دماء .. بلطجة.. انتهاكات بالجملة فى الانتخابات المصريه

[محمدحسين]

صاد الجولة الأولى من المرحلة الثانية للانتخابات :دماء .. بلطجة.. انتهاكات بالجملة



بلطجية الوطني يحتمون بقوات الأمن المركزي !!!

يوم اسود تاريخ الحياة السياسية المصرية .. فضيحة بكل المقاييس يندى لها جبين اي مصري يحب وطنه

سالت الدماء .. انتهكت ابسط الحقوق الانسانية ..حتى قضاة مصر تم الاعتداء عليهم .. وللاسف كان ذلك تحت سمع وبصر رجال الأمن الذين شاهدوا البلطجية الذين استأجرهم مرشحو الحزب الوطني بهدف ترويع من تسول له نفسه انتخاب اي فرد من المعارضة .. بل وشاهدناهم على الفضائيات كما شاهدهم العالم ينظرون الى البلطجية الذين يحملون السيوف والأسلحة البيضاء دون ان يتعرضوا لهم على وجه الاطلاق بل أن بعض البلطجية قد احتموا من غضب الناس .. بقوات الأمن المركزي

تعالوا معنا لنتعرف بصورة شاملة على حدث اليوم

الاسكندرية :

شهدت الدوائر الانتخابية بالاسكندرية أعمال عنف واسعة وصلت ذروتها بمقتل سائق يعمل لدى أحد المرشحين بالإسكندرية بعد تعرضه لضرب مبرح، وقال مراسل مصراوي ان بلطجية طعنوا شخصا في دائرة المنشية والجمرك نقل الى مستشفى رأس التين في حالة خطيرة الا انه توفي بعد وصوله الى المستشفى

وقال أحد الشهود ان البلطجية أحرقوا حوالي 20 سيارة وعددا من المتاجر ولم تعرف على الفور هوية مرتكبي هذه الحوادث كما وقع اعتداء على أحد القضاة فى كرموز وبعد ساعات من بدء الاقتراع أبلغ مرشح معارض ومتحدثان باسم جماعة الاخوان المسلمين عن أعمال شغب واصابات لحقت بناخبين في الاسكندرية والاسماعيلية والبحيرة.

وقال تامر حرفوش مرشح حزب الغد في الاسكندرية لرويترز وقعت أعمال شغب أمام مدرسة سيد درويش في دائرة العطارين واللبان وألقى أحد الاشخاص ماء النار على فتاتين. وأصيب وكيل مرشح مستقل بجرح في وجهه

كما قامت قوات الأمن بإجراءات مشددة لغلق منافذ مدينة دمنهور، كما رصد المركز تلاعب بكشوف الناخبين في دوائر (دمنهور- إيتاي- أبو حمص- شبراخيت- الدلنجات- وادي النطرون- أوب المطامير- كوم حماده) من بينها تكرار الأسماء .

وقالت تقارير اولية لعدد من المراقبين التابعين لمنظمات حقوقية ان في دائرة الرمل التي تعتبر أهم دوائر مدينة الأسكندرية، صدرت الأوامر لعمال شركة النظافة أونيكس بتمزيق اللافتات والملصقات الدعائية لمرشحي الإخوان الإخوان صبحي صالح فئات والمحمدي سيد أحمد عمال

كما تم إعتقال أربعة من المراسلين الأجانب منهم مراسل السفارة الفرنسية رومانتيك ومراسل صحيفة وورلد نيوس كما قامت قوات الأمن بسرقة وخطف كاميرات ومعدات باقى المراسلين الأجانب

كما شكا العديد من أهالي نظير والنهضة والحديثة بكفر الدوار من حالات التزوير الفاضح ومنعهم من التصويت بجانب الحصار الأمنى المشدد على اللجان أما في كفر الدوار فقد حاصرت قوات الأمن الفاضى المسئول عن مدرسة النهضة بكفر الدوار

وأكد شهود عيان أن أعمال بلطجة وقعت فى مدرسة النهضة بالسناهرة والحديثة بنظير كفر الدوار على مرأى من قوات الأمن دون ان تتدخل ، وفي دمنهور قام البلطجية بتحطيم مقر الدكتور محمد جمال حشمت بجوار مدرسة عبد المنعم رياض بشبرا ، كما سجل مراقبوا الانتخابات عدم إستخدام الحبر السري فى لجنة 75 بكوم حمادة

