هكذا تكون اللعبه !!!!!

[بكــار]

هـكـذا تكـــــون اللعبــــة


































السلام عليكم







أخوانى واخواتى

..

بمناسبة جو الانتخابات هذه الايام في اكثر من دولة عربية لم أجد بدّاً

من البوح بما اخفيته فى صدرى طوال هذه المدة

منذ نجاح الرئيس الأمريكى بوش الابن فى انتخابات الرئاسة

الأمريكية على منافسة جون كيرى مرشح الحزب الديموقراطى

..








فما حدث خطير للغاية.. إلا أن وسائل الإعلام تكتمت الخبر تماما ..

حتى لا تكون هناك مشاكل دولية كبيرة..


وكما هو واضح فى عنوان الموضوع ..


المصدر موثوق فيه جدا.. ولا داعى للسؤال عمّن يكون

!!


هذه هى الحكاية من أولها

..







ويارب جيب العواقب سليمة


..














تررررررررررن.. ترررررررررررررن.. تررررررررررن..






انطلق رنين الهاتف وكأنه نفير الحرب فى غرفة نوم

زعيم احدى الدول العربية

مما جعله يهب فزعا من نومه وكأنه قد انغرست فيه إبرة طولها 25سم

من تلك التى يستخدمها المنجدون عند صناعة لحاف أو مرتبة

ويطلقون عليها اسم

(المِسَلّة)...








مما جعله يلتفت حوله كالمجنون ويصيح قائلا بصوت أجش

..

مين.. ليه.. فين .. ازاى؟.. امتى ؟ -





وبعد أن اكتشف انه استيقظ كالعادة على إحدى رنات هاتفه

الفظيع.. رمق زوجته النائمة بجانبه خشية أن تراه فى هذا

الموقف المضحك .. ولكنها لم تكن لتستيقظ على هذا الصوت ولا

حتى على صفارات الغارة الحربية


فقد عادت مهدودة من أحد المؤتمرات التى أدمنت البرطعة فيها

خلال السنوات الماضية

..








وعلى إثر نظرته الحذرة تلك مد يده ليلتقط سماعة الهاتف ويخرسه

عن الصراخ المروع الذى يسبب ارتجاجات حادة فى جدر القصر

القديم.. مع انه أنفق نصف مال البلاد على ترميمه ..





ألوووووو -


إنت مين يا بارد ..؟ مش عارف انت أزعجت مين..؟





وانطلق لسانه بقاموس من البذاءة والردح البلدى المتواصل






كان يسترسل فى عنفوانه الشديد قبل أن تتسمر يده وتقبض

على السماعة بشدة ليحتقن وجهه متخذا من اللون الأحمر مظهرا

..


وينطق بصوت متحشرج




أأأ......أنا آسف والله ما اعرف انك انت اللى متصل دلوقتى -

..!!









ولن تتعجبوا حين تعلمون من المتصل الذى سبب له الحشرجة

فى صوته




لقد كان المتصل هو بوش ابن ام بوش..

وانقلبت اللهجة المسعورة إلى لهجة متملقة مستعطفة..

سعادتك تتكلم فى أى وقت -

انت مش عارف معزتك عندى ولا إيه ؟

دانت حبيبى وابوك حبيبى







قالها فى نفس اللحظة التى كان يقول فيها داخل نفسه


(الله يحرقك ويحرق ابوك يابن الــ.....)









بس انت عرفت نمرة اوضة نومى ازاى ؟ -

دى محدش يعرفها غيرى انا والولية والعيال بس..؟




لم يتوقع رد ابن ام بوش




انت ناسى انى مشغل احسن جهاز مخابرات فى العالم يا أونكل -

ولا ايه..؟


احنا عارفين كل حاجة عن كل الرؤساء والملوك العرب.. دنا ابن بابا

بوش الكبير..


يا أونكل صدقنى انا عارف كل حاجة.. حتى مقاسات الهدوم

الداخلية بتاعتكم واحد واحد

..








اخترقت هذه الجملة اذن الزعيم كالسهم الأعور الذى لا يدرى أين

اتجاهه







ولكنه استعاد تركيزه على الفور ليحول دفة الحديث مرة أخرى

قائلا

وبابا عامل ايه..!! وماما ازيها دلوقتى..؟ -




فوجئ بالرد الذى تلقاه من "بُش بُش"..فقد كان يتكلم وهو يبكى..

كطفل صغير يخاف طفلا آخر بلطجيا يريد أن يعتدى عليه ليخطف

مصاصته




أرجوك يا أونكل .. انا مش فى ماما وبابا دلوقتى..انا فى ورطة -

ومزنوق..













كان كلام "بُش بُش" بهذه الطريقة حافزا لكى يغير الزعيم من

طريقة كلامه معه لينتقل إلى الحوار بأسلوب الشخط والنتر

والزعيق بعد أن اطمئن له



..

