التوقيع حق اصيل للعضو يختاره كيف يشاء((بخصوص الغاء الصور ))

[النسر الذهبى]

بسم الله الرحمن الرحيم
اخوانى واخواتى اعضاء ابن مصر الكرام
فاجاتنا الادارة بقرارها بمنع استخدام التواقيع المصورة
ولم يكن هذا برغبتنا او برغبة الاعضاء لم يتم وضع استفتاء على الاقل لاخذ رائى الاعضاء
واعتقد ان التوقيع هو حق كل عضو يعبر به كيفما يشاء طالما لم يخالف به قوانين المنتدى ولم يقترب به من المساس بحقوق الاخرين
ومن هذا المنطلق اطالب المشرفين العامين على المنتدى ممثلين فى احمد كمال رئيس للمنتدى لونلى دوك نائب المشرف العام ميسم مديرة المنتدى بتوضيح اسباب اتخاذ هذا القرار دون الرجوع للاعضاء !!؟؟

ننتظر ايا منهم للاجابه وتوضيح اسباب اتخاذ هذا القرار
وتفضلوا جميعا بقبول فائق احترامى وخالص مودتى
النسر الذهبى

[بنوته مصرية]

فعلا انا اتفاجئت بلموضوع ده
واعتقد اني توقعاتنا مفيهاش اي شئ يخالف للقوانين
ممكن علشان بطئ الصفة احمد كمال يحدد لنا مساحة معينه نحط بيها التوقيع صورة او صورتين مثلا بحجم معين
لكن مش يلغي التوقيع نهائي

احنا مش حطين اغاني ولا موسيقي ولا فلاش كبير كلها صور صغيرة جداا بنستخدمها في المشاركات العادية
انا نسبالي مهم التوقيع ليا

[انسان]

انا شايف انة كان من المفروض بدل ما الادارة تعالج بطء التصفح بمنع الصور فى التوقيعات حتى لو كان المنع هذا مؤقت ، كان الواجب ان تقوم الادارة بمعاجة البطء في التصفح وفتح الصفحات خيرا ما انها تقوم كدا من نفسها بمنع الصور فى التوقيعات
ثم لية منتدنا بس اللى فية المشكلة ديا ما كل المنتديات موجود فيها صور فى التوقيع وما عندهمش المشكلة الموجودة عندنا
يبقا الافضل زى ما قلت ان الادارة تشوف حل للمشكلة مش تعمل اعلان ان الصور ممنوعة فى التوقيع
انا كدا شايف ان الادارة اختارت اسهل الطرق وانها تيجى على الاعضاء وخلاص
اهم يستحملوا اللى عاجبة على كدا عاجبة والا مش عاجبة يروح يشرب من البحر
لانها خلاص منعت الصور وهى حرة تعمل اللى تعملة
بالله عليكم هو دا الحل من وجهه نظركم ايها الادارة

[Lonely Doc]

لا شك ان انتقاد من يجلس على كرسى الاداره سهل لمن لا يجلس عليه
لو قدرت له الايام الجلوس على ذلك الكرسى اطلب منه فقط ان يتذكر ذلك

نزل الاعلان عن الالغاء المؤقت للصور فى التواقيع وبعد غضون ساعات نزل موضوع يستفسر عن سبب الالغاء وهذا حق للاعضاء دون شك وجاءت ردود تنتقد هذا القرار

عند حدوث مشكله ما فى المنتدى نتعاون جميعا اداره واعضاء على حلها,,تعاون الاعضاء يكون بالصبر على ما تطلبه الاداره منهم وهى تعلم جيدا انه حق للعضو... لكن يبدو ان الصبر قد اصبح عمله نادره فى هذه الايام

الاداره وضعت هذا الاعلان تقديرا واحتراما منها للاعضاء بدلا من ان يفاجئوا بالغاء الصور المؤقت دون اى اشاره لذلك,,جزء من الاحترام ان اعلم من معى بقرار تم اتخاذه,, ولم يكن الاعلان هو حل المشكله كما تصور البعض

الاداره بشر شأنها شان كل الاعضاء عندهم ما يشغلهم فى حياتهم ورغم ذلك يحاولون قدر استطاعتهم ان يعملوا لراحه الاعضاء
وعندما تحدث مشكله ما (وما اكثر المشاكل) لا تحل فى ساعات كما قد يتخيل البعض

