مين اشجع واحد هنا؟؟؟؟يورينى نفسه

[زهرة]

....يلا بسرعة هقول قبل ما اكسير الشجاعة يخلص الي شربته من دقايق
1
2
3
-ما بعترفش باخطائي او عيوبي
-عنيدة
-مزاجية
-سريعة الغضب
-مابثقش في حد ابدا ثقة كاملة ..من اهم عيوبى

كفياية كدة مفعول الكسير خلص ..
الى لقاء اخر

شكرا يا عتاب على الموضوع ده

[نور الفجر]

اوك بص يا عتاب انتى مواضيعك جمدة اوى
كدة انت يتخاف منك
بس يلا بقى امرنا لله
المهم
انا عيوبى بقى عصبية ممكن اى حد يزعل منى بسرعة من غير ما انا اقصد
وغير كدة لما بزعل بيبان علية ودى حاجة وحشة اوى
يلا كفاية كدة على شان مطولش عليكى

[عتاب]

زهرة ونور اهلا بيكم في الموضوع معلش النت عندى وحشششششش
مش عارفة اكتب مشاركة كبيرة ليكم باكتب بسرعه يمكن يعبرنى ويقبلها هههههههه

[sehr_3inik]

يامرحب يامرحب

ده الموضوع بقاله كتير واول مره اشوفه تصدقي

معلش يابوبا سامحيني

بس الموضوع قمممممممممر

جميل موووت

العيوب بقى ياست الحلوه

1_غيوره جداااااااااااااااااااا

2_بكون انانيه في اللي بحبهم

3_ بنسى بطريقه وحشه اوووي لدرجه بتزعل الناس مني

4_بثق في الناس بسرعه جدا وفي ناس ممكن تكون متستاهلش بس بصبر عليهم

5_اما بتعصب بهدى بكلمه بس ده عيب فظييع عايزه اكمل مره عصبيه جامده

6_بحب اكون ظاهره او محبوبه

7_بحب اكون اجتماعيه وممكن الاجتماعيه دي تتفهم غلط

مممممممم

كفايه كده

وفي واحده كمان

باكل شيكولاته كتير ههههههههه

تسلم ايدك ياحبي

وميرسي على الفضيحه دي

شكرا ياقمرتنا

من اختك في الله شوشو

[عتاب]

ههههههههههههههه عسل يا شوشو حتى في عيوبك
مش عارفة بصراحة مالاحظتهاش فيكي خالص
انما اكيد عشان بحبك اى عيب فيكي مش هاشوفه
لان مراية الحب عميا ههههههههههههه

[yasmina]

موضوعك دة يا عتاب جامد اوى

انا يمكن اول مرة اخد بالى منة


بس بجد عجبنى جداااااا


عيوبى بقى يا ستى:

1\ بتنرفز بسرعة لو كان اللى اودامى شخص بارد

2\ ممكن اسامح اى حد ولو كان عامل غلطة ما يتسهلش انى اسامحة عليها

بس دة اللى فاكراة دلوقتى





لى عودة

[عتاب]

تقريبا العيبين دول في كل الاعضاء
العصبية الزايده والتسامح الزايد
مستنيين باقي العيوب يا سمسمة

[نيهال]

انى لما بكون زعلانه ما بعرف اتكلم او اقول اللى مضايقنى
وده بيزعل كل اللى حوليا

[عتاب]

دا العادى ياقمر اغلبنا كده لفترة بعدها بنعرف نتكلم
نورتى بعيوبك ههههههههههههههههههههههه

[نيهال]

طيب حد يقول للى حوليا علشان ما يزعلوا منى

[هيثم حمدي]

السلام عليكم

منذ فترة قد كتبت الرد لهذا الحوار ولكني ترددت في ارساله
وبعدها بفترة طلبوه مني شخصيات غاليه بعد ما اريتهم ردي هذا قالوه نريد ان نراه في ابن مصر

وبناءا علي طلبات الشخصيات الغاليه انشر لكم هذا الرد الذي ترددت فيه كثيرا وسوف تعرفون سبب ترددي عندما تقرءون ردي
واتمني الا اكون اطلت عليكم او سبب لكم الازعاج

السلام عليكم


بصراحه انا مكنتش عاوز اقول علي عيوبي لاني معروف بمعني اصح الصعايده معروفين
لكن برضه حقول علي عيوبي يمكن تكون مختلفه علي اللي تعرفوه عن الشعب الصعيدي

عيوبي هيا

ان اذا شخص اغضبني واتخانق معايا مثلا بكون في وقتها غاضب جدا لكن هناك عيب اقوي الا وهو ان الشخص اللي زعلني وضايقني اذا قال لي كلمتين بهما تعبيرات وكلمات متنقاه جميلة بنسي اللي حصل منها والكارثه بقه ان الشخص ده كان يكذب مرة اخري في اعتذاره ليا

عيب اخر تاني الا وهو
اذا اذا غضبت من شخص من موقف او مواقف تجمعت بداخلي بغضب بشده بشيل في داخلي ولا اواجه الشخص الذي اغضبني بما فعله معي لانني اقول في نفسي بان هذا الشخص لم يكن فعل هذا الموقف عن عند وجديه وقد يكون فعله وهو لا ياخذ لباله بما فعله معي والمشكله الاكبر تتراكم المواقف ولا اوجهه هذا الشخص بها لنفس السبب

عيب اخر ثالث الا وهو

حساس بطريقه مفرطه للغايه وغالبا تاتي اليا شكوك تجاه الشخص الاخر شكوك ليست بكثيره
ومش بعرف اكدب والحمد لله

