قدوتك مين؟؟؟؟

[عتاب]

لكل منا في الحياة اكتر من قدوة نسير علي خطاهم طبعا لان مفيش انسان كامل عشان كده ممكن يكونلك اكتر من قدوة كل في مجاله
طبعا انا مش باتكلم عن رسولنا الكريم اللي بالتاكيد اكبر قدوة لينا في كل شئ
انا باتكلم عن شخصيات اخرى شخصيات معاصرة ينفع نتقارن بيهم ونبقي زيهم ونتفوق عليهم
يعني مثلا قدوتك مين في الرياضه في الفن في الدراسة في العلم في العمل في الحياة الاسريه في الاجتماعيات في صلة الرحم في الاخلاقيات في العبادات وهكذا
حتى لو كان قدوتك صديقك او صديقتك اخوك او اختك ايوك او امك مدرسك او مدرستك اى انسان مهما كان بسيط ممكن يكون قدوتك في شئ معين تتمنى تقلده وتبقي زيه وياسلام لو اتفوقت عليه
يارب اكون قدرت اوصل فكرتى كويس كل المطلوب منكم انكم تدخلو تذكروا قدوتكم من الحياة
في كل من:
الرياضة
الفن
الدراسة
العلم
العمل
الحياة الاسريه
الاجتماعيات
صلة الرحم
الاخلاقيات كلها
العبادات
وطبعا اللي يحب يضيف اى مجال اخر ماعنديش مانع
يالا هانبدأ ونشوف مين اللي هايفتتح الموضوع بس يارب يعجبكم

[مستكة]

عارفه يا عتاب حكاية القدوه دي حاجه صعبه
انك تحدديها بس اهو هجاول معاكي

الرياضة: طبعا انتي عارفه اني معايا بطولات كتييييييره فمش محتاجه قدوه هنا (يعني ايه رياضه يا عتاب )
الفن: ماليش قدوه هنا .... لا تمثيل ولا غناء ولا اي نوع نت الفن .
الدراسة: الحمد لله ربنا تاب علينا عقبال اللي لسه .
العلم: بالنسبه للعلم بحب جدا العلماء العرب زمان كانو بارعين في كذا مجال معندهمش تخصص ولهم مؤلفات كتيره .... وبرضه مش هحدد حد لان طريق العلم لا اسيره حتي اقتدي باحدهم .
العمل: انا لا اعمل بس يوم ما اعمل هقتضي باخي وسلوكه في التعامل .
الحياة الاسريه: لا شك اني اقتضي بامي ثم امي ثم امي وياريتني ابقي زيها في يوم من الايام .

الاجتماعيات: اقتدي بمستكه قبل ماتكون مستكه
صلة الرحم: اقتدي بخالي لانه ماشاء الله عليه
الاخلاقيات كلها: هنا باه يبقي بابا الحمد لله ويليه ماما
العبادات: بصراحه بقتضي بناس كتيره جدا مش واحد معين
بس عموما اقتدي بناس يطمئن لهم قلبي واحسبهم اتقي مني وبحبهم لانهم بيمثلو لي الصحبه الصالحه
حتي لو مش اعرفهم معرفه شخصيه

[عتاب]

[quote=مستكة]عارفه يا عتاب حكاية القدوه دي حاجه صعبه
انك تحدديها بس اهو هجاول معاكي

الرياضة: طبعا انتي عارفه اني معايا بطولات كتييييييره فمش محتاجه قدوه هنا (يعني ايه رياضه يا عتاب )
هههههههههههههه نسيت ان مالكيش فيها
الفن: ماليش قدوه هنا .... لا تمثيل ولا غناء ولا اي نوع نت الفن .
مش مهم بلاها الفن
الدراسة: الحمد لله ربنا تاب علينا عقبال اللي لسه .
ايوة افترضي انك لسه بتدرسي كنتى هاتقتدي بمين
العلم: بالنسبه للعلم بحب جدا العلماء العرب زمان كانو بارعين في كذا مجال معندهمش تخصص ولهم مؤلفات كتيره .... وبرضه مش هحدد حد لان طريق العلم لا اسيره حتي اقتدي باحدهم .
افترضي انك بتسيري طريق العلم لا قدر الله وقوليلي هاتقتدي بمين احسنلك
العمل: انا لا اعمل بس يوم ما اعمل هقتدي باخي وسلوكه في التعامل .
اخيرا لقيت اجابه منك
الحياة الاسريه: لا شك اني اقتضي بامي ثم امي ثم امي وياريتني ابقي زيها في يوم من الايام .