لم يمض حتى يوم كامل ونرى ردودا لم نألفها فى بيتنا هنا مثل "والا مش عاجبة يروح يشرب من البحر ",, كان هذا ليكون منطقيا لو مرت الايام وليس الساعات دون اى نتيجه

لم تطلب الاداره شيئا كثيرا,,طلبت بعض التعاون من الاعضاء حتى تحل هذه المشكله سريعا,,,لكن يبدو ان هذا يعتبر كثيرا فى نظر البعض

تحياتى ياأخوتى الاعزاء

[انسان]

المشاركة الأصلية بواسطة Lonely Doc

الاداره وضعت هذا الاعلان تقديرا واحتراما منها للاعضاء بدلا من ان يفاجئوا بالغاء الصور المؤقت دون اى اشاره لذلك,,جزء من الاحترام ان اعلم من معى بقرار تم اتخاذه,, ولم يكن الاعلان هو حل المشكله كما تصور البعض

يا دكتور احترامكم للاعضاء بالاعلان على عينى وراسى بس ما كانش المفروض لاعلان يكون بالشكل دا
كان يبقا اعلان تحذيرى او تنبية للاعضاء انة سوف يتم الغاء الصور من التوقيع لانة هناك مشكلة تواجة المنتدى وبالتاكيد ما كانش حد حيعترض لو الاعلان نزل بالشكل دا

المشاركة الأصلية بواسطة Lonely Doc

لم يمض حتى يوم كامل ونرى ردودا لم نألفها فى بيتنا هنا مثل "والا مش عاجبة يروح يشرب من البحر ",, كان هذا ليكون منطقيا لو مرت الايام وليس الساعات دون اى نتيجه

تحياتى ياأخوتى الاعزاء

اما بخصوص العبارة فلى الحق في قولها
لانكم تدخلتم في شىء من خصوصياتنا بدون ان تنبهونا الي هذا التدخل اى ان التدخل تم وخلاص يبقا لو التدخل دا مش عاجبنى اعمل انا اية؟؟؟
اكيد مش حقدر اعمل اى حاجة لانى لا املك اى شىء ومن هنا قلت يبقا نروح نشرب من البحر لانة ليس بايدينا شىء نفعلة بعد ان تم التلاعب بالتوقيعات الخاصة بنا بدون حتى الاهتمام بتنبيهنا الى ذلك
ومازلت عن رايى بانة كان من الممكن ان تظل التوقيعات متواجدة ويتم حل المشكلة باسلوب اخر بدلا من ازلتها وهذا الشكل السىء بالتوقيع وهو اللينك الخاص بتحميل الصورة ولا تقول لى انة يجب على ان اعدل في توقيعى لانة لم ينبهنى احد ان هذا سوف يحدث فى توقيعى ووجدت فجاءة هذا الشكل السىء لتوقيعى

[Lonely Doc]

أخى انسان يطلق الاعلان التحذيرى او التنبيهى عاده لكى يستطيع المعنى بالاعلان (الاعضاء) تدبر امورهم قبل نزول القرار
فمثلا نقول سيتم هدم هذا العقار فى يوم كذا حتى يستطيع السكان تدبر امورهم واخلاؤه قبل تنفيذ القرار,, او مثلا سيتم نقل المنتدى على سيرفر اخر فى يوم كذا فيعرف الاعضاء حتى لاتضيع مشاركاتهم فى النقل
ولا ادرى حقا لماذ يكون الاعلان التحذيرى فى حالتنا هذه افضل ,, وكل فائده هذا الاعلان التحذيرى
انه سيزيد من المشكله يوما اخر؟؟
اما عن الشكل السيىء الذى تقول عليه الان وهو وجود اللينكات فكان هذا السوء حرصا منا على العضو الذى لايعرف لينكات الصور التى كان يضعها بتوقيعه ليستطيع حفظها وكان من السهل ان يكون الشكل جميلا وتضيع اللينكات على الاعضاء

اشكر لك تفضلك بالرد ياأخى الفاضل

[أحمدكمال]

اقتباس من موضوع "عدل الباسبورت" في ابن مصر تي في...

بسم الله الرحمن الرحيم

رجاء من الاخوة اصحاب التواقيع المصورة ...
ازالة اللنكات في التوقيع لانه يسبب عدم اتزان ابعاد الصفحة في بعض المتصفحات.....

