خمسة أشياء ممنوع أن لا تقولها للجنس الناعم ابداً!!!

[maysam]

خمسة أشياء ممنوع أن لا تقولها للجنس الناعم ابداً
غالباً ما تذعر النساء من كلمة ودون سبب واضح تتراجع أو تختفي. والحقيقة أن هناك اختلاف واضحاً في مفهوم الكلمات بين النساء والرجال، وما يترجم على أنه عادي عند الرجل، هو غير عادي عند النساء والعكس صحيح. فربما ما تعتبر غير مؤذ أو حتى لطيف، تعتبره النساء مخيفاً ومقلقاً أو حتى مهيناً.

ولمساعدتك إليك قائمة ببعض العبارات التي يعتبرها الرجال عادية بينما هي مخيفة للنساء.



العبارة المحرمة الاولى - "أنت مجنونة": لا تخبر الفتاة أبداً أنها مجنونة حتى إذا تصرفت بجنون، فترجمتها عند الفتيات هي "أنت مريضة نفسياً". إذا كان ولا بد، قل مثلاً "هذا تصرف مجنون"، "هذا تصرف خارج عن المألوف"، ولكن لا تقل أنت مجنونة.



العبارة المحرمة الثانية - لا تقل "أنا أحبك" أثناء المجادلة الكلامية: لا تقل هذه الكلمة بعد نقاش حاد لأنه لا فعل سحري لها كما في الافلام، فهذه الكلمة حتماً ستسبب لك المزيد من المتاعب ولن يكون لديها أي تأثير سحري أبداً ربما ستشعر بتأثير العصا دون السحر. ولمساعدتك قل مثلاً، قل بعد خطأ صدر عنك "لن يتكرر هذا التصرف مرة أخرى".



العبارة المحرمة الثالثة - "افعلي ما ترينه مناسباً": العلاقات مليئة بالقرارات. أين نأكل، أين نسافر للإجازة، أي مدرسة نختار للأطفال. وأكثر الرجال لا يستطيعون أن يقولوها بصراحة، "لا يهمني. قرري بنفسك". بل يجملون العبارة فيقولون، "افعلي ما ترينه مناسباً". وبذلك يلقون بالمسؤولية على النساء.



العبارة المحرمة الرابعة - "كنت تعرفين بأنني أتصرف هكذا عندما تزوجنا": تأتي هذه العبارة قاسية وتعني أنك لن تتغير ولن تحاول أن تتغير وأن هذه هي الحياة التي ستعيشها إلى الأبد. وبالتالي يموت جزء جميلاً داخل النساء كان من الممكن أن يزدهر وينمو ويجعل الحياة الزوجية أجمل. أما العبارة التي يفترض أن تقال فهي "هذا التصرف يضايقني أيضاً، وأنا أحاول التخلص منه".



العبارة المحرمة الخامسة - "لا شيء": أحياناً، يشعر الرجل بأن أي شيء سيقوله سيترجم خطاً أو يزيد المشاكل فليزم الصمت. لا تقل "لا شيء" بل قل شيء حتى لو كان خطأ، لن تنتهي الحياة عند هذه الكلمة، إذا لم تشاء أن تتحدث قل "لا أريد التحدث الآن ربما بعد أن تهدأ النفوس قليلاً".

[مستكة]

لا فض فوك

يا ريت يعملو بالكلام ده


بس فيه عباره مهمه جدا نسيتيها وهي

( انتي مالك) ( ملكيش دعوه) ( لا تتدخلي)

[Lonely Doc]

كويس انهم خمسه بس ياميسم
طيب عشان نتلافى زعل الجنس الناعم ممكن مثلا نقول :

بدل العباره الاولى :انتى فى نعيم (باعتبار يعنى ان المجانين فى نعيم ).. حد يطول يبقى فى نعيم؟؟

وبدل العباره التانيه :بعد نقاش حاد مفروض طبعا كلمه كويسه تلطف الجو مثلا منه لله صاحب الشوره المهببه دى (طبعا بيدعى على اللى شار انه يتجوز).. متهيا لى كده هى تتلخم فى العباره دى وتبتدى تفكر ياترى يقصد مين وبكده الجو يتلطف جدا

اما بقى العباره التالته: فمتهيا لى انسب رد هو : ايه رايك ياحبيبتى ولما تقول مثلا انا رايى نروح اسكندريه فى الصيف اقولها خلاص حنحجز فى مرسى مطروح .... عشان تتمنى فى المره الجايه انها تسمع افعلى ما ترينه مناسبا

الرابعه بقى : بصراحه عندك حق فيها وما اقدرش اقول عليها حاجه بس الزوجه "الناصحه" هى اللى تعرف تغير تصرفات زوجها اللى مضايقاها من غير ما تحسسه بكده

