خطوبة جمال مبارك الجمعة

[محمدحسين]

خطوبة جمال مبارك الجمعة





جمال مبارك

ذكرت صحيفة "الأهرام" المصرية يوم الأحد أن جمال مبارك نجل الرئيس حسني مبارك سيحتفل بخطوبته يوم الجمعة القادم في حفل عائلي خاص.

وقالت الصحيفة في خبر نشرته في صفحتها الأخيرة إن خطيبة مبارك "الإبن" هي إبنة المهندس محمود يحيى الجمال ، ولكنها لم تذكر أي تفاصيل أخرى.

جدير بالذكر أن جمال مبارك - 42 سنة - لم يكن قد تزوج أو أقدم على تجربة ارتباط رسمية حتى الآن ، على عكس شقيقه علاء الذي تزوج من هايدي ولديه منها ولد اسمه عمر.



ويشغل مبارك "الإبن" حاليا منصب الأمين العام المساعد للحزب الوطني الديمقراطي الحاكم ، وهو أيضا أمين لجنة السياسات بالحزب ، وينظر إليه المراقبون على أنه المرشح المحتمل لخلافة والده ، إلا أنه نفى في أكثر من مناسبة سعيه إلى ذلك.

[حدوتة]

مبارك على ابن مبارك الجواز السعيد
اكيد عايز مساعدة
يعنى لو فيه شقق بالتقسيط للشباب حد يبعت له
ياحرام زمانه مش لاقى تمن القاعة علشان كده عمله حفل عائلى
ياجماعة أكتتاب علشان اخوكم فى زنقة يعنى الفرح والشبكة والذى منه
شكرا يامحمد على الخبر السعيد من زمان نفسنا فى خبر يفرح عقبال كل الشعب مايتجوز

[محمدحسين]

أيوه هيجيب جوز للشعب علشان يتجوز ههههههههههه
بيقولك زى علاء هياخذ شقه فى أسوان وشقه فى أسكندريه وبعدين يفتحهم على بعض

[maysam]

هههههههه عجبني تعليقك يا حدوتة

عموما مش كنت تجيب لنا صورتها يا محمد عشان نقول رأينا فيها

[محمدحسين]

زغروده ياحبايب
والحاضر يقول للغايب
بكره هنجوز ونبقى حبايب

مش عارف ياميسوم يدفع ثمن الصور والمصور حاجز الفيلم عنده على رأى حدوته بس نلم ثمن الفيلم ونعرض عليكم الصور

[Half-Magic]

دى معلومات عن العروسة يا ميسومة..
خديجة (24 عاما) ولدت في عام 1982 (24 عاما) وتخرجت العام الماضي 2005 في الجامعة الأمريكية بعد حصولها قبل ذلك على الشهادة الثانوية من المدرسة الألمانية بالقاهرة.

*************

ده بقى تعليق ساخر عجبنى جدا جدا عن هذا الخبر .. اسمحلى يا زعيم انى انقله لكم و اشارك به ...

طيب دلوقتى لية الفرح عائلى . يعنى أنا كدة مش حاروح ؟ دة أسمة كلام بردة ياجيمى ؟ طب واللة أزعل منك لو عملتها من غير ماتعزمنى على العموم أنا حاعرف الماكان وحاروح . بس لو عملتوة فوق السطوح يبقى مش حاعرف آجى . طب أعزم أى حد يمثل الشعب المصرى . بس بلاش والنبى الأخ حسين بيئة . قصدى حسين كامل . أعزم أى حد تانى وخلاص . بس بلاش كمال الشاذلى خلى الليلة تعدى على خير . ولا أقولك أعزمة وأنت بتكتب القايمة . لو معجبكش كلام أبو العروسة سلطة علية وهوة يخرب لك الدنيا زى ماكان بيعمل مع المعارضة . هوة أخبارة أية دلوقتى ياجيمى ؟ والله وحشتنا طلعتة البهية !! وياترى مين اللى حايكتب الكتاب ؟؟ بلاش تجيب الراجل اللى بينام وهوة بيتكلم دة ويحسسك بالغلب والمسكنة . عارفة ؟ اللى قال أنة لآ يجوز الأساءة للرسول لأنة مات !! هات أى حد تانى أحسن ولو ماعندكش حد قولى . آجيبلك الواد زلطة . هوة كان نشال بس مربى دقنة دلوقتى وعامل فيها شيخ . ينفع دة ياجيمى ولا ماينفعش ؟ وعملت أية ياجيمى فى الشقة ؟؟ الحق أحجز شقة فى مشروع الشباب يس ماتروحش من غير واسطة . لأن الشقق دى ياجيمى بيحجزوها الموظفين اللى شغالين فى المشروع بأسامى ناس قرايبهم وبعدين يبيعوها ويتاجروا فيها . أقولك حاجه كلم وزير الأسكان وخلية يحجز لك شقة فى القاهرة ولو طلعت ضيقة خلية يحجز لك شقة فى مرسى مطروح وبعد ماتستلمها خلية يفتحهملك على بعض من القاهرة لمطروح . ولا حد يقدر يفتح بقة لعلمك . شفت بقى أنا بفكر حلو أزاى . وبالنسبة للحكم . ماتقلقش من أى أى حاجة . سيبك من اللى بيعارضوا . ماهو طول عمر المعارضة بتتكلم . حد سمع لهم كلام . هوة فية أسهل من الكلام ؟ احنا نتكلم ونتكلم حلو قوى وربنا يخليك لينا ونتكلم ونتكلم .. وعلى رأى المثل مين يقرأ ومين يسمع ؟؟ .على العموم وربنا يتمم بخير وماتنساش تسلم على محمود الجمال وطمنة وقولة أى مقاولة عاوزها حايخدها وهما نايم فى البيت وقولة ماحدش يقدر يدخل قدامك فى مناقصات من أول دلوقتى . وعلى رأى المثل مصائب قوم عند قوم فوائد .. واللى لة ظهر ماينضربش على بطنة .. حلو قوى المثل دة . أيه رأيك بقى ياجيمى بزمتك مش أنا دمى خفيف ؟؟ كانت أمى دايماً تقول كدة يرد أبويا يقول لها القرد فى عين أمة غزال .. أكيد أبويا بيهزر . قال قرد قال .. وأنشاء اللة لينا لقاء قريب هوة أحنا حانروح من بعض فين ؟؟ دة على الأقل حانقعد مع بعض 24 سنة كمان . والأيام بتجرى بس بقولك أية ياجيمى . نصيحة غالية قوى أول ماتمسك الحكم أنشاء اللة عاوزك تبنى فى كل حى 4 مستشفيات أمراض نفسية لأنة فعلاً الناس محتاجاهم ومش حاقولك مين السبب محاسيبك تفكر شوية .. وكفاية كدة علشان محدش يزهق منى بجد .. كل الشكر ....

