الحلقه الاولي اختراق مع النسر الذهبي
@ == اختراق == @ :
السلام عليكم و رحمة الله و بركاته
النـسر الذهبي :
و عليكم السلام و رحمة الله و بركاته
@ == اختراق == @ :
من هو النسر الذهبي ؟
النــسر الذهـــبى:
النسر الذهبى يا سيدى معرفش بصراحة اقولك ايه لكن مفيش انسان بيقدر يتكلم عن نفسه لكن الى عرفته من كلام الناس مش من كلامى انسان جدا طموح فى بعض الاحيان لكن غير كدة مقدرش اقول حاجة تانيه والا هيكون شكر فى النفس ومبحبش كدة
@ == اختراااق == @:
من هو النسر الذهبي داخل ابن مصر ؟
النــسر الذهـــبى:
تعريف بسيط بدائت فى ابن مصر من 3سنين وسبع شهور تقريبا كعضو عادى جدا واتعينت مراقب على الشعر والادب وبعدها على قسم بوابة ابن مصر وبعدها مراقب عام
@ == اختراااق == @:
ماهو مفهومك لنقابة الاعضاء ؟
النــسر الذهـــبى:
نقابة الاعضاء عاملة زى الرقابة الادارية كدة يعنى الرقابة الادارية بتقوم بدور الرقيب على ذوى المناصب العليا فى الدولة اعتقد ان نقابة اعضاء ابن مصر هتقوم بنفس الدور ان شاء بس مع الفرق الشاسع ان الرقابة الادارية العادية بتخاف من الحكومة لكن ان شاء هنا عندنا مش هنخاف من الحكومة يعنى
@ == اختراااق == @:
يعني انت في مفهومك ان النقابه لن تكون حلقة وصل بين الاعضاء و الاداره بل انها ستكون رقيب عليها من تفادي الاخطاء ؟
النــسر الذهـــبى:
اوليا الرقابة هى الاساس وبعدها يأتى دور حلقة الوصل والى هيتم ان شاء بتقديم اقتراح اولى ان يقوم مشرفى الاقسام بتقديم تقارير للنقابة عن نشاطهم خلال فترة مثلا اسبوع او لنقل اسبوعين
النــسر الذهـــبى:
وحلقة الربط الى بتتكلم عليها اساسا يا باسم
النــسر الذهـــبى:
مش مفقودة
النــسر الذهـــبى:
لسبب بسيط انها موجودة فى قسم هل لديك مشكله
النــسر الذهـــبى:
لكن النقابة من خلالها هنقدر نحاسب المشرف او المراقب على اخطائة
النــسر الذهـــبى:
ويقدر برضو هو فى نفس الوقت يدافع عن نفسة
النــسر الذهـــبى:
صح
@ == اختراااق == @:
بصراحه انا اللي اعرفه ان النقابه هي كيان مستقل هدفها التعاون مع الاداره للتقدم بالمنتدي و لا يحق لاي من الطرفين ان يلعب دور الرقيب علي الاخر ؟
النــسر الذهـــبى:
الجزء الاول ممكن يكون زى ما انته بتقول كدة يا باسم تعاون بين النقابة وبين الادارة لكن لو جالك عضو يقولك المضرف الفلانى ظلمنى مثلا ايه العمل ساعتها اعتقد انك ساعتها لازم تقف مع العضو دة علشان تجيبله حقه ودة هيتم ان شاء من خلال انتخابات اخرى فى النقابة نفسها لانتخاب اعضاء مجلس النقابة ودول هيكون دورهم تقديم تقرير اسبوعى عن نشاط كل قسم حسب ما العضو دة يخار القسم الى هيكون رقيب عليه وعلى اداء المشرف وبعدها من خلال نقيب الاعضاء يتم تقديم برضو تقرير اسبوعى للمشرف العام فيه كل طلبات النقابة الى ممكن يكون منها محاسبة مراقب معين او تغيير حاجة فى المنتدى
النــسر الذهـــبى:
فهمتني
@ == اختراااق == @:
يعني انت شايف ان العضو لو قال نفس الكلام للاداره مش هاتنصفه ؟
النــسر الذهـــبى:
