قواعد السواقه في مصر ههههههه

[=BASSEM=]

القاعدة الأولى:

لو عربيتك كبيرة أو قديمة، أستخدم المبدأ القانوني: اللي خايف على عربيته يوسع!!

ملحوظة: ابعد عن سكة العربيات المخرشمة ، بيسوقوا بنظرية ضربوا الأعور على عينه!!

القاعده الثانيه:

البوز بيز Booze Base: اللي يدخل ببوز عربيته الأول للتقاطع هو صاحب أولوية المرور!

احرص على أن تكون صاحب أول بوز.

ملحوظة: لا تطبق الـ Booze Base مع أي لوري أو أتوبيس، حرصاً على بوزك لا مؤاخذة.

القاعدة الثالثة:

الإشارات تكشف نواياك للأعداء، أياك أن تستخدمها!

القاعدة الرابعة:

لا تترك مسافة للأمان بينك و بين السياة التي أمامك فهذا له عدة مخاطر:

1. عربية ثانية حتملا الفراغ في ثواني و برضوه ما يبقاش فيه مسافة بينك و بين الي قدامك، كل الي كسبته انك اتأخرت لورا شوية.

2. حتدي فرصة للعيال يعملوا غرز قدامك.

3. كل المشاة حيغمضوا عينيهم و يعدوا من الحته دي.

4. الي وراك حيقعد يزمر - لو كان مؤدب - أو تسمع شوية أسامي حيوانات لو كان سواق تاكس - مؤدب - ، أو حيخبطك من ورا لو كان سواق ميكروباص - و دول مفيش حد منهم مؤدب -.

الإشارات مش معمولة علشان تنظم المرور ، معمولة علشان شكل القاهرة يبقى متحضر بس!

اعتمد على العساكر ( مع تحملك كامل المسؤلية لو واحد منهم شاورلك تعدي و بلدياته الناحية الثانية فتح السكة للوري ) أو يفضل أن تستعمل البوز بيز ( راجع القاعدة الثانية ).

القاعدة الخامسة:

اذا كنت مش واقف في الصف الأول في الاشارة اعمل حسابك تزمر بشكل متواصل و هستيري أول ما الأشارة تفتح، لأن الناس الي قدام بيبقوا واقفين في الاشارة من زمان و جايز جداً يكونوا ناموا!!

القاعدة السادسة:

معظم الحوادث تحدث في التقاطعات أول الأشارة ما تحمر، كل ما عديت الإشارة الحمراء أسرع كل ما قلت فرصة انك تتخبط!

القاعدة السابعة:

الشارع مكان مقرف، سوق بأسرع ما يمكن حتى تتخلص من هذا الهم بسرعة،

الناس الي ماشيين بالراحة مرضى نفسيين بيستمتعوا بالعذاب ، يستاهلوا الي يجرى لهم.

القاعدة الثامنة:

من حقوقك الدستورية أن تركن أمام باب المحل الذي تريد أن تشتري منه،

اذا سبقك واحد ابن ستين في سبعين و ركن قدام الباب، فمن حقك أن تقفل عليه و تركن صف ثاني أو ثالث، و مش مهم لو الشارع اتقفل، ايه يعني أما الناس تتعطل عشر دقائق علشان تستمتع بحقوقك الدستورية؟ هيا يعني الدنيا طارت ولا كان وراهم الديوان؟

القاعدة التاسعة:

من حقك أيضاً أن تخرج من مكان انتظارك في أي لحظة تشاء، اكسر الدركسيون شمال و اطلع، أي حد ماشي في الشارع لازم يقف لك فوراً، راجع البند السابق.

القاعدة العاشرة:

إحترس من ثلاث أنواع من السائقيين بيسوقوا و كأنهم مش ممكن يموتوا:

1. العيال الروشين الي بيلعبوا Computer Games و فاكريين إن ممكن يكسبوا Life زيادة لو ساقوا أسرع.

2. موتوسيكلات توصيل الطلبات ( Home Delivery ).

3. سواقين الميكروباص.

ملحوظة: إوعى تحاول تثبت لحد منهم إن فكرته غلط. فاهمني!!!.

القاعدة الحادية عشر:

لما تشوف حادثة لازم تهدي و تتفرج - مش مهم تساعد - الحجات دي دمها أخف من الأخبار المملة بتاعة التلفيزيون، و بعدين لما الطريق وراك يقف تحمي المجتمع من حادثة تانية.

