أن فاتك الفول أنا مش مسئول

[محمدحسين]

كل ما يحتاجه الجسم متوفر في طبق واحد


فول
يسود الاعتقاد الخاطئ لدى الكثير من الناس بأن طبق الفول يؤثر سلباً على الحالة العقلية للإنسان؛ كما تم ربط حالة الخمول وبلادة التفكير بطبق الفول أيضاً منذ مطلع الثمانينات.
إلا أن علماء التغذية يؤكدون بأن الفول المدمس ليس وجبة متكاملة فحسب, بل هو أيضاً طبق السعادة الحق؛ ويعود ذلك لاحتوائه على مكونات تساعد على تحفيز مشاعر البهجة وتحسين مزاج كل من يتناوله.
وتأتي أهمية طبق الفول المدمس الذي تتوافر فيه العناصر الثلاثة لضمان مساعدة الجسم على تكوين موصلات السعادة, وتحقيق قوة الأداء, والتقليل من سرعة الشعور بالإجهاد والتوتر.
فلقد أثبتت الدراسات الحديثة أن المخ يقوم بإرسال عدد كبير من المواد الكيميائية الحيوية للجسم بعد تناوله, وهذا ما يسمى بالموصلات العصبية التي تساعد على ظهور مشاعر السعادة والنشاط, فالجسم يحصل على تغذية متكاملة تضمن له كل ما يحتاجه, الأمر الذي ينعكس أيضاً على مزاجه الذي يتحسن.
وأكثر هذه الموصلات العصبية فائدة هي مادة السيروتونين التي تنظم فترات النوم وتقلل من حالات القلق, إلى جانب مادة استييل كولين التي تساعد على تكوين الذاكرة والمحافظة على قوتها, ومادة دوبامين وادرينالين التي تعمل على التحكم بحالات التوتر والقلق.
وتجدر الإشارة إلى أن تناول كوب من العصير بعد وجبة الفول يؤدي إلى ارتفاع معدلات السعادة التي يشعر بها الإنسان مع هذه الوجبة, ففي هذه الحالة يتم الحصول على وجبة غذائية متكاملة تولد كمية عالية من الطاقة وتزيد من الإحساس بالانتعاش.

[Half-Magic]

يعنى ظلمنا الفول معانا .... طب الناس بتكون متنحة ليه بقى على الصبح .. و احنا نقعد تضرب كلاكسات من العربيه و تزعق و لا الهوا ... يبقى الرجل و لا الست بيعدى الشارع و لا فى دماغة حاجة و مبيتسم و فرحان !!

هههههههههه... الفول ده طلع حكايته حكايه ...
انا بحب اكل فووول طبعا بس مش على الصبح كده يعنى ممكن وقت الغدا او ساعات باليل مع صحابى ... لكن الصراحة الصبح الواحد بيخاف تجيله حالة اللامبالاه دى ... و على العموم نجرب بكره قبل الشغل و نشوف ايه النظام

الف شكر لك يا محمد باشا على المعلومات الجامدة دى

[maysam]

بل هو أيضاً طبق السعادة الحق؛ ويعود ذلك لاحتوائه على مكونات تساعد على تحفيز مشاعر البهجة وتحسين مزاج كل من يتناوله.

يمكن هو دا السبب اللي بيخلي المصريين مشهورين بروح النكتة وبيحبوا الهزار جدا

ويمكن يا محمد ان مسألة التناحة دي مجرد اشاعة ولا حالة نفسية

عموما الخبر حلو وحبيته ، انا بحب الفول جدا ولسا من دقايق افطرت فول جابوا على المكتب وعملوا سفرة وندهوني هههههههههه انا مش باكله كتير يعني ، انما الخبر مشجع

[محمدحسين]

انا بحب اكل فووول طبعا بس مش على الصبح كده

عموما الخبر حلو وحبيته ، انا بحب الفول جدا

أذا فى أتفاق بين الجميع على حب الفول ههههههههه

على العموم نجرب بكره قبل الشغل و نشوف ايه النظام

ا مش باكله كتير يعني ، انما الخبر مشجع

طيب يبقى أنا فاتك الفول انا غير مسئول هههههههههههه

[مستكة]

صحيح يا ولاد صدق اللي قال :
ظلموك يا فول
ساعات بتخيل الشعب المصري بلا فول ..
بالظبط كده زي مصر بلا اهرام ...

اصلا مينفعش ميكونش فيه فول

وحتي لو مالوش فوايد لا غني عنه برضه ..

كفايه كلام عن الفول باه لا يغلي هو كمان ما اي حاجه نقول فوايدها بتزيد الضعف ..

ويجعله عامر ...

