بسم الله الرحمن الرحيم
اولا : انا جديده في المنتدى ، واول مره اشارك ، و موضوعك يا عتاب لذيذ
ثانيا : عيوبي بقى واللي اكيد مش هفتكرها كلها هي
1- انا هادية جدا
بس ممكن اتحول من الهدوء ده الى العصبية الشديدة بسرعة 1000 في الثانيه ( بالمختصر يعني زي العربيات الجديده اللي بتنتقل من حالة الثبات للسرعه القصوى في اقل من دقيقه او بلهجتنا احنا البنات بشيط في ثانيه)
2-ضعيفة جدا قدام اللي بحبهم لدرجة اني ممكن اكون اتعصبت منهم جدا و لو همسو بكلمة معلش او اخر مره اسامحهم بسهولة
3-دائما بعطي للناس انطباع سيء عني في المقابلة الاولى ( قليلة الكلام و بحب في الاول اتابع الناس و ردود افعالهم فبيفكرو اني متكبره)
3- بتسامح كتير جدا و بدي فرص بلا حدود للناس بس لما بقفل من شخص الله لا يوريكو بركب الوش الغبي
4-كريه عيني اني اشعر ان الشخص اللي قدامي بيعاملني بلامبالاه و لا بيقلل من قيمتي او ناوي على كده او حتى الفكره جت في دماغه اصلا
5- ملياش في النفاق الاجتماعي و لا مجاملات الناس اللي مش حاباهم و ده طبعا عيب كبير لان المجتمع عايز كده
6- دقيقه جدا في كلامي و في استقبالي للكلام فالناس بتفكر اني بمسكلهم على الواحدة مع ان مش بيكون قصدي ( ده عيب عرفته مؤخرا ، يللا مش حارماكم من شيء )
سلام 
الموضوع اللى طرحته عتاب عن كتابة عيوبنا موضوع مهم جدا 
يمكن لو اعترفت بيها تقدر تغيرها و تصلحها
و مابعرفش أعبر عن مشاعرى للناس اللى أمامى
وتفتكريني انا بعاكس انتي زي اختي مش قصدي حاجه
النمط الخطي