لا مش كدة خالص بس اعتقد انه من الافضليه ان طلبات الاعضاء كلها تكون متجمعه علشان تقدر تتنفذ بصورة افضل لان فى اعضاء مثلا بتطالب بافتتاح المنتديات الامنيه لما يكون الاجماع دة ظاهر مش متفرق هتجبر الادارة انها تسعى باقصى جهد لافتتاح القسم الى الاعضاء طلباة
النــسر الذهـــبى:
يعنى الاجماع بتاع الاعضاء بيدى للطلب اهمية لان بدون اعضاء مفيش ادارة ومفيش منتدى اساسا
@ == اختراااق == @:
النسر الذهبي هل تري ان ادارة ابن مصر غير جديره بان تمسك بزمام كل الامور خاصه ان الاداره تم اختيارها بدقه و عنايه شديده ؟
النــسر الذهـــبى:
فهمت انا عاوز اوصل بفكرة النقابة لحد فين مش اخليها زى ما انته قلت معاون للادارة او دليل للادارة بس
النــسر الذهـــبى:
لا ان شاء هتبقى اكبر من كدة كمان
النــسر الذهـــبى:
لان الفكرة زى ما قلت قبل كدة كويسه جدا ودليل على الوعى فى ابن مصر ودليل على قوة المكان
@ == اختراااق == @:
النسر الذهبي هل تري ان ادارة ابن مصر غير جديره بان تمسك بزمام كل الامور خاصه ان الاداره تم اختيارها بدقه و عنايه شديده ؟
النــسر الذهـــبى:
لوكانت غير جديرة يا باسم مكنش ظهر اقتراح النقابة للمحافظة على الادارة وتنبيه الادارة فى بعض الاحيان بل دة الدور الاساسى تنبيه الادارة لاخطائها لتلافيها والمحافظة على قوة الادارة وقوة المجموعة الموجودة
النــسر الذهـــبى:
هيكون من خلال النقابة
النــسر الذهـــبى:
لانى قلتلك مفيش مكان من غير اعضاء ومفيش ادارة من غير اعضاء
@ == اختراااق == @:
انا سؤالي محدد و ارجو ان تكون اجاباتك محدده
@ == اختراااق == @:
نعم ام لا
@ == اختراااق == @:
هل الاداره جديره ام لا
النــسر الذهـــبى:
جديرة
@ == اختراااق == @:
النسر الذهبي في الفتره الاخيره كان مقصرا في حق المنتدي و عم تواجده خاصه ان المنتدي نوعا ما كان في اشد الحاجه الي اعضاءه القدامي و خاصه جيله الذهبي ماتفسيرك لترشيحك للنقابه في هذه الظروف خاصه بانك اكيد غير ملم بجميع مفاهيم المنتدي في الوقت الحالي و كيف ستضمن للاعضاء تواجدك بشكل مستمر خاصه انك مشرف في منتديات اخري
النــسر الذهـــبى:
فعلا ياباسم انا كنت مقصر جدا مش فى حق ابن مصر فى حق النت كله يعنى مكنتش بدخل نت اساسا وبعدين انته بتقول منتديات انا مشرف فيها انا مشرف فى منتدى واحد تانى مش عشرة ولا حاجة وحاليا لله ظروفى مؤهلة انى اعمل اكثر من شىء بدليل عودتى لنشاطى فى ابن مصر قبل ما يكون عندى خلفيه عن موضوع النقابة او انه يهكون فى انتخابات للنقابة لان كان النقيب موجود اساسا ولا ايه وطبعا معتقدش ان فى تعارض بين انى مشرف فى مكان تانى وبين انى اكون نقيب للاعضاء فى ابن مصر وان شاء ضمان التواجد موجود لانى مش ورايا حاجة وانته عارف يا باسم ان ساعة او اتنين بالكتير تكفى انك تعمل كتير فيهم على النت مش كدة ولا ايه لكن فترة غيابى الى قبل كدة كانت زحمة شغل بالنسبالى وجواز اختى وحاجات كتير فهمتنى يا باسم
@ == اختراااق == @:
هل تري ان نقابة الاعضاء هي سلطه رسميه ام مجرد قسم للاقتراحات ؟
النــسر الذهـــبى:
حاليا قسم للاقتراحات
النــسر الذهـــبى:
