ضحكتك بالدنيا ...

[Half-Magic]

ضحكتك بالدنيا ... فكره الموضوع بسيطة قوى ... احنا عايزين نرسم البسمة على شفاه كل أعضاء ابن مصر و علشان كده .. كلنا لازم نشارك فى الموضوع ده .... كل واحد فينا يدخل يقوول نكته او اى قصه طريفة حصلتله أو حتى سامعها . المهم يشارك معانا و بكده يبقى عندنا موسوعة للضحك و كل واحد بقى حاسس انه متضايق أو زعلان كل اللى عليه انه يقرا مشاركات الأعضاء هنا و هو ينسى الحزن ... و هو ده المطلوب.. رسم الأبتسامه فما أجملها ... بس خلاص

[Half-Magic]

شوية نكت كده على الماشى ...


*راجل خلف سبع أولاد .... سما نفسه سفن آب

* ولد مغلّب مدرس الجغرافيا معاه ليه؟؟؟؟؟؟؟ عاوز يعرف خط الاستواء ده فودافون ولا موبينيل

* مره واحده بخيله بعتت ابنها يجيب 3 ارغفه عيش... فلما رجع قالتلو رجع الرغيف التالت ابوك مات

* واحده حامل راحت تولد الدكتور طلع اول طفل ضربه على ظهره وحطه على جمب جه وطلع التانى وحطه على جمب ... بيطلع التالت ما رضيش يطلع قال للممرضه تعالى كملى انتى انا تعبت قام بص الطفل التالت وقالها الراجل اللى بيضرب العيال مشى ولا لسه

* مره 3 اطفال راحو محل لعب اطفال ... الطفل قاله يا عمو ياعمو عندك بلونه قاله اه جاب السلم وطلع جاب بلونه ونزل . سأل التانى وانت عايز ايه قاله عايز بلونه قاله ما قولتش ليه انا كنت فوق جاب السلم وطلع جابلو بلونه وهوه فوق سأل التالث قاله عايز بلونه قاله لا نزل الراجل و قال للتالت عايز ايه قاله عايز بلونتين

* مرة فيل اتجوز نمله وبعد ايام زهق منها فقالها انتي طالق .. فقالتله والفيل اللي في بطني

* ليه الحمار بينهق وهوه مغمض عنيه
تعرف ليه ؟؟؟؟
عشان حافظه غيبى


* واحد راكب عربية صغيرة جدا ماشى بيها فى شارع صغير و و احد تانى راكب عربية كبيرة جدا وكل واحد عاوز يعدى من الشارع حدثت خناقة كبيرة ..
.المهم صاحب العربية الصغيرة بكل فخر قال لصاحب العربية الكبيرة انت عارف العربية دى فيها ايه رد و قالوه لا قلوه العربية دى فيها عفريت قالو ورينى كده دعك العربية طلع منها عفريت كبير وقال:شبيك لبيك تطلب ايه قالو 2شاى و جاب الشاى المهم صاحب العربية الكبيرة أشترى العربية الصغيرة مقابل الكبيرة ودعك العربية بعد ما أشتراها و طلع العفريت قال صاحب العربية انا عاوز دهب وفلوس و عربيات رد العفريت و قاله انا بعمل شاى بس


* مرة اتنين اغبية قاعدين مع بعض واحد بيقول للتانى هو ابوك مستكبر كدة لية اليومين دول قالة لية هو عمل اية رد وقالة من ساعة ما مات ما بقاش يعدى يسلم زى الاول


* مرة أستاذ كيميائي خلف ولد
سماه: سامي أكسيد الكربون


* واحد مره داسته عربيه سيات ... مات من الضحك


بس خلاص

[سعوديه_كول]

ههههههههههههههههههههههههههه
روووووووووووووووووووووووشـــــــــــه طحن!!!!

حلوة الفكرهـ دي اوي يامحمد طب ماااشي انا حقوول موقف حصلني !!

موقف ايام المدرسه << من زماااان شويه!!

كان عندنا مجلس امهات
الامهات بيجوا يسألوا المعلمات عن البنات
المهم طبعآ انا ماقلتش لماما !!
المهم طبعآ كل معلمه لازم تعمل فقره وتشرك معاها بنات !!
بس انا مستحيل اشترك المهم
زوغت انا وصحباتي في حصة من الحصص ولما مسكوني قالوا اختاري يانتصل على ماما يا تخصم منك درجات المشاركه اختاري !!
طبعآ انا بين نارين !!
قلت لهم اخصموا من درجة المشاركه
بعد يومين قالت لي الاستاذه لو عاوزهـ ارجع لك الدرجات اشتركي في الفقرهـ اللي ههعملها قلت لها مستحيييييييل ومليووون مستحيييييل بس فكرت قلت وماله اعملها واخد الــ 5 درجات بتاعت المشاركه
واضرينا انا والبنات نشترك غصب عنا !!
هيا ادتنا الاغنيه نحفظها وبعدين نعملها برووووفه
طبعااا انا مش متخيله نفسي اخرج قدااااااااااااااااااااااام الامهات ولا واغني كماااان يالهوووي ...
ولما باقي عالحفله يومين اخدوونا يعملولنا بروفه
وقفت صاحبتي وقعدت تغني وتبص فيني طبعا انا مت من الضحك
وبعدين قالوا سارهـ يلا قومي طبعا البروووفة دي قداااااام كل بنات المدرسه والمعلمات والمديرهـ
لما وقفت عالمسرح لسه بغني قمت اضحك والمدرسه تقولي ايه اللي بتهببيه ياسارهـ ؟بكره الحفله وانتي بتهرجي !!
قلت خلاص هعملها كويس بس البنات ( صحباتي ) بيشاوروا عليا ويضحكوا
وضحكت غضب عني ! قالوا لي : الكلاااام ده ياساره مايصحش كده عيييييييييييييب اتدربي كويس واوعي تضحكي
قلت ماشي !!
وقعدت اتدرب وقلت مش هضحك لازم اكووون جديه شويا
ولما جا الحفل وجت فقرتنا : قاولت: دلوقتي سارهـ هتقدم لكوا النشيد دهـ !!
ساعتها لاشعوريا رفضت اطلع عالمسرح ههههههههههههههههه
كدهـ والمدرسه ماسكه اعصابها وتقولي ماشي ياسارهـ طيب ياسارهـ وطلعت غصب عني ومسكت المكرفون
وكنت بغني صح فجأهـ وقعت عيني على عين اختي اللي هيا مع الطالبات وبتضحك ساعتها اعدت اضحك قداااااااااااااااااااااااااااااااااااااااااااااااا اااامـ الامهاااات فعلا كان غصب عني ياجماعه مش بارادتي
طبعا المعلمه كانت عاوزهـ تخنقني !! كملت النشيد وانا خلاااااااااااص مش عايزه اشووف حد لما خلصت
نزلت ولاكلمت المدرسه لانها كانت متعصبه اوي مني
ولما جا بكرهـ نادووني وقالولي :ايه اللي عملتيه امبارح عايزهـ تفسير << دي المديرهـ
قلت ولاحاجه كنت ماشيه صح فجأه شوفت اختي وضحكت طبعا المديره حتعمل اييه سكت وخرجت طعبا المدرســـه لما جت حصتها فضلت تشخط بيا لاني فعلا نرفزتها !! بس ماكانش قصي وهيا اللي اجبرتني اني اخرج انا ماطلبتش منها حاجه وقعدوا البنات يضحكوا عالموقف وانا بضحك معاهم !!
طبعا وقتها زعلت من اللي عملته بس لما افتكرها دلوقتي اضحك !!

