"رسالة" الفكرة بدأت من عندنا...

[أحمدكمال]

اي طالب في كلية الهندسة جامعة القاهرة قسم اتصالات
له الحق ان يفخر ان مجموعة من شباب قسمه استطاعت ان تؤسس جمعية بحجم جمعية رسالة للاعمال الخيرية
بدأت الفكرة بعد تدريس مادة الانسانيات لدفعة سنة ثانية عام 1999...
وحينها تحمست الدفعة وانشأت اسرة رسالة بكلية الهندسة
بدات الاسرة في جمع التبرعات لبنك الدم ..وتجميل الكلية
وحينها سمع احد اولياء الامور عن هذا النشاط
فتبرع بارض في الهرم وبنى الطلبة بانفسهم مبنى من 6 طوابق ليكون بداية انطلاق رسالة
قدمت الجمعية الكثير والكثير
محو الامية-دروس تقوية-دورات كمبيوتر-معارض ملابس مستعملة-ايتام-مسنين-مكفوفين
وكلها بايدي شباب مصر
الان الجميعة تملك
11 فرق وقيد الانشاء 13 فرع اخر...
والان يتم بناء مجمع خيري في حلوان سيعد من اكبر المجمعات الخيرية في مصر ان لم يكن في المنطقة العربية...

انها رسالة شباب طامح للتغيير
شباب قادر على ان يكون فاعلا في مجتمعه

رسالة
www.resala.org

[حدوتة]

ده اكبر دليل على اننا لو حبينا نعمل حاجة هنعملها
ياريت كل كلية تفكر بالشكل ده
لو حصل كده تخيلوا كام كلية فى كل جامعة
اكيد هيتغير حالنا
شكرا ياكيمو على طرحك الموقع وفكرة طلاب الهندسة
ربنا يوفقهم
ويوفق مهندسنا

[sendrella]

فعلا احب اشيد بجهود طلبة هندسة في جميع انحاء الجمهورية

انا فعلا لمست الجهود دي في جمعية رسالة (فرع اسكندرية)
عاملين شغل بجد اكتر من رائع
وكطلبة هندسة اسكندرية بنحاول نشارك بالمستطاع
لكن الجميل في الموضوع ده انه توسع علي مستوى جميع الكليا في اسكندرية
واصبح مشروع جماعي للشباب كل علي حد سواء

العزيمة والاصرار تولد الطاقه مهما كانت صعبة

تحياتي

[أحمدكمال]

up

رسالة بدأت حملة 150 الف شنطة تبرع لافطار الصائمين..
رسالة عندها بنك متطوعين بدمائهم وعايزين متطوعين اكتر...
رسالة محتاجه ملابس مستعملة علشان تنزل تعمل بيها معارض في امكان عشوائية وفقيرة...
رسالة محتاجة لشباب الخير ....


حبيت افكركم برسالة

[فله]

ماشاء الله فعلا الخير لسا موجود
ربنا يبارك في جهودكم بس احنا هنا بتبأى صعب علينا نوصل اي حاجه القاهره مفيش ليكم مندوبين مثلا في المحافظات ...
و ربنا يجزيك كل خير

[MoHaMeD NaSSaR]

الدنيا لسه بخير يا اهل الخير

[أحمدكمال]

رسالة جمعية كبيرة دلوقتي ليها 19 فرع في كل انحاء الجمهورية ...
وكل يوم اعلانتها في الجرايد والتلفزيون...
ممكن تتصل على 19450 ورسالة هتبعتلك مندوب من اقرب فرع..
عندها خدمة اسمها"ثواب ديلفري"....نوصل لك الثواب اينما كنت ....

ودي فروع رسالة

فيصل
المهندسين
المعادي
6اكتوبر
مصر الجديدة
الأسكندرية
القناطر
الزقازيق
بنها
أجا ( الدقهليه)
بيلا(كفر الشيخ)
ههيا (الشرقية)
السويس
المنصورة
الفيوم
القصير(البحر الأحمر)
العاشر من رمضان
المنوفية

تخيلوا يا جماعة كل ده مجرد تطوع ..
لا رسالة تبع حزب ولا فكر سياسي ولا حاجة
مجرد تطوع

[مستكة]

فعلا ماشاء الله

انا رحت لرسالة المنصوره فعلا خلية نحل وكلهم من الشباب الصغير

شكل منتهي التنظيم والجديه

نشاطات ملهاش حد من كفالة يتيم الي مسنين الي مساعدة في تجهيز العرايس ومشروعات صغيره وملابس وادويه ومراعاة مكفوفين وذوي الاحتياجات الخاصه وغير بنك الدم والتبرع بيه ماشاء الله

كووول ده تطوع

كوووول ده يعتمد علي التبرعات فقط

ربنا يزيد ويبارك يارب من الجمعيات دي

اللي في رايي انها نجحت جدا في استغلال الشباب صح

[أحمدكمال]

فعلا مجهود رائع...

احنا الدكتور شريف مؤسس الجمعية بيدرسلنا
وفي اخر السنة طلب منا مشروع ...
تخيلوا ايه هو المشروع...
مش برمجة
ولا حاجة هاردوير...
طلب ممنا اننا نختار اي نشاط تطوع ونتطوع فيه...ونعمل بحث
وفعلا اشتركنا وتم تقسيم الدفعة الي مجموعات
وكان اسبوع متعب جدا بس التعب المريح
اول مرة الواحد يحس ان مفيد للناس اللي حوليه
انا اشتركت في مشروع معرض ملابس مستعملة
لما كنت بشوف الطفل فرحان انه هيلبس حاجة جديدة
كان الواحد بيحس بقيمته...

المهم انا كان نفسي انزلكم الفلم بتاع المشروع بس هو 400 ميجا...
شباب مصر شباب حلو قوي
لا كله بتاع بنات ولا كله بيضرب حشيش
زي ما كل وسائل الاعلام ما بتظلمنا ....

علشان كده واجب على واحد فينا ان ينشر رسالة واللي عملته
واذا مقدرش يتطوع يكون على الاقل بوق دعاية ليها ...

[radwa]

انا رحلت قبل كده رساله فى المهندسين ..بجد ماشاء الله

شباب وشابات ..لازالوا طلبه بيقوموا بمجهود كبير جدا من اجل هؤلاء الايتام

حفظهم الله وثبتهم