كارثه كادت تودى بحياه الالاف

[محمدحسين]

تدخلت العناية الإلهية لإنقاذ‏40‏ ألف مواطن في منطقة طموه جنوب الجيزة في مصر، من كارثة محققة بعد تسرب كميات كبيرة من غاز البوتاحاز من الخزان الرئيسي لشركة الغازات البترولية بسبب كسر المحبس الرئيسي للخزان الذي يسع نحو‏200‏ طن من الغاز‏.‏
وقد هدد الحادث بإصابة الآلاف من المواطنين بالاختناق‏,‏ أو اشتعال حريق مدمر إذا حدث شرر كهربائي‏,‏ أو ظهور مفاجئ لأي مصدر لهب بعد تشبع هواء المنطقة بالغاز‏.‏
وهرعت إلي مكان الحادث قيادات أمن الجيزة والدفاع المدني والحريق ووزارة البترول‏,‏ وتم عمل كردون أمني لمنع المرور نهائيا بالمنطقة‏,‏ وإخلاء مكان المنازل المحيطة بالخزان‏,‏ وإغلاق طريق القاهرة ـ الإسكندرية لأكثر من ساعة‏,‏ وتحذير الأهالي من التحدث في الهواتف المحمولة‏,‏ والاستعانة بسيارات مجهزة لشفط ما تبقي من غاز داخل الخزان وسط حالة من الخوف والرعب التي اجتاحت سكان المنطقة‏.
ولم يسمح بالمرور‏,‏ وعودة الحركة إلي طبيعتها إلا بعد فترة من قياس نسبة الغاز في الهواء‏.

[محمدحسين]

تدخلت العناية الإلهية لإنقاذ‏40‏ ألف مواطن في منطقة طموه جنوب الجيزة في مصر، من كارثة محققة بعد تسرب كميات كبيرة من غاز البوتاحاز من الخزان الرئيسي لشركة الغازات البترولية بسبب كسر المحبس الرئيسي للخزان الذي يسع نحو‏200‏ طن من الغاز‏

طبعا لو الصيانه اللازمه بتم فى الوقت المناسب وبالاسلوب المتعارف عليه عالميا وفق معايير السلامه وماكان هذا يحصل
طبعا الاهمال ثم الاهمال الذى أصبح يهدد حياتنا فى كل موقع
ويخرج لنا المسئول الذى قد نجده فى الساحل الشمالى صيفا أو فى شرك الشيخ شتاءا سيقول قضاء وقدر
ولو ماتوا ولاسمح الله سيصرف لكل ‘ائله 100 جنيه من السيد المحافظ ويفتحوا باب التبرعات لاسرهم
ياعالم حرام حرام
وكفاينا بقى
لايغير الله مابقوم حتى يغيروا مابأنفسهم

[maysam]

الاستهتار والاهمال!!!!
والله شيء محزن!
فعلا لولا ان ربنا هو اللي حماهم ولا كان حصلت كارثة بالمعنى الحقيقي!!!

[مستكة]

طب ايه الجديد

علي فكره مش ياس ولا احباط بس خلاص حقيقي الواحد تعب من اللي بيحصل ده كل يوم يحصل كارثه اجمد من اللي قبلها وتاني يوم يصاب الجميع بالزهايمر ولا كان حاجه حصلت وترجع ريما لعادتها القديمه

بجد بجد مش عارفه اقول غير حسبي الله ونعم الوكيل مش في المسؤلين بس لا في كل الناس

[محمد خطاب]

السلام عليكم ورحمة الله وبركاته

يا استاذ محمد من 6 سنين بالظبط حصل حاجة مشابهة كده فى منطقة الوراق وهيا تبعد عنا بنحو 15 كيلو متر وبرضه حصل تسرب فى الغاز او انفجار احد المواسير ... تخيل كده اننا كنا فى امبابة مخنوقين من ريحة الغاز وتم اطفاء كل شئ الكهرباء والسجائر حتى القهاوى أطفئت الفحم بتاع الشياشة

وبالرغم من كل اللى حصل وبيحصل وحيحصل ده
حيفضل المصرى ماشى ببركة ربنا فقط دون تدخل بشرى منه ودون الاعتراف بالاسباب

[محمدحسين]

مش عارف أخره البركه وطنش تعيش وهنعمل أيه وأحنا عملنا الى علينا والباقى على ربنا كلمات تغوص بنا الى القاع وأصبح الانسان لاقيمه له
أيضا كل فتره تقرأ عن موت عمال الصرف الصحى الذين ينزلون داخل البلوعات مع أنه لابد ان يلبس ماسك ضد الغازات السامه وكل مره يصل السيد المحافظ والسيد الوزير ويقرر صرف مبلغ المائه جنيه للشهداء ويرجع يكمل قاعدته فى الشرم او الساحل الشمالى أو يأخذ المدام والاولاد اوربا اسبوع اعتذارا منه عن الاخبار السيئه التى عكرت مزاجهم
ربنا يتولانا برحمته ويرحمنا من .................