|
أبو تريكه في الأرسنال قريبا !!!!!!!
يوم الخميس وفى معاد الماتش بالظبط....كان عندى مشوار واضطريت اخرج وافتكرت وانا برة ان ماتش ابو تريكة كان ف الوقت دا....زعلت شوية....وقلت عادى بقا هو ابو تريكة هيعمل ايه يعنى وسط الناس دى...ومشيت....تانى يوم....قاعد ف امان الله....بقلب ف التليفزيون لقيت ماتش عالجزيرة....بدقق كدا لقيته هو وحاتم بطيشة قال انه لسه مانزلش...قلت كويس نتفرج...
المهم...نزل ابو تريكة...ولعب على اد ما لعب بقيت مستنى الكورة تجيله...وبعدين خير اللهم اجعله خير...لقيت ابو تريكة فتح مينة ملاهى...ونقل مرايح مولد النبى الى مراجيح المانيا....عمال ياخد الناس رايح جاى...مرة يمين ومرة شمال...وسروباص وبتاع....قلت دلوقتى يهمد...لحد ما جاتله هجمة من ناحية اليمين...لقيته راح واخد الواد على قدام...وبعدين "سحبه" على ورا....وراح بيه تانى...وجابه تانى...و"بعته" تالت...وجابه....انا بصراحة فطست من الضحك...حسيت بالواد انه دخ وعايز يترمى على الارض...وقلت الواد دا لازم يشتكى ابو تريكة للفيفا على البهدلة دى...بتهمة السب والقذف والتشهير...
ابو تريكة " مرجح " الواد بتلاتة جنيه...
بعته" يجيب عيش" من الفرن...
جابهل "دوار بحر" ومية ناشفة عالركب...
وبعدها بشوية....لقيته جاتله كورة من ناحية اليمين...ولقيته وقفها بوش رجله الخارجى...وهوب...ولا شاط ولا رزع..هت الجون...وركنهاله ف حتة خلى الواد يلحس النجيلة...وما طالهاش بصوابع ايديه رغم انه بينه وبين ابوتريكة متر ونص....حسيت ان الواد الجون بيقوله مش حرام...انت معندكش اخوات صبيان..مش كفاية الواد اللى داخ وبنعمله مية بسكر...وسمعته حلف بالطلاق ليشتكيه للفيفا...
و طبعا بعد العرض الممتاز من أبو تريكه متوقع إحترافه في الأرسنال أو بايرن ميونخ و ذلك حسب أحدث التصريحات
م
ن
ق
و
ل
|
النمط الخطي