[محمدحسين]

وأنشاء اللة لينا لقاء قريب هوة أحنا حانروح من بعض فين ؟؟ دة على الأقل حانقعد مع بعض 24 سنة كمان . والأيام بتجرى بس بقولك أية ياجيمى . نصيحة غالية قوى أول ماتمسك الحكم أنشاء اللة عاوزك تبنى فى كل حى 4 مستشفيات أمراض نفسية لأنة فعلاً الناس محتاجاهم ومش حاقولك مين السبب محاسيبك تفكر شوية ..

تعليق جاء فى وقته ياماجيك وفى الجون صحيح كله حقيقه بس لان هذا الجزء جاء على الجرح
والى اللقاء بعد 24 سنه أخرى

[sehr_3inik]

ههههههههههههههههههه


ازيك ياابيه وازيك يامحمد

بدل ما تفرقو الشربات في كل حته واقفين نتفرج كده

اخص علينا منستحقش الجمايل اللي اونكل جمال بيعملها معانا

عموما

مبروك ياباشا اما نشوف شبكتك هتكون ايه هههههههههه

تسلم ايدكو على التعليقات والواحد مش عارف يضحك ولا يبكي عليها

من اختكو في الله شوشو

[محمدحسين]

بس الحمد لله
كان مستنى لما يكون نفسه
بيقولك أتفقوا على غرفتين على النوم والسفره على العريس والصالون والانتريه على العروسه
والفرح بالنص
وفى واحد صاحبه عنده شليه فى الساحل هيعطيه له اسبوعين يقضى فيه شهر العسل
بصراحه مدبر وعصامى من مصروفه حوش لغايه ماجاب الشقه وهيتزوج
كل واحد فى الشعب لازم ينقطه
أنا عن نفسى هانقطه بسكاتى

[عتاب]

ههههههههههههههه
انا كمان ممكن انقطه بسكاتى الف مبروك وعقبالنا جميعا
وبعدين ياجماعه عيب كده سايبين الراجل محتاس وقاعدين تتكلموا
طيب حد فكر في الفستان علي مين؟ والا الكوافير طيب والعربيه اللي هايتزف فيها علي مين
هايأجرها والا هايستلفها من معارفه مش برضه تحلوا له المشكلة دى؟
ياجماعه سيبكم من الكلام اتصرفوا اخوكوا مزنوق وكل واحد و له يوم
بس المهم فعلا انه يورينا العروسة عشان نشوفها ونقول رأينا
المهم ان ماما سوزان تكون راضيه عنها برضه حماتها ولازم ترضيها
عقبال عند الحبايب لما يرزقكم بحما زى ماما سوزان

[محمدحسين]

ماما سوزان وعدت تفتح مكتبه للطفل فى شقه العروسين

[Half-Magic]

المشاركة الأصلية بواسطة محمدحسين

ماما سوزان وعدت تفتح مكتبه للطفل فى شقه العروسين

هههههههههههههههه.... جامدة قوى

[محمدحسين]

بيقولك بيقولك كل واحد من المدعوين هيأخذ قطعه جبنه من الجبنه الضاحكه وكتاب علشان مهرجان القراءه للجميع
وفى أخر الفرح كل واحد يحط فى الكتاب النقطه بتاعه العريس قبل مايلموا الكتب
وخالوا ثابت هيعمل دور اوليمبيه أحتفالا بهذه المناسبه.

[محمدحسين]

المهم ربنا يستر لما الموكب الرئاسى يبتحرك البلد كلها بتوقف أمال لم جمال هيخطب هيحصل أيه
ماحدش ينزل الشارع يوم الجمعه والا هيرجع بيتهم السبت

[MoHaMeD NaSSaR]

مبروك هههههههههههههههههههههههههههه

بس كبير شوي عليها