مجلس الشعب يقاطع الفراخ بسبب أنفلونزا الطيور

[محمدحسين]

امتنع مطعم مجلس الشعب عن تقديم وجبات الدجاج بعد إحجام النواب عن تناولها خوفا من الإصابة بمرض انفلونزا الطيور.
قال النائب الدكتور حمدي حسن امام لجنة الصحة بالمجلس امس اثناء مناقشة طلب الإحاطة الذي تقدم به حول انفلونزا الطيور، انه توجه إلي مطعم المجلس وطلب وجبة دجاج وفوجيء بالعاملين يخبرونه بان المطعم قاطع الدجاج منذ فترة طويلة بسبب انفلونزا الطيور

[محمد خطاب]

حسبنا الله ونعم الوكيل

هما يعنى فالحين يصقفوا ويهللوا ويقولوا مافيش مرض ووقت الاكل يهربوا
فضيحة والله بجد
ربنا ان شاء الله يحرمهم من طعمها الجميل ده طول عمرهم

[maysam]

ههههههههههه الشعارات دايما في واد والتطبيق في واد تاني
بس نحن عرفنا خلص ان الفراخ لما تكون مطبوخة مش مشكلة يا ريت حد يقول لهم ويطمنهم

[dalia]

هههههههههههههههه

لا بلاش يا ميسم حد يقولهم و لا يطمنهم
خليهم كدا خايفين

علشان لو هما اطمنوا الفراخ هترجع ((( تغلي ))) تاني
و كدا هتضيع علي الشعب فرصة انهم ياكلوا فراخ او يتصورا و هما بياكلوها

تحياتي

[محمدحسين]

النواب بتوعنا فكرونى بفيلم للمرحوم فرفر ( فريد شوقى )
وكان تاجر لحوم فاسده وفى مشهد قاعد فى يفطر والسفرجى جايب له لحوم مطبوخه فقاله فرفر أوى تكون من اللحمه بتاعتنا قال له لا يافندم
اهو النواب بتوعنا يمنع اكل الفراخ خوفا على أنفسهم أما الشعب فياكل الزلط
المهم هى دى تعليمات الدكتور شرور ربنا يكرمه
بكره تطلع موضه ويقولك شوربه الدكتور شرور اللى بتمنع انفلونزا الطيور

[بكــار]

انا فعلا سمعت اخبار كتيره ان القصر العينى سجل حالات وفاه فعليه بسبب انفلونزا الطيور
وكمان سمعت ان عندنا فى مدينة الطلبه يوميا فيه حاللات اصابه ومع ذلك مش بيمنعوها