[loli]

دانتي طلعتي تحفه يا سارة

[loli]

موضوع ظريف يا ماجيك... ياريت الكل يشارك فيه بطرفه او موقف طريف حصل معاه

[Half-Magic]

الف شكر يا ساره على التواجد و التفاعل ... و على راى لولى دانتى طلعتى تحفه

الف شكر يا لولى على التواجد و على تثبيت الموضوع

[Half-Magic]

* مره واحد ركب اوتوبيس شاف واحده قاعده راح بصلها فبصتله , ضحكلها ضحكتلو غمزلها غمزتلو راح شاورلها على المحطه , فنزلت ....راح قعد مكانها


* واحد جاب دش كبير اوي و حطة علي سطح البيت عنده, فخاف علية لحد يسرقة فنزل الشارع وقال للناس محدش يطلع السطح علشان جايب كلب كبير قوي فوق.و بعدين اتنين اخدهم الفضول فواحد قال للتاني تعرف تطلع؟قالوا اه اعرف... فطلع و لما نزل كان خايف فصحبة قالة شوفت الكلب؟قالو لا .. بس شقت الطبق اللي بياكل فيه


*اتنين مساطيل حبوا يسرقوا عماره فقالوا لبعض احنا ناخد العمارة بعيد ونسرقها براحتنا ، فقلعوا الهدوم وقعدوا يزقوا فى العمارة يزقوا ، جه واحد من وراهم وسرق الهدوم ، فواحد منهم بص ورا ملقاش الهدوم فقال له كفاية كده احنا بعدنا أوى...


* عشرة بلدياتنا أخذوا شقة و كل اسبوع يطردو واحد ليه ؟ يقلدو ستار أكاديمي !!


* صعيدي دخل مسابقة المليون اتصل بصديق و قاله..
الوه امحمدين امعانا - الوه ايوه رايك ايه احدف ادابتين ولا عاسال الدمهور.


* واحد شكله غلبان ويصعب على الكافر قاعد على قهوه باصص لكوبايه شاى قدامه ومتنح ! شافه واحد رذل عامل نفسه فتوه , فقال اما اروح اتتنطط عليه شويه
,راح داخل عليه وشادد الكوبايه من قدامه وشربها على بق واحد , وحطها قدامه فاضيه وقال له :
ماتنساش تدفع البقشيش !
الراجل راح منفجر فى العياط والنهنهه! لدرجه انه صعب على الفتوه , فخبط على كتفه وقال:
ياراجل ماتعملش فى نفسك كده, معقوله راجل بشنبات يعيط علشان كوبايه شاى بخمسين قرش؟
انا مش باعيط علشان الشاى , بس انهارده اسؤا يوم فى حياتى !
صحيت الصبح متاخر , فاخذت الموتوسيكل بتاع اخويا علشان الحق الشغل بس برضه وصلت متاخر وصاحب الشغل هزقنى ,ماستحملتش ورديت عليه راح طاردنى !جيت اخد الموتوسيكل واروح لقيته اتسرق , رحت ابلغ اخويا اتهمنى بالسرقته ! وبعد ماضربونى فى القسم علشان اعترف طلعونى بكفاله مش عارف هسددها ازاى , وحتى لما قررت انتحر , جيت اشرب كوبايه السم , جيت انت وخطفتها من ايدى.


* بلدياتنا نجح في انتخابات مجلس الشعب، ففي اول جلسة قاعد جنب واحد افندى فالأفندى عزم عليه بسيجارة مارلبورو،
وبعد شويه بيسالوا إيه رأيك في الديمقراطية ياحاج؟؟.. فرد الحاج : والله أحسن من الكيلوبترا

[=BASSEM=]

واحد نذل ابوه طرده من البيت وهو طالع كتب على السور ، مقر حركة طالبان

كمسرى ماشى فى جنازة بيقول يا جماعة الجنازة فضيا قدام

واحد مسطول بيسأل مراته هو لما بنفتح باب الحمام النور بينور قالت له لا قالها يبقى أنا عملتها فى الثلاجة

مره واحد احول سجل في الجيش...... حطوه في قسم القصف العشوائي

.مره واحد مسطول اوى راجع بيتهم الساعه اتنين بليل فاخته فتحت له الباب قام ضربها بالقلم على وشها طاخ وقالها كنتى فين لحد دلوقتى.

.واحد سكران فتح التلاجه وبص للجلي ...وجده بيرتعش :قالوه متخفش هاخد عصير

صومالى ركبه عفريت العفريت مات من الجوع

سكران ماسك الفرخة بتاعته ..قاعد يضرب فيها يضرب فيها ويقولها: كل يوم بيض بيض مافيش جبنه

مرة واحد سافر الكويت لقى الاسامى بوحمد و بو فهد و بو محمد و بو فيراس راح سمى نفسه بوكيمون

مرة واحد خد مراته جنينه ال حيوانات و صورها جنب قفص القرود و علق الصورة فى الصالون و كتب تحت الصورة :هذه صورة زوجتى مع القرود ملحوظه زوجتى الثالثه على اليمين

محشش سأل واحدة اسمك ايه؟ اجابت : أسماء. فقال: يعني ما فيش اسم محدد

مرة واحد راح السودان بالليل ملاش حد

مرة واحد بلدياتنا عرف ان الجلد موضة مشى عريان

ظابط مرور لقى شقته ديقه عملها إتجاه واحد

مرة واحد بتاع سمك ابنه مات فماشى فى الجنازة يقول :كان صاحى وبيلعب

مرة واحد بلدياتناوقع فى حفرة نزلولوا حبل طلع مخنوق

وحدة تقول لحبيبها أهلى مسافرين والبيت فاضى قالها أقرئى قرأن ومتخافيش

مرة اثنين بلدياتنا في الجيش فالصول بيسال الاول ايه ده قله البندجيه يافندم قله بندجية ايه ياهريدي دي وطنك دي امك فراح للعسكري التاني قاله ايه دي قاله دي ام هريدي يا فندم

واحد عم بقول لخطيبته انا مش غني ولا عندي مرسيدس ويخت زى محمود بس انا بحبك خطيبته: وانا كمان بحبك لكن احكي لي اكتر عن محمود

ديك و فرخه معدييم من قدام محل شاورما ..الديك بيقولها شوفى اللى بيحصل للى مبتسمعش كلام جوزها

واحد قال لأبنه نابليون وهو أدك كان أول واحد في الفصل رد الواد على والده نابليون وهو أدك يا بابا كان إمبراطور

مرة واحد توأم شاف اخوه، قلو انت فين من الصبح يخرب شكلك، امي خلتني استحما مرتين

مره واحدة عجوزة عندها 80 سنه لقت مصباح علاء الدين طلع لها الجنى طلبت منه تصغر 30 سنه بقى عندها 50 سنه وطلبت منه يصغرها 20 سنه بقى عندها 30 سنه طلبت منه يصغرها 10 سنين بقى عندها 20سنه طلبت منه يصغرها 10 سنين ـــ جلها الحصبه ماتت

واحد و هوا بيموت بص لمراتة بصه رومانسيه و قالها لما اترفدت كونتي معايا و لما عييت وقفتي جنبي ولما فلست برضوا كونتي معايا وى دلوقتى لسا جنبي مسك ايدها بحنيه و قالها مش عاريف ليه حاسيس انك نحس

واحد ملحن دخل مبنى ماسبيرو علشان يعتمدوه ملحن فقالوله كل جمله نقولهالك لحنها .. فاقالوله..لحن واحد حرامى راح ملحنها.. قالوله اتنين حراميه.. راح ملحنها..قالوله بقه شله حراميه قالهم بلادى بلادى بلادى