القاعدة الثانية عشر:

الكناسين لازم يحللوا اللقمة الي بياكلوها، حاول تنفعهم و ترمي أي حاجة من الشباك.

القاعدة الثالثة عشر:

لما تخلص سيجارة أوعى تحطها في الطفاية، ارميها من الشباك أول ما تشوف واحد بموتوسيكل معدي جنبك ( علشان يحرم يعمل غرز ).

القاعدة الرابعة عشر:

من حقك أن تعبر الشارع في أي وقت و من أي مكان.

القاعدة الخامسة عشر:

اذا كان هناك سيارة قادمة اعمل نفسك مش واخد بالك و عدي براحتك خالص،ما تخافش، هوا حيقف، هو اهبل يدوسك و يودي نفسه في داهية؟

القاعدة السادسة عشر:

اياك أن تنظر نحو السيارات القادمة، أعبر الطريق و ظهرك لها حتى لا يشك أحد قائدي السيارات أنك تراه و يحاول يخوفك علشان تقف انت.

القاعدة السابعة عشر:

حتى لو شفته أوعى تخاف - خصوصاً لو معاك مراتك - تبقى راجل ملو هدومك و تخاف من حته عربية؟

عرض قفاك و سيبه يتفلق.

القاعدة الثامنة عشر:

الرصيف ليس للمشاه، بل لركن السيارات و فرشات الباعة الجائليين و المحلات... الخ،

لذلك يحق للمشاة السير في وسط الشارع، لمزيد من الأمان، راجع القاعدة السابقة.

القاعدة التاسعة عشر:

إذا كان الماشي من فئة النقل الثقيل، فمن أبسط حقوقة إنه يمشي على أقل من مهله و يهتز براحته. واللي مش عاجبة الهز يدور على لوري يخبطة....


منقول

[سعوديه_كول]

هههههههههههههههههههههههههههههههههههههههههههههه
حلوووووووووووووووووووهـ !!!!!!
انا شفت دهـ بعيني ماحدش قالي هههههههههه

[Lonely Doc]

هههههههههههههههه
روعه ياباسم
انا اكتشفت انى ماشى على كل القواعد دى من غير ما اعرفها....ربانى يعنى

[دموع الندى]

hahahahhahahahah
7lwa ya bassem

[مستكة]

ايه يا عم باسم القواعد الجامده دي

بس الحمد لله الشعب المصري عارف اللي ليه واللي عليه

مش محتاج كتابة قواعد ولا حاجه اومال!

سياتك نحن شعب افعال لا اقوال

وسلملي علي الترماي

[M_Soliman]

ايه يا عم باسم ده
على فكرة الشعب المصرى بيطبق القواعد الجامدة دى واكثر منها كمان
يعنى مش محتاج نصائح لانه شعب صاحب حضارة من كام الف سنة
بس للاسف بيضطر يتخلى عن حضارته دى لما يسافر برة مصر لان الغرامات هناك جامدة حبتين وما حدش هناك
يعرف هو ابن مين فى مصر

[M_Soliman]

ايه يا عم باسم ده
على فكرة الشعب المصرى بيطبق القواعد الجامدة دى واكثر منها كمان
يعنى مش محتاج نصائح لانه شعب صاحب حضارة من كام الف سنة
بس للاسف بيضطر يتخلى عن حضارته دى لما يسافر برة مصر لان الغرامات هناك جامدة حبتين وما حدش هناك
يعرف هو ابن مين فى مصر

[رينو]

هههههههههههه موضوع حلو باسم

[محمد خطاب]

السلام عليكم ورحمة الله وبركاته

هو فيه ايه
ايوة ياعم كل كلامك صح وصحيح وابصم بالعشرة
انا بقى بمشى على الاتوستراد وانا مغمض

[mostafa741]

ههههههههههه

[dondon]

ههههههههههههههههه
حلوين القواعد والدساتير ده
مشكووووور يا باسم

[عطوه]

ايه الجمال ده دا انت خبرا قديم

[ABDALLAH]

احلى قواعد مرور شفتها في حياتي

[nora]

هههههههههههههههههههههههههههههههههههههههههههههههههه ههههههههه
مرسي جدا يا باسم

[فيضان الحب]

مشكور على موضوعك الرائع دة
تخيل انى ماشى بكل القواعد دى
بس فى حاجات جديدة اتعلمتها
من موضوعك وهتبعها بردة
تسلم ايدك