المرأة أطول عمرا بسبب البكاء‏!‏

[محمدحسين]

المرأة أطول عمرا بسبب البكاء‏!‏

أظهرت دراسة أمريكية أن منع الدموع يؤدي إلي الاحساس بالصداع والتوتر وقرحة المعدة‏..‏ وأن البكاء اسلوب طبيعي لازالة المواد الضارة التي يفرزها الجسم عندما يكون الانسان قلقا أو حزينا‏..‏ فالدموع تساعد علي التخلص منها ويقوم المخ بافراز مواد كيمائية للدموع مسكنة للألم‏..‏ كما أن البكاء يزيد من عدد ضربات القلب ويعتبر تمرينا مفيدا للحجاب الحاجز وعضلات الصدر وبعد الانتهاء من البكاء

تعود ضربات القلب لمعدلها الطبيعي وتسترخي العضلات مرة اخري ويسود الانسان شعور بالراحة والطمأنينة‏..‏ لذلك يري العلماء ان عمر المرأة اطول من عمر الرجل لانها لاتتردد في ترك العنان لدموعها عند حدوث اي موقف يسبب لها ضيقا‏..‏ بينما الرجل يعتبر البكاء نوعا من الضعف خصوصا في المجتمعات الشرقية‏

[حدوتة]

فعلا انا الدموع بتريحنى
والغريبة انى بعد مااعيط انام كويس
بس مش اى عياط لو عياط مثلا استمر نص ساعة (يعنى بعد علقة )
مش دمعتين وخلاص
سبحان الله له خلقه شئون
ماحنا يمكن عمرنا اطول من الرجال علشان نربى العيال

[Half-Magic]

وأن البكاء اسلوب طبيعي لازالة المواد الضارة التي يفرزها الجسم عندما يكون الانسان قلقا أو حزينا‏..‏ فالدموع تساعد علي التخلص منها ويقوم المخ بافراز مواد كيمائية للدموع مسكنة للألم‏

الصراحة أول مره اعرف الموضوع ده ... على كده الواحد بقى لازم يعيط مرتين تلاتة فى الأسبوع .. يعنى علشان يحافظ على صحته هههههههههههههه.....
الف شكر لك يا زعيم على النصايح الجامده دى

فعلا انا الدموع بتريحنى والغريبة انى بعد مااعيط انام كويس

ههههههههههههه.... جديدة دى يا حدوته ... يعنى انت لما تحبى تنامى تروحى معيطة شويه

دايما دموووع ... دموووع .. دموووع

[مستكة]

هههههههههههه
لا بجد جديده حكاية ان الدموع مفيده
بس فعلا يا ماجيك زي ما قالت حدوته الدموع مريحه جدا
فعلا انا لما ابكي شويه بنام كمدا
طبيعي يعني مش بعرف افتح عيني
كمان الواحد بيحس ان فيه حاجه تقيله اتزاحت من علي قلبه
بجد والله
بس ربنا يبعدنا عن دموع القلب الا بتكون افظع من دموع العين

شكرا يا محمد علي المعلومات الجميله دي.

[محمدحسين]

تعرفوا أنا فكرت فى ايه لم الأنسان يكون بين يدى الله ويصلى بخشوع أو يقرأ القران او يطوف بالكعبه والله البكاء بيكون طعمه جميل وانت بتبكى وقلبك يرفرف حبا وذكرا لله

[sendrella]

جديدة حكاية الدموع دي

سبحان الله مافيش حاجه ربنا خلقها الا وبتفيد الانسان ...... حتى الدمووع

سبحان الله

مرسي يامحمد

مش تخافوا بقي تعيطوا ياارجال العياط طلع مفيييييد

[Half-Magic]

بس فعلا يا ماجيك زي ما قالت حدوته الدموع مريحه جدا

بجد أول مره أعرف ان الدموع بتكون مريحة قبل النوم و بتساعد على ان يكون النوم مريح غير من حدوته و منك يا مستكه .. انا افتكر كانوا زمان يقولوا ان العياط قبل النوم مش حلو .. علشان لو الواحد نام و هو معيط ... لما يصحى يلاقى عينه متورمه !! بس بعد اللى سمعته منكم دلوقتى يبقى واضح ان الموضوع ده مش صحيح

تعرفوا أنا فكرت فى ايه لم الأنسان يكون بين يدى الله ويصلى بخشوع أو يقرأ القران او يطوف بالكعبه والله البكاء بيكون طعمه جميل وانت بتبكى وقلبك يرفرف حبا وذكرا لله

دى انا معاك فيها يا محمد لأنى مجربها و بجد البكاء هنا بيكون طعمه جميل جدا جدا و بعد البكاء الواحد بيحس براحة نفسية رائعة

[محمدحسين]

سبحان الله مافيش حاجه ربنا خلقها الا وبتفيد الانسان ...... حتى الدمووع مش تخافوا بقي تعيطوا ياارجال العياط طلع مفيييييد

سندريلا بكاء الرجل حبا فى الله ورسوله حبا فى الناس بكائه أستمتاعا بجمال خلق الله كلها دموع جميله لاتقلل من قدره ولكنها تقربه من الله

[محمدحسين]

دى انا معاك فيها يا محمد لأنى مجربها و بجد البكاء هنا بيكون طعمه جميل جدا جدا و بعد البكاء الواحد بيحس براحة نفسية رائعة

حقيقى يامحمد فعلا دموع جميله تحى القلوب وتقربها من الله وتريح قلب الأنسان وترققه حتى لايتحجر ويقسو