مره استاذ.تربيه فنيه حب يختبر التلاميذ..فقل لهم انا عيزكم ترسموا حمار غيبا.....فاوقف تلميذ وقال طيب لو سمحت يااستاذ..اخرج بره علاشان محدش يغش

[=BASSEM=]

واحد اتجوز واحدة وبعد اربع شهور ونص مراته خلفت ولد
فسالها الواد دة جه ازاى واحنا متجوزين من اربع شهور ونص؟؟؟؟!!
قالت له انت متجوزنى من امتى؟؟؟
قال لها من اربع شهور ونص
قالت له انا متجوزاك من امتى
قال لها من 4 شهور ونص
قالته له كدة يبقوا تسعة .
فرد عليها ايوة كدة كنتى هتخلينى اشك فيكى

طبيب عيون بيحب وشايل وردة فى ايديه
وقال لحبيبته شايفة الوردة دى ياحياتى
قالتله اه
قام ونقلها الى اليد الاخرى وقالها طب كده

الابن: بتعمل اية يابا؟؟
الاب: بكتب جواب لعمك
الابن: هو انت بتعرف تكتب؟؟
الاب: يعني هو عمك اللي بيعرف يقرا يا فالح


· مرة مدرس رياضة اتجوز مدرسة رياضة خلفوا ولد متساوى الساقين



· ايه الفرق بين الاسبوع وموس الحلاقة والصحراء؟؟؟؟؟؟؟؟؟؟؟؟ الاسبوع فيه حد ، والموس فيه حدين ، والصحراء ما فيهاش حد



· واحد أحول راح يجيب أبوه من المطار باس الشنطة وشال أبوه



· تايه بيسأل واحد ماشى فى الشارع اية اسرع طريق اروح بيه للمستشفى ؟؟ قالوة غمض عينك وعدى الشارع



· مرة واحد غبي ماشي في الشارع لقي واحد صاحبه قاله ازيك ياعلي شكلك اتغير خالص الثاني رد عليه بس انا مش علي الاول قاله وكمان غيرت اسمك



· سواق ماشى ع الطريق واحد لابس احمر فى احمر شاور له فوقف السواق و قاله انت مين و عايز اية قالة انا الفرفور الاحمر و عايز توصلنى فقالة لا مبوصلش فرافير و مشى و سابة شوية لقى واحد لابس اصفر فى اصفر و بيشاورلة فوقف و قالة انت مين و عايز اية قالة انا الفرفور الاصفر و عايزك توصلنى فقالة لا مبركبش فرافير و مشى و سابة شوية و قابلة واحد لابس اخضر فى اخضر عمل معاة نفس الحكاية ف السواق سابة و مشى شو ية كمان كدة و لقى واحد لابس ابيض فى ابيض بيشاورلة ف السواق وقف

و قالة يا ترى انت بقى الفرفور الابيض فقالة الراجل فرفور اية رخصك يا روح امك



· اتنين مساطيل حبوا يسرقوا عماره فقالوا لبعض احنا ناخد العمارة بعيد ونسرقها برحتنا ، فقلعوا الهدوم وقعدوا يزقوا فى العمارة يزقوا ، جه واحد من وراهم وسرق الهدوم ، فواحد منهم بص ورا ملقاش الهدوم فقال له كفاية كدة احنا بعدنا اوى



· محشش يسأل محشش تتوقع الجمعة يوافق آخر الشهر ؟ رد عليه : لو ضغطنا عليه يمكن يوافق



· واحد ندل فتح مصنع بيبسي كتب على كل علبة : رج جيدا قبل الفتح



· واحد راح للدكتور بيقولوا يا دكتور كل ما اكلم واحد ينام مني ........... يا دكتور ........... يا دكتور



· بلديات فتح محل انابيب غاز .. فجّر اسطوانتين فى وسط البلد .. دعاية

· واحدة راحت تخطب لابنها .. ام العروسة بتسألها ... وياترى ابنك بيدخن ؟؟؟ ردت عليها : لا لا لا الحمد لله ، ابنى ما بيدخنش..... الا اذا سكر



· ,احد بيقول لصاحبه ... الحق الثعبان دخل غرفة حماتك ... قاله: سيبه يستاهل



· ثعبان نظره ضعيف يوم ما حب واحده..... طلعت خرطوم



· بلدينا ماسك قنبله وعمال يحدفها من الإيد دى للايد دى ، قابله واحد تانى قال له :يخرب بيتك ولما تنفجر فى وشك ، قاله : ماتخافش معايه غيرها



· بلدياتنا نجح في انتخابات مجلس الشعب، ففي اول جلسة قاعد جنب واحد افندى فالأفندى عزم عليه بسيجارة مارلبورو، وبعد شويه بيسالوا إيه رأيك في الديمقراطية ياحاج؟؟.. فرد الحاج : والله أحسن من الكيلوبترا !!



· واحد قال لأبنه: نابليون وهو أدك كان أول واحد في الفصل،... رد الواد على أبوه : نابليون وهو أدك يا بابا كان إمبراطور



· واحد ومراته متخانقين فبطلوا يكلموا بعض فكتب ورقة صحيني الساعه 6:30 علشان عندي شغل ، وحط الورق على السرير ونام صحي الساعة 10:00 فلقى ورقه مكتوب عليها الساعه 6:30 يلا إصحى

[=BASSEM=]

--------------------------------------------------------------

كان فى سرير المرض حينما أخذ يلقى بوصاياه الأخيرة لوزيره عاطف :

وصيتك الحكم من بعدى يا عاطف ..

فى رقبتى يا ريس .. كله تمام والسلطة هياخدها جمال ..

ثم راح فى غيبوبة .. أفاق منها بعد قليل

وصيتك الشعب من بعدى يا عاطف .

ما تخافش يا ريس .. الشعب ياكل الزلط ...

ثم راح فى غيبوبة .. أفاق منها بعد قليل

عاطف :نعم يا ريس

ماتنساش.. توكيل الزلط لعلاء

------------------------------------------------------------------------
---

مرة سيادة الريس حسني مبارك مد إيده في جيبه لقي 5 مليون جنيه!! فزعل قوي
وخاف
وقال إيه الفلوس دي؟ دي الفلوس دي حرام؟

فسأل أحد مساعديه فدله على طريق الشيخ طنطاوي رئيس الأزهر وقال له: اسأل
الشيخ

,هو يقول لك الحل.

ما كدبش خبر وجري على طنطاوي وحكا له القصة فرد: 5 مليون بس إيه النزاهة
دي؟

بسيطة خالص يا ريس ما تزعلش نفسك؟ كل اللي هتعمله هتروح وتطوف حول الكعبة
10
مرات.

الريس راح لقي عمنا عاطف عبيد فقال له: أنت بتعمل إيه هنا؟ أنت هتلف كام
لفة؟

عمنا عاطف:78 لفة.

الريس: يخرب بيتك أنت؟ ده أنت خربت البلد!!