الاجتماعيات: اقتدي بمستكه قبل ماتكون مستكه
كانت كمون والا ايه؟
صلة الرحم: اقتدي بخالي لانه ماشاء الله عليه
ربنا يزيده
الاخلاقيات كلها: هنا باه يبقي بابا الحمد لله ويليه ماما

العبادات: بصراحه بقتضي بناس كتيره جدا مش واحد معين
بس عموما اقتدي بناس يطمئن لهم قلبي واحسبهم اتقي مني وبحبهم لانهم بيمثلو لي الصحبه الصالحه
حتي لو مش اعرفهم معرفه شخصيه
طيب قوليلنا مين عشان نقتضي بيهم زيك
ارجعى وجاوبي علي اللي زوغتى منهم احسنلك

[نيهال]

موضوعك جه فى وقته..........عارفه ليه؟ اقوللك لاننا محتاجين قوى نفتكر كل شويه مين قدوتناعلشان يدينا الامل والحافز فى اننا ننجح ونكون.

الرياضة: بصى انا علاقتى تقتصر حاليا على الجيم لكنى من عشاق الاسكواش ويعتبر جميع ابطاله قدوتى فى المجال ده

الفن: طبعا نقصد الفن الهادف.......بحب محمد صبحى بحس انه محترم وليه هدف من التمثيل.

الدراسة: الدراسه بقى يا ستى...... ابى رحمه الله عليه وكمان صديقى العزيز ...ربنا يشفيه ويعافيه...كلامهم بيساعدنى قوى ويقومنى على رجليا .اول ما اقابل مشكله افتكر كلامهم وابدا احلها الحمد لله.

العلم: العلم بقى قدوتى عمرو خالد لانى بدات احس بفايده للى باعمله وهدف كمان.

العمل: العمل قدوتى هى والدى رحمه الله فى اخلاقه وسلوكه مع زملائه واجتهاده فى العمل.

الحياة الاسريه: امى طبعا ربنا يبارك لنا فيها .ويقويها على غلبنا .

الاجتماعيات: نادويه ودودو ...خالتى وعمتى اقصد .

صلة الرحم: والدتى وعمتى .........ربنا يبارك فيهم....

الاخلاقيات كلها.... والدى رحمه الله وامى الحبيبه و صديقى فى فلسطين .

العبادات: طبعا الرسول عليه الصلاه والسلام ...........ثم عمر ابن الخطاب رضى الله عنه

بارك الله فيكى يا عتاب

مش تنسى تدعى لى لانى على وش امتحانت الفاينال......هههه

واشوفك على خير ان شاء الله

[Half-Magic]

موضوع جميل يا عتاب

الرياضة : بما انى مغرم بكره القدم يبقى بيليه اسطوره كره القدم البرازيليه

الفن : لا يوجد

الدراسة : لا يوجد .

العلم : خالو رحمة الله .

العمل : اكيد حيكون والدى ..

الحياة الاسريه : اكيد برده والدى و والدتى.


الف شكر لك مره اخرى يا عتاب على الموضوع الجميل ده

الاجتماعيات : ممممم ... اعتقد لا يوجد

صلة الرحم : خالو رحمه الله.

الاخلاقيات كلها : اكيد طبعا رسول الله صلى الله عليه و سلم .

العبادات : برده طبعا الرسول الكريم صلى الله عليه و سلم.

[sendrella]

حقيقي موضوع جميل جدا احييكي عليه ياعتوبة



الرياضة......... والله ماليش فيها قدوة قوي انا بحب السباحه لكن مش هقولك قدوتي علواني لا ماليش قدوة فيها
الفن......... انا بحب وبحترم جدا ..سعـــأد حسني وأحمــــد زكي
الدراسة........ أحمد زويل دون مقارنة
العلم...... برده أحمد زويل دون مقارنة
العمل... والدي والحمد لله
الحياة الاسريه........ والدي ووالدتي بدون منازع
الاجتماعيات.....والدتي نوعا ما
صلة الرحم.......بصراحة مش شايفه حد قدامي بيقوم بالموضوع ده علي اكمل وجه
الاخلاقيات كلها.......مافيش زي الصحابة رضي الله عنهم وارضاهم
العبادات....... الصحابة برده

مستنيين قدوتك عتوبة

[مستكة]

الدراسة: الحمد لله ربنا تاب علينا عقبال اللي لسه .
ايوة افترضي انك لسه بتدرسي كنتى هاتقتدي بمين

يا بتي الدراسه بالذات مينفعش اقتدي بحد فيها
لاني عنديه مجرد ما احس انها مفروضه يبقي انسي
وبعدين انا لو كنت اتخذت قدوه في الدراسه
مكنتش ابقي معاكو هنا
كنت هكون حاجه تانيه خالص
وطبعا مش هريحك واقولك

افترضي انك بتسيري طريق العلم لا قدر الله وقوليلي هاتقتدي بمين احسنلك

بجد بجد
كنت هختار طريق واحد
واقتدي فيه بكذا حد
منهم الشعراوي وبعض من الصحابه قديما

بالنسبه للعبادات باه
بدور علي الصحبه الصالحه
مش حد معين
ممكن الاقيها في كتاب
وممكن الاقيها في موقع علي النت
وممكن الاقيها في ناس بقابلهم قدرا في حياتي
ممكن ياثر فيا لقائي لبنت مش اكتر من عشر دقايق بس
وممكن الاقيها في مقال قريته او في كاتب المقال
صدقيني مش محدده
حاجه بحسها حسب الموقف وحالتي النفسيه

