مين اشجع واحد هنا؟؟؟؟يورينى نفسه

[lionking]

اولا / بخ عو .
وحش موضوعك اوي يا عتاب ... علشان نبتدي الموضوع بالكدب .
اهم العيوب :
- لما بعز حد بستحمله كتييييييييييييييييييييييييييييييييير لكن لما بيسود في قلبي .. انتهت مستحيل يرجع تاني .
- عنيد شويتين .
- عصبي موت ( زي ما بيقولوا هادي هدوء ما قبل العاصفة )
و ما خفي كان اعظم ..

[عتاب]

المشاركة الأصلية بواسطة lionking

اولا / بخ عو .
وحش موضوعك اوي يا عتاب ... علشان نبتدي الموضوع بالكدب .

مش عارفة بصراحة ايه الرأى الجميل ده في الموضوع بتاعى
طيب مين اللي بدأ بالكذب مش فاهمة
انا برضه باستحمل بس بعد كده مش هايحصل طيب

[lionking]

اوعي تكوني زعلتي بجد ؟؟؟؟


و لو كنتي زعلتي بجد ....

[عتاب]

لا مازعلتش مش هانولهالك

[بكــار]

عيوبى فى نظرى كتير فى نتظر الناس قليلقه
اولا
غير قادر على الموةاجهه يعنى ممكن اتنازل عن حقى مش ضعف بس الناس بتفتكره ضعف
ثانيا
عصبى جدا
ثالثا
بحب التهريج لدرجه بتزعل اصدقائى حاولت اغير من نفسى لكن للاسف هى دى طبيعتى
رابعا
طيبتى
خامسا حالة لامبالاه بحيث انه من الممكن ان ارتك اى شيء لاى سبب
سادسا
مشهور جدا فى المكان الى انا فيه
بسبب لى احراج جامد جدا لان فيه ناس كتير تقابلنى وتقلى ازيك يا هيما ومش اعرف ارد عليهم
سابعا
بقلق بسرعه
ثامنا
غيور جدا

[حبيبة]

موضوع كويس واول حد يطرحة فكرة كويسة اوى
انا هقول ياعتاب عيوبى
1-مش بصدق اى حد بسهولة
2-شكاكة
3- مبنساش اسية حصلتلى حتى لو سمحت
4- مش بعرف اعمل اكل ونفسى اتعلمة

[sendrella]

عيوبي

عنيدة واحيانا في الغلط
عصبيه بدون لزوم وكتير ده بيضيع حقي
كسولة نوعا ما
وبصدق الناس بسهوله

ده اللي علي بالي دلوقتي بس اكيد في غيره كتير

[Findi]

عيوبي..
كسول ، جاد شويتين ، عصبي ، مابكرهش

[عتاب]

انا جيت يا جماعه اخيرا بعد غياب شهر
اهم عيوبي ان عندى النت دايما عطلان
ادعولي انى اصلح العيب ده

[وافي بلال]

موضوع حلو ...

انا بقى عندي عيب , الي عند اغلب الناس .. وهو اني ما بقدر احكي عن عيوبي ... الا لو كان لاخصائي نفسي ...

مع التحيه

[THEGOODWOLF]

من المذيع المشهور

1- رومانسي جدا
2- أحب أن أكون محبوبا
3- ضعيف أمام من أحب
4- صادق أحب الصدق
5- أكره الكذب و الكذابين
6- أؤثر السلام و لا أحب القتال
7- بنسى كتير
8- فوضوي
9- لا أجامل في الحق و الحب و الصدق
10- أحيانا لساني أسرع من عقلي

ألخص حياتي وإلي فات و إلي مش فاكره في رباعية من رباعيات صلاح جاهين

أنا شاب لكن عمري ولا ألف عام
وحيد لكن بين ضلوعي زحام
خايف و لكن خوفي مني أنا
أخرس و لكن قلبي مليان كلام

عجبي !!!!


أحيانا نرى في أنفسنا عيوبا يراها الأخرين مميزات
و أحيانا نرى في أنفسنا مميزات يراها الأخرين عيوبا

لكن لا أحد يدري الصحيح من الخطأ
فالأراء كثيرة و مختلفة

[عتاب]

معلش يا جماعه نسيت الموضوع ده شوية بس اديني افتكرته
ها مين تانى هايقول عيوبه؟؟؟؟؟؟؟؟؟؟

[دقه قلب]

موضوع جميل يا عتاب جامد اوى بجد
عيوبى بقى يا ستى عدى معايا
1 عصبيه جداجداجدا وكل اللى يشوفنى يقول عنى هاديه اوى غريبه دى
2 مش بحتمل ان حد يكدب عليا ابداااااااااااااااااااا وبعتبر نغسى غبيه عشان صدقت
3بصراحه انا مش بحب انى اكلم حد وانا مش مرتاحه ومش بعرف اجامل وده بيعمل مشاكل كتيييييييير وكتير بتفهم صراحتى على انها غرور
4 معجبه بنفسى حبتين لاء حبه واحده


كفايه عليكم كده
اكمل بعدين

[عتاب]

اهلا دقة قلب نورتى الموضوع
ايه العيوب العسل دى العصبيه عيب الشعب المصري كله تقريبا
ومش دايما بنكون احنا اللي اغبياء لما حد يكدب علينا
اوقات اللي قدامك بيكون متعود علي الكدب وشاطر فيه
وانتى او غيرك ممكن تصدقوه وتتغشوا فيه
عادى انك ماتتكلميش وانتى متضايقه بس المهم الاسلوب اللي توصلي بيه انك مش قادرة تتكلمى
حلوة اوى معجبة بنفسك حبتين لأ واحدة هههههه طيب انا معجبة بنفسي 3 حبات ونص
يالا تعالي كملي باقي العيوب ماتعمليش زى الباقيين بيقولوا هانكمل ومش بييجوا تانى

[Honey1900]

السلام عليكم
بصو بقي يا ولاد عيوبي : ـ
1 ـ عصبي ( ابن سبع تشهر بجد )
2 ـ بصدق الناس ( المتكلم صادق الي ان يثبت العكس )
3 ـ معرفش اجامل ودا من مشاكلي الكبيرة
4 ـ اتعلمت الكدب ف الجيش كنت لما اكدب يبان عليا دلوقتي بقيت بعرف اكدب و ميبنش عليا
5 ـ من اكبر عيوبي ان ديمن بسامح اللي يغلط فيا و اديله فرصة تانية ( يطبخ فيها بامية ) و ف الأخر يطلع ميهستاهلش اني اسامحه
6 ـ بنام و انا بكلم ع النت او ع التليفون بكون خلاص مش قادر
7 ـ فاكر ان دمي خفيف و الناس بتفتكر اني مش قد المسئولية ( بستخف بيا يعني ) و دا مش صح
و فيه تاني بس دول اللي فاكرهم الوقتي