حصريا ... تاكسى الأسكندرية .. خاص ابن مصر

[Half-Magic]

النهارده و انا راجع من الشغل لاقيت تاكسى اسكندرية الجديد واقف فقولت فرصة اصوره علشان الكل يشوفه ... الشركة المسئولة عن هذه الفكره فى اسكندرية بدأت المشروع بحوالى 50 عربية تويوتا كورولا موديل 2006 على سبيل التجربة ... تعريفة تاكسى اسكندرية هى نفس تعريفة تاكسى العاصمة بالقاهرة بس اغلى حاجة بسيطة !! و من المتوقع ان يزداد الطلب على تاكسى اسكندرية فى الصيف و وقتها بقى ممكن شركات تانية تدخل فى الموضوع !!

صورة تاكسى اسكندرية ... ده تصويرى على فكره

[مستكة]

يا سيدي يا سيدي ايوه باه
الناس في القاهره يفرجونا تاكسي معرفشي شكله ايه
واسكندريه تيوتا كرولا
طب مانا ممكن اوريكو الحاجات اللي عندنا بس انا مش بحب التظاهر زيكم كده
ههههههههههههههههههههههه
احنا عندنا اللي احسن من تاكسي العاصمه
تعرف حاجه اسمها توك توك
ههههههههههههههههههههههههههههه

[SOKA]

.....................

[SOKA]

............

[Half-Magic]

المشاركة الأصلية بواسطة مستكة

احنا عندنا اللي احسن من تاكسي العاصمه
تعرف حاجه اسمها توك توك
ههههههههههههههههههههههههههههه

طبعا التوك توك معروف يا مستكة و فيه منه فى اسكندرية بس فى مناطق معينه زى برج العرب مثلا .... على فكره التوك توك ده عملى جدا جدا....

[Half-Magic]

المشاركة الأصلية بواسطة SOKA

بس انا مش مصدق يا ماجيك الحاجه اللى محيرانى انى يافطة الارقام لونها اصفر وده معناه انها جمرك وبعدين من الشركه العبيطه دى ( سورى فى اللفظ ) اللى هاتنزل بخمسين عربيه موديل 2006 تاكسيات مره واحده اعتقد انها واسعه شويه

سوكا باشا أولا انا مش صاحب الشركة دى علشان اقوول كلام واسع شويه او كلام مش مظبوط من اجل الدعاية ... حضرتك لو لك أى حد فى اسكندرية ممكن تسئله عن موضوع تاكسى اسكندرية الجديد ... انا مش اكتر انى بنقل الخبر لكم على اساس انى اسكندرانى ... و كمان الشركة اللى حضرتك بتوصفها بأنها عبيطة ( سورى برده فى اللفظ ) لو كانت شايفة انها حتقق خسائر على اساس ان اى مشروع بيتعمل له دراسة جدوى فى البداية أعتقد ماكنتش فتحت اصلا و لو كمان بعد ما فتحت حققت خسائر كانت قفلت ... لكن الشركة دى مازالت تعمل من شهر مارس لحد الأن !!

ثانيا بالنسبه للجزئية موضع شك حضرتك و هى يافطة الأرقام الصفرا ...هى صفرا علشان يافطة ارقام العربيات دى كلها مكتوب عليها سياحة و سيادتك لو لك فى العربيات قوى كدا حتعرف ان يافطة عربيات السياحة لونها اصفر و دى حاجة خاصة فى المرور و التراخيص على اساس ان عربيات السياحة مش بيبقى عليها جمارك زى العربيات الملاكى !! يعنى دى سيادتك مش يافطة جمارك .. و صعب شويه انى اصور لكم يافطة الأرقام علشان تصدقونى !!!

