|
انا ليا راى فى هذا الموضوع
الطرفين غلطانين
بس الغلط الاكبر يقع على ميدو
ياما شفنا رونالدو وزيدان بيتغيروا وغيرهم ما حدش عمل كده ابدا
حتى من "عبط" ميدو لما مصطفى عبده كلمه فى التليفون على الهواء مباشره فى التليفزيون لما يبدى اى بادره اعتذار او ندم وبمنتهى البجاحه رد وقال لا مدرب توتنهام ما بيغيرنيش !!! وانت يامصطفى عبده او الخطيب او حسن شحاته ما كنتوش بتقعدوا احتياطى.....صدق من قال عيل
حس شحاته غلطته انه لم يتعامل مع الموقف كواحد كبير,,كان مفروض ادى له ضهره وما يقمش خالص ويعمل التغيير اللى شايفه صح وهو قاعد رجل على رجل...لكنه اصلا خفيف ومرعوب,,بيعمل التغيير وايده على قلبه,, ومن الاشياء السيئه فعلا المدرب الجبان
فيه نقطه فنيه هنا,,هو كان عايز يدفع بعمرو ذكى فكان لازم اللى يتغير ميدو مش عماد متعب لان ميدو وعمرو بيلعبوا تقريبا بنفس الطريقه هجوم مع ميل للاجناب انما متعب هجوم فى الوسط لو كان شال متعب مع سوء مستواه ما كانش حيبقى فيه راس حربه فى وسط عمق الهجوم...ده اعتقادى
حتى لو بعد الشر خسرنا البطوله عشان سى ميدو ما لعبش مش حتتهد الدنيا,, لا اول ولا اخر بطوله نخسرها ولا هى حتى كانت مؤهله لكاس العالم ولا حاجه
لكن لو كان اللى عمله ميدو ده مر دون عقاب رادع كنا حنبقى فرجه للعالم
تحياتى
__________________
أفعل ما شئت ... كما تدين تدان
|
النمط الخطي
