المواصفات المطلوبه فى الزواج الألكترونى للرجال والنساء

[محمدحسين]

اعتادت المجتمعات العربية أن تتم الخطبة من خلال الأهل والأقارب الذين يزكون العريس أو العروس للطرف الآخر، أو من خلال التعارف في الجامعات والعمل، إلا أن التكنولوجيا الحديثة أضافت نمطا جديدا لاختيار شريك المستقبل، وهو الإنترنت، والمواقع التي تقدم تلك الخدمة كثيرة، يمكن للفرد خلالها أن ينشر إعلانه -أو إعلانها- عن الرغبة في الزواج والمواصفات المطلوبة في الطرف الآخر، ويترك الإيميل أو رقم التليفون، لمن يرغب الاتصال به -بها.
وفى أحد المواقع والذي يزوره ما يزيد علي ١٠ آلاف زائر يوميا، من جنسيات مختلفة، وعلي الموقع تجد إعلانات زواج من الرجال والنساء، ويغلب علي إعلانات الرجال طلب مواصفات بعينها في شريكة الحياة من الوزن والطول ولون البشرة مرورا بالجنسية ومكان السكن، والطباع الشخصية، بينما كانت إعلانات النساء في أغلبها مجرد توصيف للمرأة وإعلان رغبتها في الزواج من رجل محترم، ولم تذكر أي منهن شيئا عن المواصفات التي تريدها في شريك حياتها المنتظر سوي الاحترام وأحيانا ألا يكون متزوجا من أخري
.
فتجد نوعية إعلانات النساء علي شاكلة «أنا آنسة عمري ٢٣ سنة جامعية بيضاء البشرة طويلة علي قدر من الجمال من أسرة محافظة ». أو أنا أنسه أحب الحياة أقدر المسؤولية اجتماعية ومحبوبة، واعية وصاحبة شخصية متزنة ويمكن الاعتماد علي في كثير من الأمور، طولي ١٧٧ وزني متوسط ولكني جميلة»
كما توجد أيضا فتاه تقول إنها ستكون أماً حنونة ومخلصة ووفية لشريك حياتها. وفتاه أخرى تصف نفسها بأنها المتدينة الفقيرة التي ترغب في العمل بعد الزواج.

أما إعلانات الزواج من الرجال فأكثر تحديدا مثل «أنا عمري ٤٠ سنة أبحث عن امرأة جادة عمرها ما بين ٢٧ و٣٤, فاتحة اللون ، متعلمة لا تعمل وجميلة ومتناسقة القوام، ومتوسطة الطول والوزن، هادئة الطباع، يفضل أن تكون جامعية، ولم يسبق لها الزواج. لديها إلمام بشؤون المنزل، وتحب الاطلاع والقراءة في شؤون الحياة المختلفة».

[مستكة]

هههههههههه
عادي باه ماهو لازم البنت تجيب رجل الفريسه الاول
وبعد كده ربنا يستر متعرفش الشروط والطلبات بتيجي منين

[عتاب]

ههههههههههههههههههههههههههه
علي رايك يا توكة احنا بس بنجر رجليهم
والله يرحمهم بقي كان عندهم من السذاجة انهم تصوروا ان طلباتهم علي النت مجابه
مايعرفوش ان الطول جزمة بكعب والشعر باروكة والعيون لنسز ومابتعرفش تطبخ هما اكلتين وبس
ومش بتحب القرايه ولا سمعت عن الكتب غير الكتب الدراسية يعني من الاخر هايتغش هايتغش

[maysam]

هههههههههه

مستكة وعتاب ..دويتو بصراحة ودايما مقفلينها على طووول

موضوع حلو يا محمد
الوسائل اصبحت متعددة ، لكن مش كل الوسائل بتتماشى مع نظرة المجتمع
اعتقدالانسان ممكن يلجأ لهذه الوسيلة لما ما يلاقي فرصته في الواقع
وفي كل الاحوال لا شيء مضمون
النجاح او الفشل غير مضمون في وسيلة كانت

[sendrella]

موضوع حلو وشائـك الى حد ما يامحمد

يعني الموضوع ده موجود من زمان بس بواسطة الجرائد وكان بنفس النمط البنت او السيدة تبعت مواصفتها ومواصفات اللي بتدور عليه
وكمان كان لفتره موجود اماكن ومكاتب خاصه بالموضوع ده انك تروح تقدم الc.v بتاعك (مش المهني طبعا ال C.v هنا هو مواصفاتك ومواصفات شريك حياتك) والمكتب ده يقوم بتوفيق الطلبات حسب الطلب وتم زواج ناس فعلا عن طريق الموضوع ده
وانا اعتقد ان سبب توجه الناس للطرق دي فعلا زي ماقالت ميسم صعوبة تحقيق مطالب ومواصفات معينه في ارض الواقع
كمان نسبة العنوسة اللي زادت بين الفتيات يجعلهم يتوجههوا لاي طريقه (مشروعة) قبل فوات الاوان


اشكرك واحييك ع الموضوع

تحياتي

[محمدحسين]

المشاركة الأصلية بواسطة مستكة

هههههههههه
عادي باه ماهو لازم البنت تجيب رجل الفريسه الاول
وبعد كده ربنا يستر متعرفش الشروط والطلبات بتيجي منين

مش عارف يامستوكه ليه نظريه الفراخ مسيطره عليك اليومين دولههههههههههههههههههه
المرحله اللى بعد كده لازم تقصقصى ريش طيرك أحسن ...... ههههههههههههههههههه

[محمدحسين]