[ATHENA]

المشاركة الأصلية بواسطة محمدحسين

كل ما يحتاجه الجسم متوفر في طبق واحد


فول
يسود الاعتقاد الخاطئ لدى الكثير من الناس بأن طبق الفول يؤثر سلباً على الحالة العقلية للإنسان؛ كما تم ربط حالة الخمول وبلادة التفكير بطبق الفول أيضاً منذ مطلع الثمانينات.
إلا أن علماء التغذية يؤكدون بأن الفول المدمس ليس وجبة متكاملة فحسب, بل هو أيضاً طبق السعادة الحق؛ ويعود ذلك لاحتوائه على مكونات تساعد على تحفيز مشاعر البهجة وتحسين مزاج كل من يتناوله.
وتأتي أهمية طبق الفول المدمس الذي تتوافر فيه العناصر الثلاثة لضمان مساعدة الجسم على تكوين موصلات السعادة, وتحقيق قوة الأداء, والتقليل من سرعة الشعور بالإجهاد والتوتر.
فلقد أثبتت الدراسات الحديثة أن المخ يقوم بإرسال عدد كبير من المواد الكيميائية الحيوية للجسم بعد تناوله, وهذا ما يسمى بالموصلات العصبية التي تساعد على ظهور مشاعر السعادة والنشاط, فالجسم يحصل على تغذية متكاملة تضمن له كل ما يحتاجه, الأمر الذي ينعكس أيضاً على مزاجه الذي يتحسن.
وأكثر هذه الموصلات العصبية فائدة هي مادة السيروتونين التي تنظم فترات النوم وتقلل من حالات القلق, إلى جانب مادة استييل كولين التي تساعد على تكوين الذاكرة والمحافظة على قوتها, ومادة دوبامين وادرينالين التي تعمل على التحكم بحالات التوتر والقلق.
وتجدر الإشارة إلى أن تناول كوب من العصير بعد وجبة الفول يؤدي إلى ارتفاع معدلات السعادة التي يشعر بها الإنسان مع هذه الوجبة, ففي هذه الحالة يتم الحصول على وجبة غذائية متكاملة تولد كمية عالية من الطاقة وتزيد من الإحساس بالانتعاش.

موضوع مهم يا محمد


فعلا الفول مصدر ممتاز للحديد و عناصر غذائية كتير غير إنه متوفر للجميع بمختلف مستوياتهم المادية فبيكون بدليل ممتاز لبعض انواع الطعام اللي صعب على البعض يشتريها


و عن موضوع البلادة أعتقد و الله اعلم ده بيكون بسبب الإضافات اللي بتنضاف لطبق الفول و ممكن تعمل خمول و بلادة لبلد كامل..زييييت قد كده و شطة و املاح و الله اعلم ايه تاني

عن تجربة ممكن الفول يكون وجبة صحية و مصدر ممتاز للطاقة من غير بلادة لو تم تحضيره بطريقه مختلفة و تقليل بعض المكونات غير يعني انه مش لازم يكون طبق كبير عشان يحقق الفائدة الغذائية...ممكن جدا كمية بسيطة جدا مع معلقة زيت واحدة و مكونات خضار طازجة زي البصل و قطع الطماطم و البقدونس التي توضع بعد التحضير مع كمية ملح بسيطة تحقق فايدة أكبر اوي من طبق كبير معمول بزيوت بكميات كبيرة ...

[cleo]

أعتقد إن مسألة التناحة دى صحيحة إلى حد ما ولكنها حالة وقتية يعنى الفول مش بيغير من تركيبة مخ الإنسان مثلا ويخليه مصاب بغباء مزمن... التفسير على ما أظن إن الفول فعلا عسر الهضم بسبب القشور بتاعته وبالتالى فإن عند أكل كمية كبيرة منه مرة واحدة الدم أو الطاقة بتتسحب معظمها للمعدة عشان تساعدها على هضم الوجبة دى، وده بيأثر على الحالة الذهنية للإنسان وقدرته على الاستيعاب و التفكير... صح؟؟

[محمدحسين]

فعلا الفول مصدر ممتاز للحديد و عناصر غذائية كتير غير إنه متوفر للجميع بمختلف مستوياتهم المادية فبيكون بدليل ممتاز لبعض انواع الطعام اللي صعب على البعض يشتريها

طبعا ياأثينا ,اعتقد ان صعوبه هضمه تجعل الشخص ليشعر بالجوع سريعا وده يعد فى راى ميزه للفقراء

كمية بسيطة جدا مع معلقة زيت واحدة و مكونات خضار طازجة زي البصل و قطع الطماطم و البقدونس التي توضع بعد التحضير مع كمية ملح بسيطة تحقق فايدة أكبر اوي من طبق كبير معمول بزيوت بكميات كبيرة

ياسيدى على التفنن فى اعداد طبق الفول
يظهر هنعمل جمعيه لمحبى الفول

[محمدحسين]

أعتقد إن مسألة التناحة دى صحيحة إلى حد ما ولكنها حالة وقتية يعنى الفول مش بيغير من تركيبة مخ الإنسان مثلا ويخليه مصاب بغباء مزمن...

أنا أعتقد ان موضوع التناحه ده ياسيلو هو من وحى الضح فى المسرحيات ولكنه لايستند الى حقيقه علميه