انا من البلدي

[yasovinas]

انا ابن مصر لاء لاء مش ابن مصر اللي هو المنتدى اللي بنكتب فيه دا
انا ؛؛؛؛؛؛؛ايوة انننااااا ابن مصر ايوة يعني انا مصري ومن ارض مصر والهي كلهم مصريين وطبعاً اسكندراني كمان
بحب مصر قوي وبعشق اسكندرية لاقصى درجه بس علشان انا من البلدي وعلشان بحبها شايف فيها عيوب كتير في شوارعها وفي سياستها وفي مجتمعها وفي ثقافتها
انا جاي اقول ايه اللى بشوفه ومش بيعجبني وطبعاً انا وانتم مع بعض هنشوف الوحش ونقول عليه يمكن يكون في امل


أأأأأ بس استنو شوية مش كل حاجه تتقال ومش كل الدنيا وحشة يعني في برضه حاجات حلوة اتفقنا
يلا سوقوا بقى

في مصر فقط ؛؛؛؛تجد شخص اقل منك ذكاء واقل منك في المستوى التعليمي وحاصل على 50% فقط في الثانوية العامة لكنه بيتنطط عليك
{دخل بيهم كلية الشرطه }


في مصر فقط تعبر الكلاب الشارع بالطريقة التي يعبر بها الآدميون

تقف الكلاب على جانب الطريق وتنظر يمينا ويسارا حتى تعبر في امان ،،،،ليت المصريون يعبرون بالطريقه نفسها
لكن المواطن المصري يعشق ان يعبر الشارع كطائر البطريق بروقان وبطء وهدووووووووووؤ


وللحديث بقية ؛؛؛؛ اذا كان في العمر بقية

[=BASSEM=]

اهلا بيك يا yasovinas


منور ابن مصر و اول موضوع ليك بسم الله ماشاء الله يعني هيستمر كتير


عشان هنفضل نعد كتير قوي


الموضوع انا شفته مطروح في منتدي واحد تحت اسم -يازبالتك ياوطن
في قهوة كتكوت و بصراحه هما عدوا لحد ماقالوا يابس

اتمني ان انت متتعبش و نحاول تي لو بمجرد كلمات ان احنا نعمل سبوت علي السلبيات و كمان

نبدي مقترحات لاصلاحها

سعيد بموضوعك مره تانيه يا yasovinas

و اتمني مزيد من التواصل في الموضوع حتي يتم تثبيته و ووضعه بمكانته الصحيحه في القسم

[yasovinas]

الغالي باسم نورت الموضوع وباذن الله سوف نتواصل كثيرا

للاسف لم اقرأ الموضوع في قهوة كتكوت لاني لم اذهب الى هناك من مده كبيرة ولكن الموضوع سبق وطرحته في منتدى محاورات المصريين واهو ادينا بنوسع دائرة النقاش

في مصر فقط تنشب الصداقه سريعا في اقل من دقائق في اشارة المرور او طابور الخبز او في مصلحة حكوميه او حتى في الاسانسير
في مصر فقط يسرطن وزير الشعب كله ثم يرشحه الحزب الحاكم لمجلس الشعب
في مصر فقط ينادي وزراء التعليم بالغاء مجانية التعليم
في مصر فقط ننفق الملايين للحصول على {صفر} امام العالم كله (كانوا خايفين ياخدوا درجه بالسالب )

[cleo]

فى مصر فقط تضرب إشارة يمين، ثم تلزم أقصى اليسار لأن الشارع كله من وراك أول ما يشوف إشارتك منورة يمين، هيحلاله يعدى من على يمينك


فى مصر فقط تعرض الأحذية نظيفة ملمعة فى الفتارين ويعرض الخبز مكشوفا على أسبتة مثقبة على الرصيف

فى مصر فقط نتمسك بتراث الأباء والأجداد فنجد ابن الطبيب طبيبا، وابن الممثل ممثلا، وابن المغنى مغنيا وابن الرئيس رئيسا

[ATHENA]

عندما تجد عربية الكارو و الحمار واقف جنبا إلى جنب مع باقي السيارات في الإشارة و واخد مكان يبقى إنت في مصر..




عندما تجد موظف شركة النظافة المصونة من شباك بيتك بيكنس القاذورات و بخبيها تحت العربيات مع إنه ممكن جدا يحطها في مكانها الي مش بعيد بس مش قادر ميخالفش ..