احتفظ بتوقيعك المصور حاليا ....فقط تعود قريبا خاصية اضافة الصور الي التواقيع

والله الموفق

ادارة ابن مصر

اقتباس من اعلان دكتور لونلي في كل الاقسام

بسم الله الرحمن الرحيم

بناء على شكوى الكثير من الاعضاء ..بسبب بطء تحميل بعض الصفحات في المنتدى...
تقرر منع اضافة صور الي التوقيع لفترة مؤقته..
هذا لخدمتكم وراحتكم ...
لذا فمن كان لديه توقيع صورة فعليه التوجه الي " الباسبورت" وتعديل التوقيع..

ملحوظة:لابد ان يراعي التوقيع المبادئ والاخلاق العامة والا يتناقض مع مبادئ الشريعة الاسلامية

ادارة المنتدى دوما في خدمتكم

المشرف العام
لونلي دوك؛

بسم الله الرحمن الرحيم
اردت ان ابدأ شهادتي في هذا القسم -بناء على طلبكم-...
بتلك الكلمات المقتبسة التي اشك في ان الكثير من الناس قد قرأوها...
بدايه لابد ان تكون العلاقة بين الادارة والعضو ...مبنية على الثقة...
الثقة في ان الادارة تسعى الي الصالح العام..
وانها وجدت لراحة العضو اولا واخرا...
والا تكون العلاقة مبنية على سوء الظن او النية...
جاءتتا" بالفعل شكاوي" من بطء التحميل في المنتدى..
وكنت قد تحدثت من قبل مع احد مسئولي السرفر وذكر ان سرفره كفء جدا ...
فقررت وقتها ان اقوم ببعض الاختبارات لادرك اين السبب الرئيسي...
ولكني اجلت الموضوع قليلا....
ثم فوجت امس بتجاوزات"عديدة"..في تواقيع الكثير من الاعضاء..
فوجدت صور لمغنين وصور لمغنيات .....
ووجدت امورا عديدة كان من الممكن التجاوز عنها في الفترة الماضية كنوع من الترغيب للاعضاء حتى نقوم باعادة الحياة الي المنتدى...
ولكن - ولله الحمد-..بعدما عاد المنتدى لوضع الاستقرار ...بكم اولا وبمجهودات الادارة ثانية...
كان لابد من احترامنا لكل الاعضاء ان نعيد النظر في شتى الامور ...
وان نبدأ في تشريع قانون للمنتدى...
يحفظ الاعضاء ويسير بالمنتدى على الطريق الذي رسمناه منذ البدء....
لذا فقد قمنا بالغاء التوقيع بعدما وجدنا المخالفات تزيد..
وفي نفس الوقت نحن نختبر اداء الموقع بصور اقل...
والنية اكيدة بعودة الصور مرة اخرى بعد رسم سياسة للتوقيع...
نمشي عليها سويا حماية لابن مصر ولكم...
واعتقد ان البيان وموضوع عدل الباسبورت قد اوضح هذا الامر ..
وخصوصا في طلبي منكم ان تحتفظوا بالتواقيع ...
لانها ستعود....

اتمنى ان تكون العلاقة بين الادارة والنقابة مبنية على الثقة ..
ونحن هنا لخدمتكم ....

شكرا

[النسر الذهبى]

السلام عليكم ورحمة الله وبركاته
استاذى العزيز دكتور لونلى
ليا تعليق على ردك الاول وليا تعليق على كام نقطة كدة

لا شك ان انتقاد من يجلس على كرسى الاداره سهل لمن لا يجلس عليه
لو قدرت له الايام الجلوس على ذلك الكرسى اطلب منه فقط ان يتذكر ذلك

لم يكن انتقاد بقدر ماهو طلب لتوضيح الاسباب التى ادت لاتخاذ هذا القرار دون الاهتمام برغبة الاعضاء !
ثانيا لم يكن سهلا انتقاد من يجلس على كرسى الادارة لاننا لم نجرب هذا الكرسى فى السابق دكتورنا الغالى اظن انا قعدت على كرسى الادارة دة قبل كدة وبنوته كمان كان من طاقم الادارة فى ابن مصر وكمان انسان ولا ايه !!
يعنى سهل علينا نقول ان القرار غلط لكن كل واحد فينا كان ليه طلب معين فى التوضيح عن اسباب القرار

الاداره بشر شأنها شان كل الاعضاء عندهم ما يشغلهم فى حياتهم ورغم ذلك يحاولون قدر استطاعتهم ان يعملوا لراحه الاعضاء
وعندما تحدث مشكله ما (وما اكثر المشاكل) لا تحل فى ساعات كما قد يتخيل البعض

