أخيرا ... حل مجلس إدارة الزمالك .. الف مبروك للزمالكاوية..
أصدر الدكتور ممدوح البلتاجي وزير الشباب يوم الأربعاء قرارا بحل مجلس إدارة نادي الزمالك برئاسة مرتضى منصور وتعيين مجلس جديد مؤقت بقيادة مرسي عطا الله تستمر مهمته لمدة عام إلى حين إجراء انتخابات جديدة.
وقرر البلتاجي في بيان رسمي له تعيين الصحفي مرسي عطا الله رئيسا للمجلس الجديد وحمادة إمام نائبا له ، وممدوح عباس أمينا للصندوق.
كما تضمن قرار وزير الشباب تعيين ستة أعضاء هم : عصام بهيج ، طارق غنيم ، عبد الله جورج سعد ، يسري الشيخ ، أحمد درويش وركسام حسن حلمي.
وكان مجلس الإدارة السابق برئاسة مرتضى منصور قد أثار الكثير من اللغط حول المشاكل العديدة التي حاصرته ، والتي ألقت بظلالها على نتائج الفريق الأول لكرة القدم بالنادي.
وتسببت استقالة ستة من أعضاء المجلس السابق في خلع صفة الشرعية عنه ، وهو ما عجل بقرار الحل ، رغم مرور أقل من ثمانية أشهر على انتخابه.
و فى نفس الوقت أعلن مرتضى منصور رئيس مجلس إدارة نادي الزمالك السابق رفضه لقرار وزير الشباب بحل المجلس ، وقرر رفع دعوى قضائية ضد الوزير ممدوح البلتاجي في القضاء الإداري بصفة عاجلة
بحب اوجه رساله للسيد مرتضي منصورؤ و اقله بصراحه انا اشتريتلك قله ياريت اشوفك في اقرب وقت عشان اكسرها وراك عشان بجد كدا اهلا بزمالك جديد فريق محترم ذو اداره ان شاء الله تكون محترمه و هادئه و تستطيع ان توفر للاعبيها جو هاديء بعيد عن اي مشاكل شخصيه تافهه او اي عنتزه كدابه
بس يعني السؤال اللي اثار فضولي قوي هو زعل مين يعني ماطول عمره قاعد علي قلب الزمالك انما فجأه يخرج من مجلس الشعب و بعدها قرار وزاري هما مشفوش اخطائه غير دلوقتي بعد مااودي بالزمالك ثاني افضل فريق مصري للمستوي اللي هو فيه دا
و لا يهمك يا باسم .. انا و انت واحد يا باشا .. بس انا كنت فرحان قوى اول ما سمعت الخبر ده و علشان كده نقلته الى هنا على طووول ...
بالنسبه لسؤالك الفضولى اعتقد علشان مرتضى منصور زودها قوى قوى فى الفتره الأخيرة و خاصة بعد ترشيحة لمجلس ادارة الزمالك ... فكانت أول مشاكله مع الأتحاد المصرى لكرة اليد و اشهرها يوم ما العالم كله شافه على احدى قنوات اوربيت و هو بيشتم احمد شوبير و مجدى عبد الغنى و حتى الكابتن صالح سليم رحمه الله .... و بيسب ناس كتير قوى بألفاظ يعاقب عليها القانون .. فكان لابد من الحزب الوطنى انه يشيله علشان كان دعايه سيئة جدا جدا لهم خاصة ايام الأنتخابات و كمان ممكن تقول مهمة الراجل ده خلصت خاصة بعد ظهور أحمد شوبير فى الشارع السياسى و اصبح عضو فى الحزب الوطنى و عضو كمان فى مجلس الشعب عن احد دوائر طنطا ... فكان لازم ان مرتضى منصور ده ينتهى او يختفى ... و كااااااان
انا خايف يامحمد يرفع على ابن مصر قضيه
يرفع وماله,, مرتضى ليس عليه حرج
الف مبروك للزمالكويه
بس على الله ما ينتخبهوش تانى
اهو ماشى يلم فى تواقيعهم دلوقتى
انا مكهتش حد قد ما كرهت مرتضى منصور دة بصراحة وكنت بكرهه من ايام ما كان نائب رئيس مجلس الادارة كمال درويش ومعرفش الاعضاء بتوع النادى انتخابوة ليه يعنى
لما نشوف الايام القادمة مع المجلس المعين دة كمان هتودينا لحد فين
ربنا يسترها شكرا يا محمد على الخبر السعيد دة
النمط الخطي