من ناحية أخرى قام الدكتور جمال حشمت مرشح الاخوان بالاعتصام بمقر اللجنة العامة للانتخابات بمحكمة دمنهور، بعد أن اعتقلت اجهزة الامن ابنه و30 من أنصاره.. في الوقت الذي تم فيه حصار منزل عائلة العريان بحي أبو الريش بمدينة دمنهور- دائرة حشمت- وحبس قرابة الـ50 من أنصار مرشح الإخوان (رجال ونساء)

البحيرة :

تم ضبط حافلات تحمل مئات الناخبين جاءت من محافظة البحيرة للاقتراع لمرشح الحزب الوطني في الاسكندرية حيث قام أنصار مرشح منشق على الحزب الوطني بمنعهم من دخول اللجان.

وفى الدائرة العاشرة بمركز حوش عيسى بالبحيرة تبلغ من الخدمات المعينة لتأمين لجان مدرسة الثانوية بنين بذات الدائرة قيام بعض مؤيدى المرشح عبد الوهاب عطية الديب باقامة سرادق أمام باب المدرسة مما يعوق دخول وخروج الناخبين وعندما طلب ازالتة قام بعضهم بقذف الشرطة بالحجارة واحداث تلفيات بها حيث تم ضبط بعض العناصر المتورطة وأخطرت النيابة لمباشرة التحقيق

بورسعيد :

مع بداية انتخابات المرحلة الثانية قام الحزب الوطني بنقل المواطنين من محافظة دمياط إلى بورسعيد بعشرات الأتوبيسات الخاصة بنقل الركاب ، حيث قامت أتوبيسات النقل الداخلي ببورسعيد بشحن ونقل المئات من أبناء محافظة دمياط ابتداءً من الساعة السابعة مساءً وحتى الساعات الأولى من الصباح الباكر بهدف ترجيح كفة مرشحيه في الانتخابات حتى ولو بالتزوير

وقال طارق السيد مسؤول اللجنة الاعلامية لمرشحي الاخوان المسلمين في بورسعيد ان أعمال شغب وقعت في عدة لجان بين مؤيدين للحزب الوطني الديمقراطي ومؤيدين لجماعة الاخوان المسلمين ، وقال لرويترز في اتصال هاتفي دارت معارك بالعصي والسكاكين في مدارس أحد والقابوطي وسعد زغلول. حاول رجال مسلحون بالسيوف والسكاكين التأثير في أصوات الناخبين المؤيدين لمرشح الاخوان وأصيب عدد من الناخبين

وحدثت مشاجرة أمام اللجان أرقام 6 و7 و8 بمدرسة سعد زغلول الابتدائية وكذا أمام اللجان أرقام 9 و10 و11 بمدرسة القابوطى الابتدائية دائرة قسم الضواحى وتراشق الطرفين بالحجارة .. وقد تدخلت قوات الامن للسيطرة على الموقف .

الاسماعيلية :

وردت أنباء عن إصابة مرشح الإخوان المسلمين بالاسماعيلية بطلق ناري وطعن أحد المرشحين المستقلين بالإسكندرية ونقله إلى المستشفى في حالة خطرة ، كما تم الاعتداء على محمد حسين محمد علي وكيل مرشح الإخوان على مقعد الفئات بالدائرة الأولى بمحافظة الإسماعيلية من قبل البلطجية المؤيِّدين لمرشح الحزب الوطني على مقعد العمال أحمد أبو زيد كما تم الاعتداء علي المهندس صبري خلف الله، وذلك أمام مقر لجنة الانتخاب بمدرسة الزراعة الثانوية بمنطقة منشية الشهداء قسم ثان الإسماعيلية؛ حيث أصابه بجرح قطعي في رقبته وتم عمل محضر بالواقعة

وقد لوحظ قدوم عدد آخر من البلطجية تم استجلابهم من محافظات الصعيد في عدد من السيارات ، كما حدثت اشتباكات قام البلطجية من أنصار مرشحي الحزب الوطني بالاعتداء على أنصار مرشح الإخوان أمام مدرسة طه حسين (التي كان يعمل بها الإمام الشهيد المؤسس حسن البنا) وأمام مدرسة 25 يناير هدد بلطجية تابعون لمرشح الحزب الوطني في الدائرة التي تتبعها اللجنة الانتخابية الموجودة في المدرسة بأنهم "هيخلوها دم

وفي مدرسة المشير الثانوية والشهداء الابتدائية ومدرسة الزراعة الثانوية الفنية تم الاعتداء على أنصار مرشح الإخوان خلف الله بـ(السنج والمطاوي والعصي) مما أسفر عن إصابة 15 شخصًا أحدهم أصيب بجرحٍ غائر في الرقبة.