خلاص بقى.. متصدعنيش بصوتك النشاز ده يا اخى -



قالها الزعيم وهو لا يصدق انه يشخط فى "بُش بُش" الذى هدّ

بغداد على راس صدام والعرب اجمعين



يا أونكل انت مش حاسس بىّ .. أنا. أنا انا -



قطع الزعيم كلامه وهو يبعزق كرامته قائلا


إخرسسسسسس -


.أو نكل ايه ونيلة ايه.. يا اخى بص لشعرك الابيض فى المراية..

هو انا برضه اخلف عيل فى سنك ؟




طيب معلش يازعيم .. بس اسمع منى الله لا يسيئك -


ايوه كده اتعدل -

قول يا سيدى.. اشجينى.. سمعنى صوت العندليب.. بس

اخلص بسرعة عشان عاوز اكمل نومى






كان هذا وحده كافيا ليبدأ "بُش بُش" فى سرد مأساته المؤسفة..




شوف يا ريّس -


انت عارف إن اليومين دول فى انتخابات رئاسة عندنا..


واديك شايف


الجدع اللى اسمه كيرى ده بتاع الحزب الديموقراطى شكله

ناويلى على نية سودة لو كسب الانتخابات دى









رد الزعيم عليه بقرف بالغ


طيب وانا هعمللك ايه..!! مش انت اللى خربتها -




قال "بُش بُش" وقد تغيرت لهجته هو الاخر بشكل يوحى بأنه

شيطان يوسوس لقرينه الإنسى الذى ينخدع بكلامه



ازاى بقااااااااااا -

دا انت تقدر تعمل كتير قوى.. شغل انت بس مخك معايا





هرش الزعيم فى رأسه لكى يجد فكرة او حتى فكيرة .. فلم يعثر

على شئ البته..فقال لابن ام بوش


شوف بقى انت تدخل دوغرى فى الموضوع .. انت عايز ايه -

بالظبط..؟








فوجئ بالطلب الغريب.. والذى لم يكن متوقعا أبدا





أنا عايز من عندك خبراء الانتخابات.. اللى بيخللوك تاخد -

99.9 % ..




وانطلقت صيحة غاضبة من حلق الزعيم
..

لأّااااااااااااا... انت بتقول ايه..؟ -

انا مش مكن اشترك فى اللعبة القذرة دى..


شعبى يقول علىّ ايه؟؟...متواطئ معاكم..؟







مما جعل ابن ام بوش يتزرزر بدوره قائلا وهو فى قمة الغضب

مهو اسمع بقى -

كل اللى فاضللى بتاع شهر ولا شهرين على انتخابات الرياسة..




لو مبعتليش الجماعة الخبراء دول ... وحياة راس بابا .. وحياة دراع

ماما .. وحياة قفا كولن باول.. وحياة شعر كوندليزا .. لأكون

مطربقها عليك انت كمان عشان تبقى انت وصدام فى قفص واحد

..






فكر الزعيم طويلا بشكل أرهقه.. فهو لم يستعمل عقله منذ زمن
..

ولم يجد قرارا غير موافقته ولكنه تذكر شيئا مهما


..

طيب يا "بُش بُش" .. بس فى مشكلة صغيرة عندى -

البلد دلوقتى فى حالة انتخابات .. وداخلين على انتخابات

برلمانية.. وبصراحة محتاج للخبرا قوى

كان "بُش بُش" يطن ويزن كالطفل النّكدى


مليش دعوة .. انا عايز خُبرا -










مما جعل الزعيم ينطق وكأنه مغلوب على أمره
..

يعنى انت تنفد من كيرى وانا الحزب بتاعى يتزحلق؟ -




مليش دااااعوااااااااا.. انا عايز خُبرا -








خلااااااااص... متزنِّش كتير هبعتلك خبرا -

بس مش هبعت بتوع الصف الأول

هبعتلك الصف التانى

ده اللى عندى ومش عايز ولا كلمة بقى..لحسن انا كده ابقى فى

الباى باى










كان بوش يعلم تماما قدر هؤلاء الخبراء البارعين





ياريس والله هحطهم فى عينىّ وبعدين ياراجل يمكن نمضى عقد -

سوا انك تورّدهم كل دورة انتخابات



انا عارفهم وعارف كفائتهم..








ماشى يا عم.. بس ترجعهم بسرعة ابوس ايدك بعد الانتخابات -

أديك شايف بعينك البلد عامله ازاى.. والانتخابات على الابواب -




رد بوش بحماسة بالغة بعد أن حصل على طلبه



اتفقنا -











وبعد ان كلف الزعيم مجموعة الصف التانى من مزورى

الانتخابات ..




