مذكرات واحد قاعد جنبه

[أحمدكمال]

بسم الله الرحمن الرحيم

احم اولا احيي الاسطة بلية على القاعدة الي مية مية ...
بس عايز اقوله مش شايف عربيات ليه

على فكرة يا جماعة انا سمعت ان الاوسطة بلية لسه مطلعش رخص

المهم في ناس مبتعرفش تسوق وناس بتسوق معندهاش عربيات

علشان كده اكيد كلنا قاعدنا جنب حد بيسوق

واكيد مرة قعدنا مع حد بتقليعة معينة في السواقة

او باسلوب معين

واكيد حصلت مواقف مش ممكن تتنسى ....
مثلا نزلت في دواسة العربية
وقعت من فوق الكوبري....
او اقل حاجة جالك ضغط دم

احكيلنا بقى وكلنا آذان صاغية

[=BASSEM=]

موضوع بجد الحكايات فيه مش هتخلص ههههههههههههه

يانهاااااااااار



انا عدي عليا شوية مواقف ربنا مايوريك


بس لما ارجع تاني ان شاء الله

[دموع الندى]

الموضوع تحفه احمد

ممممم
اه مره اختى كانت لسه بتتعلم السواقه وكان قاعد جمبها زوجها
واناواختى التانيه كنا معاهم
المهم هى بتاخد ملف من هنا بس اخدتوا على واسع باب السياره فتح وزوجها كان هيقع انا طبعا اللى عملتوا قعدت اضحك كالعاده.

والمره التانيه كانت اختى التؤام بقى هى اللى بتسوق وكانت هتدخل فى راجل وزوج اختى طلع من الشباك وقعد ينادى عليه علشان ياخد جمب وطبعا كان موقع يموت من الضحك.

المره التالته بقى كانت اختى برضوا بس كانت مع بابا وماما واختى الكبيره بس الاخت بقى من النوع الخواف جدا بس يتاخد المطب وهى على سرعه عاليه بابا بيقولها هدى شويه الاخت تقول طيب وبس اخدت المطب بسرعه وكانت قدامها بالوعه مفتوحه بابا يقولها هدى وماما تصوت واختى الكبيره نزلت تحت الكرسى يا عينى والاخت بردوا متهديش اصل هى فى المواقف بتتجمد بابا نزل فى الدواسه علشان يدوس فرامل كان موقف مسخره اكيد يعنى انا كل اما افتكر اقعد اضحك منيوميها بابا حرم ينزل معاهم.
وبس تقريبا اما افتكر حاجه تانيه هبقى احكيها بقى.

[بكــار]

موقف من اصعب المواقف الى حصلتلى فى حياتى
كنت راكب عربيتنا وواحد صاحبى معايا
قلى انا عايز اسوق قلتله بتعرف قالى اه قلتله ماشى اتفضل
ركب وانا اتدورت ركبت جنبه مشينا حاولى عشره كليول ودخلنا مدينه انا قلبى قالى هيحصل
حاجه
قلتله كفايه كدا قالى لا احنا ماشيين كويس
فيه عربيه نقل تقيل ماشيه قدامنا
صاحبكو داس بنزين على الاخر وفىضهر العربيه والزق
انانزلت الدواسه واتشاهدت وفى نفس الوقت بقله دوس فرامل
قام هو محود شمال
فيه تكتك معدى لبس فى الرفرف هو كمان
وكملت القصه
والعربيه صرفت 1200 جنيه لحد م ا رجعت زى ما كانت