والمفاجأة انه في بعض اللجان يقوم بعض القضاة في نفس الدائرة بإخراج مندوبي مرشحي الإخوان من اللجان ويقوم رئيس مباحث الأموال العامة بمديرية أمن الإسماعيلية- بمنع الناخبين، وخاصة المحجبات والمنتقبات من دخول مقر لجنة الانتخاب بمدرسة الفتح الابتدائية

كما تم الاعتداء على محمد حسين محمد علي وكيل مرشح الإخوان على مقعد الفئات بالدائرة الأولى بمحافظة الإسماعيلية من قبل البلطجية المؤيِّدين لمرشح الحزب الوطني على مقعد العمال أحمد أبو زيد كما تم الاعتداء علي المهندس صبري خلف الله، وذلك أمام مقر لجنة الانتخاب بمدرسة الزراعة الثانوية بمنطقة منشية الشهداء قسم ثان الإسماعيلية؛ حيث أصابه بجرح قطعي في رقبته وتم عمل محضر بالواقعة .

وقد لوحظ قدوم عدد آخر من البلطجية تم استجلابهم من محافظات الصعيد في عدد من السيارات ، كما حدثت اشتباكات قام البلطجية من أنصار مرشحي الحزب الوطني بالاعتداء على أنصار مرشح الإخوان أمام مدرسة طه حسين (التي كان يعمل بها الإمام الشهيد المؤسس حسن البنا) وأمام مدرسة 25 يناير هدد بلطجية تابعون لمرشح الحزب الوطني في الدائرة التي تتبعها اللجنة الانتخابية الموجودة في المدرسة بأنهم "هيخلوها دم

الغربية :

في دائرة قطور وقعت مناوشات بين انصار فكري الجزار المرشح المستقل والنائب السابق والبرلماني المخضرم امام مرشح الاخوان الشيخ على لبن وتم القبض على 25 من الاخوان المسلمين في دائرتي قطور وزفتى

من جهته نفى مسئول المكتب الإداري للإخوان المسلمين بطنطا وجود حياد أمنى في هذه المرحلة من الانتخابات وأكد ان قوات الأمن وعناصر الشرطة وأمن الدولة منعت الناخبين الملتحين والسيدات المنتقبات وأنصار الاخوان من دخول اللجان

وحدثت مشاجرة أمام اللجنة رقم 55 و56 بمدرسة سيدى عبد الرحيم الابتدائية قسم أول طنطا والدائرتين 90 و91 بين بعض مؤيدى المرشحين المستقلين وتم ضبط اثنين من الطرف الاول .

وقام الامن باطلاق الاعيرة النارية في الهواء والقنابل المسيلة للدموع تجاه انصار الاخوان المسلمين الذين تجمهروا احتجاجا علي منعهم من التصويت في لجان مدرسة سيدي محمد عيد الرحمن ومعهد التوكل .وفي الاسماعيلية يقوم البلطجية بالمرور بسيارات علي اللجان لضرب انصار ومرشحي المعارضة كما تم الاعتداء علي مرشح الاخوان حسين علي والمرشح المستقل رزق مشير

قنا :

قامت أجهزة الامن بضبط 10 من العناصر المشاغبة من أنصار أحد المرشحين بمدينة قوص لاثارتهم بعض أعمال الشغب أمام المقار الانتخالبية وتشاجر أحدهم مع أحد أنصار المرشح المنافس

وهدد المحافظ وبحضور وزيري الصحة والإسكان موظفي المصالح الحكومية بنقلهم لأماكن نائية حال نجاح مرشحي الإخوان ، كما قام درويش معاون مركز قفط يرافقه رئيس مباحث المديرية بالمرور على الأهالي وتهديديهم بالتنكيل بهم إذا لم يصوتوا لمرشحي الحزب الحاكم.

كما منع الأمن مؤتمر لمرشحي الإخوان برغم حصولهم على تصريح مسبق من مديرية الأمن، كما ظهر وجود فوضى بالكشوف الانتخابية منها وجود 3082 ناخب مكرر أسمائهم بدائرة الشرق، و8012 ناخب بدائرة العرب.