وختام العبارات المحرمه : احيانا الصمت يكون مطلوبا فى بعض المشاكل لان سكب البنزين على النار يزيدها اشتعالا وغالبا فى المواقف دى بيبقى اغلب الكلام بنزين


ايه يامستكه زعلانه ليه بس... بصراحه اللى يقول كده للجنس الناعم يفتقر للذوق لكن لازم نضع فى اعتبارنا ايضا ان هناك خلينا نقول قله من الجنس الناعم يضعن انفوهن فى كل شىء تقريبا....اليس كذلك؟؟

شكرا ياميسم لهذه الممنوعات و......علم يا فندم

[حدوتة]

محرمات فى محلها ياميسوم
بس انا مش بزعل لما حد يقولى يامجنونة لان فى الجنان بعض من الخروج عن المألوف
المفروض ان المراة متكونش شيىء عادى بالنسبة لزوجها يكون لها لون خاص حتى لو كان جنون
بس طبعا مش جنون للى يوصل لأختلال العقل

تسلمى ياقمر

[محمدحسين]

العبارة المحرمة الخامسة - "لا شيء": أحياناً، يشعر الرجل بأن أي شيء سيقوله سيترجم خطاً أو يزيد المشاكل فليزم الصمت. لا تقل "لا شيء" بل قل شيء حتى لو كان خطأ، لن تنتهي الحياة عند هذه الكلمة، إذا لم تشاء أن تتحدث قل "لا أريد التحدث الآن ربما بعد أن تهدأ النفوس قليلاً".

قد اوفقك على الاربعه الاولى لكن الاخيره احيانا بيكون السكوت أفضل من الكلام كثيرا وأقل ضرر شكرا ياميسوم ومنوره دائما فى موضوعاتك

[maysam]

المشاركة الأصلية بواسطة مستكة

لا فض فوك

يا ريت يعملو بالكلام ده


بس فيه عباره مهمه جدا نسيتيها وهي

( انتي مالك) ( ملكيش دعوه) ( لا تتدخلي)

هههههههه حلوة لا تتدخلي دي يا مستكة

ليه ان شاء الله هو نحن بسوق خضار

[maysam]

اهلا لونلي

المشاركة الأصلية بواسطة Lonely Doc

كويس انهم خمسه بس ياميسم
طيب عشان نتلافى زعل الجنس الناعم ممكن مثلا نقول :

ههههههههههههههههههههههههههههههههههه

يعني هم لما بيقولوا للست في المسلسلات احمدي ربنا دا انتي عايشة بنعيم ،، كان قصدهم انه انتي مجنونة

ومنكم نستفيد

اه اتخيل ساعتها حيتلطف جدا جدا هههههه وساعتها ربنا يلطف فيه كمان

هههههههه ايه التحامل دا

طيب الحمد لله ان في نقطة وافقت عليها

اه طبعا،، المفروض لما واحد يعصب التاني يسكت خالص والا حتكون مهزلة

اهم شيء انه عُلم

[حنين]

الجنس الناعم بيتضايق من عبارات كتيرة منها اللي ذكرتيها يا ميسم ..


شكرا لتسليطك الضوء على هيك عبارات بنتحسس منها ..

[=BASSEM=]

اعتر ااااااااا ض


بصراحه انا احترت و احتار دليلي

يعني دايما بتحاولوا تشوفه اللي بيضايقكوا و المناطق الممنوعه و احنا طبعا ماعلينا سوي السمع و الطاعه

الجمل دي ممكن البعض يتقبلها بشكل و ممكن باخر يعني علي حسب التفاهم بين الطرفين يعني فعلا كلمة مجنونه فيه بنات بتحب تسمعها جدا و فيه بنات بتحس انها مختلفه بيها و فيه بنات بتكره الكلمه

أنا أحبك" أثناء المجادلة الكلامية

لا دي ماعتقدش ان اي حد يعرف يستخدمها و يبقي ليها سحر غير لو كان مدرب و صدقيني بتجيب نتيجه عاليه زي الافلام بالظبط انما لو واحد مش محترف هتبوظله الدنيا كلها

افعلي ما ترينه مناسباً

اغلب النساء يتميزوا بالقدره العاليه علي الزن و التكرار و اعادة الكلام فأكيد الواحد عشان يخرج من الموقف دا يعمل زي ماقال دكتور لونلي بالظبط

كنت تعرفين بأنني أتصرف هكذا عندما تزوجنا

بصراحه دي بقي معرفش لسه مادخلتش دنيا لما ادخلها ابقي اجاوب

لا شيء

مع ان سبحان الله بيقولوا ان سكوت البنات رضا انما لو الراجل سكت هي تزعل طبعا قمة العنصريه و الاضطهاد

