|
مع الحلقة السادسة من ( المحب المنحوس )
 من المذيع المشهور
و مع الحلقة السادسة من ( المحب المنحوس )
إنه يريدها هي ، لا يعرف لماذا هو منجذب إليها هكذا ، و لم هي بالذات .
أخذ يفكر في هذا الأمر طوال ليلته حتى اليوم الذي يليه ، أخذ شعوره يزداد و يزداد ، حتى شعر بأنه يجب أن يسير خلف التيار ليعرف .. إن كان الأمر سينجح أم لا ؟ ، و ليعرف حقيقة الأمر .
ثم أمسك بقلمه ، و إستدعى ملكته الشعرية ، و أخذ يكتب قصيدة عمودية ، يصف بها ما يشعر به نحوها ، طالبا فيها من الفتاة بأن تبادله نفس الشعور ، حتى إنتهى منها .
و جاء المساء و دق جرس الهاتف في الموعد ، و بعد أن سألها عن كلمة السر و أجابته بالكلمة الصحيحة ، تبادلا معا كلمات التحية و السؤال البسيطة ، أراد أن يصنع لها إختبارا ليعرف مدى تقبلها لما سيلقيه على مسامعها ،فقال لها : ممكن أسألك سؤال ؟
قالت : إيه ؟
قال : إنتي بعد ما إديتي نمرتي لصحباتك علشان يكلموني ، رجعتي و بقيتي ضدهم علشان ما يتصلوش بيا ليه ؟
قالت : و إنت كنت عاوزهم يتصلوا بيك ؟
قال : لأ مش عاوزهم يتصلوا بيا ولا حاجة ، بس عاوز أعرف .
صمتت
قال : مالك ؟ .. ما بترديش ليه ؟
قالت : يعني .
قال : يعني إيه .. يعني ؟ ، المفروض تردي على السؤال إلي سألتهولك
قالت : أصلي .. حسيت ...
قال : أيوه ؟
قالت : حسيت .. بأنك بتاعي ، ملكي ، .. و مش عاوزه حد يشاركني فيك .
بدأ وجهه يستهل فرحا ، و قلبه يدق بعنف طربا ، و لكنه أكمل ،
فقال : إشمعنى يعني ؟
قالت : مش عارفة
قال : متهيألي إني أنا عارف
قالت: عارف إيه ؟
قال : إنتي حاسة من نحيتي بحاجة كده ؟
قالت : حاجة زي إيه ؟
قال : حاجة كده يعني .. بتبقي عاوزة تتكلمي معايا على طول ، و بتبقي حاسة إنك فرحانة لما بتسمعي صوتي ...
قالت : أنا ما أنكرش إني بفرح لما بسمع صوتك ، بس برده أنا مش فاهمة إنت تقصد إيه ؟
قال : لأ إنتي فاهمة .. و أنا كمان فاهم .. و بحس زي ما إنتي بتحسي ، عاوزة تعرفي أنا بحس بإيه ؟
أخذ يسرد على مسامعها القصيدة التي قام بكتابتها كلمة كلمة ، و بيتا بيتا ، يسرد فيها بما يشعر تجاهها ، و هي تنصت له في إهتمام دون أن تنطق ، حتى إنتهى من قراءة القصيدة .
ثم قال : عرفتي بقى أنا بحس بإيه نحيتك ، ألو .. ألو
قالت : معاك
قال : مدام إنتي معايا مش بتردي عليا ليه ؟
قالت : أصلك فاجئتني ، ما كنتش أتوقع منك إنك يعني ..
قال : إني إيه ؟ أحس بيكي يعني ؟
قالت : يعني
قال : بس حسيت
قالت : إنت جرئ قوي
قال : جرئ في ده بس
مرت لحظة صمت بينهما ، كأن كل منهما ينتظر أن يبدأ الأخر بالكلام .
قال : أنا حسيت بيكي من مدة ، بس الإحساس ده كان بيزيد في المكالمات الأخيرة ، و خصوصا في الكذا مكالمة إلي فاتم ، لما ماكنتيش عاوز إن صحباتك يكلموني ، حسيت .. حسيت إنك بتغيري عليا ، و مش عاوزة حد يكلمني غيرك ، بس ما إتأكدش من الكلام ده غير في المكالمة دي لما سألتك ( إنتي بعد ما إديتي نمرتي لصحباتك علشان يكلموني ، رجعتي و بقيتي ضدهم علشان ما يتصلوش بيا ليه ؟ )
إنتظر منها إجابة لكنها ظلت صامتة .
قال : ساكتة ليه ؟
قالت : بفكر
قال : على العموم أنا مش عاوزك تتسرعي علشان تفكري و تتأكدي من إحساسك نحيتي زي ما أنا إتأكدت من إحساسي نحيتك ، برغم إني متأكد من إحساسك
قالت : هافكر
أنهوا المكالمة معا ، و لكن ظل عقله مشغولا بالتفكير في الأمر ، و تساؤلاته تزداد ،
هل ما شعر به نحوها صحيح ؟
هل ما ظن فيما تشعر به صحيح ؟
هل إذا كان يحبها حقا ، ستبادله نفس الشعور ؟
هل ستحبه ، أم سترفضه ؟ ليشعر بصدمة أخرى في حياته ؟
هذا ما سنعرفه في الحلقة القادمة من .. ( المحب المنحوس )
و .. المذيع المشهور
__________________
PLEASE .... KILL ME
ليس معنى أني لم أرد .. أني لم أدخل زيارة هناك ..أكيد من يهتم الكلام إلي إحنا بنقوله بيحمل مشاعرنا شئنا هذا أم أبينا سواء أخفيناها أم لا
و أشعر بما تشعرون به عندما تكتبون
أخفوا مشاعركم كما تشائون فأني ( أشم ) ما تشعرون
الشبح المجنون الحزين
|
النمط الخطي