وقام رئيس اللجنة 16 بمدرسة قفط الثانوية برفض دخول مراقب المجلس القومي لحقوق الانسان وقرر انه لا يعترف بالمجلس ولا الاحكام التي أقرت المراقبة واستدعي له الشرطة كما منع رئيس لجنة الكلاحين الوكلاء الذين يحملون توكيلات عامة من المرور علي اللجان ، وقام رئيس لجنة 16 بمدينة قفط باغلاق اللجنة لمدة تزيد عن 45 دقيقة بحجة انه سيدخل الحمام وعندما اعترض علي ذلك احد مندوبي المرشحين مذكرا اياه بالتعليمات الموجبة ندب غيره دون غلق اللجنة او اثبات الغلق في محضر الجلسة امتنع وقام بطرد المندوب ، كما تم القبض علي وكيل عام لاحد المرشحين بمدينة الاقصر اصر علي موقفه القانوني في المرور علي اللجان كما لوحظ تواجد ضباط الامن والجنود داخل اللجان في غالبية دوائر محافظة قنا

الفيوم :

تم رصد وجود العديد من الأسماء التي تعود لمتوفين داخل الكشوف الانتخابية، وتكرر بعض هذه الأسماء أكثر من خمس مرات

وشهدت دائرة بندر الفيوم انتهاكات صارخة خلال سير العملية الانتخابية ففي لجنة الساحة الشعبية قام بلطجية الحزب الوطني بمنع الناخبين من الادلاء باصواتهم ووصل الأمر الى انهم كانوا يقفون بجوار الناخبين اثناء عملية التصويت ومن يجدونه لا ينتخب مرشح الوطني يقومون بالاعتداء عليه ، وعندما اعترض بعض الناخبين على ذلك اشهر عدد منهم اسلحة بيضاء وقاموا بالتعدي عليهم مما ادى غلى اصابة 10 مواطنين بجروح مختلفة نقلوا على إثرها إلى المستشفى، وقامت قوات الأمن بالتدخل لمنع الصدامات واستعانت بالقنابل المسيلة للدموع في تفريق المواطنين

وأكدت مراسلة مصراوي بالفيوم انه تم الافراج عن مسجلين خطر بهدف مساندة مرشح الحزب الوطني ممدوح صلاح سليم امام مرشح الاخوان المسلمين مصطفى على عوض الله ، حسبما اكد الأهالي هناك ، الذين اضافوا ان البلطجية وهم 5 غادروا لجنة الساحة الشعبية متجهين إلى مدرسة الباسل الإعدادية ليواصلوا ارهاب وتخويف الناخبين هناك

وففى تمام الساعة السابعة والنصف قبل بدء فتح اللجان قام أحد ضباط جهاز مباحث أمن الدولة بإقتحام أحد المقرات الرئيسية وهى لجنة مدرسة الساحة وألقى القبض على بعض مناصرى مرشح الإخوان ، وقام بعض البلطجية بمساعدة هذا الضابط لمنع الناخبين من الدخول إلى مقر المدرسة وتكرر نفس المشهد بمقر لجنة مدرسة الحواتم بمقر مجلس مدينة الفيوم ونظراً للحشود الأمنية الكثيفة حول اللجان وتواجد البلطجية فما زال الإقبال ضعيف.

وفي دائرة اطسا بدأ التدخل الأمني في الساعة الثامنة ببلدة منية الحيط حيث قام أحد ضباط أمن الدولة بمحاصرة المقر الانتخابى ومنع الانتخاب بهذه اللجان والقبض على عدد من مناصري مرشح الإخوان ، وكان الإقبال ضعيفاً بسبب هذه المشادات الأمنية وخوف المواطنين من الأمن

اعتقالات بالجملة للاخوان :

كما اكدت وكالات الأنباء وقيادات بجماعة الاخوان المسلمين أن أجهزة الأمن قامت باعتقال 400 من أعضاء جماعة الاخوان المسلمين في حملة على الجماعة ، وقال العضو القيادي في الجماعة عصام العريان ان السلطات عادت الى ممارساتها السابقة ، وقال لرويترز : هذا يدل على عدم وجود أي نية عند الحكومة أو النظام للوفاء بالوعود التي قطعوها عن أي اصلاح سياسي أو دستوري

[حدوتة]

الكارثه هنا
فى دمنهور قامت سيارات الإسعاف بتبديل الصناديق الانتخابية الخاصة ببعض اللجان عقب إغلاق قوات الأمن للجان في الخامسة مساءً

.
وفي بورسعيد ، قال مركز سواسية لحقوق الإنسان ان مراقبين شاهدوا إحراق ثلاثة صناديق خاصة باللجان 13 و14 و15 أمام أعين رجال الأمن بالدائرة الثانية على الرغم من استغاثة قضاة اللجنة العامة بهم ، كما اقتحم أنصار مرشح الحزب الوطني الديمقراطي الحاكم مدرسة أحد بمنطقة القبيطي حيث أشعلوا النيران في أربعة صناديق.

