@ * @ ؟؟؟ علامــــات استفهــــــام ؟؟؟ @ *@:
السلام عليكم و رحمة و بركاته
LOLI :
وعليكم السـلام ورحمة وبركاته
@ * @ ؟؟؟ علامــــات استفهــــــام ؟؟؟ @ *@:
النهارده الضيفه مش عاديه ضيفه من نوع خاص ضيفه بجد اروبه طبعا لولي غنيه عن التعريف لكل اعضاء ابن مصر و نبدأ بشوية اسئله خفيفه كدا في لغز الكلمات
@ * @ ؟؟؟ علامــــات استفهــــــام ؟؟؟ @ *@:
مين هي لولي
LOLI :
لولي عضوه من اعضاء ابن مصر مش مصريه الاصل بس مصريه الهوى ام وزوجه
@ * @ ؟؟؟ علامــــات استفهــــــام ؟؟؟ @ *@:
لولي لو قلتلك اختاري مكان في العالم نعمل فيه اللقاء تختاري فين
LOLI :
اجمل مكان
LOLI :
بيروت ع البحر مسقط رأسي
@ * @ ؟؟؟ علامــــات استفهــــــام ؟؟؟ @ *@:
جنة العرب بلااستثناء
@ * @ ؟؟؟ علامــــات استفهــــــام ؟؟؟ @ *@:
لولي لو قلتلك الدنيا علمتك ايه تقولي ايه
LOLI :
فيه كلام عجبني وده الي علمتهولي الدنيا فعلا وهو
LOLI :
علمتني الحياة: أن أتألم ولا أبكي، أن أحزن ولا أشكي، أن أشكر ربي، أن أحلم بالجنة
@ * @ ؟؟؟ علامــــات استفهــــــام ؟؟؟ @ *@:
راضيه عن حياتك
LOLI :
بطلب من ربنا الرضا
LOLI :
لله الرضا درجات وانواع
@ * @ ؟؟؟ علامــــات استفهــــــام ؟؟؟ @ *@:
................. + .................. + ................... = لولي
LOLI :
محمد + عمرو + احمد = لولي
@ * @ ؟؟؟ علامــــات استفهــــــام ؟؟؟ @ *@:
اكتر حاجه زرعتيها في اولادك و تتمني تزرعيها في جيل كامل ايه هي ؟
LOLI :
عدم الكذب وعدم الخيانه وصفاء النيه في التعامل وانه يعامل ربنا في الناس
@ * @ ؟؟؟ علامــــات استفهــــــام ؟؟؟ @ *@:
لولي عنيده
LOLI :
كنت
LOLI :
الزمن خلاني اخف عنادي لان ربنا مش بيتعاند
@ * @ ؟؟؟ علامــــات استفهــــــام ؟؟؟ @ *@:
(( قابل للكسر )) مكتوب علي جبين كل امرأه تعتقدي ليه
LOLI :
عشان المرأة سهل اوي انها تتكسر
LOLI :
لانها مكونه من مشاعر
LOLI :
فقط مشاعر
@ * @ ؟؟؟ علامــــات استفهــــــام ؟؟؟ @ *@:
الانترنت هو عالم الخيال و تحقيق المستحيل شايفه ان دا شيء صحيح و هل تعتقدي انك بتعرفي تتعاملي مع العالم الخيالي دا كويس
LOLI :
للاسف
LOLI :
بقالي تقريبا 6 سنين في عالم الانترنت واكتشفت انه اسهل بكتير بالتعامل من العالم الحقيقي وبرغم انه خيال في خيال بس ليا صداقات جميله في العالم ده منها الي اتحول لصداقات حقيقيه ومنها الي فضل في عالم الخيال الجميل ده واكتشفت اني بعرف اتعامل كويس اوي بالعالم ده
@ * @ ؟؟؟ علامــــات استفهــــــام ؟؟؟ @ *@:
معني كدا انك ممكن بتعوضي عدم قدرتك علي التكيف مع الواقع نقدر نقول ان دا نوع من انواع الهروب في المواجـهـه خاصه ان الانترنت بيختلف عن الواقع ان احنا اللي بنشكله و نكيفه علي حسب اهوائنا و ليس العكس
LOLI :
احيانا بفكر اني كده واحيانا بكتشف انه نوع من انواع تقضيه الوقت بحاجه انا بحبها
@ * @ ؟؟؟ علامــــات استفهــــــام ؟؟؟ @ *@:
شايفه ان الانسان اللي بيميل للضحك في حياته و اخذ الامور علي مهمل الفكاهـه بيكون اكثر حزنا من الناس العاديه و هل نقدر نعتبرك واحده منهم لانك بتتميزي بروح دعابه عاليه بشهادة الجميع