لم يكن لها اى دور
النــسر الذهـــبى:
لكن ان شاء في افكار كتير زى ما قلتلك قبل كدة لتحويلها لسلطة رسمية
@ == اختراااق == @:
ياعزيزي انا كتير محتار من ارائك لاني اراها كتير ديبلوماسيه و غير محدده يعني سؤالي بصيغه اخري لمن تري اليد العليا في منتدي ابن مصر لو نجحت كنقيب للاعضاء
النــسر الذهـــبى:
وضح السؤال شويه
@ == اختراااق == @:
بعد نجاحك كنقيب للاعضاء و املك في ان تصبح نقابة الاعضاء سلطه رسميه هل عند حدوث اختلافات بين كل من النقابه و الاداره سيكون لنقابه دور اذ كانت اجابتك بنعم ماذا يكون هذا الدور و كيف ستستطيع انذاك الوقوف امام الاداره في تحقيق مطالب الاعضاء
النــسر الذهـــبى:
بص ياباسم انا فههمك حاجة الادارة عاوزة الفكرة تنجح بجد و لان الى انا استشعرته من الادارة انها عاوزة تبنى جسور صلة مع الاعضاء يبقى هنشتغل كدة واحنا مرتاحين بينا وبين الادارة جسور من الحب وجسور من الامال لا جسور من الخلافات يبقى لو لا قدر حصل صدام بين النقابة وبين الادارة لينا الحق فى اننا نناقش الادارة فى اسباب الخلاف دة
النــسر الذهـــبى:
ويكون كمان من حقنا لو الادارة مخطئة يكون فى اعتزار
النــسر الذهـــبى:
دة اقل حاجة صح ولا ايه
النــسر الذهـــبى:
يبقى مفس حاجة اسمها مين الى هيكون ليه السلطة
النــسر الذهـــبى:
لان سلطة النقابة هتكون كسلطة الرقابة الادارية
@ == اختراااق == @:
يعني اليد العليا في وجهة نظرك هاتكون للنقابه و دا حق الاعضاء طبعا صح ؟
النــسر الذهـــبى:
لا اليد العليا يا باسم هتكون للادارة بالتعاون مع النقابة
النــسر الذهـــبى:
مش لفرد منهم دون الاخر
النــسر الذهـــبى:
والا يبقى النقابة ملهاش لزمة
@ == اختراااق == @:
رأيك في المثل الشعبي ( المركب اللي ليها ريسين تغرق ) ؟
النــسر الذهـــبى:
لو ليها ريسين متفاهمين
النــسر الذهـــبى:
متغرقش
@ == اختراااق == @:
لو لم تكن مرشح للنقابه كنت هتختار مين من ال 3 اسماء الاخري الذي تراه يستحقها بجداره ؟
النــسر الذهـــبى:
بصراحة الثلاثة يستحقوا انى اديهم صوتى اول حاجة احمد سليمان متميز وصديق شخصى جدا وفى نفس الوقت زعيم المعارضة صديق شخصى وسفير الحب رغم صغر سنه بالنسبالى بس برضو صديق شخصى برضو يعنى مقدرش انى افرق واحد عن الاخرين لكن لو ليا صوت هحتفظ بيه لانى لو اديته لواحد من الثلاثة مش هقولك الباقى هيزعل لا هقولك انا مش هكون مبسوط
النــسر الذهـــبى:
يعنى التلاته يستحقوا صوتى
@ == اختراااق == @:
طيب ياميدو انت عارف طبعا ان المنتدي يضم كافة الشرايح العمريه هل تري ان رغم صغر سن سفير الحب انه مؤهل انه يكون نقيب للاعضاء ؟
النــسر الذهـــبى:
وليه لا طبعا كل واحد ليه حق الترشيح بعيدا عن السن وحتى اقرى البيان الانتخابى بتاع سفير الحب هتلاقى انه رغم صغر السن كاتب افكار جميله جدا ولو اتوضعت فى حيز التنفيذ كمان هتفيد الفكرة جدا
@ == اختراااق == @:
طب انت ممكن لو نجحت تستغل البرامج الانتخابيه الاخري و تطبقها و لا شايف ان البرنامج الانتخابي بتاعك شامل كل العناصر دي ؟
النــسر الذهـــبى:
البرنامج الانتخابى بتاعى يا باسم انا لسه مكتبتوش او مقلتش هعمل ايه فيه لكن اعتقد انه هيكون شامل كتير ان شاء بس برضو هقولك وليه مستعملش الافكار دى طالما هتفيد يبقى خلاص يعنى فى افكار لاحمد سليمان كويسه وكمان زعيم المعارضة وسفير الحب كلهم عندهم افكار متميزة لو تم تطبيق بعضا منها مش هقولك كلها هتكون الفكرة ناجحة بكل الماقييس
@ == اختراااق == @:
محمد ربيع لماذا تريد ان تكون نقيب للاعضاء ؟
النــسر الذهـــبى:
ولماذا لا اكون كذلك
@ == اختراااق == @:
انت شايف دا رد كافي يعني ايه و لماذا لااكون كذلك انا بقولك ليه عايز تبقي نقيب للاعضاء
@ == اختراااق == @:
يعني هو بالنسبه لك منصب شرفي
النــسر الذهـــبى:
هو فى البداية ممكن يكون منصب شرفى زى ما بتقول لكن فى البداية قلتلك ان شاء فى حاجات كتير وافكار كتير لتحويله كسلطة ادارية ليها حق التصرف والتصريف فى بعض الامور اذا مش هيكون منصب شرفى ولاحاجة يعنى تقدر تقول انى فى البداية رشحت نفسى اختبار لحب الناس فى ابن مصر لشخصى اولا وثانيا حاجة ترجعنى ابن مصر بقوة وكمان انى اعمل حاجة للمكان الى لله الكل عارف قد ايه انا بحب المكان دة
@ == اختراااق == @:
انا شايف انه سبب شخصي جدا و بعيد تماما عن مضمون خدمة الاعضاء انا اعتقد ان من يرشح نفسه فهو يكون في اختبار ليثبت للاعضاء و للمنتدي مدي حبه لهم و ليس مدي حبهم له ؟
@ == اختراااق == @:
و لكن لكل منا تفكيره
@ == اختراااق == @:
سؤالي ياعزيزي الان هو
@ == اختراااق == @:
برنامجك الانتخابي لو قلتلك قوله في 3 كلمات اساسين ماذا ستقول
النــسر الذهـــبى:
ابن مصر دائما
@ == اختراااق == @:
شعارك الانتخابي هو الاسد و الهلال لماذا
النــسر الذهـــبى:
ليس شعار انتخابى
النــسر الذهـــبى:
هو كان شعار بضحك لكن انا مختار الشعار فى التصميم الى هيتعمل علشان البيان الانتخابى الكتاب
@ == اختراااق == @:
رأيك اكتر منتدي محتاج اهتمام الاعضاء و فيه تقصير كبير قوي هو منتدي ايه
النــسر الذهـــبى:
منتدى قاعة كلمات
النــسر الذهـــبى:
كان فى وقت من الاوقات من اروع الاقسام
النــسر الذهـــبى:
لكن حاليا فى طيور كثير مهاجرة بعيد من الى تألقو فى القسم دة
النــسر الذهـــبى:
لكن بنشاط المشرفه بتاعته بداء يعود بعض من الطيرو دى
النــسر الذهـــبى:
وان شاء يرجع زى ما كان لانى انا شخصيا بعشق القسم دة
@ == اختراااق == @:
ازاي هتقدر تضمن للاعضاء انك مش هتغيب عن المنتدي خاصه ان انت غبت عنه فتره كبيره ؟
النــسر الذهـــبى:
الضامن ربنا يا باسم بس انا شغلى اساسا كله كمبيوتر زى ما انته عارف لكن فى شغل خارجى هو الى ممكن يخلينى اغيب وان شاء مفيش غياب لان الوقت حاليا متوفر عن قبل كدة يبقى هغيب ليه بقى يعنى ولا ورايا دراسة غير يوم فى الاسوبع ولا ورايا حاجة شغلى كله قاعد على النت او الكمبيوتر تحديدا
@ == اختراااق == @:
اول قرار ستتخذه عند حصولك علي لقب رئيس نقابة الاعضاء ؟
النــسر الذهـــبى:
انتخابات مجلس نقابة الاعضاء
النــسر الذهـــبى:
ممكن قرار كمان
@ == اختراااق == @:
ها !
