الحق بسرعه قربت تخلص

[=BASSEM=]

هاي يااولاد
هاي يابناتيت
هاي ياعم الحاج
ازيكوا كلكوا


ينفع كدا 2005 بتموت و بتخلص و احنا واقفين


بسرعه يلا


كل واحده يكتب امنيه في اي حاجه هو عايزها او يكتب مليون امنيه يلا يمكن سانتاكلوز يعدي من هنا و لا حاجه

اتمنوااااا و انتوا مغمضين

و الي عايز يتمني امنيه يعني كدا و كدا


يقولها بالمستغطي لامؤاخذه شنقصين فدايح

[مستكة]

والله يا عم باسم مش عارفه اقولك ايه

كل سنه بنتمني ونتمني وفجاه نلاقي السنه خلصت

مش عارفه واخداها النداله كده ليه

وبعدين تحس ان السنه مافيهاش بركه بتخلص بسرعه اوي الظاهر انه هي كمان نزل اتسرق منها شويتين

يا سلام فيييييييين ايام زمان لما كانت السنه 24 شهر

هييييييييييييييه اياااام

ايه ده انا بعدت كتير عن الموضوع طيب

انا اتمني ان السنه دي بجد تكون افضل من اللي قبلها في كل حاجه

لانه بصراحه الحمد لله يعني 2005 كانت ...................................

مش هعدد امنيات عشان صفحات المنتدي كلها مش هتكفيني لاني قنوعه جداااااااااااااااااا

[loli]

اتمنى في السنه الجايه باذن الله وربنا يحققهولي

على المستوى الشخصي ان ربنا يحفظلي اهلي واحبابي من كل سوء ويجمعني بيهم على خير دايما باذن الله وانه يرضيني باللي انا فيه

المستوى العالمي ان ربنا يفرجها على كل المسلمين في كل بقاع الارض وتتحرر فلسطين والعراق

[محمدحسين]

على المستوى العالمى
أتمنى ان يسود السلام بين الدول وتكون السنه القادمه اقل من حيث الحروب
أتمنى انتتخلى الانظمه العربيه عن الطاعه لسيد البيت الابيض وتعود لها سيادتها
أتمنى ان يحكم العراق نظام يعمل من أجلها فالعراق مواردها كثيره ولكن منهوبه مثل مصر
أـمنى ان يفيق الناس التى تؤمن بان القضيه الفلسطينيه ستحل سلميا
اتمنى زوال القوه الامريكيه وضعفها
وعلى المستوى مصر
أتمنى ان يظل الناس على اصرارهم فى الحصول على حقوقهم فى حق اختيار الرئيس والنواب
وأتمنى ان ينعكس على جميع الانتخابات التى داخل الدوله سواء نقابيه او غيرها
أتمنى زياده الاستثمارات فى مصر
أتمنى وقف بيع الوحدات الاقتصاديه والتى تباع بثمن بخس لاجل المصالح الشخصيه
اتمنى انتهاء الحزب الوطنى ويصبح فقط فى الذاكره
أتمنى لشعب مص والامه المسلمه ان يعود الاسلام الى قلوبهم
وعلى مستوى المنتدى اتمنى عوده الغائبين
وان يوحد الحب بين الجميع
وعلى المستوى الشخصى اتمنى دول الصحه والستر دوما من الله

[حدوتة]

ايه ياباسم انا قلت البيبسى هيخلص
ان كانت السنة خلاص فى أخر لحظاتها لكن مش هتموت زى مانت ماتخيل
هيفضل منها ذكرياتها مش الحلوة وبس لكن الحلوة والوحشة (انسان بلا أمس انسان ليس له غد )
وان كنت اتمنى فى السنة الى جاية ان كان لنا عمر فيها هتمنى
رضا الله
وهداية المسلمين
ونصر المسلمين فى كل بقاع الارض
اتمنى ان المكان ده يفضل جامعنا دايما ويكون افضل من ماهو عليه
اتمنى ان الجو مش يبقى برد كده
أتمنى ان مصر تبقى بلد ديمقراطى بجد مش كده وكده
اتمنى كل الخير لكل الناس
اه نسيت اتمنى كمان ان جمارك العربيات تنزل زى سوريا كده
عقبالنا يارب ويطبقوا اتفاقية الجات
بس خلاص لو افتكرت حاجة هاجى تانى