بس برضه انتصار غير متوقع للأخوان
شكرا يامحمد على التغطية

[محمدحسين]

أهلا يااميره بك
والله ياأميره حاجه تثير الحزن على مألت اليه الامور ومحاوله الحزب النجاح رغم أنف الشعب

[نيهال]

السلام
عليكم
ولكن منين حييجى السلام؟
يا عينى عليكى يامصر احنا دايما كده؟ صعب نعيش؟صعب نحس بالامان؟
والله انا بين نارين ......نار انى مصريه وشايفه بلدى بينهبوها من كل ناحيه والظلم اهو ماشى بمزاجه, وبين انى خايفه على البلد نفسها ومش عايزين حد يتدخل بينا زى العراق واديهم خربينها
اقول ايه بس؟
انتخابات ايه؟
همه بيضحكوا على مين والمشكله اننا بنصدق وكل مره نتقرص ومش بنتعلم وبرضه بنديهم الامان.
قالولنا انتخابات نزيهه, يا فرحتى كلنا بقى عندنا ثقه فى الحكومه لكن ما رايته بنفسى وعلى يد اقربائى حينما جاء البلطجيه اللى ماجرهم سياده مرشح الحزب الحاكم وعلى مرئى ومسمع من الشرطه والامن المركزى.......يالله , متصورين المنظر شكله ايه واهلى محبوسين فى المنازل عند عمليه الفرز خوفا من تهجم بلطجيه الخصم عليهم بعد تاكده من فوز المرشح المستقل؟والبوليس شايف وبيؤيد.......
تيجى لدايره تانيه بعد تاكد مرشح الاخوان المسلمين من فوزه بتصويت 35 الف صوت ضد مرشح الحزب الذى حصل على 7_سبعه الاف اصوات .....وخلاص المفروض النتيجه تقول فوز الدكتور.....مرشح الاخوان, واذا بمكالمه تقلب الامور والشاطر يبقى يورينى نفسه ويتكلم.
كلام صعب انا عارفه لكن احنا دمنا محروق من اللى بيحصل معانا, وليه كل ده؟
ده احنا مصريين وبنحب بلدنا.........وهم مصرين اصرار غريب يكرهونا فيها, يبقى عنده حق اللى بيهاجر ويسيبها , يبقى عنده حق اللى مش بيحافظ على بلده. ولكن
من مكانى الان اعاهدكم امام الله باننا حنحافظ على بلدنا, ومش حنضيعها, لاننا شباب اليوم وحماه المستقبل وهم مش حيكونوا لما احنا حنكون.

التوقيع :
فداك امى وابى
يا حبيبى يا رسول الله

[مستكة]

لا ولسه البقيه تاتي انتظرو المحافظات اللي لسه لم يتم بها الانتخابات
دا انتو هتشوفو العجب

[=BASSEM=]

المشاركة الأصلية بواسطة نيهال

ده احنا مصريين وبنحب بلدنا.........وهم مصرين اصرار غريب يكرهونا فيها, يبقى عنده حق اللى بيهاجر ويسيبها , يبقى عنده حق اللى مش بيحافظ على بلده. ولكن
من مكانى الان اعاهدكم امام الله باننا حنحافظ على بلدنا, ومش حنضيعها, لاننا شباب اليوم وحماه المستقبل وهم مش حيكونوا لما احنا حنكون.

