هو احنا تبع مين بالظبط ؟

[=BASSEM=]

يعني بصراحه انا مش عارف حاولت اني الاقي اجابه بكل الطرق عن السؤال و للاسف فشلت فشل ذريع :(

حاولت اني افهم ايه اللي بيحصل و ايه اسبابه برضه فشلت في فهم الموضوع

قلت بقي افتح الموضوع دا و اتكلم فيه يمكن حد يكون عنده اجابه

السؤال مش عارف تاريخه بدأ امتي بالظبط بس للاسف انه بدأ

ليه العرب بيعملوا كدا في نفسهم

لما كنت اشوف الناس بتتكلم عن السعوديين يقولوا قصايد شعر فيهم و كله هجاء طبعا

لما كنت اقابل علي النت سعوديين يتكلموا عن المصريين او اشوف حد من اصحابي كان عايش هناك يقولي بيقولوا علي المصريين

كلام ميه ميه و اكيد برضه كله ذم و هجاء

لما كنت بقابل سعوديين و نبقي صحاب جامد نفضل نتكلم عن الكلام الي بيتقال من كل جهه عن الثانيه

لحد ماكتشفت ان الموضوع مش موضوع مصر و السعوديه بس

لا دا موضوع الوطن العربي كله مع بعض

الوطن العربي متقسم مناطق بتحب مناطق و تكره مناطق

يعني دول المغرب العربي و بعد كدا منطقة الوسط اللي احنا فيهم ثم الخليج ثم الشام

كله متوزع علي بعضه في الحب و الكراهيه

السؤال بقي اللي انا بساله لنفسي

هو فعلا الاستعمار اللي كان من قرون هو السبب و لا احنا السبب

ايه سبب الكره و الحقد الغريب بين كتير من الشعوب العربيه

احنا كلنا مسلمين و موحدين و الحمد لله

و اكيد انتمائنا الاول لاسلامنا

بس انتمائنا لدولة ايه يعني هو احنا عرب و لا احنا مصريين

و لا احنا تبع مين بالظبط و ليه بنعمل في نفسنا كدا ؟ّ!

[مستكة]

فيه ايه يا باسم زعلان ليه بس
اشرب كوباية لمون كده واهدي عشان الضغط
اصلك لو فكرت في حال العرب اكيد هيحصلك حاجه

بالنسبه لسؤالك :
ليه العرب بيكرهو بعض؟
ليه مش بيتوحدو ؟
ليه عاملين احزاب علي بعض؟

للاسف ان العرب مهما تقدم بهم الزمن ووصلو ما وصلو له من علم لكن في النهايه هو فكر واحد لا يتغير من قديم الزمان .
كل دوله عايزه تكون هي القائد للدول الاخري
كل دوله تطمح ان تكون الشوري والاحترام لها
كل دوله تتمني ان تكون هي كبير العيله
دون النظر للمصلحه العامه للشعوب
وبالتالي اتزرع كرهه الشعوب لبعضها زي ما اتزرع فينا الكرهه الفطري للوجود الاسرائيلي مع الفارق
ولا يخفي عليك اساليب وسائل الاعلام العربي في زرع الفخر بالجنسيه
مثلا عندنا هنا طول الوقت التلفزين يركز علي مصر والمصرين وعملو وسو و لولم اكن مصريا لوددت معرفش ايه
احنا الفراعنه احنا اللي حررنا الدول العربيه ..............الخ
قس علي هذا الدول الاخري وبالتالي تظهر الاجيال متاثره بهذا اللغو وبالتالي تكون نتيجه حتميه لما يحدث الان
بالاضافه الي ان مفيش مره واحده ان اي حد نادي بالقوميه العربيه
بمعني اننا عرب شععب واحد دين واحد لغه واحده قضيه واحده
مفيش الانصهار في بوتقه واحده
بل بالعكس مؤخرا تتفاخر بعض الدول بانها ليست عربيه ( مصر فرعونيه - ليبيا افريقيه ) وما خفي كان اعظم .
محدش طلع وقال وحده بل انتشرت مقولة اتفق العرب علي الا يتفقو
ولو تتذكر يا باسم ان ايام وحدة مصر وسوريا اتجهت العراق لعمل وحده ندا لوحدة عبد الناصر كما انها كانت من اهم اسباب انفصال الجمهوريه العربيه المشتركه .
وبالنسبه لحكاية مناطق بتحب مناطق يطبق عليها المثل القائل ( انا واخويا علي ابن عمي , وانا وابن عمي علي الغريب ) . يا حسرتاه علي امة محمد ميعرفوش انهم كلهم اخوات , ميعرفوش انهم لو اخلصو النيه لله هيملكو العالم .
بالله عليكم اي طفل يدركها متوفر عندهم جميع مقومات الوحده :
لغه واحده
دين واحد
مكان وطبيعه جغرافيه واحده
ظروف واحده

