غيامة وعدت

[سفير الحب]

يااااااااااه !!!

كانت غيامة مرت وعدت

فاكر فى يومها , ضحكتنا حزنت

غلبنا البكى , وصوت بكانا مش ناوى يسكت


مش قادر أنسى , صوت الانين على ارض طين

زى اصوات البارود فى الجو دوت

والبرد شدّ علينا , وجتتنا سقعت والله وبردت

ولا فيش قمر ينور ضلام فى موجة غمام

, ولا حتى شمساية واحدة علينا طلت

وكأنها ما كانتش غالية عندنا ,هى كمان بعدت وهربت

وسألت نفسى حتى الشموس زى البشر

ياااه , على الجبان داء وانتشر

ما بقاش فاضل , عندنا غير الدعا لرب السما

رفعوا الايادى كلهم , وانا كفى كان سابق لهم

ودعينا كلنا , تغور الغمام من هنا( يارب الغيامة عنا تبعد )

وكأن ابواب السما فى وشوشنا قفلت

ولقينا برق فى سمانا , وسيول كتيرة ضربت بيوت

ورأيت عيون باكية وحزينة , ولقيت سكوت

ودعينا بقلوبنا , نلقى حبة صمود جوه البيوت

وجريت عقارب الساعة , وكأنها ضحكت علينا كمان ووقفت

حسينا والله انها ما كانتش ماشية

صبح الصباح ,راح الغيام , والشمس رجعت

ومن كسوفها , خلف السحاب , راحت استخبت

ونظرنا كلنا فى لحظة فضول , مين اللى فينا بيوته وقعت

لقينا , بيت واحد اتهدم ,

وبالتراب والله اتردم ,

عجبى يا دنيا , والله عجب

مين فينا الهدم على بيته انكتب ؟؟

بيت اللى قتل فينا الامل وظلمنا على مر السنين ..
وجريت , عشان اخد القلم
واكتب على لوحة حياة ..


يحيا الغيامة , اللى قتلت فى صدورنا الالم
ومسحت من قلبى الانين

[حدوتة]

لقينا , بيت واحد اتهدم ,

وبالتراب والله اتردم ,

عجبى يا دنيا , والله عجب

مين فينا الهدم على بيته انكتب ؟؟

بيت اللى قتل فينا الامل وظلمنا على مر السنين ..
وجريت , عشان اخد القلم
واكتب على لوحة حياة ..


يحيا الغيامة , اللى قتلت فى صدورنا الالم
ومسحت من قلبى الانين

سفير الرائع هذه الرائعة كان حتما لى أن أعير لها انتباها ولكنى تاخرت
فحقا رائعة وتجاوزها ظلم
سلم قلمك الشجى دوما

[SOKA]

الحمد لله انها عدت

من غير

زوابع