متى تنتهى ستار اكاديمى؟

[نيهال]

السلام عليكم اصدقائى
كتير مننا تابع حلقات ستار اكاديمى.....ولن اتطرق للتجاوزات الاخلاقيه مع انها مهمه قوى..
ولكن موضوعى عن امتى حنقول مش حنصوت لهذا البرنامج ...كل سنه بييجه بهلمه كبيره وتغيير ...
قصدى التجاوز والتزوير اللى حصل امس فى النهائيات .....
اللى متابع منكم حيفهم قصدى كويس....لان اللى حصل بجد تزوير وملهاش حل تانى .
اللى حصل ان النتيجه اتغيرت.....اتاخد اصوات من هانى وراحت لجوزيف بمنتهى السهوله......ليه ؟ لان الخطه السنه دى لازم اللبنانى يكسب ايا كانت الوسيله,احنا سبعين مليون يعنى لو اتنين مليون صوتوا لهانى حسين(ودى نسبه صغيره قوى لشباب مصر الى تابع البرنامج غير الناس اللى ايدت هانى من الاول وحست انه يستحق الستار واللقب).....مستحيل يوصل اى حد للستار غيره...لكن ادى اللى حصل.
عموما مش مهم قوى اللقب لهانى لان اللى تابعته ان هناك شركات انتاج كثيره ستتبناه فنيا....
الموضوع وما فيه انى اتغظت من اللى عملوه بجد...مع احترامى لكل اللبنانيين, لكن بقبولهم هذا النجاح الزائف.....يبقى همه كمان عندهم زى اللى عندنا....فاهميننى طبعا؟
بجد نبقى غلطانين قوى لو صدقنا بعد كده ان فيه امانه اوديمقراطيه...

[مستكة]

يدعو دائما انه تلفزيون الواقع علي اساس انه واقعي ويصور لحظه بلحظه
واكبر دليل علي صدقهم انهم حتي الحمام ما تركوه يسلم من كاميراتهم
مش عارفه في الحقيقه بيضحكو علي مين بس علي الرغم من كده الالاف صدقوهم
او عايزين يصدقوهم علي الرغم من كل شيء
ال يعني مفيش مونتاج وقص ولزق وبلاوي سوده
هو البرنامج من اول يوم غش وتممثيل سبنا كل ده ووقفنا علي النتيجه
يا ستي معدتشي فارقه
ناس بيضحك عليهم وعارفين
وبتتاخد فلوسهم ويتنصب عليهم بمزاجهم وكامل ارادتهم
يستهلو باه
نفسي اقول رزق الهبل علي المجانين بس في حرمانيه في قولها
ربنا يشفي الناس ويهديها

[نيهال]

على قوللك ربنا يهدى الجميع..بس بجد هانى صعبان عليا لانه كان فعلا يستاهلها .....

[maysam]

للأمانة ،، انا ما تابعت البرنامج دا بس بسمع الناس كلها بتحكي فيه وكل العالم مشغولة فيه

انا شخصيا بصراحة ما انجذبت له نهائي ، اول ما عملوه اول مرة ظهر فيها قبل كم سنة حضرت منه كم حلقة بعدين من وقتها ما اعرف عنه اي شيء

ما فيش ديمقراطية يا نيهال ولا في القمر
لا اعتقد ان الديمقراطية المطلقة ممكن تحصل لاننا بشر وممكن نتحيز ونغلط والعاطفة تلعب دور في اللي بنعمله

بالنهاية حتلاقي كل شيء في الدنيا مبرمج لهدف معين
بس هو ايه ولصالح مين ..دا اللي بيظهر عادة فيما بعد!

[نيهال]

مرسيه يا مايسم على كلامك.....
كل اللى مطلوب الان حقا نعرف ازاى ده حصل ,,,فلازم الشركه المنتجه والقائمون على البرنامج يقولوا ايه اللى حصل.....هل هى خلل تقنى ام ماذا....

[sendrella]

ولا خلل تقني ولا حاجه ياستي

كل الموضوع زي ماقولتي الخطة موضوعه انه لازم السنه دي لبناني يكسب
اصل بصراحه شكلهم بقي وحش قوي البرنامج لبناني وادي تالت سنه ومفيش لبناني كسب عايزاهم يكسبو مصري مرتين اكيد لا



المشكله الاكبر من كده هدف البرنامج وطريقه الوصول ليه

التجاوزات فيه فاقت الحدود من كل البلدان
والناس كلها فلوسها رايحه علي التفاهات

وبعد م البرنامج خلص لو اتفرجتي علي كم الهياج اللي حصل للشباب وزعلهم علي هاني في الشات بار اللي موجود في قنوات الاغاني ماحصلتش لما أسيء للرسول عليه الصلاة والسلام وماحدش وقف وقفه بالكم اللي لاحظته ده
بجد حرام يبقي كل اللي شاغل الشباب تفاهات زي دي والمصايب بتزيد حولينا واحنا مش حاسسين


بجد ربنا يهدي

[نيهال]