و اكيد طبعا كمثال لو عكسنا الايه هيكون فيه

الجمل النسائيه الشهيره

1- انا كدا حلوه

2 - شايفني تخينه و لا رفيعه

3- ايه رأيك فيا

4- انت مش بتغير عليا ليه و يوم ماالواحد يغير تبقي الجمله انت بتغير عليا قوي ليه كدا

5- غير طبعا الزن بتاع الستات المعروف زننننننننننن زننننننننننننننننن

[maysam]

المشاركة الأصلية بواسطة أميرة الشقاء

محرمات فى محلها ياميسوم
بس انا مش بزعل لما حد يقولى يامجنونة لان فى الجنان بعض من الخروج عن المألوف
المفروض ان المراة متكونش شيىء عادى بالنسبة لزوجها يكون لها لون خاص حتى لو كان جنون
بس طبعا مش جنون للى يوصل لأختلال العقل

تسلمى ياقمر

طبعا يا اميرة الخروج عن المألوف مطلوب عشان الروتين

بس هي الكلمة مدى تقبلها بيعتمد على الموقف نفسه اللي بتتقال فيه والمعنى المستوحى منه

يعني اوقات ممكن تتقبلي كلمة معينة واوقات نفس الكلمة بترفضيها تماما
كله حسب الموقف والمووود برضو

[maysam]

المشاركة الأصلية بواسطة محمدحسين

قد اوفقك على الاربعه الاولى لكن الاخيره احيانا بيكون السكوت أفضل من الكلام كثيرا وأقل ضرر شكرا ياميسوم ومنوره دائما فى موضوعاتك

اهلا محمد

في مواقف بتتتطلب السكوت ، بس مش تكون عادة يعني عشان يريح دماغه

[maysam]

المشاركة الأصلية بواسطة حنين

الجنس الناعم بيتضايق من عبارات كتيرة منها اللي ذكرتيها يا ميسم ..


شكرا لتسليطك الضوء على هيك عبارات بنتحسس منها ..

اهلا حنين
لو حانعد مش حانخلص ههههههه

شكرا لمرورك

[maysam]

طبيعي انك تعترض..متوقعة منك ليك سوابق في عداء المرأة

كله الا تحتار بقى ]

لا طبعا يا باسم الحكاية مش هيك
بس هي نصائح ممكن تكون مفيدة لبعض الناس مش كلهم
عشان انا بقول مش كل قاعدة تصلح للجميع
دايما في نشاذ ولا شواذ مش عارفة الكلمة الصحيحة
الموضوع جاي في صف المرأة ، بس مش معناه ان عنصر الرجل مالوش اعتبار او اهمية
لا لما الاقي مواضيع بتنصح الستات بمات يخص الرجل حاجيبها طبعا من غير ما افكر

الجمل دي ممكن البعض يتقبلها بشكل و ممكن باخر يعني علي حسب التفاهم بين الطرفين يعني فعلا كلمة مجنونه فيه بنات بتحب تسمعها جدا و فيه بنات بتحس انها مختلفه بيها و فيه بنات بتكره الكلمه

اه معاك في النقطة دي

أنا أحبك" أثناء المجادلة الكلامية

لا دي ماعتقدش ان اي حد يعرف يستخدمها و يبقي ليها سحر غير لو كان مدرب و صدقيني بتجيب نتيجه عاليه زي الافلام بالظبط انما لو واحد مش محترف هتبوظله الدنيا كلها

طب نعمل ايه..دي خبرات بقى
كل واحد ينمي خبراته عشان يستفيد منها في المستقبل ويشتغل ساحر ههههههه

اغلب النساء يتميزوا بالقدره العاليه علي الزن و التكرار و اعادة الكلام فأكيد الواحد عشان يخرج من الموقف دا يعمل زي ماقال دكتور لونلي بالظبط

ايوة دي انا بلاحظها برضو بس لازم نعرف سبب الظاهرة دي ، العيب فين يعني

مع ان سبحان الله بيقولوا ان سكوت البنات رضا انما لو الراجل سكت هي تزعل طبعا قمة العنصريه و الاضطهاد

دا ايام زمان كان معناه رضى وكان معنى مرتبط بالست عشان الحياء اما اليوم يا باسم ما حد بيسكت بيقولوا نحن بعصر التكنولوجيا

اما سكوت الرجل ، فلازم نعرف يعني معناه ايه؟

و اكيد طبعا كمثال لو عكسنا الايه هيكون فيه

الجمل النسائيه الشهيره

1- انا كدا حلوه

2 - شايفني تخينه و لا رفيعه

3- ايه رأيك فيا

4- انت مش بتغير عليا ليه و يوم ماالواحد يغير تبقي الجمله انت بتغير عليا قوي ليه كدا

اه ممكن بس مش كل الستات هيك
دول ممكن اللي ما عندهم ثقة بنفسهم
وممكن السبب يكون قصور من الرجل ، مش قادر يفهم كيف يتعامل مع الست ، بيوصلها للمرحلة دي