النــسر الذهـــبى: استجواب المشرف باسم عمار النــسر الذهـــبى:
علشان نتخلص منه
@ == اختراااق == @:
لا انت و لا الف زيك و لا كل الدنيا دي
@ == اختراااق == @:
في احدي الحوارات التي اجريتها مع المرشحين اقترح احدهم عمل منتدي للنقابه وة لا يظهر للمشرفين فما رأيك في هذه الفكره
النــسر الذهـــبى:
لا طبعا
النــسر الذهـــبى:
لان انته كدة بتفصل الادارة عن النقابة
النــسر الذهـــبى:
لازم يكون لارائى علنى ويعرفه المشرفين قبل الاعضاء
@ == اختراااق == @:
هناك من شكك في نزاهة الانتخابات و قال انها هتكون مطبوخه و ان الاداره علي علم مسبق بالنتيجه تعليقك علي هذا الكلام و رأيك في نسبة نزاهة الانتخابات و الطريقه المثلي للترشيح ؟
النــسر الذهـــبى:
اتناقشت انا واحمد كمال فى حاجة زى كدة وقال انه خايف من شىء زى كدة علشان ممكن يكون عضو عنده اكثر من اسم او عضو يعمل اكثر من اسم واقترحت عليه بعض الاقتراحات لتفادى الحاجة دى الطريقة المثلى للترشيح ترشيح تصويت عادى جدا بس لازم يكون عدد الاصوات الى فوق مساوى لعدد الردود تحت يعنى الرد يكون مثلا انا صوت بس ميقل ادى صوته لمين
النــسر الذهـــبى:
يبقى ساعتها العضو الى كاتب مشاركة واحدة معتقدش انه من حقه انه يصوت
النــسر الذهـــبى:
لانه ممكن يكون زى ما قلتلك
@ == اختراااق == @:
طب انا مثلا انا و اخواتي ال 3 بندخل علي ابن مصر بنفس الاي بي هل دا برضو هيكون ممنوع ولا عادي من وجهة نظرك ؟
النــسر الذهـــبى:
اعتقد ميحصلش حاجة انا بتكلم فى نقطة واحدة بس
النــسر الذهـــبى:
اقل حاجة للتصويت علشان العضو يصوت تكون مثلا 10مشاركات لانه اساسا بمشاتركة واحدة هيكون داخل يجامل واحد على حساب التانى مش هتكون الانتخابات نزيهة وحكاية انك انته واخواتك بتدخلوا من نفس الاى بى اعتقد انها محلوله لو مشاركاتهم تعدت العدد الى بقولك عليه قبل يوم الترشيح
النــسر الذهـــبى:
او قبل يوم التصويت
@ == اختراااق == @:
طب بالنسبه للترشيح عشان المرشح صاحبي او اخويا او شيء من هذا القبيل هل شايف ان دا عدل ؟
النــسر الذهـــبى:
لا مش عدل طبعا
النــسر الذهـــبى:
اقولك المفروض يكون الترشيح بناء
النــسر الذهـــبى:
على البيان الانتخابى والشربة الذاتيه للعضو
النــسر الذهـــبى:
مش من خلال انه صاحبى واخويا وحبيى
النــسر الذهـــبى:
لا هو هيقدم ايه للمجموعة مش ليا انا كشخص وبس
@ == اختراااق == @:
يعني ياميدو نسبة نزاهة الانتخابات من وجهة نظرك هتكون كام في الميه ؟
النــسر الذهـــبى:
ان شاء هتعدى المائة فى المائة كمان ان شاء
النــسر الذهـــبى:
او على اقل تقدير نقول 80
@ == اختراااق == @:
تحب تضيف حاجه كمان قبل الختام ؟
النــسر الذهـــبى:
لا يا باسم اشكرك على الوقت اللطيف دة وكمان مستنى صوتك معانا يوم الخميس للى تشوفه مناسب ان شاء
@ == اختراااق == @:
ان شاء مش هارشحك
@ == اختراااق == @:
C uT
انا واحد من المشرفين اللي عندي اكونت يوزر قبل النقابه بسنين و ساعات بشارك بيه و ناس كتير عارفه اني باسم
النمط الخطي