نعلم ان الادارة بشر وفعلا ما اكثر المشاكل التى تحاول الادارة كان الله فى عونها حلها ولكن كل ذلك ليس لنا اى شأن به عزيزى كل ما طلبنا توضيحة شىء واحد سبب الغاء التواقيع
والذى اعتقد انه لم يكن بسبب طلب الاعضاء او او انه لمخالفات البعض ووضعهم لصور خاصة بالمغنيين والممثلين اعتقد ان حل هذه المشكله فى البداية كان من الافضل ان يكون بمنع العضو المخالف من استخدام التوقيع ككل وساعتها لن يكون لنا اى اعتراض على هذ ا القرار وليس حرمان الجميع من حقهم المشروع !!
شكرا للمساهمة يا دكتور وشكرا للتوضيح

[النسر الذهبى]

اهلا يا احمد منور النقابة
ليا شويه تعليقات على ردك

اردت ان ابدأ شهادتي في هذا القسم -بناء على طلبكم-...
بتلك الكلمات المقتبسة التي اشك في ان الكثير من الناس قد قرأوها...
بدايه لابد ان تكون العلاقة بين الادارة والعضو ...مبنية على الثقة...
الثقة في ان الادارة تسعى الي الصالح العام..
وانها وجدت لراحة العضو اولا واخرا...

حابب انى ابداء ردى عليك واقولك ان الثقة موجودة مش مفقودة بين الادارة وبين النقابة والا لم يكن موضوعى فى الاساس تساول صريح عن سبب قرار الغاء تواقيع الصور
اعلم ان القرار ربما يكون فى صالح الجميع ولكن هل الجميع يعلمون ان هذا القرار فى صالح المجموعة وليس فى صالح الفرد هل اخذ رائى الاعضاء فى هذا القرار ؟؟

جاءتتا" بالفعل شكاوي" من بطء التحميل في المنتدى..
وكنت قد تحدثت من قبل مع احد مسئولي السرفر وذكر ان سرفره كفء جدا ...
فقررت وقتها ان اقوم ببعض الاختبارات لادرك اين السبب الرئيسي...
ولكني اجلت الموضوع قليلا....
ثم فوجت امس بتجاوزات"عديدة"..في تواقيع الكثير من الاعضاء..
فوجدت صور لمغنين وصور لمغنيات .....

انا اشتكيت برضو كثير من بطء المنتدى ومش انا بس كل الاعضاء تقريبا بتشتكى من البطاء الملحوظ فى السرفر بتاع المنتدى و لو كانت الصور هى سبب البطاء دة اعتقد انك لو كنت عملت استفتاء على ان الصور تنشال خالص مش لفترة مؤقته مكنش حد هيرفض لانه فى المصلحة العامة ولا ايه ؟؟!!
نيجى بقى للتجاوزات الى حصلت دى وصور المغنيين كان ليها طريقتين للحل ومش هعلمك شغل الادارة ازاى اول حاجة برساله خاصة للعضو المتجاوز وتانى حاجة تعديل توقيع العضو المخالف وتالت حاجة منعه استخدام خاصية التوقيع نهائيا ولا ايه يا احمد بدل ما انك تاخدها عاطل فى باطل ولا ايه !!

وان نبدأ في تشريع قانون للمنتدى...
يحفظ الاعضاء ويسير بالمنتدى على الطريق الذي رسمناه منذ البدء....
لذا فقد قمنا بالغاء التوقيع بعدما وجدنا المخالفات تزيد..
وفي نفس الوقت نحن نختبر اداء الموقع بصور اقل...
والنية اكيدة بعودة الصور مرة اخرى بعد رسم سياسة للتوقيع...
نمشي عليها سويا حماية لابن مصر ولكم...

التجربة دى كان المفروض يعرف بيها الاعضاء ولا ايه يا احمد وبعدين القوانين موجودة من زمان كان ممكن تنزل فى موضوع مثبت فى كل الاقسام او اعلان يكون فيه قوانين المنتدى وتحذير ان الى مش هيلتزم بالنقطة الخاصة بالتوقيع هيتم حرمانه من خاصيه التوقيع اساسا لفترة معينه وبعدها يتم منعها نهائى فاهمنى يا احمد فى طرق كتير وبرضو انا مازلت بتسأل ليه مش تم تعديل التواقيع المخالفة من قبل الادارة وليه ما يتمش وصع استفتاء لتجربة الموقع من غير تواقيع الصور ؟؟!!!
ياريت نلاقى اجابة
وشكرا يا احمد وشكرا يا دكتور محمود على تواجدكم وسعة صدركم