عمنا عاطف: أنت جاي علي انا؟ روح شوف علاء ابنك جايب موتوسيكل وبقاله 3
أيام
بيلف

[=BASSEM=]

قرية اهلها اشتكوا ان الامام يلقي خطب طويلة جدا جدا في الصلاة فاشتكوا الي
الاوقاف التي ارسلت لهم اماما جديدا ولكنه كرر نفس المشكلة فاعادوا الشكوى
فارسلت لهم الاوقاف شيخا آخر وحذرته من الاطالة.
وصل الامام الجديد فدخل المسجد وصعد المنبر وحيّا المصلين وسأل:
اتعرفون قصة سيدنا يوسف عليه السلام؟
فرد المصلون كلهم: نعم .
فنظر الامام الى المؤذن وقال: اقم الصلاة.
ولما فرغ من صلاته استوقف الناس وسألهم: اتعرفون قصة سيدنا موسى عليه السلام؟
فرد المصلون : نعم.
فقال لهم : ماتجوش الجمعة الجايـــة
--------------------------------------------------------------
اتنين مساطيل قاعدين في استاد القاهرة ، واحد بيقول للتاني :تقدر تلفلي الملعب
ده في اد ايه ؟
التاني : الفهولك في سجارتين


--------------------------------------------------------------
صعيدي ماسك ثلجة..وقال :بس أموت واعرف بتنقط من ويين؟؟!!
---------------
صعيدي سافر امريكا شرب من حنفية اوتوماتيك ما عرف يقفلا قام رجع باول
طيارة لمصر..قام سالوا صاحبو :كيف امريكا؟
قام قال :اسكت زمانها غرقت يا بوووي..
---------------
صعيدي دخل الجيش..صنفوه ضمن كتيبة القصف العشوائي..!!!
----------------------------------
قالو الصعايدة مشو اشتكو للرئيس المصري حسني مبارك
قالو: كل النكت علينا لازم تشوف لنا حل
قال: راح اسألكم سؤالين . موافقين ؟
قالو: موافقين
السؤال الاول: معركة بدر كانت بين مين ومين الي إنتصر فيها ؟
قالو: بين المسلمين والكفار وانتصر فيها المسلمين
السؤال الثاني:مبارة الكأس العام الماضي بين مين ومين ومين أخذ الكاس ؟
قالو: بين الاهلي والزمالك وفاز الاهلي وأخد الكاس
قال واحد: يعني على كدة بيلعب الزمالك والكفار على الثالث والرابع .
------------------------------------------
فيه صعيدي معه اربعة جن واحد يوسوس له و الثلاثة الباقين يفهمونه.
-----------------------------------------
-مرة واحد صعيدى حب يقوم بدرى حط قنبلة تحت المخدة
-----------------------------------
-واحد منهم راح يكشف عند دكتور ..الدكتور قاله انزل اعمل (اشاعة)
نزل الشارع وفضل بعلو صوته (الهرم وقع ) (الهرم وقع).
-------------------------------------------
مقاول احضر مجموعة من الصعايدة لبناء كنيسة وطبعاً عارفين الصعايدة بيحبوا
الغناء اثناء العمل قعدوا يغنوا " هيلا هيلا صلوا عا النبي " المقاول سمعهم
قالهم هاتخربوا بيتي مش معقول تبنوا كنيسة وتغنوا " صلوا عا النبي " غنوا
اي حاجة تانية ، في اليوم التالي سمعهم بيغنوا " هيلا هيلا بص عا الحيطة "انظر
للحائط وجد مكتوبا عليه " صلوا عا النبي "
----------------------------------------------
واحد صعيدي شغال في السعودية بعت لى أمه كيلو شيكولاته فاتصلت عليه وقالتله
الصابون اللي بعته بيوسخ الهدوم
---------------------------------------------------------------
صعيدي بيشتغل راعي غنم في السعودية، سألوه أهله: بتشتغل إيه ؟ قال : بفسح المعيز
---------------------------------------------------
مرة صعيدي بلع ريقه إتسمم
--------------------------------------------------------
صعيدي يسألوه .. إزاي الإجازة بأستراليا ؟ قال : من كثر مزارعها ودك تصير خروف
--------------------------------------------------
صعيدى حب يروح حفلة تنكريه راح قطع دراعه
----------------------------------
اتنين صعايدة عاوزين يشربو سجاير ومش معاهم قالو ندخل ميتم بيوزعو سجاير هناك ،
دخلو قعدو جمب واحد فى الصيوان بيدخن
قال الاول : انفاس معدودة
وقال التانى : كلنا لها
رد الراجل : محدش واخد منها حاجة
------------------------
ثلاثة صعايدة قرروا أن يعملوا مزرعة كتاكيت فحفروا حفرة وألقوا فيها الكتاكيت
وأغلقو الحفرة وأنتظرو يوم ولم تطلع شجرة الكتاكيت وأعادو المحاولة عدة
مرات ولم تنجح فقررو أن يكلموا أخوهم الذي يدرس في أمريكا و يحضر الدراسات
العليا فقال لهم أرسلوا لي بعض العينات من التربة
----------------------------
صعيدي صغير بيسأل ابوه : هو ليه ربنا خلق لينا الودان ؟؟ فرد الاب : علشان
نعرف العمه (العمامة) بتاعتنا هاتقف لحد فين
----------------------------------------------------------------صعيدي واقف ينقط ماء ..! ليه ؟؟؟؟
اسمه حنفي؟؟
-------------
صعايدة صنعوا باص بالعرض ليه؟
عشان يركبون كلهم قدام
-------------------
واحد صعيدي اخد ابنه للدكتور فلما ابنه دخل يكشف طلع الدكتور يقول لبلدياتنا ان
ابنه مات فطلع الولد يقول لابوه انا ممتش يابا فرد ابوه يقول له انكتم ياله
انت هتفهم احسن من الدكتور ؟؟؟
-----------------------------------
الموساد قرر أنه يشغل جاسوس صعيدى عنده بعد طول بحث أستقروا على هريدى
راحوا لهريدى و أخدوه تل أبيب و قعدوا يدربوه 6 شهور و بعدها قالو ليه أنه
كدة جاهز للمهمة بتاعته
هريدى : يعنى حارجع مصر
مدرب الموساد : أيوة .. تروح و تنفذ كل التعليمات اللى قلنالك عليها
هريدى : طب ازاى حاتصل بيكم
مدرب الموساد : لا لا .. انت ماتتصلش .. احنا لما نحب نتصل بيك حانبعتلك مندوب
يقوللك ازايك و ازاى امك .. تعرف أنه تبعنا .. ماشى يا هريدى
هريدى : تحت أمرك يا فندم
و بالفعل رجع هريدى مصر .. و بعد شهرين أحس الموساد انه لازم يتصل بهريدى ..
فراحوا باعتينله مندوب
المندوب لبواب العمارة بتاعت هريدى : هو هريدى ساكن فى أنهى شقة
البواب : أنهى هريدى يا بيه .. العمارة فيها 4 هريدى
المندوب خاف لحسن العملية تنكشف : قولى شقة أى واحد فيهم
البواب : عندك واحد ساكن فى الدور الأول
طلع المندوب و خبط على الشقة اللى فى الدور الأول
المندوب : أنت هريدى .. ازايك و ازاى أمك
هريدى : أنت عايز هريدى الداسوس .. هو ساكن فى الدور الرابع

[Half-Magic]

* واحد بلديتنا ومراته وعياله التلاته كانوا راكبين القطر وبعدين طلع عليهم حرامي فقال للراجل "طلع الفلوس الي معاك" فقلهم مش معايا فلوس وضحك وبعدين الحرامي قالوا"حتطلع الفلوس ولا نرمي عيالك من القطر" قالهم مش مطلع قام الحرامي رامي عيالوا وقال "حتطلع الفلوس ولا نرمي مراتك" قالهم مش مطلع وقعد يضحك قام الحرامي رامي مراتوا من القطر وقالوا "يا راجل رمينا عيالك ومراتك وبرضوا بتضحك قام قالهم" منا عارف انتوا الكاميرا الخفيه""


* محشش يسأل: اليوم سبت وإلا احد؟قالو: الإثنين.قال:ماشاالله كلهم مجتمعين؟


* صرصار راح سينما او ل ما دخل حطوا دعاية بف باف قال: من اولها رعب


* مدرس رياضيات تزوج وحدة صايعة خلفوا ولد شبه منحرف.


