انواع الاولاد علي النت!!!!

[عتاب]

انا هاكتب الموضوع دا واجرى علي الله وربنا يستر انا حاسة ان شباب المنتدى هايستحلوا دمى بعد كده .علي العموم انا هاكتب الموضوع واستخبى في مكان ماحدش يلاقيني فيه


المرحلة الأولى : ( الي يدوبك لسه متعلم يدخل نت)

طبعا العمر يتراوح من 22 الى ما فوق ... وتلاقيه اول ما يدخل هاي ممكن
نتعرف انا فلان ومن الحته الفلانيه وتحسي ان فيه حنفيه معلومات اتفتحت
واي حاجة تقوليهاله يقولك يعني ايه مش فاهم وبعد كل كلمة يقولك اصل
انا لسه جديد في النت

والنوعية دي تنقسم
لقسمين :
1- يا اما متحمس وحط ف دماغه موضوع النت وعايز يتعلم
2- يا اما سمع من صحابه عن النت والبنات وجاي يجرب حظه

المرحلة الثانية: ( الي بيقعد على النت بس مش
كتير)
النوع ده كل كلامه انا مشغولياتي كتير ومبحبش النت والكلام ده وبعد ما
يكلم شوية يقولك ممكن نكمل كلام في التليفون انا اصلي مبدخلش النت
كتير ومليش خلق للكتابة والحاجات دي

والنوعيه دي تنقسم الى قسمين:
1- يا اما يبقى لحوح ويفضل يطلب نفس الطلب وصباح الملل
2- يا اما يبقى عنده عزة نفس وميلحش بس هيتعصب وهيقولك اعمليلي بلوك

المرحلة التالته : ( الي قاعد على النت ليل نهار)
ده بقى شرحه يطول وينقسم لعدة انواع
1- المقموص

ده بقى قاعد وحاطط ايده على زرار الزعل اي حاجة تقوليها تبقي بتقصديه
او بتقللي من شانه وبعد كام مرة كلام ممكن يقولك اديني نمرة تليفونك
ولما تعتذري هيقولك انا هحترم رغبتك وهيركبلك الوش الخشب ومن وقت
للتاني هتاخدي البلوك ف
وشك فنصيحه من اولها كده اديله بلوك وديليت

2- ابو دم خفيف
ده شلل مركز ومتعرفيش مين الي خدعه وقاله ان دمه خفيف وكل كلامه قفشات
وضحك والمفروض انك تكوني مجامله وتضحكي بس منصحكيش تيجي على اعصابك
3- المودي
دي بقة شخصية بتتنوع كل يوم على حسب المود وهتحسي انك بتكلمي واحد
عنده انفصام ف الشخصية النهاردة رزين وعاقل وبكرة لاسع وبعد يومين رخم
وبعدها كيوت وفريندلي طبعا الحكايه مش ناقصة
جنان كفايه الي الواحد فيه

4- اللزقه

والنوع ده عايز حزم ف التعامل معاه لأن كل كلامه انتي فين ؟ بتتاخري
في الرد ليه؟ انتي بتكلمي حد ؟؟ ياعم وانت مالك بتتحشر ليه ......ولو
قلتيله ثواني هيقولك ليه رايحة فين؟ متتاخريش ... ايه ده انتي لسه
مجيتيش ؟؟؟

5- الناصح
صباح الصداع مع كل جمله هتقوليها هتاخدي نصيحة وفيه عرض خاص قولي
جملتين وخدي اربع نصايح العرض مستمر حتى نفاد الكمية ........ولو على
منتدى زينا كده هتلاقيه بيقولك ليه حطيتي التوبيك ده وليه شيلتي
الصورة دي وحطيتي التانية انا انصحك انك تخليه يحصل اخواته الي فاتوا
يعني بلوك وديليت

6- الحبيب

انا فيا جاذبية وكل البنات بتعجب بيا ....... ايام ما كنت ف الكليه
كنت عامل ازمه والبنات بتتخانق عليا...... المصيبة بقى ان اي جمله
هتقوليها هيفهم ان انتي معجبه اصله مش بمزاجك هتحبيه يعني هتحبيه

7- حريقة بنات

ده بقى لو في منتدى او ميل جروب تلاقيه مركز على كل البنات ومبيعملش
اي حاجة تانية غير كده الكوميدي بقى لما يتلخبط ويعتقد ان الأسم ده
انثوي ويندمج وبعدين يطلع واحد صاحبه

8- الكداب

من اول الأسم والسن واي معلومة خدتيها كدب في كدب ومتعرفيش ليه ده بقى
انصحيه وخليه يغير اسمه على الماسنجر ويخليه مسيلمة الكداب