والله يرحمهم بقي كان عندهم من السذاجة انهم تصوروا ان طلباتهم علي النت مجابه
مايعرفوش ان الطول جزمة بكعب والشعر باروكة والعيون لنسز ومابتعرفش تطبخ هما اكلتين وبس

ههههههههههههههه
يعنى حتى المعاينه بالعين ياعتاب مش نافعه
فكرتينى بفيلم لبنى عبد العزيز ومرى منيب وهى بتقولها أكسرى البندقه دى وتشد شعرها علشان تعرفه طبيعى ولا صناعى
بس زى مالمرأه بتلبس باروكه وتضع رموش ولانسز
الرجل أحيانا يعطكى شكل الاستكانه والطيبه والهدوء والحنيه والكر م وبعد الفريسه ماتقع زى ماأسمتها مستوكه تكتشف الحقيقه

[محمدحسين]

هههههههههه

مستكة وعتاب ..دويتو بصراحة ودايما مقفلينها على طووول

لا ودويته دمه شربات كمان ياميسوم

الوسائل اصبحت متعددة ، لكن مش كل الوسائل بتتماشى مع نظرة المجتمع
اعتقدالانسان ممكن يلجأ لهذه الوسيلة لما ما يلاقي فرصته في الواقع
وفي كل الاحوال لا شيء مضمون
النجاح او الفشل غير مضمون في وسيلة كانت

هى بتفكرنى بدور الخطبه التى سمعنا عنها زمان والتى نشاهدها فى الافلام والتى كان الأختيار مبنى على كلام الخاطبه والصور الت بحوزتها
والمشكله ان الشكل ليس الاساس قد يلعب دور لحد معين وهى درجه القبول
ولكن يبقى الشخصيه التى سيتعامل معها باقى العمر وهى الأهم
ولكنى لااتكلم على صدق هذه الطريقه
ولكن على طريقه تفكير وشكل ومواصفات الطرف الاخر المطلوبه ويعكس فكر كل طرف فى شكل الطرف الأخر
,انا ارى أن الرجل بتركيزه على الشكل والقوم خطأ كبير ....

[محمدحسين]

المشاركة الأصلية بواسطة sendrella

موضوع حلو وشائـك الى حد ما يامحمد

يعني الموضوع ده موجود من زمان بس بواسطة الجرائد وكان بنفس النمط البنت او السيدة تبعت مواصفتها ومواصفات اللي بتدور عليه
وكمان كان لفتره موجود اماكن ومكاتب خاصه بالموضوع ده انك تروح تقدم الc.v بتاعك (مش المهني طبعا ال C.v هنا هو مواصفاتك ومواصفات شريك حياتك) والمكتب ده يقوم بتوفيق الطلبات حسب الطلب وتم زواج ناس فعلا عن طريق الموضوع ده
وانا اعتقد ان سبب توجه الناس للطرق دي فعلا زي ماقالت ميسم صعوبة تحقيق مطالب ومواصفات معينه في ارض الواقع
كمان نسبة العنوسة اللي زادت بين الفتيات يجعلهم يتوجههوا لاي طريقه (مشروعة) قبل فوات الاوان


اشكرك واحييك ع الموضوع

تحياتي

فعلا ياسندريلا انت وميسم أنتم وصفتم الحاله بصوره صحيحه

[محمدحسين]

الحقيقه ان سندريلا فتحت موضوع فعلا هام هو مكاتب الزواج والتى يقدم كل طرف C V ويتم توفيق الأطراف بناءا على التوافق فى الرغبات
فهل هذه المكاتب تصلح فى مجتمعنا الشرقى وتنجح وتتقبلها مجتمعاتنا المتحفظه
والسؤال الثانى هل نكمل مناقشه هذا الموضوع فى نفس الموضوع أم نفرد له مناقشه أخرى ونتحدث فيه باستفاضه وعن أفضل طرق التعارف والزواج

[عتاب]

المشاركة الأصلية بواسطة محمدحسين

ههههههههههههههه
يعنى حتى المعاينه بالعين ياعتاب مش نافعه
فكرتينى بفيلم لبنى عبد العزيز ومرى منيب وهى بتقولها أكسرى البندقه دى وتشد شعرها علشان تعرفه طبيعى ولا صناعى
بس زى مالمرأه بتلبس باروكه وتضع رموش ولانسز
الرجل أحيانا يعطكى شكل الاستكانه والطيبه والهدوء والحنيه والكر م وبعد الفريسه ماتقع زى ماأسمتها مستوكه تكتشف الحقيقه

فعلا المعاينه بالعين مالهاش لزوم اليومين دول
انما بقي مش احيانا الرجل بيدى شكل الاستكانة والطيبة و.....
ده دايما بيعمل كده مع الاسف تلاقي الشاب قبل الجواز حبوب وطيب ودمه خفيف وعلي طول هزار وضحك وبعد الجواز اخرس وشرير وكشري ودمه تقيل ولو مراته اتكلمت معاه يقول عليها رغاية ولو سكتت هاتطق وتروح في شربة المية ضحية الغش اللي قبل الجواز

[محمدحسين]

الموضوع ياعتاب محتاج توعيه برامج اجتماعيه من قبل جمعيات المجتمع وبرامج تذاع لتوعيه المتزوجين بدل من الغانى الهابطه التى دمرت الذوق العام
ولابد من مبدا المصارحه بين الزوجين
ومن الافضل التعرف على الشخصيه فى حياتهاالطبيعيع ان امكن حتى يظهر حقيقته يعنى تصرفاته فى البيت مع اهله هوياته تعامله العام ان امكن