والذين كان يخشى غباءهم لدرجة انه فكر فى إلغاء الاتفاق






اجتمع بهم وعلى رأسهم كيمو.. أقدم من عرفته ألاعيب

الانتخابات.. برغم غبائه الشديد



يا كيمو ...انا باعتكم فى مهمة خطيرة قوى.. هترفع راسى ولا -

هتحطها فى الطين..؟




كان كيمو يناضل من أجل الحصول على فرصته ليقف فى الصف

الأول



مماجعله ينطق بحماس ملتهب



عيب ياريس.. انت اعتمدت على راجل -






كان الريس برغم تاكده من غبائهم يحمسهم ويرفع من روحهم

المعنوية ..حتى لا ينتهى الأمر نهاية مأسوية




شوف يا كيمو انت ورجالتك -

لو نجحتوا.. انا هخلليكم انتوا الصف الاول ..واهو بعد انا ما اموت

تبقوا تساعدوا العيال من بعدى




أما بقى لو فشلتوا.. انت عارف انا هعمل ايه

قال كيمو بنفس الحماسة


اعتبر الموضوع منتهى يا ريس -



طيب يا سيدى على بركة الله -









قالها الزعيم وانطلق إلى غرفته يفرش سجادة الصلاة متوجها

بدعائه إلى البيت الأبيض أن ينتهى الأمر بسلام وأن يكفيه شر

الفضايح












************************************************** ***********










وهاهم الآن مجموعة الخبراء العرب يهبطون مطار واشنطن فى

مهمة سرية عاجلة .. لتكون بذلك أول بعثة من الشرق الأوسط

تنطلق إلى الأراضى الأمريكية فى مهام استشارية فنية

بحته







وهاهى الانتخابات قد اشتعلت بين "بُش بُش" الذى اطمئن نوعا

ما..وبين كيرى هذا الرجل الذى يظهر له فى كل منام كوحش يريد

ان ينقض عليه ويلهف منه مصاصته








كان بوش يرقب تحركات الخبراء العرب.. والذين كانت خطواتهم

وتصرفاتهم تنبض بالخبرة فى هذا المجال






انه يستمتع بالفعل بهذا الاداء المتقن.. بعد أن انقض كل منهم

على لجنة تصويت وفرز

..



وعاش فى احلامه حيث تخيل منظر كيرى وهو مصاب بشلل بعد

سقوطه فى انتخابات الرئاسة






وقد نذَر بوش أن يخرج عاريا فى مولد سيدى الشارونى لو كسب

هذه الانتخابات

..









انتهت الانتخابات بشكل يبدو للجميع انه نزيه وبدون اى مخالفات..




وبدأت مرحلة الفرز..







والتى أسفرت عن نتيجة لم تكن متوقعة على الإطلاااااااااااااااااق

....









وبعد انتهائها..ما كان من رئيس بعثة الخبراء العرب إلا أن رفع

سماعة الهاتف ليبشر الزعيم بهذه النتيجة المفرحة..بينما الزعيم

كان يخشى أن يقصروا رقبته مع "بُش بُش" .. خاصة وانه يعرف

تماما ما يتمتعون به من غباء مزمِن مستحكِم قد يكشف الأمر

كله..فردّ متلهفا


..

ها يا كيمو -

طمنى عملتوا ايه.. إوعى تكونوا كسفتونى مع الراجل..







كان كيموا يتكلم وهو لا يملك نفسه من الفرحة
..

عيـــــــــــــب ياريس..كله تمام -








قال الريس مبهورا بجهود كيمو الذى اخلف جميع توقعاته..





طيب قولى مين اللى فاز يا كيمو ..؟ نسبة الفوز كانت قد ايه..؟؟ -








وكان الرد




يا ريس ابشر سعادتك بان النتيجة اعلنت فوز سعادتك فى الانتخابات بنسبة -

99.9%

منقول

[yasmina]

مش هقول يا ابراهيم

غير حاجة واحدة

انى اتحولت من اللون الاصفر

[حنين]

حوار ظريف بين الرئيس العربي وبين الرئيس الاميركي جورج بوش ... والخبير كيمو ..


لكن انا ما ظنش انه اي رئيس عربي ممكن يصيح على بوش في يوم من الايام ولا حتى في حوار خيالي .. او حتى يعارضه .. !!!




النهاية "ذكية" للغاية متل الذكي "كيمو" ...... !!!



والرئيس العربي المقصود اكيد معروف مين هو .. الـ 99.9 ما بيجيبوها كتار ..



شكرا على هالحوار ملك الرومانسية ..


تحياتي

[THEGOODWOLF]

من رئيس الوزراء

حرام عليك فضحتنا

بس كلمة سر بيني و بينك

جامدة جامدة
جامدة جامدة
جامدة جامدة
جامدة جامدة
جامدة جامدة
جامدة جامدة
جامدة جامدة
جامدة جامدة
جامدة جامدة
جامدة جامدة
جامدة جامدة
جامدة جامدة
جامدة جامدة
جامدة جامدة
جامدة جامدة
جامدة جامدة
جامدة جامدة

[مستكة]

هههههههههههههههه

جميله القصه دي

فعلا الديموقراطيه العربيه لا يشابهها اي ديموقراطيه في العالم

بس انت يا اخ ابراهيم شكلك خايف لا يشدوك ولا ايه

كاتب بالاصفر للتمويه؟

الواحد معدش شايف حاجه
هههههههههههههههههه

[maysam]

تحفة يا ابراهيم

[SOKA]

جميل يا ابراهيم الحوار ده

[ra3d]

hhhhhhhhhhhhhhhhh