر الناس كما احب ان اكون
ورأى بوسى منتهى امنياتى

ابتدى الاجابه اولا على اسئلة بوسى
1_ أكبر علامة استفهام فى حياتى هى انا شخصيا كتير مش بفهم انا عايزة ايه ولارايحة فين واحيانا الجواب بيتأخر وبتوه

2_الرجل لغز فعلا بالنسبة لى لأنى بعجز عن فهمه واحيانا عن تصديقه
ده لان زى ماالكل عارف ان الرجل بالنسبة للمرأة كل شيىء والمرأة بالنسبة للرجل جزء من أشياء كتير

3_ولما انت عارف ياباسم بتسأل ليه
على العموم الطبيخ مش مشكلة اى حاجة البنت تحب تتعلمها هتتعلمها المهم تحب تتعلم

[حدوتة]

مكرر

[حدوتة]

المشاركة الأصلية بواسطة Lonely Doc

أميره الشقاء
اسم استرعى انتباهى للوهله الاولى
ولا اخفيكم شعرت ببعض التعجب والانقباض
ايكون حقا للشقاء اميره؟؟
اسألتى بقى :
1- كما قرأت ان " العند" من سيماتك فمتى تضحين بهذا العند وتكونى راضيه بذلك؟؟
2- أذا وضعتك الظروف فى الاختيار بين فارسك وعالمك فمن ستختارين؟؟ ولماذا؟؟
3-" ضحيت هنايا فداه" عبيط ام نبيل ولماذا ؟
هما 3 اسئله بس ؟؟؟
شكرا ياباسم لاتاحتك الفرصه لنغوص فى عالم الاميره

اهلا دكتور محمود
سامحنى على الاسم بتاعى بس يمكن ايامها كانت ظروفى مضطربة فده يمكن يكون السبب
ان شاء الله اغيره قريب لانى فعلا بقيت اتضايق منه هبقى قريب يارا وبس

طبعا الدكتور محمود مش هيجيب غير أسئلة صعبة
تقريبا كل الاسئله عايزة علامة تعجب بس مش هكسفك لانك غالى عندى جدا
1_ العند والله مش من سماتى لدرجة انى اضحى بيه اوأتمسك بيه
هى ظروف بتحكم انى اعاند وخصوصا لما يكون لى رأى مقتنعة بيه هما بيسموه عند لكن انا بسميه تمسك بالرأى
لو حصل بقى وممكن أتنازل عن رأيى فده احيانا علشان اتغاضى عن مشكلة ما او انه يوصل الحال انى هخسر ناس بحبهم
بتنازل لكن وانا هموت من الغيظ

2_عالمى ده بقى مفيش مخلوق يقرب له
انا فعلا ليا عالم خاص رسماه زى اللوحة الجميلة
لما اتضايق ادخله واعيش فيه وانسى همومى وكأنى مش على الارض
ان كان فارسى هيرضى بيا انا وعالمى اهلا بيه مش هيرضى فخلاص مش هقدر اضحى لأى سبب

3_ضحيت هنايا فداه" احيانا بيكون عبيط واحياانا بيكون نبيل
على حسب الشخص ده مين ومعزته ايه بالظبط
لكن فعلا ممكن أضحى بشيىء غالى عندى لأجل شخص احببته
بس مش احلامى وعلى فكرة احلامى مش خروج عن حدودى أبدا لكن ممكن تقول جنة تخيلتها
كل الحكاية وقت أقضيه لو حدى فى اليوم أظن ده مش مستحيل
ده كمان علشان الحياه تستمر

شكرا يادكتور على الاسئلة الصعبة

[أحمدكمال]

المشاركة الأصلية بواسطة أميرة الشقاء

اهلا دكتور محمود
سامحنى على الاسم بتاعى بس يمكن ايامها كانت ظروفى مضطربة فده يمكن يكون السبب
ان شاء الله اغيره قريب لانى فعلا بقيت اتضايق منه هبقى قريب يارا وبس

[/color]

وانا مش هغيره ...

انا محبش اسأل كتير ....
وخاصة لما يكون الشخص الي اقدامي اعرفه كويس ...
بحس ان الاسئلة مش يتكون ليها طعم ....
بس في سؤال مش عارف اتسالي فين ياري
اه افتكرته
في البيت بيدلعوكي يقولولك ايه
سؤال فريد من نوعه بقى

مش هزود اسألة مؤقتا لكن احب اسجل شهادة بان يارا من افضل الشخصيات الي ممكن تقابلها في حياتك

[=BASSEM=]

بعد قليل ..............................




لغز









شلة الأنس

[=BASSEM=]

Wait 4 Us



??????????????

[=BASSEM=]

عدنـــــــــــــــــــــــــــــــــــــــــــــــ ــــــــــــــا
















































باسم عمار

و

اميرة الشقاء





في












لغز شلة الانـــــــــــــــس











و














علامات استفهام