عيب اخر رابع الا وهو

اني بقول علي الدنيا دائما ان كل ما فيها اناسا طيبين وللاسف الحقد والخبث ملؤه هذه الدنيا والمشكله الاكبر بانني ما زلت لا اقتنع بان هناك بالفعل بان الدنيا كالغابه الكل ياكل ويتصارع مع غيره فامش قادر اقتنع بكده وبفكر بان الدنيا جميلة وكل ما فيها جميل وطيب

عيب اخر خامس الا وهو

اني اذا تحدثت لاي شخص ولو كان تعرفت عليه منذ قليل للاسف برتاح له وبحكي له عما في داخلي واتفاجا بالغدر واشياء سيئة اخري والمشكله الاكبر وللاسف باني مش بتعظ ولا بحترس من اللي بيحصلي واقوم بالاحتراس عندما اقابل شخص اخر فانني اكرر من فعلتي السيئة وارتاح لاي شخصيه اتعرف عليها

عيب اخر سادس الا وهو

شخصيتي وقلبي طيبين للغايه وبصدق بسرعه وللاسف من السهل ان يضحك عليهم شخص اخر وينال ما يريده من هذه الشخصيه الطيبه

وفي الختام للاسف انني بصارح ولا اعرف الكذب وقد تكون صراحتي هذه محل استخدام سييئ من قبل اخرين

وعيب اخر سابع الا وهو
انني دائما في اسلوبي وطريقه كلامي مع الاخرين دائما بنيه صافيه وطيبه وليست بنيه وراءها هدف بغيض او غيره
فاوقات كثيره يحسون الاخرين بان اسلوبي هذا قد تعديت حدودي معهم
وللاسف انني لم اقصد ان اتعدي حدودي معهم

عيب اخر ثامن

بخاف دائما علي الاخرين واستخدم وسائل كثيره لحمايتهم ضد اي شييء غدر لهم
وحمايتي هذه لهم ليست وراءها اي هدف او نيه سيئه
واتمني ان ياتي الاذي لي ولا ياتي له وليست مشكله اذا كان الاذي به ضرر كبير لي

بمعني اريد ان اراه دائما بخير وبصوره جميلة

ولكني اتفاجا بان الذي اخاف عليه يعتقد بانني افعل ذالك معه لغرض سييء اوبكذب عليه ولا يصدقني

اتمني الا اكون قد اطلت عليكم في اطاله كلماتي هذه واخراج بما في داخلي لكم
السلام عليكم

[نيهال]

اعتراااااااااااااااااااااااااااااااااااااااااااااا ااض

اخى..........لا اعتقد بان اى من الكلام السابق يعتبر عيوب.....

لان العيب بجد اننا ما نحاول نكون كده............

هيه فيه مشكله واحده بس

اللى هيا اننا المفروض نتعلم من اخطائنا..

او بمعنى ادق نتعلم من مواقفنا فى الحياه.....

ومع ذللك لاننا بشر

فكل واحد مننا على حسب ما اتعود

و على حسب ايمانه باللى بيعمله

واعتقد انك مؤمن كفايه باللى بتعمله ........صح؟

فى وجهه نظرى يا ريت نكون كلنا كده

بس ليا عندك رجاء او نصيحه اوطلب...حاول ما تاخد كل حاجه بحساسيه......وكمان اذا اتضح ليك موقف .ليه تانب نفسك كتير ...بدل الموضوع وضح.يبقى من الظلم على نفسك انك تانبها جامد كده......فهمتنى صح؟

ايه يا هيثم .........

.احنا عايزين عيووووووووووووووووووب

ربنا يبارك لك ويبعد عننا كل الشر ان شاء الله

[moon_moon_77]

والله موضوع جميل والعيوب كثير جوى جوى جوى جوى ....وأهلا بالصعايده ...شوفى بقى العيوب من صعيدى يدق المسمار برأسه ....ويأكل الزلوط .....وبس كفايه عايزه اكتر من كده ياعتاب ....

[نورالقمر]

موضوع بجد ياعتاب محتاج صراحه وانتى عارفانى صريحه وللاسف موديانى صراحتى فى داهيه
اول عيب بقى فيا وبقيت محنوقه من نفسى جدا وكل لما احاول اصلح العيب ده بجد بفشل
انى مابقتش صبوره نهائى
العيوب التانيه بقى
بخاف كتير اوى
انى لما بتنرفز وانا فى نقاش مع والدتى ممكن اقول كلام يضايقها ودى حاجه بجد بتخنقنى اوى
انى مش بذاكر غير ليله الامتحان وبفشل فى تصليح العيب ده
وكمان بقيت بحس ان الانسان لما مش يعامل غيره بنفس معاملته ده اصبح عيب مش ميزه
يعنى لو حد ازانى الاول كنت دايما اقول انى بعامل ربنا ومش هرد ليه نفس الموقف واصبر
دلوقتى بقى بقيت للاسف بفكر اعاملهم بنفس معاملتهم
طبعا اكيد انا فيا عيوب اكتر من كده بكتير بس فعلا زى مامستكه قالت الانسان مش بيقدر يشوف كل عيوبه
وانتى برضه اكيد شايفه فيا عيوب ياريت تضيفيها

[عتاب]

نور القمر حبيبتى
انا عشان بحبك اوى مش باشوف عيوبك دى لان مراية الحب عميااااااااا
لكن موضوع المذاكرة ده طبعا مش عاجبنى عشان بتذاكرى يوم الامتحان بس
بس هى تقريبا هواية عندك انك ماتذاكريش وواضح انك نميتي الهواية دى ههههههههه
ربنا يوفقك انتى وكل الطلبة وكل شباب وبنات المسلمين