التوقيع :
فداك امى وابى
يا حبيبى يا رسول الله

بسم الله

منوره يانيهال القسم السياسي ردك فكرني بالبيت اللي بقيول

بلدى و ان هانت على عزيزة *** و اهلى و ان ضنوا على كرام



ياجماعه كام انتخابات عدت علينا

كام مره بتتكر مواقف انا شايفها كربوووووووووووووون

هي دي الانتخابات و مش في بلدنا بس

ميغركوش اللي بتناقله الاعلام عن ان الانتخابات بره نزيهه

السياسه هي اصل الفبركه

و فيه ناس كتير مقتنعه انه لامبدأ في السياسه

مع ان السياسه ام المباديء

هناك بعض التجاوزات التي حدثت في الانتخابات الاخيره رأها المبصر و الاعمي

و لكــــــــــــــن

تعالوا نقارن بأنتخابات السنين اللي فاتت

السنين اللي فاتت كان فيه بزرميطه سياسيه و كان نجح الوطني الساحق هو السائد

السنه دي كان فيه تجاوزات

و رغم كدا بسأل نفسي الســــــــــؤ ال اللي هيجنني

ليه طالما الانتخابات زي ماغلبية الناس بتقول و استاذ محمد حسين بيقول في موضوعاته مجهولة المصدر غالبا

ليه طالما الطبخه السياسيه موجوده

المعارضه و الاخوان حصلوا علي اصوات هائله و مقاعد كانت بالنسبه للوطني كضربه قاسيه

اقفوا مع نفسكم و اسألوا نفسكم سؤال مهم


الناس عايزه ايه

عايزه انتخابات بزرميطه يكتسحها الوطني ؟
و لا انتخابات فيها تجاوزات بس فيها نسبه من الامانه السياسيه ؟

ياجماعه حسني مبارك تالت رئيس فعلي بعد عهد الملكيه يعني مهما كان الحمل تقيل دا لو جابوا مين سواء كنا مختلفين او متفقين مع الريس و سواء كانت الحكومه بهخا خلل ام لا

بصوا لبكره مش مهم النهارده .....المهم الايام القادمه

المره دي التجاوزات 70 %

المره الجايه 50 %

بعدها 20 %

و هكذا

كلنا بنحب بلدنا بس للاسف مصباح علاء الدين اللي بيغير كل حاجه فيوم مش موجود

دي مجرد احلام

الصـــــــبر و النقد في المضمون هو ماسيصل بنا الي التقدم الحقيقي

و ليس مهاجمةة الدور السياسي برمته

[نيهال]

انا معاك فى كلامك اللى كتبته وعلى فكره كلنا راينا كده ومش حاكون مبالغه لو قلتللك كلنا بجد.......
بالنسبه للسؤال اللى حيجننك , بفكر ومش لاقيه غير اجابه واحد حتى الان...البشوات طبخوها بمعنى (علشان احنا دوله ديمقراطيه وعندنا حريه الراى فى كل مكان فعايزين يقولوا للناس اياهم مع ان عندنى شك انهم بشر_ احنا اهوا دوله عندها حريه الراى بدليل احتلال الاحزاب الاخرى ما قرابه ثلث مقاعد البرلمان)
وخد باللك يا صديقى انهم مع ذللك معاهم الاغلبيه,
انا مش مع الاخوان او غيرهم لكن احنا عايزين حد يوصل صوتنا ويتكلم عن لساننا مش زى الدكتور اللى اول مره نعرف انه من دمنهور وجاى يخدمنا الان.......طيب كنت فين حضرتك من زمان افتكرتنا لما سياده الريس لم يعينك واحتجت انك تكون فى البرلمان, والا دكتور مصطفى الفقى كان كبش فداء علشان يمسح دكتور حشمت من الانتخابات؟
والله انا صعبان على موقف دكتور مصطفى الفقى وموقف دكتور حشمت لانهم وضعوا فى هذا الموقف , لكن هذا لا يمنع انى مستائه مما حدث فى النتيجه والتلاعب اللى حصل على مرئى ومسمع بشهاده سياده المستشار. لكن حيعمل ايه الغلبان اهو التليفون جه والسلام.
وفيه دايره شبراخيت المتحكم فيها عماد الجلده واعتقد ان كتير عارفين مين هوه كويس وتاريخه الكبير وال....
ماعلينا مش وقته, بس انا عايزه افهم حاجه _الانسان ده حاول يقابل سياده الريس لما جه فى وادى النطرون ومنعه الحراس , وساعتها كلنا حسينا ان فيه تغيير لان معنى ان الريس مش يقابله معناه انه مش عايز شخص بالشكل ده فى المجلس, وبعدها بشويه جاءتنا الفاجعه ان الحزب رشح عماد الجلده ........واو , امال ايه اللى حصل وازاى؟مش حاقوللكم عماد الجلده كان بيعمل ايه فى مرشحه المنافس المستقل , كفايه انى اقولكم انه وصله بيه الدنائه انه يعتدى على اسرته وعلى اهله بافعال ومكالمات شنيعه, بمساعده شويه ناس لذاذ كده متاجرين , عارفينهم؟
يبقى حد يتكلم بقى.
على فكره فيه ميزه لغايه دلوقتى وهى انى باكتب حتى الان ومش حصل لى حاجه.
احنا مش وحشين كده انا حاسه كاننا فى لعبه وللاسف احنا العرايس اللى بيحكونا فيها لكن فى النهايه الحبل حيدوب ومش حيستحمل كتره الشد والجذب.
على فكره من شويه سمعت خبر ان رئيس نادى القضاه طلب باعاده الانتخابات فى الدواير اللى حصل فيها تلاعب وعنف, ويا رب تكون العواقب كويسه بعد كده.