9- العبيط

ده هتلاقيه على طول حاطط صورته وذنب عليكي تتفرجي ويشيل الصورة دي يحط
التانية وكل شوية يفتح الكاميرا مع نفسه

10- بابا اوبح

ده ممكن يكون على النت من سنة 96 واتخرج واشتغل واتجوز وجاب عيال ولسه
قاعد يتعرف على بنات وكل ما يكلم واحدة يقنعها انه مش متجوز وبيدور
على عروسة وصباح السرحان ولو جربتي كل يوم تدخليله بايميل غير التاني
هتسمعي قصة حياته كل يوم مختلفة


منقوووووول

[maysam]

ههههههههههه يا سلام عليكي يا عتاب

والله انتي

يعني بجد انا وقعت من الضحك على بعض الانواع وكلها موجودة والحمد لله

بس جامدة جدا

[مستكة]

ههههههههههههههههه
ايه يا بنتي كل ده انتي بتاخدي كورسات من ورايا ولا ايه
لا بس بجد كلام حقيقي وموجود
ربنا يهدينا ويحفظنا
وعلي فكره للامانه كمان فيه بنات كده
وياما الواحد اتخدع في ناس بس الحمد لله عرفنا الموضوع ماشي ازاي
ههههههههههههه
بس برضه الحالات دي في الولاد اكتر من البنات بكتييييييييييير

[maysam]

صحيح يا مستكة في بنات برضو بنفس الاسلوب!!
كل انسان وله هدف في النت وهالشيء اكييييييييييييد

[نيهال]

على رايى مستكه وميسم ...بجد موضوع جامد قوى
ايه الحلاوه دى.......اينعم النوعيات دى قابلت منها شويه فى الاول لكن لما تقري عنهم بجد حاجه تفطس من الضحك
مرسيه يا عتاب على موضوعك

[عتاب]

المشاركة الأصلية بواسطة maysam

ههههههههههه يا سلام عليكي يا عتاب

والله انتي

يعني بجد انا وقعت من الضحك على بعض الانواع وكلها موجودة والحمد لله

بس جامدة جدا

انتى اللي وكفايا انك نورتى الموضوع
انا كده اطمنت ان ليا حماية لو حد من الشباب اتهور
عشان انا حاطة الموضوع ده كعملية انتحارية وربنا يستر

[عتاب]

المشاركة الأصلية بواسطة مستكة

ههههههههههههههههه
ايه يا بنتي كل ده انتي بتاخدي كورسات من ورايا ولا ايه
لا بس بجد كلام حقيقي وموجود
ربنا يهدينا ويحفظنا
وعلي فكره للامانه كمان فيه بنات كده
وياما الواحد اتخدع في ناس بس الحمد لله عرفنا الموضوع ماشي ازاي
ههههههههههههه
بس برضه الحالات دي في الولاد اكتر من البنات بكتييييييييييير

هههههههههههههههههههههه
باذاكر من وراكى
يمكن يكون فيه بنات كده بس مش بالفظاعه دى
اعتقد ان البنت حياءها بيمنعها تعمل الهبل دا كله
ومع ذلك مفيش مانع تكتبي موضوع عن انواع البنات علي النت

[عتاب]

المشاركة الأصلية بواسطة نيهال

على رايى مستكه وميسم ...بجد موضوع جامد قوى

ايه الحلاوه دى.......اينعم النوعيات دى قابلت منها شويه فى الاول لكن لما تقري عنهم بجد حاجه تفطس من الضحك
مرسيه يا عتاب على موضوعك

العفو يا جميل احنا في الخدمة
بنحاول بس نرسم بسمة علي وش اخواتنا في ابن مصر

[!!"NOUR"!!]

المشاركة الأصلية بواسطة عتاب

2- ابو دم خفيف

ده شلل مركز ومتعرفيش مين الي خدعه وقاله ان دمه خفيف وكل كلامه قفشات

وضحك

ههههههههههههههههههههههههه

تحفه يا عتاب

انا موت على نفسى من الضحك

موضوع جامد جدا

تسلم ايدك

[عتاب]

المشاركة الأصلية بواسطة !!"NOUR"!!

