باشا !!!!!!!!!

[بكــار]

اول يوم ليا فى السكن الجديد

وانا نازل الصبح
لقيت الدكتور جارنا نازل هو كمان عشان مش عارف اسمه
قلتله صباح الفل ياباشا
قالى صباح الخير
اول ما وصلت البواب قلتله صباح الخير يا باشا ؟؟
وانا رايح على الجامعه كسلت امشى ركبت تاكسى
قلتله لو سمحت وصلنى الزراعه ياباشا ؟
نزلت وحاسبته قلتله شكرا ياباشا
اول ما دخلت الكليه صبحت على حارس الامن
قلتله صباح الفل ياباشا ؟
وانا ماشى فى الطرقه قابلت واحد صاحبى ناسى اسمه
قلتله صباح الفل ياباشا ؟؟
اول ما دخلت المدرج مش لقيت ولا واحد اعرفه
قعدت فى بنش جار واحد سلمت عليه وقلتله ياباشا ؟
نيجى بقى لموضوعنا

كلمة باشا اصبحت شائعه جدا فى الفتره الى فاتت واصبح الكثير منا
يتناولها بشكل كبير
فماذا تعنى كلمة باشا وبعد بحث وتنقيب توصلت للاتى
كنت أعتقد أن كلمة باشا لقب ألغته الثورة فى بدايتها.. وفى ذهنى الكلمة تركية.. لكن الكارثة أنها فارسية.. وتعنى حذاء الملك!!
وكانت تمنح بحق.. حيث إنها أى الحذاء.. أقرب الى الملك من أى شيء آخر!
والحذاء هو الأقرب.. وكان الكثيرون يتمنون أن يكونوا الأقرب الى الملك..!
وأصبح الحذاء.. منحة.. يهبها الملك لمن يريد أن يقترب منه.. ويكون بجانبه.. وتبارى الأعيان فى الاقتراب من الملك.. حتى أصبح اللقب يباع لأهميته الاجتماعية والاقتصادية!!
فهو يجلب الخير لحامله.. ويفتح له الأبواب المغلقة!! وعندما ألغت الثورة الألقاب كانت تعنى حماية واحترام الانسان!!
ولكن الباشوات ما قبل الثورة حزنوا حزنا شديداً..!!
والآن.. وبعد أن تداول اللقب وأصبح يطلق على كل من يريد الصعود.. أصبح اللقب يختلف عن زمان!!
حيث كان الباشا صاحب الوسايا والاقطاعيات ويملك الآلاف من الأفدنة.. وكذلك ما عليها من بشر.. أليس هو الباشا الأقرب الى الملك؟
وهل هناك أقرب من الملك سوى حذائه!! ومازال الملك هو الملك.. والباحثون عن لقب الباشا هم هم ولم يتغيروا..!!

هههههههههههههههه
استغربت جدا
وانا شايف الفرحه على عيون الناس وانا بقلهم يابشوات

المهم انتوا ايه رأيكم ؟؟
وعلى فكره انا استعنت بالبحث فى معرفة معنى الكلمه

[أحمدكمال]

شوف يا باشا
موضوع جميل جدا جدا...

كتير قوي بنتربى على مرادفات منعرفش اصلها ايه وهي ايه...
وبيتحول الامر الي عادة وموروث ...يطبق دون وعي

اعتقد ان اكثار الناس من استخدام كلمة باشا ...
ماهو الا تفريغ لما حدث من قبل..
او اعلان منهم بان الكل اصبح بشوات ...
اما استخدامنا ليها الان فما هو الا من سبيل الموروثات الاجتماعية

اهلا بيك يا ابراهيم

[maysam]

حلوة المعلومة دي يا ابراهيم
بس اكيد الناس بتتداولها لمفهوم تاني ومش بيخطر ببالها المعنى الحقيقي
هي كلمات نتاج الطبقية والارستقراطية وغيره
وعموما هي متداولة بشكل كبير من ملاحظتي في مصر اكتر من الدول التانية العربية على حد علمي

[صايع بحر]

ازيك يا إبراهيم
موضع حلو قوى
اصل فى الحقيقة الموضوع بيحصل مع 90% او اكتر من كده من الشباب اليومين دول
اى حده مش فاكر او مش عارف اسمه بتقوله يا باشا
اصل بيبنى وبينك مفيش كلمة تانى نقوله !!!!
يا.... يا ايه ؟ يا بشمهندس ؟ تقيله مش كده ؟
ههههههههه
شكرا يا هيما على الموضوع وعلى المعلومه
ان اصلها فارسى يعنى , علشان انا كنت عارف ان معناها حذاء الملك

[أحمدكمال]

معلي يا صايع بحر
ملكش دعوة بالمهندسين
قال تقيلة قال

[مايـــاااااا]

اهلا بكار
معلومات جميله عن معنى كلمة باشا فعلا مكنتش عرفاها
انا فعلا لاحظت انتشار كلمه باشاا بدلا من ياباشمهندس اللى كانت منتشره لكل من هب ودب كان يتقاله ياباشمهندس على اساس انه باشمهندس فى صنعته يعنى
دلوقتى كلمه باشااا منتشره جدا فى المجتمع المصرى فعلا
واللى يعيش ياما يشوف لما نشوف قريب بقى بعد باشا ايه الكلمه الجديده اللى هاتنتشر بين الشعب المصرى ؟
نورت بكار وشرفت البيت بيتك