* مدرس رياضيات اتجوز مدرسة رياضيات انجبوا طفل متساوى الساقين .


* واحد رمى يمين الطلاق على مراته ما جاش فيها.


* مرة فار سكران على الاخر شافة قط جعان قعد يجرى وراة فعدت عربية بسرعة فرمت القط.. والفار اغمى علية ولما فاق وشاف القط مفروم قال (يووة هو انا كل ما اسكر اعملى مصيبة)


* تايه بيسأل واحد ماشى فى الشارع اية اسرع طريق اروح بيه للمستشفى؟؟ قالوة غمض عينك وعدى الشارع .


* كان فيه خمسة صعايدة سموا نفسهم الشجعان التلاتة.


* تلاته خرجوا فرحلة سفاري..واحد مصري والتاني صومالي والتالت أمريكاني..دخلوا كهف وناموا..وصحيوا بعد 300سنة!..كل واحد فيهم آم رجع بلدة.. الصومالي شغل الراديو سمع: (الصومال لن تتنازل أبدا عن حقها الشرعي والتاريخي في ولاية نيوجيرسي) الأمريكي شغل الراديو سمع: (سيدافع الجيش الأمريكي عن البلاد لآخر جندي!) المصري شغل الراديو سمع: (إخترناه..وبايعناه...وعشان كده احنا اخترناااااااااااااااااااه!)


* واحد بيقول لخطيبته: أنا مش غني ولا عندى مرسيدس ويخت زى محمود ، لكن أنا بحبك من كل قلبى. قالتله: وانا كمان بحبك بس احكيلى أكتر عن محمود .


*واحد حانوتي ربنا فتحها عليه و فتح محل فكهاني..كل يوم في المحل يقعد ينادي : المووووووز علينا حق !!!


* واحد نحس كل ما يشوف متش كورة للفريق بتاعة . الفريق بتاعة يخسر .كل مرة على كدة . لحد ما فى يوم قرر انه ميتفرجش على كورة تانى . فكان فى يوم فى متش كورة للفريق بتاعة . و الفريق بتاعة جاب جون . جة يتفرج على الجون فى الاعادة الجون طلع كورنر .


* مرة كان فى برص سكران راح قال لواحد صاحبه "لولا الخمر و النسوان كنت زمانى بقيت تمساح.


* مره في أمريكي و فرنسي و صيني حبو يجربوا صدى أصواتهم عند شلالات نياجرا........الأمريكي قال: هلوووووو ,الصدى قال: هلوووووووو الفرنسي قال :بونجووووور ,الصدى قال: بونجوور ووو ووور.. الصيني قال شنج لونج هنج.. الصدى قال: هـــــــــــــــاه بتقول اِيه؟؟؟؟؟؟؟


* مره واحد عداه العيب اخد الي بعده


* ثلاثة مساطيل قاعدين في سهرة.. الأول : أنا عندي فلوس أشتري بها أمريكا الشمالية.. الثاني : أنا عندي فلوس أشتري بها أمريكا الشمالية و الجنوبية.. الثالث : و مين قالكم إني رح أبيع .


* واحد بيسأل خطيبته : حد قبلى لمسك ؟ سكتت.....قالها : زعلتى......قالت له : بأعدهم

[Half-Magic]

مرة 10 اغبياء بيلعبوا على الطريق الصحراوى واللي تخبطه العربية
مرتين يطلع برة اللعبة
*************

تايه بيسأل واحد ماشى فى الشارع اية اسرع طريق اروح بيه للمستشفى ؟؟
قالوة غمض عينك وعدى الشارع.
*************

واحد أحول راح يجيب أبوه من المطار باس الشنطة وشال أبوه
*************

اتنين مساطيل حبوا يسرقوا عماره فقالوا لبعض احنا ناخد العمارة بعيد
ونسرقها برحتنا ، فقلعوا الهدوم وقعدوا يزقوا فى العمارة يزقوا ، جه
واحد من وراهم وسرق الهدوم ، فواحد منهم بص ورا ملقاش الهدوم فقال له
كفاية كدة احنا بعدنا اوى
*************

محشش يسأل محشش تتوقع الجمعة يوافق آخر الشهر ؟ رد عليه
: لو ضغطنا عليه يمكن يوافق
*************

واحد ندل فتح مصنع بيبسي كتب على كل علبة : رج جيدا قبل الفتح
*************

بلديات فتح محل انابيب غاز .. فجّر اسطوانتين فى وسط البلد ....
دعاية.

*************

واحدة راحت تخطب لابنها .... ام العروسة بتسألها ... وياترى ابنك
بيدخن ؟؟؟ ردت عليها : لا لا لا الحمد لله ، ابنى ما بيدخنش..... الا
اذا سكر
*************

بلدينا ماسك قنبله وعمال يحدفها من الإيد دى للايد دى ، قابله واحد
تانى قال له :يخرب بيتك ولما تنفجر فى وشك ، قاله : ماتخافش معايه
غيرها.
*************

واحد قال لأبنه: نابليون وهو أدك كان أول واحد في الفصل،... رد الواد
على أبوه : نابليون وهو أدك يا بابا كان إمبراطور
*************

واحد ومراته متخانقين فبطلوا يكلموا بعض فكتب ورقة صحيني الساعه
6:30 علشان عندي شغل ، وحط الورق على السرير ونام صحي الساعة 10:00
فلقى ورقه مكتوب عليها الساعه 6:30 يلا إصحى
*************

واحد نذل ابوه طرده من البيت وهو طالع كتب على السور ، مقر حركة
طالبان.
*************

كمسرى ماشى فى جنازة بيقول يا جماعة الجنازة فضيا قدام
*************

مره واحد احول سجل في الجيش...... حطوه في قسم القصف العشوائي
*************

مره واحد مسطول اوى راجع بيتهم الساعه اتنين بليل فاخته فتحت له
الباب قام ضربها بالقلم على وشها طاخ وقالها كنتى فين لحد دلوقتى.
*************

صومالى ركبه عفريت العفريت مات من الجوع
*************

محشش سأل واحدة اسمك ايه؟ اجابت : أسماء. فقال: يعني ما فيش اسم محدد
*************

مرة واحد بلدياتنا عرف ان الجلد موضة مشى عريان
*************

ظابط مرور لقى شقته ديقه عملها إتجاه واحد
*************

مرة واحد بتاع سمك ابنه مات فماشى فى الجنازة يقول :كان صاحى وبيلعب
*************

مرة واحد بلدياتناوقع فى حفرة نزلولوا حبل طلع مخنوق
*************

وحدة تقول لحبيبها أهلى مسافرين والبيت فاضى قالها أقرئى قرأن ومتخافيش.
*************

واحد عم بقول لخطيبته انا مش غني ولا عندي مرسيدس ويخت زى محمود بس
انا بحبك خطيبته: وانا كمان بحبك لكن احكي لي اكتر عن محمود
*************