لكن يحكمها عقول ..............
عجزت عن استخدام هذه الفرصه لصالحها
بحثت عن مصالح شخصيه عقيمه لاتثمن ولا تغني

لا شك ان الاستعمار قديما كان هذا هو هدفه
ولكننا الان ما المانع ؟؟؟؟؟؟؟؟؟؟؟؟
الامر الواقع يقول كل يلهث الي السلطه والحكم
وليذهب الوطن للجحيم
وتموت الشعوب
وسحقا للوحده التي تعطل ما يتهافتون عليه

ولا احمل الحكام كل المسؤليه لانهم ان اخطئو فالشعوب كانت سببا في الخطا
لانها صمتت وخرست وجبنت وصدقت اكاذيبهم والان تكوي بنارهم
فلنتحمل ما اقترفناه او نغيره بايدينا

بصراحه سؤالك كالملح علي الجرح الغائر
قلتلك اهدي واشرب لمون في البدايه
بس في الاخر احب اقول لو شربت مزارع اللمون كلها ولا هياثر
خلينا نغضب علنا في احدي المرات نخرج من شرنقة الخوف والخنوع والجهل

[=BASSEM=]

ياااااااااااه يامستكه


كل دا جواكي يابنتي



انا سبت الموضوع شويه كدا عشان تهدي و متعمليش في نفسك كدا


شكلي انا و انتي يامستكه هندخل مصحه نفسيه قريب نتعالج من اللي بيحصل في البلد


اكيد نورتي الموضوع و اضفتي فيه كتير يامستكه

[maysam]

شوف يا باسم

العرب من يومهم شعوب قبلية من قبل الاستعمار

طول عمرهم بيتخانقوا مين احسن من مين
وكل اللي يهمهم المظاهر وكان الشعر اكبر شاهد ، مدح وذم وهجاء

شغلهم الشاغل ما فيش جديد طبعا!!

لكن لما الاستعمار وصل عارف منافذ ونقاط الضعف ، فبدأ يلعب بيها

السلطة و حب المراكز والاستعراض وخلافه دي حاجات شكلها بالجينات
وعشان هيك بقت الدولة دول والمدينة مدن
دا انت على مستوى دولة واحدة تلاقي واحد من مدينة بيستعرض على واحد من مدينة تانية وهم بنفس الدولة!!

[bakash]

mateb2ash nerfuz bas ya basem mosh men tab3ak khales

[=BASSEM=]

المشاركة الأصلية بواسطة maysam

شوف يا باسم

العرب من يومهم شعوب قبلية من قبل الاستعمار

طول عمرهم بيتخانقوا مين احسن من مين
وكل اللي يهمهم المظاهر وكان الشعر اكبر شاهد ، مدح وذم وهجاء

شغلهم الشاغل ما فيش جديد طبعا!!

لكن لما الاستعمار وصل عارف منافذ ونقاط الضعف ، فبدأ يلعب بيها

السلطة و حب المراكز والاستعراض وخلافه دي حاجات شكلها بالجينات
وعشان هيك بقت الدولة دول والمدينة مدن
دا انت على مستوى دولة واحدة تلاقي واحد من مدينة بيستعرض على واحد من مدينة تانية وهم بنفس الدولة!!