[cleo]

فى مصر فقط تتمتع كل أسرة بالحرية الكاملة فى أن ترسل أولادها للعب كرة القدم فى الشارع بعد منتصف الليل


فى مصر فقط تتصل وانت فى حالة ذعر تامة بالمطافى لتبلغ عن حريق بالدور الأرضى بالبناية المجاورة، فيرد عليك رجل المطافئ بمنتهى الهدوء والرزانة "أصل معيش قلم دلوقتى أخد العنوان اتصل كمان 5 دقايق"

[ATHENA]

لما تنزل مصر كام شهر و ترجع البلد اللي كنت فيها خاسس عشرة كيلو على الأقل بسبب التمارين الإجبارية في الشارع في تعدية النقر تحاشي حوادث الميكروباص و الوقوف في الطوابير بالسعات.....وقتها تعرف إنك قضيت اجازة في مصر..


لما تكون في منطقة نضيفة و تلاقي كلب شرس ضخم إبن ناس واقف عند عمارة..تقول في عقل بالك محدش هيسيبه مربوط كده أكيد هي سبوبة يعني و لا شارع أبوهم.....و تواصل مشيك مطمن كرير العين و بعد كام خطوة تلاقي الكلب طالع يتسرمح و جاي ناحيتك و مش مربوط و بيزمجر وتعرف في كرارة نفسك عارف إنك هتخرج بعاهه مستديمة أو طرف متاكل اليوم ده و إن الجماعة إستولوا على الشارع ده بكلبهم ...و تعرف إن النهار ده ملوش ملامح و ستر ربنا هو اللي يعدي اليوم تعرف وقتها انك في مصر


لما تكون جاي من بره و تلاقي الكلاب المسعورة و غير المسعورة منطورة في كل حته و الكل مستغرب خوفك و بيديك دروس في التعامل مع كلب الشارع و توصل لدرجة إن البعض يطمنك إن كلاب شوارع مصر طيبة و لا بتهش و لا بتنش

[ATHENA]

المشاركة الأصلية بواسطة cleo

فى مصر فقط تتمتع كل أسرة بالحرية الكاملة فى أن ترسل أولادها للعب كرة القدم فى الشارع بعد منتصف الليل

و في فرقعة البمب في العمارة قدام أبواب الجيران بداية من بعد نهائية الفطار في رمضان و لحد منتصف الليل

[مستكة]

انتو كده سودتو الدنيا في وشي
كل حاجه ليها سلبيات وايجابيات
ارجوكم حطو الايجابيات في الموضوع
لان بالشكل ده ممكن تقرو خبر :
انتحار جماعي
بلاش كده مش ناقصين احباط
كل الكلام ده عارفينه
اضحكو علينا باي حاجه
عايزين مسكنات تسكن الالم مش تنشطه

[ATHENA]

المشاركة الأصلية بواسطة مستكة

انتو كده سودتو الدنيا في وشي
كل حاجه ليها سلبيات وايجابيات
ارجوكم حطو الايجابيات في الموضوع
لان بالشكل ده ممكن تقرو خبر :
انتحار جماعي
بلاش كده مش ناقصين احباط
كل الكلام ده عارفينه
اضحكو علينا باي حاجه
عايزين مسكنات تسكن الالم مش تنشطه

طول عمرنا عايشين على المسكنات يا مستكة


هنفشل كده عايشين عليه طول عمرنا؟ ما لو الألم منشطش مش هيبقى في أي تغيير الا لو كنا اتحولنا لكائنات مش بتحس و لا عايزة تتغير.. و الأنكى إن كل ايجابية بتتغير مع مرور الزمن عشان تاخد مكانها في صف السلبيات...


انا معاكي إن الكلام يوجع القلب بس اللي يوجعه اكتر اننا نستسلم و نعمل مش واخديين بالنا

[=BASSEM=]

عايزه ايجابيات يامستكه من عيوني حاضر




اولا :


حسن المعامله و التعاون المشترك لتطبيق شعار الشرطه و الشعب في خدمة الوطن

[زينه]

بصراحه ياجماعه العيوب كتير
المهم الحلول ومش بس اقتراحها المهم تنفيزها

[مستكة]

يااه شكرا يا باسم
كفايه ايجابيات كده لا نتغر




انا عايزه اعيط ....

[=BASSEM=]

المواطن اهم من اي شيء

[sendrella]

لما تلاقي دكاترة الجامعة المحترمين "يعني الطبقه المثقفه النضيفه في البد دي" وللأسف بيتجرواا من (قفاهم) واسفه علي التعبير بس ده اللي بيحصل ويتجروا ويتعملهم ملف في امن الدولة ويتم اعتقالهم ويترموا في السجن زيهم زي بتوع المخدرات وغيره ولما تيجي تدور هم عملوا ايه تلاقيهم مش اكتر من انهم عبروا عن رأيهم لانهم واقفين مع الطلبه بيبدوا رأيهم كأي شخص في اي بلد عنده جزء من الحرية ......... يبقي انت اكيد في مصر

وتقولوا عايزين نغير السلبيات

في حاجات كتير خلاص بقيت واقع علي بلدنا ومحدش هيتحرك

واللي يفكر يتحرك.........


ابتسم ......... أنت في مصر