ديك و فرخه معديين من قدام محل شاورما ..الديك بيقولها شوفى اللى
بيحصل للى مبتسمعش كلام جوزها
*************
واحد قال لأبنه نابليون وهو أدك
كان أول واحد في الفصل رد الواد على والده نابليون وهو أدك يا بابا
كان إمبراطور
*************
مره واحدة عجوزة عندها 80 سنه لقت مصباح علاء الدين طلع لها الجنى
طلبت منه تصغر 30 سنه بقى عندها 50 سنه وطلبت منه يصغرها 20 سنه بقى
عندها 30 سنه طلبت منه يصغرها 10 سنين بقى عندها 20سنه طلبت منه
يصغرها 10 سنين ـــ جلها الحصبه ماتت
*************
واحد و هوا بيموت بص لمراتة بصه رومانسيه و قالها لما اترفدت كونتي
معايا و لما عييت وقفتي جنبي ولما فلست برضوا كونتي معايا وى دلوقتى
لسا جنبي مسك ايدها بحنيه و قالها مش عارف ليه حاسس انك نحس
*************
واحد ملحن دخل مبنى ماسبيرو علشان يعتمدوه ملحن فقالوله كل جمله
نقولهالك لحنها .. فاقالوله..لحن واحد حرامى راح ملحنها.. قالوله
اتنين حراميه.. راح ملحنها..قالوله بقه شله حراميه قالهم بلادى بلادى
بلادى
*************
مره استاذ.تربيه
فنيه حب يختبر التلاميذ..فقل لهم انا عيزكم ترسموا حمار
غيبا.....فاوقف تلميذ وقال طيب لو سمحت يااستاذ..اخرج بره علاشان
محدش يغش
*************
واحد بلدينا اشترى موبايل، ركبله جهاز اظهار رقم الطالب!!!!
*************
مرة أربعة بلدياتنا راحوا فرح
الأول:- نقط بخمسة جنيه و ضرب طلقة رصاص
الثانى:- نقط بعشرة جنيه و ضرب طلقتين
الثالث:- نقط بخمستاشر جنيه و ضرب 3 طلقات
أبوهم الراجل الكبير بقى عايز يعمل منظر راح منقط بـ ميت جنيه و رمي
قنبلة!!!
*************
بلدياتنا و امريكى و يابانى عرضوهم على جهاز كشف الكذب
اليابانى: إحنا بنفكر نعمل انسان آلى و نستغنى عن البشر ، راح الجهاز
ضربه..
الامريكى: احنا بنفكر نطلع المريخ و نعمل مستوطنات عليه، راح الجهاز
ضربه..
بلدياتنا: إحنا (بنفكر) ولسه مكملش ،،،،،،،،،،راح الجهاز ضربه!!
*************
واحده بلدياتنا
قالت لجوزها قولى كلمه حلوه قال لها بسبوسه
قالت له يا اخى قولى كلمه تهزنى قال لها مرجيحه
قالت له قولى كلمه احس فيها انى مراتك قال لها انتى طالق
*************
مرة واحد موظف ماشى الصبح رايح شغلة وهو ماشي شاف جماعة بلدياتنا
واقفين فوق كوبري قصر النيل مهيصين و بيسقفو و بيصفروا ويرقصوا
ويهللوا وينادوا هاريدي هاريدي هاريدي، تاني يوم شاف الموظف نفس
الحكاية، ثالث يوم شاف نفس الحكاية فراح يسأل حد من الجماعة دية
ونبي يا بالادينا شايفكوا بتسقافوا و مهياصين على الأخر هو في أية
قالوا أحسن غطاس عنديكم بيجعد جد اية تحت المية قالوا ثلاث دقائق
قالوا هريدي ولد عمي !!!! بجالوا تلات تيام في المية ومطلعش!!!
*************
بلادينا بيقول لبلادينا (أنا تعبان من الروماتزم) رد عليه وقاله (أنا
جرجاوي من فرشوط)
*************
مره مسئول كبير راح يفتتح حمام سباحه كبير في سوهاج
فكان مدير الحمام بيشرحله
مميزات الحمام فقال: ده يا فندم المنط العشرين متر اطلع يا محمدين نط
فنط
و ده يا فندم المنط الاربعين متر اطلع يا حسنين نط فنط
فقال المسئول هايل هايل
فقاله المدير ولسه كمان يا فندم لما نملاه ميه!!!!!
*************

واحد بلدياتنا ركب سيارة مرسيدس حديثه فتح الراديو لقي المذيعه بتقول
هنا لندن راح قايل: يلعن ابو السرعة
*************

مرة كان في واحد بلدياتنا ابنه تعب
وداه للدكتور وبعدين خرج الدكتور وقاله ابنك مات.....
ابنه: بابا انا عايش ما موتش....
بلدياتنا: اسكت انت.. يعنى هتفهم اكتر من الدكتور
*************
واحد بلديتنا سافر بره بعتوله برقيه ارجع فورا يوجد امر خطير رجع على
اول طياره قابل اخوه الكبير فى المطار تعبان وحالته حاله ودقنه طويله
قاله فى ايه طمنى ابويا جراله حاجه راح مطبطب عليه وخده فى حضنه
وركبوا العربيه لقا اخوه الثانى فى السياره تعبان وحالته حاله ودقنه
طويله
قاله فى ايه طمنى ابويا
جراله حاجه راح مطبطب عليه وخده فى حضنه سافروا لقا اخوه الثالث على
باب البيت تعبان وحالته حاله ودقنه طويله قاله فى ايه طمنى ابويا
جراله حاجه راح مطبطب عليه وخده فى حضنه دخل على ابوه فى السرير لقاه
نائم تعبان وحالته حاله ودقنه طويله قاله فى ايه طمنى يا ابويه انت
كويس رد عليا راح ابوه قاله ياحسنين وديت ماكينه الحلاقه فين
*************

بلدياتنا دخل صالون حلاقة و لما الزباين مشيت الحلاق قال له تعالى
احلق لك
فقاله بلدياتنا انا مش جاى احلق.... قاله: امال اية.......... قال
انا جاى اسال عن البيه اللى ساكن فوق.. الست قالت لي اقعد فى الصالون
لغايه ما البيه يجى
*************

بلديتنا شاف فى الجرايد حادثه واحد فى امريكا قتل مراته ودفنها تحت
السرير والبوليس الأمريكى لم يكتشف ذلك الا بعد 25 سنه قام قال لنفسه
يبقى انا لو عملت كده البوليس عندنا مش حيكتشف ابداً راح فعلاً قاتل
مراته وحفر تحت السرير وحطها مفيش
ربع ساعه والبوليس قبض عليه فتعجب قوى وسأل الظابط انتم ازاى كشفتم
الجريمه بسرعه قوى كده ده فى امريكا ماكتشفوهاش الا بعد 25 سنه رد
عليه الظابط اصل فى امريكا الراجل كان ساكن فى الدور الأرضى وأنت
ساكن فى الدور الخامس
*************

مرة بلدياتنا قعدوا يغسلوا الحيطان بالمياه لحد ما واحد مسكت فيه
الكهرباء.
قعد أصحابه يشدوه و يضربوه علشان يبعد عن الحيطة ما عرفوش. لحد ما
ودوه المستشفى و لكنه مات. ......تقرير الطبيب الشرعي: سبب الوفاة
ضرب أفضى إلى موت
*************

واحد بلدياتنا دخل بار، فجلس بجوار جيمس بوند، فقال له: عايزين
نتعرف، اسمك الكريم إيه؟
قال له: (بوند, جيمس بوند)..أند يو؟
رد عليه بلدياتنا و قال له: (دان, حمدان)
*************

مرة واحد بلدياتنا دخل مطعم بيتزا الرجل جابلة البيتزا قاله تحب
نقطعها علي 8 قطع ولا 16 قطعة.. قاله لا 8 قطع علشان ما اقدرش اكل ال 16