عندك حق ياميسم و الله

فعلا حتي جوا البلد فيه مليون بلد و جوا المدينه فيه مليون مدينه

بجد كالعاده اضافه من اضافاتك المميزه ياميسم

[=BASSEM=]

المشاركة الأصلية بواسطة bakash

mateb2ash nerfuz bas ya basem mosh men tab3ak khales

يااهلا بهليوبلس



و انا اقول المنتدي منور ليه

[InSaNe z3r0]

سبقتيني و قلت الي كنت عاوز اقوله يا ميسم
مشكله العرب الاساسيه هي القبليه الشديده و التفاخر بالانساب
و انا بصراحه(معلش يا مستكه) من زمان و انا معترض على موضوع القوميه العربيه دي لأن مفيش فايده دول مش هيتغيروا و كان نفسي من زمان مصر تشيل دماغها من موضوع الرياده العربيه دي و تبص بأه لمصلحتها تتحالف مع افريقيا او الاتحاد الاوروبي
بلا عرب بلا نيله همه الي جايبينا ورا و بقت عربي مرادف لمتخلف!
انا شايف بقىكل واحد يرجع لأصله و نخلص
كلنا مسلمين ماشي ماهي ماليزيا مسلمه و فيها ناس كتير بتتكلم عربي لكن مقالوش احنا عرب!
نفك من الناس دي و نتبع خطى الدول ذات التجربه المفيده زي ماليزيا او اليابان

[مستكة]

و انا بصراحه(معلش يا مستكه) من زمان و انا معترض على موضوع القوميه العربيه دي لأن مفيش فايده دول مش هيتغيروا و كان نفسي من زمان مصر تشيل دماغها من موضوع الرياده العربيه دي و تبص بأه لمصلحتها تتحالف مع افريقيا او الاتحاد الاوروبي
بلا عرب بلا نيله همه الي جايبينا ورا و بقت عربي مرادف لمتخلف!
انا شايف بقىكل واحد يرجع لأصله و نخلص
كلنا مسلمين ماشي ماهي ماليزيا مسلمه و فيها ناس كتير بتتكلم عربي لكن مقالوش احنا عرب!
نفك من الناس دي و نتبع خطى الدول ذات التجربه المفيده زي ماليزيا او اليابان

لا يا انسان اختلف معاك
لان هو ده اللي الدول اياها عايزاه
كل دوله تقول عرب ايه وتدور علي مصلحتها بره
صدقني والله لو الدول العربيه فعلا اتحدت هيتغير كتير جدامن الواقع المرير ده
لا تعلم مدي الالم اللي وقع في نفسي من كلمة (بلا عرب بلا نيله )
يااااااااه للدرجه دي
صحيح احنا اختلفنا واتفرقنا وضعفنا
وعلي الرغم من كل ده لسه فيه امل في يوم قرب او بعد بس هيجي نتوحد فيه
حتي لو كان اخر يوم في الدنيا
بس ان شاء الله هيجي
ومش معني غضبنا وسخطنا علي الحكومات انه مفيش امل
بالعكس كلما زاد السخط كلما زاد الامل
لانه طفح الكيل
ومازلت مصره علي قوميه عربيه اسلاميه توحد الوطن العربي

[InSaNe z3r0]

جدي الله يرحمه كان بيقولي كلمه حكيمه جدا لما كنت بقوله على اتحاد العرب..كان بيقوللي: لما يطلع الحشيش على ضهر الخروف
و ده رأيي برده
انا اوافق على قوميه اساسها الاسلام
لكن العروبه لأ
و بعدين تعالي نفند شويه كلمة القوميه دي
يعني ايه قوميه؟..زي معلمونا في المدارس انها الاتحاد بناء على وحده التاريخ و اللغه و الدين و العادات و التقاليد صح؟
فين الوحده دي؟
بالنسبه للتاريخ تاريخ شبه الجزيره متشابه لكن شمال افريقيا تاريخ مختلف تماما! الفراعنه غير ما وراء النهرين غير الفينيقيين غير برابره ليبيا فين وحده التاريخ؟
و بالنسبه للغه احنا بنتكلم لهجات مختلفه تماما و احيانا لغات مختلفه يعني شمال افريقيا الي هيه تونس و المغرب و الجزائر بيتكلموا فرنساوي و ايطالي! و لبنان فرنساوي !
و العادات و التقاليد مختلفه تماما من بلد لبلد عدا البدو متشابهين
اما الدين فحتى الدين مش واحد فالعراق شيعه و اكراد و لبنان مسيحيين و دروز! و مصر سنه و غيرها
اين اساس الوحده؟