[بنوته مصرية]

معلشي يا نسرنا للاسف مكنش عضو اللي حاطط توقيع لفنانه ومغنية ومقطع من الاغنية كمان
للاسف كان مشرف يعني من الادراة نفسها و موجود من زمان وعارف القوانين كويس !!!!!!!!!
ولو فيه عضو حط صور تانية واعتقد مكنش فيه فالسبب انه افتكر اني القوانين اتغيرت

[انسان]

انا حرد علي احمد كمال بعبارة واحدة بس
يا احمد المبادىء ما بتتجزائش
وشكرا

[أحمدكمال]

حابب انى ابداء ردى عليك واقولك ان الثقة موجودة مش مفقودة بين الادارة وبين النقابة والا لم يكن موضوعى فى الاساس تساول صريح عن سبب قرار الغاء تواقيع الصور
اعلم ان القرار ربما يكون فى صالح الجميع ولكن هل الجميع يعلمون ان هذا القرار فى صالح المجموعة وليس فى صالح الفرد هل اخذ رائى الاعضاء فى هذا القرار ؟؟

سؤالي لك عزيزي النسر...بما انك لست بعيدا ولم تكن بعيدا عن مراكز القرار...
اين المصلحة الفردية من الغاء التواقيع المصورة!؟

معلشي يا نسرنا للاسف مكنش عضو اللي حاطط توقيع لفنانه ومغنية ومقطع من الاغنية كمان
للاسف كان مشرف يعني من الادراة نفسها و موجود من زمان وعارف القوانين كويس !!!!!!!!!
ولو فيه عضو حط صور تانية واعتقد مكنش فيه فالسبب انه افتكر اني القوانين اتغيرت

المخالفات التي رصدت كانت من اعضاء في المنتدى ايضا!!!

انا حرد علي احمد كمال بعبارة واحدة بس
يا احمد المبادىء ما بتتجزائش
وشكرا

عبارة جميلة يا انسان
بس بجد انا لم افهم ما تقصده ...

اخواني الاعضاء...
للمرة المليون الادارة تدرك ما تفعل
وعندما نقول لكم ان ما نفعله لصالحكم...
فيجب ان تصدقوننا...
وخاصة ان ما نفعله يدخل في صميم عملنا الاداري!!!
واخيرا كما قلت التوقف لن يتاخر ..

مرة اخرى نحن هنا لراحتكم ....
فلم نستيقظ صباحا فنجد في انفسنا الرغبة في الغاء التواقيع!!!
كما اننا لا ندير امور المنتدى بمبدأ ادخال " العاطل في الباطل"...!!!!!!!!!!

[أحمد سليمان]

السلام عليكم

لو سمحتوا لى أشارك بالرأى بحياديه تامه

بالنسبه لموضوع ألغاء التوقيع ... قد يكون من صميم عمل الآداره فعلا و لكن كون أن القرار يطلع كده و يتطبق كده ( خصوصا أن بعد الآعلان بقليل جداااااا ) يبقى كده أنتو لغيتوا فكره نقابه الأعضاء ...أو أنها صارت بلا أهميه و قسم من باقى أقسام المنتدى .... الفكره قائمه فى الأصل على المشوره بين الآعضاء و الآداره

لو كان تأخر القرار ليوم واحد فقط ليوضع به موضوع فى النقابه ما كنش حصل حاجه ..ما المنتدى على الوضع ده بقاله كتير ....و اللى أعرفه ان فى مشكله فنيه فى الموقع و أن شاء الله يتم حلها قريبا ً

و من الناحيه الآخرى ...الآخوه الآعضاء دلوقتى عارفين كلهم ان فى مشكله فنيه
أضافه الصور دى خاصيه فى المنتدى
اللى يحب ممكن يحتفظ بلينكاته فى توقيعه و لما تعود الخاصيه عادى جدا ( المفروض ) كل شئ يرجع لآصله

[أحمدكمال]

سليمان الايقاف اجراء مؤقت مش سياسة دائمة!!!
بمعنى اني لما الحكومة هتقطع الكهرباء ساعتين مش هتبعت القرار لمجلس الشعب!!!
لكن لو فكرت تقطع الكهرباء خالص
اكيد هيروح القرار الاول لمجلس الشعب
ياريت تكون فهمت قصدي...