5- غير طبعا الزن بتاع الستات المعروف زننننننننننن زننننننننننننننننن

[/quote] :

[محمد خطاب]

السلام عليكم ورحمة الله وبركاته

اها ميسم هيا اللى جايبة الموضوع
طبعا زعيمة حزب النساء ولازم بقى تجيب نصائح علشان واحنا بنتعامل مع الرقيقات نعرف نتعامل معاهم

طيب طيب
حنشوف
ورينى يا ميسم هانم اللى عندك بقى

خمسة أشياء ممنوع أن لا تقولها للجنس الناعم ابداً
غالباً ما تذعر النساء من كلمة ودون سبب واضح تتراجع أو تختفي. والحقيقة أن هناك اختلاف واضحاً في مفهوم الكلمات بين النساء والرجال، وما يترجم على أنه عادي عند الرجل، هو غير عادي عند النساء والعكس صحيح. فربما ما تعتبر غير مؤذ أو حتى لطيف، تعتبره النساء مخيفاً ومقلقاً أو حتى مهيناً.

أشمعنى هو مخ الجنس الناعم راكب شمال مثلا واحنا يمين
هيا مفردات اللغة واحدة ... بس والله هيا بتكون تلاكيك يعنى وقفت بقى على الكلمة ديه طلقنى يا محسن ولما محسن يطلقها تقوله عملت كده ليه يا محسن

ولمساعدتك إليك قائمة ببعض العبارات التي يعتبرها الرجال عادية بينما هي مخيفة للنساء.

هو الراجل دائما كده مظلوم ومتاخد حقه فى البلد ديه

العبارة المحرمة الاولى - "أنت مجنونة": لا تخبر الفتاة أبداً أنها مجنونة حتى إذا تصرفت بجنون، فترجمتها عند الفتيات هي "أنت مريضة نفسياً". إذا كان ولا بد، قل مثلاً "هذا تصرف مجنون"، "هذا تصرف خارج عن المألوف"، ولكن لا تقل أنت مجنونة.

مع انى مش فاهم هيا بتتصرف بعقل امتى بس يلا خلينا نمشى مع المقال احنا فى منتدى ديموقراطى ... يعنى مثلا ارجع من الشغل مثلا يعنى ادخل الاقى التلفزيون جوا التلاجة او فرن البوتجاز ... يبقى ده تصرف مجنون صح ... واللى عمل التصرف ده ايه يا ترى مجنون برضه ولا عاقل بالغ رشيد ... اكيد مجنون ولازم اقولها يا حياتى يا حوبى يا مراتى انتى مجنونة ... كده افضل ههههههههههههه
لا بجد يا ميسم الكلام ده مثلا فى موقف عادى حصل ممكن ياخد بالنصيحة ديه ولكن موقف خلاص محتدم اكيد مافيش وقتها نصائح ولا صوت يعلو فوق صوت المعركة ... وكمان هو كل زوج لازم يراعى نفسية زوجته .. يعنى هل هيا من النوع اللى بيزعل بسرعة بيغضب بسرعة عنصر تقبل الكلمات عندها ايه
يعنى مرة واحد صاحبى قال لمراته يا مجنونة قالت له طبعا انا مجنونة بحبك .. او مجنونة علشان اتجوزتك ... والموقف اكيد خلص على كده
زوجة تانية ممكن تحط له سم فى الاكل او تقسمه نصين ( ديه الموضة فى مصر دلوقتى )

العبارة المحرمة الثانية - لا تقل "أنا أحبك" أثناء المجادلة الكلامية: لا تقل هذه الكلمة بعد نقاش حاد لأنه لا فعل سحري لها كما في الافلام، فهذه الكلمة حتماً ستسبب لك المزيد من المتاعب ولن يكون لديها أي تأثير سحري أبداً ربما ستشعر بتأثير العصا دون السحر. ولمساعدتك قل مثلاً، قل بعد خطأ صدر عنك "لن يتكرر هذا التصرف مرة أخرى".

يعنى الراجل كتر خيره عايز يحتوى البنت ويفهمها انه برضه مهما هيا تعمل من جنون وتصرفات مجنونة برضه بيحبها ... تقوم تزعل اكتر .... صحيح ما يعجبهومش العجب ولا الصيام فى رجب ... وعلشان تعرفى ان مؤلف هذا المقال مش خبير علم نفس ولا حاجة وديه واحدة جوزها مطلع عنيها .. فقعدت تكتب كده كام كلمة قال يعنى خبيرة نفسية هيا بتطلب منه هو اللى يقول ايه وكمان بتحدد الجملة .. والمصيبة الاكبر انها فارضة تماما خطئ الراجل ... يا ساتر عليهم شوية حاجات

العبارة المحرمة الثالثة - "افعلي ما ترينه مناسباً": ال