*************

واحد معدى لقى ناس بتهيص قوى قالولهم فية ايه
قالوله فى واحد بلدياتناعايز ينط من سطح العمارة
قالهم خلاص انا طالعلة...
طلعلة وقاله عايز تنتحر لية...
بلدياتنا قاله اصل انا غبى وكل الناس بتقول علي غبى
راح الراجل قايله هاقولك فزوره لو حلتها ماتبقاش غبى
حاجة اسمها زى شكلها
بلدياتنا : ماخبرش
الراجل:البيضة.. اقولك واحدة تانية
حاجتين اسمهم زى شكلهم
بلدياتنا :ماخبرش
الراجل: بيضتين.. اقولك واحدة تانية بسيطه و سهله
حاجة كبيرة وسودة وبتجيب لبن واسمها جموسة
بلدياتنا 3 بيضات
راح الراجل ماسكه وراميه
*************

واحد بلدياتنا دخل السينما فوجد يافطة مكتوب عليها ممنوع الدخول لأقل
من 16
رّوح البلد وجاب 15 نفر وجه
*************

مرة الجماعة بلدياتناعملوا اجتماع يناقشوا فيه تأخرهم العلمي.
فقام واحد بيقول : أمريكا طلعت القمر قبلنا
واحنا قاعدين
قام رد عليه واحد: خلاص احنا
لازم نطلع الشمس.
فقالوا: احنا كدة هنسيح
رد عليه: يا غبي احنا هانطلعها بالليل.
*************

تلغراف جه لهريدى من البلد مكتوب فيه : مراتك خلفت والجاموسة خلفت
...احضر فورا
للتعرف على المولود
*************

مرة اثنين بلدياتنا بيلعبوا.. شطرنج .....الملك مات بالسكتة القلبية
*************

مره مدير شركه مارلبورو قابل مدير شركه كيلوباترا فقالو انا مره لقيت
فى السجاره بتاعتكم خشبه ..
انتم بتستوردوا التبغ منين ...فرد عليه مدير شركه كيلوباترا متعجبا
.....يعنى ايه تبغ!!!!!؟؟؟؟؟؟
*************

واحد بلدياتنا بيلف علي اكشاك السجاير يقول للبياع بتعرف تتكلم
انجليزي يقوله
البياع لا.. يروح لغيره ويكون نفس السؤال ونفس الاجابة لغاية اما
وصل للكشك
الاخير قاله بتعرف تتكلم انجليزي قاله ايوا قاله
كويس قوي اديني علبة مارلبورو
*************

واحد أشترى عربية بالكمبيوتر فلما عدى التسعين قال الكمبيوتر "بعد
التسعين
تعمل حادثة..احذر. "ففرح الراجل وفضل يزود فى السرعة والكمبيوتر
يحذره لغايه
ما وصل إلى 180. كيلو فصاح الكمبيوتر"يخرب بيتك نزلني هنا"
*************

جماعة بلديتنا حبوا يعملوه مزرعة فراخ مرة زرعوا الفراخ بمنقارها
الفراخ ماتت
المرة التانية زرعوها برجليها الفراخ برضه ماتت قاموا بعتوا لقريبهم
العالم
فى بلاد برة فقالهم: ابعتولي عينة من التربه احللها!!!
*************

واحد اشترى موبايل فحب يعملها لمراته مفاجأة راح داخل البيت في السر
واستخبى في الحمام واتصل بيها من الموبايل ولما ردت عليه قال لها
ازيك يا حياتي أنا جاي في السكة قالت له: لأ اوعى تيجي دلوقت أحسن
أبو سيد مستخبي في الحمام
*************

مرة واحد مدرس سأل واحد تلميذ أبوك اشترى من
الفكهانى اتنين كيلو برتقال سعر الكيلو اتنين جنية يبقى ابوك دفع
كام؟ فقالو التلميذ يبقى دفع اتنين جنية ياأستاذ فقالو الاستاذ بص
يابنى انت ماتعرفش حساب فقالو التلميذ لا ياأإستاذ دا انت اللى
ماتعرفش ابويا
*************

دكتورة اسنان راحة ترفع قضيه على جوزها فالقاضى قال لها نخلعه؟
قلتلوا لأ لخلخه الاول لما نشوف هيعمل ايه
*************

إتنين طرش واقفين على محطة الأوتوبيس فدار بينهم هذا الحوار
الأوتوبيس ده رايح مصر الجديدة ؟؟ - إيه ؟ على الحديدة ؟؟ ليه إنت
طالب إحسان ؟؟- بذرة الكتان ؟ تلاقيها عند العطار - الجزار ! إنت
عاوز لحمة ؟؟ - زحمة ؟! معلش أصل ده معاد خروج الموظفين - نور الدين
؟! معرفوش - متشربوش ؟؟ ليه كفا الله الشر - راس البر ! دا مصيف هادى
-المعادى ؟؟ دى ضاحية جميلة - بليلة !!! إنت جعان ؟؟ - عيان ؟؟
متروح للدكتور - حنطور ؟! دى مواصلة جميلة توصلك لحاد الباب - هباب !
و أنا إلى كنت فاكرك محترم - إتخرم ؟؟ هو مين ؟؟ - أسبرين
؟؟ ليه إنت عنك صداع ؟؟ - قراع ؟ دا مرض خطير- فطير ؟؟ د تقيل على
المعدة و تمنه غالى - خالى ؟؟ إنت تعرفه ؟؟ دا كبير فى السن - جن ؟!
إنت راكبك عفريت !!!! - كبريت ؟ عاوز تولع ؟؟ - أتدلع ؟؟؟؟! مفيش حد
غيرك أتدلع عليه ؟؟ ...................... ، فمر بيهم راجل شرطة
لقاهم بيتخانقوا فقالهم : واقفين هنا بتعملوا إيه ؟؟ قالولوا :
مستنيين الإوتوبيس فقالهم : يانهاركم إسود .. جواسيس ؟؟ طب تعالوا
*************

سباك راح فرح حلف ماحد ينقط
*************

بخيل على فراش الموت ، قبل ما يموت بيسأل عن اولاده ... فين محمد ؟
قال محمد : نعم يا بابا ...وفين محمود ؟...رد محمود باكيا، انا هنا
يا بابا ...........الأب : ايه ده .. انتم الاثنين هنا و سايبين نور
الصالة والع؟
*************

بخيل اتجوز بخيلة ... جابوا بنت سموها حصالة
*************

مرة واحد عجلاتى قعد على قهوة
طلب كاوتشينو
*************

مره واحد بلدياتنادخل حمام افرنجي اخد معاه مترجم
*************

مرة فيل داس على نملة قالت له ياواد ياتقيل
*************

واحد كهربائى ابوه مات دفنه فى الحيطه
*************

مره واحد بلدياتنا اتجوز جه ابو العروسة قاله لو لقيتها بنت اضرب
طلقتين فى الجو وفرحنا ولو لقيتها مش بنت اقتلها واغسل عارنا..اول
يوم ضرب طلقتين وتانى يوم موتها
*************

مرة 5 دخلوا كلية الهندسة اثنين طلعوا مهندسين وثلاثة مدينة نصر
*************

مرة واحد فرعونى حب واحدة فرعونية قال لها: (آمون فيك)
*************

عشرة صعايدة بيتعلموا ربط الكرافتات تسعة ماتوا وواحد فى حالة حرجة
*************

مرة واحد بلدياتنا الباب افل على صباعه
الباب ازرق
*************

واحد بلديتنا رجع بيته لقى مراته فى السرير مع أثنين .. صرخ وهاج
مراتى بتخونى ... بسرع رد عليه شاب منهم احنا الكاميرا الخفية لو مش
عايز تذيع قول ما تذيعشى ... رد بلديتنا لأ ذيع خللى الناس تنبسط
*************

المذيعه بتسأل واحد اصلع: تحب تسمع اغنيه ايه قالها: فرق كبير
*************

مرة واحد باكستاني قابل واحد باكستالت
*************

واحد بخيل راح للفكهاني .. قال له شوف لنا حاجه ناخدها معانا لواحد
عيان ، الفكهاني قال له عندك مانجه أهه بعشرين جنيه الكيلو ، قال له
لا ياراجل أصله مش عيان قوي كده
*************