LOLI :
اذا كنت بتتكلم عني فالكلام ده صح مليون الميه
LOLI :
لان الضحك ده بعتبره طاقه
LOLI :
حتى لو متضايقه بحول حزني لضحكه عاليه او لنكته بقولها بطريقه طبيعيه بتخلي الحزن جوايا والطاقه السلبيه تطلع بطريقه ايجابيه
@ * @ ؟؟؟ علامــــات استفهــــــام ؟؟؟ @ *@:
برج السرطان برج يتميز بالعنف و الانتقادات اللاذعه و العاطفه الشديده انتي فين من دول
LOLI :
انا كل دول مع بعضشيتهم
LOLI :
بنتقد اولادي بشده
LOLI :
وبحبهم بشده اكبر
@ * @ ؟؟؟ علامــــات استفهــــــام ؟؟؟ @ *@:
و العنف
LOLI :
عموما بحب الناس كلها الى ان يثبت العكس
LOLI :
العنف ساعة الغضب بيبقى حاجه مخيفه
LOLI :
بخاف من نفسي لما ببقى غاضبه
LOLI :
بس في خلال اقل من خمس دقايق غضبي بيتحول لهدوء مريب
@ * @ ؟؟؟ علامــــات استفهــــــام ؟؟؟ @ *@:
تجربة ابن مصر لولي طلعت منها بايه
LOLI :
خلتني اعيش سن اولادي بنفس طريقه تفكيرهم واسلوب حياتهم وقربتني منهم اكتر
@ * @ ؟؟؟ علامــــات استفهــــــام ؟؟؟ @ *@:
سلبيات
LOLI :
كل حاجه في الحياة ليها سلبيات وايجابيات حتى الدواء الي بنشربه عشان يشفينا
LOLI :
بالنسبه لي ابن مصر سلبياته قليله جدا
LOLI :
وتكاد لا تذكر
@ * @ ؟؟؟ علامــــات استفهــــــام ؟؟؟ @ *@:
رايك في الحب عن طريق الانترنت
LOLI :
غلط ومفهوش ريحة الصح ابدا ومش مقتنعه بيه من هنا لاخر لهنااااااااااااااااااااك
@ * @ ؟؟؟ علامــــات استفهــــــام ؟؟؟ @ *@:
شايفاه غلط و لا حب ناقص
LOLI :
الاتنين
LOLI :
الحب الحقيقه فيه عشره
LOLI :
فيه نظره عين صادقه
LOLI :
فيه توافق فكري ونفسي
LOLI :
النت بعيد كل البعد عن ده
@ * @ ؟؟؟ علامــــات استفهــــــام ؟؟؟ @ *@:
منتدي ابن مصر اكيد فيه جزء منه البعض بياخده علي انه وسلة تعارف او عمل صداقات او علاقات عاطفيه مع الجنس الاخر بصفتك مشرفه في المنتدي لو لاحظتي وجود اعضاء بتحاول تعمل كدا يكون ايه موقفك
LOLI :
لو الناس دي بعرفها ومقربه منها
LOLI :
بحاول معاها النصيحه الخالصه لوجه وخصوصا لو اكتشفت ان اي طرف من الاطراف واخد الموضوع تسليه
@ * @ ؟؟؟ علامــــات استفهــــــام ؟؟؟ @ *@:
لو مش مقربين
LOLI :
يبقى نصيحتي مش حتكون في مكانها ابدا
@ * @ ؟؟؟ علامــــات استفهــــــام ؟؟؟ @ *@:
بس حصل قبل كدا
@ * @ ؟؟؟ علامــــات استفهــــــام ؟؟؟ @ *@:
صح
LOLI :
حصلت مع ناس
LOLI :
ونصحتهم من بعيد
@ * @ ؟؟؟ علامــــات استفهــــــام ؟؟؟ @ *@:
مش شايفه ان اللي بيحاول يعمل علاقات عاطفيه من علي طريق الانترنت نسبة انه يكون واخد التسليه اكبر و بيعتبر ساعتها عامل فاسد لابد من بتره
LOLI :
و لله
LOLI :
بص
LOLI :
الموضوع فيه جوانب كتير
LOLI :
مقدرش احكم عليه
LOLI :
بس غالبا يبقى نوع من التسليه وبيتحول لعادة وادمان ولو الطرف ده انتصح وفاق لنفسه يبقى خير وبركه منتصحش يبقى اكيد في يوم حينكشف ويبان على حقيقته وساعتها مش حيلاقي حد واقف جنبه لا بنصيحه ولا حتى بكلمه صادقه
@ * @ ؟؟؟ علامــــات استفهــــــام ؟؟؟ @ *@:
اللهم اهدي شباب المسلمين
@ * @ ؟؟؟ علامــــات استفهــــــام ؟؟؟ @ *@:
متي تنزل دموع لولي .