ا نا مش عايزه اكون ساخطه على كل شئ لكن من حقى انى اتكلم حتى لو كانت اخر كلمه لى وربنا يستر علينا كلنا وابقوا اسئلوا علىاذا كنت لسه موجوده.[/size][/color][/font]

[دقه قلب]

نيهال يا صديقتى
كالعادة اراء حادة بس للاسف معاكى حق فى كتير منها يعنى موضوع اننا عررايس ده محتاج منك مراجعه يعنى افتكر احنا احسن شويه من كده الاننا على الاقل عملنا رد فعل غير متوقع بالنسبه لهم يعنى لما يكون الاجماع الشعبى اننا مش عايزين الحزب الوطنى ده رد فعل كويس دواير كتير نجح فيها الاخوان الانهم فعلا يستحقوا كده وفى دواير نجحوا فيها الاننا الشعب يعنى مش عايز حد من الحزب الوطنى والدليل على كده فوز المستقلين وبعضهم مالوش تاريخ سياسى لمجرد انه مش حزب وطنى يبقى ننتخبه
الدكتور جمال انا زعلت عشانه جدااااا وخسارته بالنسه لى كانت صدمه كبيرة مكنتش مصدقه ان التزوير ممكن يوصل لكده اقول ايه لك الله يا مصر لك الله يا امه الاسلام

[نيهال]

انا اسفه والله يا صديقتى

مش قصدى تكون ارائى حاده والله . لكن غصب عنى .....غصب ى عن اى واحد بيشوف الظلم , ومش قادر يعمل , ولما بيفكر ويحاول , يحس انه فى لعبه مش اكتر.
حاشا لله انى اتريق على مصر , امال احنا منين يعنى؟ كل اللى كان قصدى ان اللى حصل حسسنا اننا فى مسرحيه ويا ريتها كوميديه لا طلعت من النوع التقيل.
يعنى قوليلى ايه احساسك لما حد يخونك....؟
ابشع حاجه الخيانه او ان حد يكدب عليك .......يبقى فاضل ايه حلو؟
على فكره انا مش مع دكتور مصطفى والا دكتور حشمت ....كل اللى غايظنا كسره النفس اللى وصلت اليها كتير من الناس فى دمنهور ..تصورى بكاء ناس كتير بدؤا يبفقدوا الامل فى البيت اللى عايشين فيه........كلامى جامد ..انا اسفه جايز طيش شباب لكن انا مقدرش اسكت لما الاقى راجل اد ابويا وهو يبكى على البلد اللى ممكن يحصل فيها كده.
مصر فيها حاجات حلوه كتير وناس بيحبوها اكتر .......يعنى مش كل حاجه وحشه كده .......
ولكن انا عند راييى اللى قلته اليكى هو ان الحزب الوطنى سمح للاحزاب الاخرى بانهم يكسبوه فقط ولكن بنسبه معينه وافضل دليل اللى حصل فى دمنهور والدقى.
انا لا انكر فوز الاحزاب الاخرى لكن محدش يقدر يلومنى ان الحزب كان ممكن يعمل كده معاهم لو كان عايز....جايز كلامى لانى بدات افقد الثقه فيهم لكن يا ريت يصححوا الفكره دى ..
من يومين بالظبط جه على قناه اليوم استضافوا نهى الزينى وهى كانت من ضمن المراقيبن على الانتخابات فى دمنهور وبجد ادتنى امل فى كلامها بان القضاء لسه بخير.
وارجع واقول دى وجهه نظرى اللى قلتها لكى ويا رب اكون غلطانه فيها.