حياكم الله أخوتى
العيد قرب
كل عام وأنتم إلى الله أقرب
وكمان
أول ذى الحجة يوم الأحد بإذن الله
وأول يوم من أيام الأجر فيها كبير
تخيل إن العمل الصالح فيها أفضل من الجهاد
عن ابن عباس أن النبى صلى الله عليه وسلم قال
((ما من أيام العمل الصالح أحب إلى الله عز وجل من هذه الأيام يعنى أيام العشر
قالوا يارسول الله ولا الجهاد فى سبيل الله
قال ولا الجهاد فى سبيل الله إلا رجل خرج بنفسه وماله ثم لم يرجع بشئ من ذلك))رواه البخاري
يعنى مفيش أجمل من أنك تصوم نهارهم وتقيم ليلهم
وتحيى قلبك بالقرآن
وتتصدق
وتعطر لسانك بذكر الله
مممممممممممم
بس أصل أنا عندى إمتحانات
وأنا بكسل أصلى قيام
والدنيا برد
.
.
طيب
هيا الجنة مش رخيصة
ولازم تتعب شوية
لما أنت نايم
وواحد تانى قايم وأتوضى والدنيا بررررررررد
والسرير دافى
والنوم فى الشتا أجمل
وساب كل ده
وقام علشان يقابل حبيبه
يناجيه ويدعيه
ويقول يارب أنا سايب كل حاجه علشانك
طيب أصل ممكن تروح عليا نومه
خلاص
صلى قبل ما تنام
ولو عرفت تقوم فى الثلث الأخير يكون أحسن
لو مش عارف متضيعش أجر القيام
وصلى قبل النوم
والصيام
بجد عمره بإذن الله ما هيعطل عن المذاكرة
ولا هيتعب فى الأمتحانات
بالعكس ربنا هيكرمك ويعينك
همتكم يا شباب
دى أيام غالية على ربنا
شجع ماما وبابا واخواتك
على الصيام
وجمعهم واقرءوا قرآن
ذكرهم بأذكار الصباح والمساء
متخليش حد يكسل عن صلاة الفجر
وتأكد أن الجنة لازم تتعب من أجلها
وان عمر تعبك ما هيكون من غير أجر....
هاه
مين ناوى يجتهد فى الأيام دى
مين ناوى يصوم
ويقيم الليل
من ناوى يتخلى عن ذنب متعود عليه علشان ربنا
ومين ناوى يحسن من أخلاقه
ويصلح عيوبه
مين..؟؟
مين عايز الجنة....؟؟؟
مين عايز ينضم لقوافل الصائمين القائمين...؟؟؟
اللى هيدخل يرد
ميشكرش
لأ
اللى هيدخل يرد يقول أنا معاكم
علشان يشجع غيره....
وقبل ما يرد
يقول
اللهم أجعل كل أفعالى وأقوالى خالصة لوجهك
ويجدد نيته
النمط الخطي