[=BASSEM=]

الرياضة

توتي مهاجم ايطاليا

الفن

الباتشينو

الدراسة

مش فاهم هي دي كمان ليها قدوه ؟؟

العلم

العلم نور

العمل

العمل عباده

الحياة الاسريه

قدر و مكتوب

و مع السلامو عليكو

موضوع حلو


نايس ياعتاب

[نورالقمر]

بجد عتوبه حبيبتى دايما مواضيعك جميله

الرياضة
طبعا اكيد عارفه قدوتى هو كل من لايحب الرياضه
الفن
مش هقولك قدوه لكنها كانت بتعجبنى جدا وهى هدى سلطان الله يرحمها وهى بتقوم بدور الام بعد حجابها
الدراسة
رباب اختى هى قدوتى
العلم
عمى لانه ماشاء الله بجد بتعلم منه كتيروبرضه رباب اختى
العمل
رباب لانها بتعامل الطلبه بتوعها وكانهم اخواتها بالظبط والحمد لله بحسها محبوبه اوى فى عملها
الحياة الاسريه
والدتى طبعا
الاجتماعيات
والدتى وعمى برضه
صلة الرحم
عمى لانى بلاقيه ماشاء الله اكتر واحد بيصل رحمه شفته حتى الان ربنا يعطيه الصحه والعافيه يارب
الاخلاقيات كلها

هىوالدتى و صديقتى مروه والبنات اللى اتعرفت عليهم من النت وكانوا ليا صحبه صالحه واللى منهم سيادتك للاسف

العبادات
والدتى وعمى وبرضه الصحبه الصالحه الحمد لله

[بكــار]

قبل ما اقول قدوتى
احب اعلق على حاجه
يعنى ايه قدوه
قدوه يعنى الاقتداء بشخص او بشيء وفعل مثل ما يفعل هذا الشخص او الاقتداء والتعلم من هذا الشيء
هل فعلا لما بق4ول قدوتى الرسول صلى الله عليه وسلم على سبيل المثال فدا معناه انى باقتدى بيه وبافعل مثل م يفعل
الله اعلم
لكن حبيت اركز اننا ممكن نقول قدوتنا الفلان الفلانى وللاسف مش بنعمل زيه فباالتالى يكون كلام وبس


في كل من:
الرياضة
هادى خشبه
الفن
...................
الدراسة
استاذى ومعلمى
العلم
هدايه
العمل
عباده
الحياة الاسريه
نعيم
الاجتماعيات
...............
صلة الرحم
.............
الاخلاقيات كلها
رحمة
العبادات

الرسول صلى الله عليه وسلم

[عتاب]

معاك حق يابكار القدوة مش بس بالكلام بس فيه نقطة
يعني مثلا قدوتى فلان يبقى انا باحاول اعمل زيه مش معنى كده انى بقيت زيه
يعني باحاول علي اد ماقدر لكن ممكن ماوصلش انى اقلده في كل شئ

فيه حاجات انت ماجاوبتش عليها خالص
وفيه حاجات انت رديت زى ماكون بقولك اكمل العبارة التالية ههههههههههه
انا بقولك قدوتك مين في المجالات دى يعني ماينفعش قدوتك في العمل يبقى عبادة هههههههه والا ايه رايك؟

[بكــار]

انا فاهم والله ياعتاب
بس لما اقول العمل عباده احسن لما مش اجاوب خالص عشان انا اساسا عاطل هههههههههههههههههههههههههههههههههههههههه

[عتاب]

هههههههههههههههههههههههههههههه
عارفة انك فاهم وعارفة انك عاطل بس باغلس
ههههههههههههه استحمل بقا حد قالك ادخل الموضوع يعني

[فله]

أهلين عتاب .. موضوعك لذيذ أوي يا عتوبه

الرياضه : هشام الكروج بحس انه عنده طموح كبيرجدا
الفن : كان على بالي واحد بس مش فكراه دلوقتي
الدراسة : كل واحد احس انه بيجتهد
العلم: بابا

العمل : عمل البيت ماما لكن العمل العادي مدرسه الأنجليزي في المدرسه برضو مش فاكره اسمها

الحياة الاسريه ؛ جدو مضحي لأقصى الحدود

الاجتماعيات ماما وبابا وعمتي

صلة الرحم . برضو ماما وبابا بصراحه كل عائلتي علطول ععندنا


لاخلاقيات ايه السؤال الي يودي في داهيه دا
كلهم اخلا قيات طبعا بس بابا أخلاقيات ودبلوماسيه مع بعض

العبادات : عمتي
تحياتي على المواضيع الجميله دي

[عتاب]

اهلا فلة نورتي الموضوع
ها مين كمان عايز يحكى عن قدوته