[SOKA]

مساء الخير يا ماجيك

اوعى تفتكر انى فكرت اكدبك فى الخبر ولا حاجه

اللى اعرفه عن الموضوع ده ان دى شركة فى العالم كله وبتعمل موضوع التاكسيات ده لخدمة السياحه

لكن لما انت قولت تاكسى افتكرته تاكسى عام زى اللى احنا نعرفه ومتعودين عليه

على العموم انا اخذت بنصيحتك وسالتك واحد زميلى وان شاء الله هايرد عليه بكره او بعده بالكتير

وارجوا انى اكون مش دايقتك

[Half-Magic]

لا يا سوكا باشا مفيش زعل و لا حاجة
على فكره العربيات دى مش عربيات ليموزين دى تعتبر تاكسيات برده و فيها عداد لتحديد الأجرة على اساس المسافة و كمان ممكن تدفع الأجرة بالماستر كارد او كاش و فى الحالتين بتاخد ايصال مطبوع عليه قيمة الأجرة ... و برده فى انتظار رد صديقك و لو مش يعرفها... تليفون الشركة دى عندى ممكن يبقى يتصل بها لو احتاج توصيله

[sendrella]

ههههههههههههههههههههه

هتتخانقوا علشان تاكسي ياجماعه

مالها العربيه الكارو



ههههههههههههه


فعلا ياسوكا الخبر دهه صحيح والكميه دي فعلا نزلت وتويوتا كرولا بس

معلش بقي اسكندربة ماريا ... مش اي اي

[Half-Magic]

أخيرا فيه ناس تعرف تاكسى اسكندرية ....
الف شكر لك يا سندريلا هانم

[محمدحسين]

وبكره هيعملوا سحب على أيصالات العداد بتاعت التاكسى الجديد ولانه سياحى فأن الشركه ستمنح الفائز رحله مجانيه الى القاهره لركوب تاكسى القاهره الجديد

[Half-Magic]

المشاركة الأصلية بواسطة محمدحسين

وبكره هيعملوا سحب على أيصالات العداد بتاعت التاكسى الجديد ولانه سياحى فأن الشركه ستمنح الفائز رحله مجانيه الى القاهره لركوب تاكسى القاهره الجديد

ههههههههههههههه....تصدق فكره يا زعيم
و ممكن نعمل عربيات معينة يكون جوايزها ركوب التاكسيات فى نيويورك و ممكن باريس كلا على حسب التوصيلة

الف شكر لك يا زعيم على المشاركة .... نورت الموضوع و نورت تاكسى اسكندرية ... تحب تروح فين بقى .... نوصلك

[Mustang]

داحنا يوم ما بنركب تاكسى هيونداى اكسنت بنقعد نتكلم عليه اسبوع
و انتوا تويوتا كرولا مره واحده

[محمدحسين]

المشاركة الأصلية بواسطة Half-Magic

ههههههههههههههه....تصدق فكره يا زعيم
و ممكن نعمل عربيات معينة يكون جوايزها ركوب التاكسيات فى نيويورك و ممكن باريس كلا على حسب التوصيلة

الف شكر لك يا زعيم على المشاركة .... نورت الموضوع و نورت تاكسى اسكندرية ... تحب تروح فين بقى .... نوصلك

ههههههههههههههه
أيوه بس مش أروح أخذ الجايزه يقولى فى الشركه أحنا خاطبنا مكتب شركه القاهره ووعدونا بأول مايجدوا تاكسى فاضى هيركبونى فيه وأدوخ بين الشركتين علشان الجايزه وبعدها يقولوا لى حظك وحش التاكسى اللى كنا نويين نركبوا لك السواق بتاعه مراته ضربته وماجاش النهارده
ويم التاكسى طلع فى أستقبلال منتخب السيدات اللى فاز ببطوله العالم فى البلى
عايز خطاب ضمان علشان أتاكد من تسليم الجايزه أو أحجز على الشركتين ههههههههههه

[Half-Magic]

داحنا يوم ما بنركب تاكسى هيونداى اكسنت بنقعد نتكلم عليه اسبوع
و انتوا تويوتا كرولا مره واحده

ههههههههههههه.. يا عم Mustang احنا مش بنركب التويوتا دى على طووول .. يعنى لو عندك مشور و عايز تعمل منظر فيه ... اديها تويوتا ... لكن احنا لما بنركب تاكسى فيات 1100 بنكون محظوظين