ليه اخترت اسمك دا ؟

[فؤاد عادل]

فؤاد عادل

الاسم دا أسمى بجد

بس بين فؤاد وبين عادل فى أحمد

يعنى (فؤاد أحمد عادل)

الاسم دا أنا كنت بكرهه جدا لانه ياما سببلى مشاكل علشان أحمد عادل دا أسم مركب

يعنى أحمد عادل دا أسم الوالد لوحده

وبعدين حصلت معايا حاجات خلتنى اعرف أنى لازم اعتز بأسمى وبهويتى

وأنى لازم محولش ابعد عنها فعلشان كده

بقيت أشترك فى اى مكان بأسمى (فؤاد عادل)

وتحياتى ليكى

[عابرة]

ميرسى ليك يا باسم

سورى انا عملت نفس الموضوع قبل ما اشوف موضوعك

معذرةً

وتحياتى لك

[عابرة]

المشاركة الأصلية بواسطة محمود بن حسين

محمود حسين
اسمى الحقيقى
ولو كنت اتمنى اسم غيره
لاخترت
محمود حسين ههههه

ايه الانتماء الكبير دا

مع كنت اكيد مكنتش تعرف ان مامتك وبابك هيسموك كدا

سعيدة بردك الجميل

تحياتى لك

[عابرة]

المشاركة الأصلية بواسطة BeadsArtist

بسم الله الرحمن الرحيم
عابره موضوعك جميل قوي وانا من اول مادخلت المنتى واسمك شدني انتى ولاجئه لأن فيهم معانى كتيره
انا بقى اسمي الحقيقي بسمه بس مسجله ب
Beads Artist
علشان beads معناها الخرز وهوا ده مجال شغلي
انا مصممه اكسسوارات وعندي محل صغير ببيع فيه الاكسسوارات دي
وبس

ربنا يخليكى يارب

لاجئه كمان اسمها جميل واخت غاليه وعزيزة على قلوبنا

ماشاء الله

اسمك رقيق وجميل

ومهنتك كمان لذيذة واكيد فيها ذوق عالى

ابقى قوليلى العنوان عشان اجى اشترى من عندك اكسسوارات عشان بحبها كتير

تحياتى ليكى يا قمر نورتينى بجد واسعدنى وجودك

[N O D Y]

اخترت الاسم دة علشان دة اسم الدلع بتاعى وانا بحبة اووى

[BeadsArtist]

بسم الله الرحمن الرحيم
عابره حبيبتي ايه بس المجاملات دي كلها
ربنا يخليكي يا قمر
وانا اتمنى تيجي تاخدي المحل كله بس لو قعدت اوصفلك المكان والبلد اللي انا فيها مش حتعرفي توصلي الا لما تكوني جايه تشتري لأحفادك ان شاء الله
اصلي مش من القاهره ولا اسكندريه ولا اي حته تعرفيها

[ومن الحب ما قتل]

اخخخخخخخخخخ انا سميتو كذا لان من جد ومن الحب ما قتل
وياويلي اانا على الحب هع هع ما يستاااهل











تشاوو