LOLI :
تصدق اخر مره كانت على مشهد في مسلسل سارة في اخر حلقه
LOLI :
اتاثرت اوي اوي
LOLI :
بعيط بيني وبين نفسي
LOLI :
غالبا محدش بيشوف دموعي
@ * @ ؟؟؟ علامــــات استفهــــــام ؟؟؟ @ *@:
متي ترتسم البسمه علي شفتيكي
LOLI :
لما اشوف حاجه حلوه
LOLI :
مش شرط غيري ينتبه لوجودها
LOLI :
ممكن اشوف مشهد او منظر طبيعي يخليني ابتسم واقول سبحان
@ * @ ؟؟؟ علامــــات استفهــــــام ؟؟؟ @ *@:
الكدب - الخيانه - الغرور لو كان با يدك تمسحي صفه من دول من عالوجود تختاري اي صفه
LOLI :
الكدب
LOLI :
لانه بدايه الخيانه وكل الشرور الي في الدنيا
LOLI :
كل حاجه فيها معصيه فيها كدب
@ * @ ؟؟؟ علامــــات استفهــــــام ؟؟؟ @ *@:
هاقلك مجموة كلامت تعلقي عليها باول مايخطر بنخيلتك
@ * @ ؟؟؟ علامــــات استفهــــــام ؟؟؟ @ *@:
السعاده
LOLI :
رضا
@ * @ ؟؟؟ علامــــات استفهــــــام ؟؟؟ @ *@:
الغرور
LOLI :
نهأيه
@ * @ ؟؟؟ علامــــات استفهــــــام ؟؟؟ @ *@:
الالم
LOLI :
بكرهه
@ * @ ؟؟؟ علامــــات استفهــــــام ؟؟؟ @ *@:
الامل
LOLI :
حياة
@ * @ ؟؟؟ علامــــات استفهــــــام ؟؟؟ @ *@:
الندم
LOLI :
واقع اليم
@ * @ ؟؟؟ علامــــات استفهــــــام ؟؟؟ @ *@:
الماضي
LOLI :
فرح والم
@ * @ ؟؟؟ علامــــات استفهــــــام ؟؟؟ @ *@:
الحباه
LOLI :
مكتوبه
@ * @ ؟؟؟ علامــــات استفهــــــام ؟؟؟ @ *@:
السياسه
LOLI :
لوغاريتمات
@ * @ ؟؟؟ علامــــات استفهــــــام ؟؟؟ @ *@:
الغموض
LOLI :
اخت السياسه الصغيره
@ * @ ؟؟؟ علامــــات استفهــــــام ؟؟؟ @ *@:
اكتر 3 شخصيات اثروا في لولي من خلال ابن مصر و ياريت بلاش الاجابه المعهوده عشان مظلمش حد
LOLI :
حاضر
LOLI :
نبض القلب
LOLI :
حسوني
LOLI :
لونلي
@ * @ ؟؟؟ علامــــات استفهــــــام ؟؟؟ @ *@:
شايفه ايه اللي ينقص ابن مصر حاليا من وجهة نظرك
LOLI :
الدعايه وتفاعل الاعضاء
@ * @ ؟؟؟ علامــــات استفهــــــام ؟؟؟ @ *@:
تحبي تضيفي حاجه يافندم قبل مانختم و نروح لاستوديو ابن مصر
LOLI :
انا اضيف
LOLI :
انا غلبااااااااااااااان
LOLI :
ياعم يلا للصالون
@ * @ ؟؟؟ علامــــات استفهــــــام ؟؟؟ @ *@:
نكمل في استوديو ابن مصر
@ * @ ؟؟؟ علامــــات استفهــــــام ؟؟؟ @ *@:
cut
عاجبني نشاطك يا باسم والله... :iuby
مش كلام الليل ممسوح بزبده ... احسن ازعل 
؟