مره واحد بخيل اوى بعت ابنه يشترى له بعشره صاغ جبنه .....راح الواد
ورجع بعد شويه وقاله بابا البقال بيقولك تعال الحس السكينه
*************

بخيل صحى من النوم قال لمراته أنا
حلمت إنى اشتريت للأولاد 3 كيلو موز و2 كيلو تفاح قالت له يا راجل
ليه التبذير ده قال لها اسكتى خلى العيال تاكل
*************

واحدة بخيلة بعتت ابنها يشترىتلاتة ارغفة لما جه قالتله رجع رغيف
ابوك مات
*************

واحد بخيل ييجي بالليل و يقول لولاده مين يتعشى ومين ياخد جنيه كل
الولاد يقولو ناخد الجنيه ييجى الصبح ويقولهم مين يفطر و يعطى لبابا
جنيه
*************

واد بيقول لابوه البخيل هات جنيهن عشان عايز لروح لحسانين .. فقاله
خد الجنيه ده وروح لحسن
*************

اتنين مساطيل اتخانقوا الحشيش يخلى الواحد يشوف التانى اتنين ولا
تلاتة راحوا للمعلم يسالوة قالهم دة حسب الصنف وانتوا بأة جايين
انتوا السبعة تسالونى
*************

تاكسي...مصطفى كامل عالبحر؟ مشفتووش!
*************

مره واحد راح للسوبر ماركت
قله عندك معلبات رد عليه ايوه قله طاب ادينى علبة كبريت
*************

واحد مسطول دخل محل فول وصاحب المحل كان مسطول فالزبون بيقوله لوسمحت
سندوتش فول من غير سلطه قاله صاحب المحل من غير سلطة قوطه ولا طحينه
قاله من غير سلطة قوطه قاله صاحب المحل مفيش سلطة قوطه اعملهولك من
غير سلطة طحينه
*************

مرة واحد قتل ابوة وأمة وخالة وبعدين قطع رجلة . فسألوة لية ؟ قال
عشان رجلى ما تجيش في القضية.
*************

محشش نائم جت امه تصحيه في الصباح قالت قوم يا ولدي الشمس طلعت قال
دخليها وقفلي الباب
*************

ثلاثة بلديات بيلعبوا كرة على الطريق السريع اتفقوا اللى تخبطوا
العربية مرتين يطلع من اللعب
*************

اتنين بلدياتنا فى الصين وركبوا أوتوبيس بدورين, محمدين: متيجى نطلع
ياحسنين فوج . حسنين:لأ لو عاوزاطلع لوحدك ، محمدين: موافج ، فطلع
وبمجرد طلوعه نزل فورًا فسأله حسنين: فى ايه نزلت ليه. محمدين: ما
لقيتش سواق فوق
*************

مرة واحد بيقابل واحد لاول مرة فبيقولة انا سعيد جدا رد علية التانى
وقالة وانا محمد جدا
*************

إتنين مسطولين رايحين يذكروا واحد منهم بيقول للتانى تذاكر قاله لا
كمسرى
*************

حلم أحدهم بتلبيس خاتم الخطوبة لخطيبته فعندما استيقظ وجد اصبعه في
اذن اخيه الصغير
*************

واحد بياكل رز معمّر ... راح ضارب في وشه
*************

مرة واحد حشاش ماشي مروح قابله البكس الظابط بيقوله اركب قاله شكرا
ياباشا البيت قريب هناك اهه
*************

مرة بلديات دماغة لفت ، قابلها من الشارع التانى
*************

مسطول دخل عزا حب يتفلسف قال يا سبحان الله الانسان ده زي البني آدم
بالظبط
اذا توفي مات
*************

نجار مسطول قاعد يصلح الترابيزه عشان ملخلخة قام مطلع العده بتاعته
وكيس المسامير.مسك مسمار لسه جاى يثبته راح المسمار وقع.... قاله
النجار اطلع احسنلك مطلعش ، قاله بقولك اطلع مطلعش قاله ماشى....راح
ماسك كيس المسامير ورمى المسامير فى الارض و قالهم..... هاتوه
*************

اثنين مبسوطين قوى قاعدين يعملوا دماغ قدام المراية فواحد منهم قال
للتاني شايف الاتنين اللي قاعدين قدمنا دول ؟ قالوا ايوة قالوا دول
بيعملوا زيينا بالظبط ، فقام قاله طب ما تيجي نروح لهم...... وهما
جايين يقوموا فواحد منهم قال للتاني استني..هما اللى جايين خلاص
*************

اتنين سكرانين ماشيين في الشارع فواحد منهم لقي حتة مرايا مكسوره
فمسكها وقال الشبه ده مش غريب عليا فالتاني قاله وريني كده وقاله
غريبه دي صورتى
*************

مرة بلدينا جاب لمراته تسجيل فيـــــــ"لبس" فلما
رجع من الشغل وجدها فكت التسجيل 100 حتة فقال لها :إية إللى بتعملية
دة فقالت لة: أنا فصصته مالقيتش ولا حته على مقاسى.


****************

النكت دى كلها مرسلة من شيماء * شيمو *

[Half-Magic]

تصرفات الام فى ثلاث ولادات...


الملابس
الطفل الاول: تلبس هدوم الحمل من اول لما تعرف انها حامل
الطفل الثاني: تحاول اتلبس هدومها العادية لاطول فترة ممكنة
الطفل الثالث: هدوم الحمل هي هدومها العادية اليومية


الاعداد للطفل
الطفل الاول: كل دقيقة تغيير للطفل.. وتحاول تخلي ريحته حلوة
الطفل الثاني: كل ثلاث ساعات
الطفل الثالث: لما ريحته تطلع

القلق
الطفلالاول: من اول خبطة تجري عليه و تشيله
الطفل الثاني: تشيله لو حست ان خلاص فيه عربية حتخبطه
الطفل الثالث: احسن..علشان تتربي... خلي العربية تدوسك

الاكل
الطفل الاول: ترمي اى حاجة تقع على
الارض
الطفل الثاني: تغسلها بشوية مية
الطفل الثالث: تمسحها فى هدومها


الفسح
الطفل الاول: الملاهي... المراجيح..النادي
الطفل الثاني: النادي
الطفل الثالث: السوق


الخروج
الطفل الاول: تسيبه مع اختها و تتصل تطمن عليه كل خمس دقايق
الطفل الثاني: تسيبه مع اختها... و هي على الباب تفتكر تسيب رقم
التليفون بتاع المكان اللي هي رايحاه
الطفل الثالث: تسيبه مع
اى حد.. مع تحذير بان محدش يتصل بيها الا فى
حالة يكون فى الموضوع دم


فى البيت
الطفل الاول: كل
دقيقة تتفرج على ابنها و
هو نايم
الطفل الثاني: من وقت للتاني تتاكد ان الكلب ماكلش دراع الولد
الطفل الثالث: تستخبي منهم على قد ما تقدر

لو بلع قرش
الطفل الاول: تطلب عمل اشعة للولد
الطفل الثاني: تقلق شوية عليه ، وتستنى وتشوف هيبلع الفلوس ويهضمها
ولاَّ لأ؟
الطفل الثالث: تخصمه من مصروفه

[sehr_3inik]

هههههههههههههههههههه

تحفــــــــــــــــــــــــــــه

حبه نكت ميه ميه

انا خلاص مش قادره بطني وجعتني من كتر الضحك هههههههههه

استنو اجبلكو حبه انا كمان

اشمعنى انا