بالنسبة للقاء الأول
عادة بيكون فى بيت العروسة أو فى أرض محايدة مثل بيت أحد المعارف أو مطعم أو نادى و بيكون طبعا بتواجد أهل العروسة و العريس
يجب أن يكون عائلة العروسة أذكياء
بأن يدعوا مجال إن الولد يفتح حديث مع البنت -فى تواجد العائلتين طبعا معهم-
العائلتين بيسخنوا فى الكلام خصوصا مع وجود النساء و لو كانوا أصدقاء و يبدأوا يتذكروا أيام زمان و أية اللى كان بيحصل و مين راح -و الله بتتكلمى جد- ومين مرحش - يا سلام - وياك ياك ياك ياك ياك ...
ضاعت عليك الساعتين المسموح بيهم يا عريس
.. روح على بيتكم
سأقول لكم أفضل سيناريو..
أولا فى قاعدة عظيمة و مهمة بتقول "الإنطباعات الأولى تدوم"
و تانية بتقول "خش مش همك تظهر بإنك كويس حتى لا ترتبك و تتنيل بستين نيلة خش كإنك مش مهتم تثبت نفسك"
ثالثة "بص يا بطل مسموحلك بحد أقصى 3 زيارات تكون كونت فيها رأيك علشان دخول بيت الناس و الخروج و مقابلة بنتهم من غير أى نوع من الإرتباط مش بسيط فبعد ال 3 زيارات (نقول الواحدة منهم ساعتين أو تلاتة) فينتظر منك أن تقول موافق و أريد أن أخطب بنتكم أو تقول الكلمة اللى لو ذكرت فى أى محادثة تكون هى النهاية ... طبعا إنت عارف أية هى الكلمة ....الكلمة اللى لو وضعت فى جملة مفيدة ستنهى بها أخر لقاء ... الكلمة هى "الجواز قسمة ونصيب"
إذن الخطة كالتالى
عايز أستفيد من كل دقيقة لمعرفة هل الطرف الأخر هو ما أريد أم لا
إذن لا تضيع وقت فى حاجات ملهاش لزمة .. طب تعمل أية
تكون كاتب أية مواصفات البنت (أو الولد للبنات) اللى أنت عايزها بالضبط على ورقة
مثلا:
أنت عاوز وحدة تقويك فى الدين و تجعلك تقوم الليل و تصلى الفجر و تخرج جزء من مالك صدقة و تبر أمك و أبيك و تحفظك و تحفظ بيتك و ترضيك
كل اللى فات معناة بنت .... متدينة ....
أنت حساس شوية للكلام مبتحبش حد يبرطم فى الكلام و يغلط
معناة بنت عندها زكاء أجتماعى ومؤدبة
أنت ولد طول عمرك مع ولاد كل خروجاتك مع ولاد ...كفايااااااااااااا... أنت عايز حاجة مش موجودة فى أصحابك
معناها بنت رقيقة
أنت عايز واحدة توافق إنها تكون ربة بيت ... مستعدة تعتنى بك و بالبيت و فاهمة ال job description بتاعتها - والله أنا أعرف واحد بعد مأتجوز مراتة قالتة أنا مش شغالة عندك أنا لا أطبخ و لا أكنس و لا أمسح أنا قلت لك قبل الجواز كدا-
-- إلعب-- طبعا التحفة دة لم يكن مركز فى الكلام قبل الجواز و كان متخيل إنهم جابولوا بنت يلعب معاها ثم بووووووم .. أنت أتجوزت يابابا -
إذن أنت عايز وحدة ربة بيت و فهما إنها ستكون محور البيت كلة وأنها عليها شغل البيت و إنت عليك مواجهة العالم الخارجى و حماية البيت و تحول بيتكم إلى جنة
أنت عاوز واحدة أهم حاجة عندها أسرتكم المستقبلية أهم من أسرتها الحالية و أهم من وظيفتها
أنت عاوز واحدة مستعدة تسمع كلامك و إذا أختلفتم و لم تقنع أنت برأيها بعد الحوار فيجب أن يكون هناك سائق واحد فى البيت للسفينة
أنت عاوز واحدة مستعدة تتجوز لانك لو أخدت وحدة صغيرة جدا فغالبا ستحب هى أن تستنى لحد ميجلها الواد الفت النت الست البت ولو عملت أية فستجدها مش طلبة معاها تتجوز ساعتها
وهكذا
ثم أبدأ تحويل كل هذة الصفات إلى أسئلة زكية - يا رب هب لنا الذكاء - غطى السؤال بطريقة ذكية و ضعه فى هدية جميلة ورقيقة و أعطه لها
لاحظ إنك بتكلم بنت متعرفكش فإذا سألت بأسلوب حمار بينهق -لموأخذة يا باشا مش قصدى حاجة والله- ستخسر لأنها لا تعرف إنك إنسان كويس مبيعرفش يسأل صح
وإذا سألت بأسلوب الرجل الذكى ستضع أنطباع أولى عليك ممتاز
و كذلك الكلام بالنسبة للبنات
فأجعل كل دقيقة هى دقيقة فعالة لمعرفة الطرف الأخر أكثر
أنت هناك لهدف فلا تتشتت
إلى البنات: أنا وضعت فى هذة الرسائل كل ما يبحث عنة كل رجل فمن الجميل إن فعلا تتسمن بهذة المواصفات
وربنا يعيننا جميعاا
(مقتبس)
اختيار الزوجة ... وخطوات الخطوبة...
) ساعتها كل المستخبي بيبان من الطرفين
النمط الخطي