[=BASSEM=]

المشاركة الأصلية بواسطة InSaNe z3r0

جدي الله يرحمه كان بيقولي كلمه حكيمه جدا لما كنت بقوله على اتحاد العرب..كان بيقوللي: لما يطلع الحشيش على ضهر الخروف
و ده رأيي برده
انا اوافق على قوميه اساسها الاسلام
لكن العروبه لأ
و بعدين تعالي نفند شويه كلمة القوميه دي
يعني ايه قوميه؟..زي معلمونا في المدارس انها الاتحاد بناء على وحده التاريخ و اللغه و الدين و العادات و التقاليد صح؟
فين الوحده دي؟
بالنسبه للتاريخ تاريخ شبه الجزيره متشابه لكن شمال افريقيا تاريخ مختلف تماما! الفراعنه غير ما وراء النهرين غير الفينيقيين غير برابره ليبيا فين وحده التاريخ؟
و بالنسبه للغه احنا بنتكلم لهجات مختلفه تماما و احيانا لغات مختلفه يعني شمال افريقيا الي هيه تونس و المغرب و الجزائر بيتكلموا فرنساوي و ايطالي! و لبنان فرنساوي !
و العادات و التقاليد مختلفه تماما من بلد لبلد عدا البدو متشابهين
اما الدين فحتى الدين مش واحد فالعراق شيعه و اكراد و لبنان مسيحيين و دروز! و مصر سنه و غيرها
اين اساس الوحده؟

معلش بس ممكن اعلق تعليق صغير


الاتحاد الاوروبي حالته كانت اسوا من كدا بكتير في الاختلافات بين البلاد و رغم كدا نجحوا جدا

نجحوا في تكوين اتحاد سياسي و اقتصادي ضخم

رغم ان كل جزء منفرد بذاته ميساويش كتير


اديك مثل

ايطاليا مثلا الاختلافات بداخلها كتير جدا

بس قدروا يستغلوا الكل علي الجزء


الفكره مش دايما في الاختلافات العرقيه


الفكره فينا احنا " العرب "


انت بتقول

اين اساس الوحده؟


اقلك انا لو اتعملت هيبقي اساسها اننا عرب

مش هيبقي اساسها الاسلام لاننا منقدرش نكون خلافه اسلاميه

ببساطهعشان محدش هيقدر ياخد الخطوه دي

[=BASSEM=]

المشاركة الأصلية بواسطة مستكة

لا يا انسان اختلف معاك

مين انسان يامستكه

ركزي حنا عالهوا

[دقه قلب]

بصراحه انا شايفه ان كل اللى قلتوه غطى الموضوع بالفعل العرب هيفضلوا طول عمرهم كده وعلى راى انسان لما يطلع الحشيش على ضهر الخروف

[InSaNe z3r0]

لأ يا باسم
اوروبا متبنتش فكرة القوميه و إلا كان عمرهم مهيعملوا حاجه
و طول ما ارضيه الوحده ان احنا عرب يبقى انسى
الاتحاد الاوروبي قايم عاى حاجه واحده و دي الي قايم عليها كل التكتلات دلوقتي:
المصلحة المشتركه و خلق كيان اقتصادي قوي يشكل قوه تواجه القوه الاقتصاديه لامريكا
لو بطلنا هيافه وكلام شعارات و بدأنا نخطط على اساس المصلحة المشتركه
ساعتها ممكن اقولك في امل!

[=BASSEM=]

المشاركة الأصلية بواسطة InSaNe z3r0

لأ يا باسم
اوروبا متبنتش فكرة القوميه و إلا كان عمرهم مهيعملوا حاجه
و طول ما ارضيه الوحده ان احنا عرب يبقى انسى
الاتحاد الاوروبي قايم عاى حاجه واحده و دي الي قايم عليها كل التكتلات دلوقتي:
المصلحة المشتركه و خلق كيان اقتصادي قوي يشكل قوه تواجه القوه الاقتصاديه لامريكا
لو بطلنا هيافه وكلام شعارات و بدأنا نخطط على اساس المصلحة المشتركه
ساعتها ممكن اقولك في امل!