ههههههههههههههههههههههههه
تحفه يا عتاب
انا موت على نفسى من الضحك
موضوع جامد جدا
تسلم ايدك

ربنا يخليكي ياقمر ويسعدك دايما
واهلا بيكي في ابن مصر بين اخواتك
وعايزينك دايما معانا ياااااااارب

[=BASSEM=]

حلو الموضوع و احسن حاجه فيه بصراحه انه في منتدي الفكاهه


ها ها ها ها ها ها ها

[Mustang]

لاء راجل يا باسم ... افحمتها صراحة
تكملة الموضوع عشان انتى منقلتيش الموضوع كله

11-الوسيم
ده بقى لما تشوفى صورته تبقى نفسك تتعرفى عليه و تحاولى تفتحى معاه اى حوار و هوه دايما بينفض لغايه ما يتخنق منك و بعديها بلوك و ديليت
12- الرزين
ده بقى شخصيه متكلفه مبيحبش التفاهه و المواضيع الفاضيه و اول ما يحس ان كلامك معاه ملوش لزمه على طول بلوك و ديليت
13-المرح
ده بقى دمه خفيف و على طول بيهزر و مقضيها ضحك و لما يلاقيكي دايما كئيبه و شايله هموم الدنيا و اخرها ... كالعاده ... بلوك و ديليت
14- الحبوب
ده بقى بيحب الناس كلها و كل الناس بتحبه و ساعه ما يلاقيكي بتتقلى عليه هيقول على ايه يعنى ... بلوك و ديليت
15- الطبيعي
ده بقى طبيعي جدا لانه ولد و بالتالى مقضيها خروج كل يوم و سفر كل اسبوع لمكان جديد و كل شهر لدولة جديده(واسعه دى بس مش مشكله) و لما يلاقيكي بقالك عشر سنين مخرجتيش من البيت هيقول ايه الناس دى و على طول ... بلوك و ديليت

معلش انا مستعجل و الله و لازم امشى دلوقت اصبروا لما ارجع تانى هبقى اكملكوا الموضوع الجميل ده

[مستكة]

ههههههههههههههههههه

صعبت عليا الصراحه

بس يا ريت كنت في اخر الموضوع تذكر ان النماذج اللي بتتكلم عنها دي من كوكب زحل

وده للامانه العلميه ليس الا

[عتاب]

المشاركة الأصلية بواسطة =BASSEM=

حلو الموضوع و احسن حاجه فيه بصراحه انه في منتدي الفكاهه



ها ها ها ها ها ها ها

شكرا للمشاركة بس لو كان فيه منتدى للنص الوحش بتاعكم كنت حطيته فيه

[عتاب]

[quote=Mustang]لاء راجل يا باسم ... افحمتها صراحة

مين قالك انه افحمنى دانا ضحكت كتير لانى بالفعل لما جيت احط الموضوع مالقيتلكوش مكان .غلبانين بقى هانعملكم ايه


تكملة الموضوع عشان انتى منقلتيش الموضوع كله
والله انا قلت اللي لقيته بس يمكن يكون الموضوع طلعله باقي وانا ماعرفش

11-الوسيم
ده بقى لما تشوفى صورته تبقى نفسك تتعرفى عليه و تحاولى تفتحى معاه اى حوار و هوه دايما بينفض لغايه ما يتخنق منك و بعديها بلوك و ديليت
ههههههههههههههههه مع الاسف مفيش ولد بينفض لبنت حتى لو كان وسيم
12- الرزين
ده بقى شخصيه متكلفه مبيحبش التفاهه و المواضيع الفاضيه و اول ما يحس ان كلامك معاه ملوش لزمه على طول بلوك و ديليت
بصراحة نوع جديد لسه ماشوفتوش علي النت يارب نشوفه قريب
13-المرح
ده بقى دمه خفيف و على طول بيهزر و مقضيها ضحك و لما يلاقيكي دايما كئيبه و شايله هموم الدنيا و اخرها ... كالعاده ... بلوك و ديليت
قول لما يلاقيكي رافضه تكلمى شخص غريب وبتقوليله عيب وحرام يقولك مش طالباكى الحكاية ويديلك بلوك في وشك ويقول تيجي منى احسن ماتيجي منها
14- الحبوب
ده بقى بيحب الناس كلها و كل الناس بتحبه و ساعه ما يلاقيكي بتتقلى عليه هيقول على ايه يعنى ... بلوك و ديليت
والله احسن حاجة يعملها هى بلوك وديليت ومادام الناس بتحبه كده خليه مع اللي بيحبوه ويسيبه من اللي مش طايقينه
15- الطبيعي
ده بقى طبيعي جدا لانه ولد و بالتالى مقضيها خروج كل يوم و سفر كل اسبوع لمكان جديد و كل شهر لدولة جديده(واسعه دى بس مش مشكله) و لما يلاقيكي بقالك عشر سنين مخرجتيش من البيت هيقول ايه الناس دى و على طول ... بلوك و ديليت
ههههههههههههههههههههههههه لا وسعت اوى جدا خالص وعلي العموم خروجه من البيت وعدم قعدته علي النت رحمة لاى بنت خليه في خروجاته احسن

معلش انا مستعجل و الله و لازم امشى دلوقت اصبروا لما ارجع تانى هبقى اكملكوا الموضوع الجميل ده
ولا يهمك البيت بيتك والموضوع تحت امرك في اى وقت