اهلا سوكا
موضوع غريب ومؤسف فى الوقت نفسه
بعد اذنكم انا حاتكلم عن القصه نفسها وبعد كده اتكلم فى موضوع الاهمال الطبى عامه
انا لا اعرف صحه القصه تماما لذلك ساحكم على ما هو امامى هنا
على ما فهمته من القصه ان المريضه بعد العمليه(ممكن يكون بعد عده ايام كمان) كانت فى المستشفى ولما حست انها تعبانه وما فيش تحسن طلبت خروج على مسؤليتها وتوجهت لطبيب اخر(ده ردا على تساؤل ميسم ازاى خرجت مباشره بعد العمليه)
نيجى بقى للطبيب الاخر,,,الطبيب كشف عليها ووجد ما يشير الى وجود نزيف بالبطن فغالبا طلب منها اشعه,,الاشعه اللى فى كل الدنيا لمثل هذه الحاله 3 انواع : اشعه عاديه واشعه موجات فوق صوتيه (تليفزيونيه) او سونار واخر نوع الاشعه المقطعيه على البطن
الطبيب غالبا عمل لها السونار الى وضح وجود سائل بالبطن (النزيف)
لكن ما فيش اشعه فى الدنيا ممكن تبين وجود صرصار,, لانه ببساطه الصرصار لايحتوى على عظم تظهره الاشعه ولا يحتوى على كالسيوم تظهره الموجات فوق الصوتيه
الطبيب لما وجد السائل ده طلب من المريضه انها تعمل عمليه استكشاف لمعرفه سبب النزيف فى البطن ايه(ممكن يكون غرزه اتفكت وهما بيخيطوا الرحم وممكن يكون جرح داخلى لم يره الجراح او وعاء دموى صغير سها عنه الجراح)
لما فتح بطنها لقى الصرصار....وللعلم ايضا مستحيل يكون سبب النزيف
طيب الصرصار وصل بطنها ازاى؟؟؟!!!
تخيلى كالاتى : غرفه عمليات غير نظيفه ممكن طبعا يكون فيها صرصار تسلق ترابيزه العمليات حتى وصل الى بطن السيده,, لما الجراح بيخرج الجنين من رحم السيده بيضعه على ترابيزه صغيره بجواره ممكن فى اللحظه دى الصرصار وقع جوه بطنها المفتوحه وهنا الممرضه المساعده كانت فين؟؟؟؟ لان ده طبعا مش الصرصار الخفى
حيبتدى الجراح يقفل بطن المريضه بيسال الممرضه اللى معاه ادواتك كامله؟؟؟ قطع الشاش اللى استعملناها كامله؟؟ ولما بتدى له التمام على كل حاجه بيقفل البطن
ده مش دفاع عن الطبيب ابدا,,فهو يبقى المسئول الاول عن اى شىء يحدث للمريضه نتيجه العمليه
لكن ده محاوله منى لتخيل القصه كما حدثت ولا ننسى ان الصحف عاده تحاول كتابه مثل هذا الخبر باسلوب مشوق بعض الشىء على حساب الحقيقه الكامله
نيجى بقى لموضوع الاهمال الطبى او الاستهتار زى ما بيقول احمد
انا بعدت عن مصر لعملى بالخارج فتره ليست بالقليله وعندما رجعت فؤجئت بما يحدث فى مصر فى الطب والعيادات والمستشفيات
صدمت بصراحه اننا تحولنا للطب التجارى بهذه الصوره الفجه على حساب المريض
ذهلت من اسعار الكشف والاقامه والعمليات والدواء
معلش حاقول حاجه هنا
والدتى رحمها الله ادخلتها الرعايه المركزه فى احدى المستشفيات "الاستثماريه" يومين وكان الحساب فوق ال 9000 جنيه ولم يتم عمل اى عمليه وتنازل كل الاطباء اللذين قاموا بعلاجها عن اتعابهم وتم خصم 20 % لى لكونى طبيبا الرقم اللى قلته ده بعد الخصم وكل حاجه!!!!!!!
الله...ايه اللى بيحصل فى مصر ده؟؟!!
استاذنكم حاكمل بعدين لانى متضايق دلوقتى فعلا
النمط الخطي