ازيك يا سندريلا:
اولا لا تضعى موقف الاسائه للرسول عليه الصلاه والسلام فى مقارنه مع موضوع الاكاديميه ..لانه لا يليق بعظمه الرسول عليه الصلاه والسلام..انا معاكى انها حاجه تغيظ....لكن ارجع واقول لازم الشركه تعمل تصريح للى حصل لان ده تزوير مباشر...
وبالنسبه للتجاوزات الاخلاقيه(لم اكن اريد التطرق اليها لان راينا معروف كويس فيها ) ومع ذلك ..للاسف هيه موجوده منغير البرنامج....بدليل الاهالى للاسف فرحانين بما وصلت علاقه الشباب بالفتيات...عادى خالص
للاسف عادى خالص عندهم

[ward]

سوف ينتهى عندما تبطل العالم الهيافه

[محمدحسين]

لما رأيت تامر يزور ويهرب من خدمه الجيش ولازالت البوماته تباع ويدافع عنه البعض كأنه قديس
لااستعجب على بقاء برنامج كأستار أكاديمى الذى لايضيف شئ للفن ولكن فقط ينقص جيوب البعض الذى اهم له الا أرسال رسائل تصويت
وما هو المعنى لأستقبال هانى حسين أو غيره فى المطار مقابله الابطال
هل أضاف شئ لنا ؟؟؟

[نيهال]

المشاركة الأصلية بواسطة محمدحسين

لما رأيت تامر يزور ويهرب من خدمه الجيش ولازالت البوماته تباع ويدافع عنه البعض كأنه قديس
لااستعجب على بقاء برنامج كأستار أكاديمى الذى لايضيف شئ للفن ولكن فقط ينقص جيوب البعض الذى اهم له الا أرسال رسائل تصويت
وما هو المعنى لأستقبال هانى حسين أو غيره فى المطار مقابله الابطال
هل أضاف شئ لنا ؟؟؟

كيفك محمد؟
انا اقصد موضوع التزوير اللى حصل يا جماعه الخير......
وبالنسبه لهانى حسين ...اتمنى له التوفيق....وربنا يهدى الجميع

[محمدحسين]

انا اقصد موضوع التزوير اللى حصل يا جماعه الخير......

نهال لو طبق الديمقراطيه فسيكسب ممثل مصر كل مره لان عدد المصريين سبعين مليون لو صوت منهم بس 5 مليون وكل وأحد ارسل 5 رسائل تبقى الحصيله 25 مليون وسيتوقف مواطنيى الدول الأخرى عن الأشتراك فى البرنامج
والبرنامج فى الاساس تجارى ولايطبق الا القواعد التجاريه
لذلك لابد أن يزور فى النتيجه حتى يكسب مره سعودى ومره كويتى ومره تونسى وهكذا فيظل كل شباب الدول العربيه يشاركون ويرسلوا رسائل التى تحقق عائد للبرنامج عن طريق نسبه من عائد أستخدام خطوط sms

[نيهال]

محمد....اولا انا اسمى نيهال.....
عندك حق فى كلامك بس مش النتيجه بتكون هيك......بدليل اللى فاز العام الماضى سعودى..ابسط شئ ممكن ما يكون فى مصرى اصلا فى البرنامج......
ولو جينا من ناحيه الامكانيا فالسعوديه تصويتها فى البرنامج افضل مننا.....عموما اللى حصل حصل ..فيه كلام بيتقال ان الامير الوليد بن طلال كان بيريد جوزيف .....ايا كان صعب بعد كده حد يتابع البرنامج بعد الالم الجامد اللى خدوه......
انا اسفه ان الموضوع عن ستار اكاديمى لكن كل اللى غاظنى موضوع التزوير اللى حصل عينى عينك....وحبيت انى اكتب على موقف قابل شباب كتير
باعتذر مره تانيه انى اخدت من وقتكم

[مستكة]

من غير اعتذار يا نيهال
استار اكاديمي مش مجرد برنامج ده ظاهره القت الضوء علي حاجات كتيره مكناش واخدين بالنا منها
وتجاهله مش هيقلل من وجوده لانه اصبح امر واقع
علي الرغم من تفاهة المضمون والهدف الا اننا وجب علينا ادراك حلول لظاهره ان تركت ترسخت وبمرور الوقت سيصعب التخلص منها

[نيهال]

المشاركة الأصلية بواسطة مستكة

من غير اعتذار يا نيهال
استار اكاديمي مش مجرد برنامج ده ظاهره القت الضوء علي حاجات كتيره مكناش واخدين بالنا منها
وتجاهله مش هيقلل من وجوده لانه اصبح امر واقع
علي الرغم من تفاهة المضمون والهدف الا اننا وجب علينا ادراك حلول لظاهره ان تركت ترسخت وبمرور الوقت سيصعب التخلص منها

لا ادرى اذا كانت ظاهره ام لا بدليل ظهور بعض البرامج المماثله ولم تلقى هذا الرواج...اعتقد يعنى

[محمدحسين]

محمد....اولا انا اسمى نيهال.....

خطأ مطبعى يانيهال والله بس أنت دقيقه فى ملاحظتك يانيهال لانك حتى فى سؤالك وردك محدده هدف معين لاخروج عنه وهذا يعكس جزء من شخصيتك الدقه فى أختيار الاشياء وتحديد الهدف أولا

عندك حق فى كلامك بس مش النتيجه بتكون هيك......بدليل اللى فاز العام الماضى سعودى..ابسط شئ ممكن ما يكون فى مصرى اصلا فى البرنامج......

أنا أخذت المصرى كمثال ولكن فى النهايه أتفق معك أن النتيجه تخضع لعوامل كثيره غير الحريه فى التصويت